#Davlat_royxatidan_otkazish
#Statistika

🏢 Davlat kadastrlari palatasi hududlar bo‘yicha 2023-yil 5–12-aprel kunlari davomida ko'chmas mulkka bo'lgan huquqlarni davlat ro'yxatidan o'tkazish yuzasidan jami ma’lumotlarni taqdim etadi.

📊 Yuqorida ro‘yxatdan o'tkazish uchun kelib tushgan arizalar soni va ularning qanchasi ro‘yxatdan o‘tkazilganligi bo‘yicha statistik ma’lumotlarga ega bo‘lishingiz mumkin.

📈 O'tgan vaqt oralig'ida davlat ro'yxatidan o'tkazilgan obyektlar soni umumiy 7 952 tani tashkil etdi. Shundan Buxoro viloyatida 335 ta ko‘chmas mulk obyekti davlat ro‘yxatidan o‘tkazilgan. Jami kelib tushgan arizalar soni esa, 1 259 tani tashkil etgan.

Telegram | Facebook | Instagram

#DKP_statistika
#Kadastr_pasporti

Hafta davomida Buxoroda qancha kadastr pasporti shakllantirilgan?

🏢 Davlat kadastrlari palatasi axborot xizmatining ma’lumotlariga ko‘ra, joriy yilning 12–19-aprel kunlari davomida respublika bo‘yicha 8 272 ta kadastr pasporti tayyorlangan. Fuqarolardan kelib tushgan jami arizalar esa, 21 759 tani tashkil qilgan.

✅ Shundan Buxoro viloyati bo‘yicha fuqarolarning murojaatlariga asosan 401 ta kadastr pasporti tayyorlab berilgan.

🔹 Batafsil ma’lumotlarni mazkur infografika orqali ko‘rishingiz mumkin.

Telegram | Facebook | Instagram

#Rasman

📌 Ramazon hayiti munosabati bilan 4 kun ketma-ket dam olish kuni bo‘ladi

Prezident farmoniga ko‘ra, Ramazon Hayiti munosabati bilan quyidagi kunlar dam olish kuni bo‘ladi:

▪️ 21-aprel, juma — Hayit bayrami;

▪️ 22-aprel, shanba — 6 kunlik ish haftasidagi xodimlar uchun qo‘shimcha dam olish kuni;

▪️ 23-aprel, yakshanba — odatdagi dam olish kuni;

▪️ 24-aprel, dushanba — 6 kunlik ish haftasidagi xodimlar uchun qo‘shimcha dam olish kuni, 5 kunlik ish haftasidagilar uchun ko‘chirilgan (29 aprel shanbadan) dam olish kuni bo‘ladi.

Telegram | Facebook | Instagram

#Tabrik

Ramazon Hayiti muborak bo‘lsin !

Qadrli vatandoshlar !

Sizlarni Kadastr agentligi hamda Davlat kadastrlari palatasi Buxoro viloyati boshqarmalari nomidan, go‘zal diyorimiz uzra kezayotgan muqaddas ayyom, Ramazon Hayiti bilan samimiy muborakbod etamiz.

Ushbu ulug‘ kunlarda sizlarga sihat-salomatlik, xonadoningizga fayz-baraka, oilangizga baxt-saodat va yaxshi niyatlar ila qilayotgan ibodatlaringizning ezgu amalini tilab qolamiz.

Muqaddas ayyom – Ramazon hayiti barchamizga muborak bo‘lsin!

Telegram | Facebook | Instagram

#Tabrik

Muhtaram yurtdoshlar!

Sizlarni, yurtimizdagi barcha mo‘min-musulmonlarni, butun xalqimizni muborak Ramazon hayiti – Iyd al-Fitr bilan chin qalbimdan samimiy tabriklab, barchangizga o‘zimning chuqur hurmatim va ezgu tilaklarimni izhor etaman.

Qalblarimiz quvonchga va ezgu niyatlarga to‘lgan ushbu saodatli va munavvar damlarda avvalo shunday tabarruk kunlarga yetkazgani, bayramni tinch va osuda muhitda, oilamiz, el-yurtimiz bilan hamjihatlikda kutib olayotganimiz uchun Yaratganga cheksiz shukronalar aytamiz.

Barchangizga sihat-salomatlik, baxtu saodat, oilalaringizga xotirjamlik, fayzu baraka tilayman. Bayram shukuhidan qalblarimiz yanada nurafshon bo‘lsin!

Yashin Habibov — Kadastr agentligi Buxoro viloyati boshqarmasi boshligʻi

Telegram | Facebook | Instagram

#Tabrik

Aziz yurtdoshlar!

Barchangizni, mehr-oqibat, ezgulik va saxovat ayyomi – muborak Ramazon Hayiti bilan chin dildan muborakbod etaman.

Olloh bu oyda qilgan ibodatlarimizni, jumladan tutgan ro’zalarimizni, qilgan sadaqayu-ehsonlarimizni, bajargan amallarimizni dargohida qabul qilsin.

Ushbu ulug‘ ayyom kunlarida, yurtimizdagi barcha mo‘min-musulmonlarni samimiy qutlab, ularga tinchlik, taraqqiyot va farovonlik tilab qolamаn.

Amriddin Toyirov - Davlat kadastrlari palatasi Buxoro viloyati boshqarmasi boshlig‘i

Telegram | Facebook | Instagram

22-aprel — Xalqaro Yer kuni

❇️ Bayram 2009-yilda BMT Bosh Assambleyasining 63-sessiyasida 50 dan ortiq davlat vakillari tomonidan ma'qullangan.

