#BuxDU_yangiliklari
#Xalqaro_forum

⚡️Bugun Buxoro davlat universitetida davom etayotgan STEM xalqaro konferensiyasi doirasida xorijlik OTMlar ishtirokida muzokaralar olib borildi. Xususan, Ozarbayjonning Baku davlat universiteti rektori Elchin Babayev boshchiligida delegatsiya a’zolari ushbu universitetda 18 mingdan ortiq talabalar tahsil olishi, bugungi kunda universitetda Mexanika va matematika, Fizika, Jurnalistika, Huquq, Xalqaro munosabatlar va iqtisodiyot, Tabiiy fanlardan iborat fakultetlar mavjudligi haqida ma'lumot berdi hamda ushbu yo’nalishlarda ikki tomonlama hamkorlikni rivojlantirish maqsadida amalga oshirilishi mumkin bo’lgan vazifalar va rejalar haqida kelishib olindi. Uchrashuv davomida BuxDU va Baku davlat universiteti o’rtasida o’zaro almashinuv memorandumlari imzolandi.

@buxdu_uz

#BuxDU_yangiliklari
#Xalqaro_forum

⚡️BuxDU va Isroilning Holon texnologiyalar instituti bir necha yillar davomida hamkorlik olib bormoqda. “STEM – Birinchi Isroil – O’zbekiston akademik forumi”ning ikkinchi kunida Turizm sohasida bugungi kunda olib borilayotgan raqamlashtirish jarayonlari, mazkur sohada amalga oshirilayotgan yangiliklar, turizmning hozirgi zamonda katta roli va kelajak avlod uchun qanchalik foydali ekanligi haqida Holon texnologiyalar universiteti professorlari Rawet David, Cramsky Ehud, Schler Jonathan, Levy Tony Iqtisodiyot va turizm fakulteti professor-o’qituvchilari va talabalari ishtirokida seminar-trening olib bordi.

📌Batafsil: https://telegra.ph/Batafsil-09-07-4

@buxdu_uz

#BuxDU_yangiliklari
#Xalqaro_forum

⚡️Isroildan tashrif buyurgan hamkor OTMlar qatorida Ariel universiteti vakillari, jumladan rektor Albert Pinhasov, Ariel universiteti prezidenti Yehuda Shoenfeld, Tabiiy fanlar fakulteti dekani Gary Gellerman, Strategik loyihalarni ishlab chiqish loyihasi direktori Dr. Nadia Iermakova boshchiligidagi delegatsiya BuxDU bilan hamkorlikni yo’lga qo’yish, muhandislik, tabiiy fanlar, tibbiyot va arxitektura yo’nalishlarida olib borilayotgan yangiliklar va ushbu sohalarda kelajakda hamkorlikni rivojlantirish bo’yicha hamkorlik shartnomasi imzolandi. Forum doirasida Ariel universiteti vakillari va Filologiya va Tarix fakulteti professor-o’qituvchilari va talabalari ishtirokida “21-asr Madaniy merosi” mavzusida uchrashuv tashkil qilindi. Davra suhbati professor Golda Akhiezer tomonidan ochib berildi va uchrashuv davomida madaniy merosning hozirgi yoshlar uchun ta’siri haqida muhokamalar bo’lib o’tdi.

@buxdu_uz

#BuxDU_yangililklari
#Xalqaro_forum

⚡️ BuxDUda davom etayotgan forumning uchinchi kunida Ariel universiteti vakillari tomonidan O‘zbekistonda akademik yetakchilarning xalqaro sammiti “21-asrdagi ta’lim: Oldingi safda turib” mavzusida taqdimot olib borildi. Ariel universiteti rektori Albert Pinhasov Izroil ta’lim tizimi strukturasi, strategiyalari, gender tenglik va turli xildagi millatlar hamdo’stligini ta’minlashda ta’limning roli haqida nutq so’zladi.

@buxdu_uz

#BuxDU_yangililklari
#Xalqaro_forum

⚡️Kunning ikkinchi qismida, BuxDU Axborot texnologiyalari fakulteti talabalari ishtirokida “Raqamli ta’lim” mavzusida Ariel universiteti professori Keren Barak tomonidan davra suhbati o’tkazildi. Jarayonda Buxoro viloyati OTM rektorlari ham bevosita ishtirok etib, mehmonlar bilan mavzuga oid fikrlar almashildi.