📋 Ma'lumki, Yer sayyorasi vujudga kelganiga qariyb to'rt yarim milliard yil bo'lgan. Uning 29 foizdan ortiqrog'i quruqlikka, qolgan qismi esa dengiz va okeanlarga to'g'ri keladi. Ishlov beriladigan maydonlar esa bor-yo'g'i 11 foizni tashkil qilishiga qaramasdan, insonlar uchun zarur bo'lgan oziq-ovqat mahsulotlarining 88 foizini yetishtirib beradi.

➡️ 22-aprel sanasida ana shu jihatlarga e'tibor qaratilib, bu kun turli mamlakatlarda insonlarni sayyoramiz yagonaligini his etish, barcha kuchlarni dunyoda xavfsizlikni ta'minlash, xalqaro tinchlikni saqlash va barcha insonlarning yagona uyi hisoblangan Yerni himoya qilishga chorlaydi.

Telegram | Facebook | Instagram

#Qonunchilikdagi_yangiliklar

❗️1-maydan davlat ko‘chmas mulklari va aksiya paketlari Davlat aktivlarini boshqarish agentligiga o‘tkaziladi

✅ "Davlat aktivlarini boshqarish agentligi faoliyatini samarali tashkil etish chora-tadbirlari to‘g‘risida”gi Prezident qaroriga ko‘ra:

🔹respublika mulki boʻlgan davlat koʻchmas mulklari va davlat aksiya paketlari (ulushlari) Davlat aktivlarini boshqarish agentligiga oʻtkaziladi, bundan Strategik islohotlar agentligi, Tiklanish va taraqqiyot jamgʻarmasiga tegishli ulushlar hamda Prezident qarorlarida nazarda tutilgan hollar mustasno;

🔹davlat muassasalari va davlat ishtirokidagi korxonalarni tashkil etish bilan bogʻliq taʼsis hujjatlariga kiritiladigan oʻzgartirishlar Davlat aktivlari agentligining tegishli buyrugʻi mavjud boʻlganda davlat roʻyxatidan oʻtkaziladi;

🔹davlat koʻchmas mulk obyekti va boʻsh yer uchastkalari negizida amalga oshiriladigan davlat-xususiy sheriklik loyihalari toʻgʻrisidagi maʼlumotlar bitim tuzilgach 10 kun muddatda “Davlat mulki” axborot tizimiga kiritiladi;

🔹vazirlik va idoralar, mahalliy davlat hokimiyati organlarining davlat koʻchmas mulki negizida investitsiya loyihalarini amalga oshirish va ularni begonalashtirish hamda davlat ishtirokidagi korxonalar va ular tizimidagi korxonalarga uchinchi shaxslar tomonidan investitsiya kiritishga oid kelishuvlari (bitim, shartnoma, memorandumlar) boʻyicha majburiy tartibda Agentlik xulosasi olinadi.

Telegram | Facebook | Instagram

#Kadastr #referendum #befarqemasman

📑 Endi sud qarorisiz uy-joyni buzish mumkin emas

✅ “Endi sud qarori bo‘lmasa, bunga yo‘l qo‘yilmaydi. Uyni mulk egasining roziligi bilan va to‘liq kompensatsiya bergandan so‘ng buzish mumkin” — yangilanayotgan Konstitutsiyaning 47-moddasi.

Telegram | Facebook | Instagram

#Auksion
#Statistika_DKP

🏢 Davlat kadastrlari palatasi respublikamizning barcha hududlari bo‘yicha 2023-yil 18—24-aprel kunlarida auksion savdolariga taqdim etilgan yer uchastkalarining statistik ma’lumotlarini taqdim qildi.

📃Unga ko‘ra, respublika bo‘yicha mazkur muddatda tadbirkorlik va shaharsozlik faoliyatini amalga oshirish uchun 200 ta yer uchastkasi e-auksion.uz platformasi orqali savdoga chiqarilgan. Shundan 1,91 gektar maydondagi 4 ta yer uchastkasi Buxoro viloyatidan savdoga chiqarilgan.

❗️ Davlat kadastrlari palatasi taqdim etgan ma'lumotlar asosida e-auksion.uz platformasidagi savdolarda qatnashing va shaffof, ochiq yo'l bilan yer uchastkalarini sotib oling!

Telegram | Facebook | Instagram

#Davlat_royxatidan_otkazish
#Statistika

🏢 Davlat kadastrlari palatasi hududlar bo‘yicha 2023-yil 19–25-aprel kunlari davomida ko'chmas mulkka bo'lgan huquqlarni davlat ro'yxatidan o'tkazish yuzasidan jami ma’lumotlarni taqdim etadi.

📊 Yuqorida ro‘yxatdan o'tkazish uchun kelib tushgan arizalar soni va ularning qanchasi ro‘yxatdan o‘tkazilganligi bo‘yicha statistik ma’lumotlarga ega bo‘lishingiz mumkin.

📈 O'tgan vaqt oralig'ida davlat ro'yxatidan o'tkazilgan obyektlar soni umumiy 3 187 tani tashkil etdi. Shundan Buxoro viloyatida 131 ta ko‘chmas mulk obyekti davlat ro‘yxatidan o‘tkazilgan. Jami kelib tushgan arizalar soni esa, 775 tani tashkil etgan.

Telegram | Facebook | Instagram