@buxdu_uz

#Xalqaro_forum

Fransiya-Oʻzbekiston forumi: oliy taʼlimdagi samarali hamkorlikning muhim omili

Fransiya poytaxtida 500 ga yaqin rektorlar, ilmiy doira vakillari va professorlarni jamlagan “Campus France–2022” hamda Fransiya-Oʻzbekiston univesitetlari II forumining ochilish marosimi boʻlib oʻtmoqda.

Forumni “Campus France” tashkiloti rahbari Donatyen Issard xonim kirish soʻzi bilan ochib, taʼlim sohasida yaqindan hamkorlik oʻrnatish maqsadida tashrif buyurgan Oʻzbekiston delegatsiyasiga alohida minnatdorlik bildirdi. Soʻzga chiqqanlar ikki davlat hamkorligi, jumladan oliy taʼlim sohasidagi aloqalar haqida toʻxtalib oʻtdi.

Tadbirda soʻz olgan Oʻzbekiston Respublikasi Oliy va oʻrta maxsus taʼlim vaziri Abduqodir Toshqulov uchrashuv har ikkala tomon uchun ham gʻoyat muhim va ahamiyatli ekani, oʻz navbatida, ikki davlat oʻrtasida oliy taʼlim sohasidagi hamkorlik yildan yilga kengayib, mustahkamlanib borayotganini alohida taʼkidladi.

"Ushbu forum universitetlararo yangi toʻgʻridan toʻgʻri aloqalar bogʻlash, kadrlar tayyorlash, taʼlim va ilm-fan sohalarida olib borilayotgan jarayonlar borasida fikr-mulohaza va tajriba almashishga xizmat qiladi, – dedi A.Toshqulov.

Qayd etilganidek, soʻnggi yillarda Oʻzbekiston xalqaro hamkorlikda 100 dan ortiq xorijiy, jumladan AQSH, Germaniya, Rossiya, Belorus, Gollandiya, Isroil, Italiya, Finlyandiya, Chexiya, Xitoy, Hindiston, Koreya Respublikasi davlatlarining nufuzli universitetlari bilan hamkorlik oʻrnatib, qoʻshma taʼlim dasturlari asosida kadrlar tayyorlab kelmoqda.

Hozirgi kunda Oʻzbekiston oliy taʼlim muassasalari Fransiyaning Parij xalqaro moda akademiyasi, “Vatel” mehmonxona va turizm biznes maktabi, ENAC (ENAK) Milliy aviatsiya maktabi, Panteon-Sarbonna, Strasburg, Serji Pontuaz, Bordo, Puatye, Lotaringiya universitetlari bilan samarali hamkorlik qilmoqda.

Forum ishida universitetlararo ikki tomonlama hamkorlikni davom ettirish boʻyicha samarali munozara, tajriba almashish va istiqbolli rejalar muhokama qilinmoqda.

Telegram |Instagram |Facebook |YouTube

#Xalqaro_forum

Forumning ilk kunida 10 ga yaqin hamkorlik hujjati imzolandi

“Campus France–2022” hamda Fransiya-Oʻzbekiston univesitetlari II forumi tadbirlari doirasida “Barqaror rivojlanish jozibadorlik vektori sifatida” nomli konferensiya oʻtkazildi. Unda Fransiyaning nufuzli oliy taʼlim muassasalari professor-oʻqituvchilari hamda bir qator soha mutaxassislari maʼruzalari tinglandi.

Shundan soʻng, “Markaziy Osiyoda yangi mintaqaviy mobillik markazi sari: Oʻzbekistonning xalqaro ochiqlik siyosati va uning Fransiya bilan hamkorlik imkoniyatlari” nomli seminar boʻlib oʻtdi.

Oliy oʻquv yurtlari rahbarlarining Oʻzbekiston oliy taʼlim tizimining jahon taʼlim makoniga integratsiyalashuvi, Fransiya universitetlari bilan hamkorlik strategiyasi, ikki mamlakat loyihalarining yaratilishi va ularning muvaffaqiyatlari mavzularidagi maʼruzalarida aloqalarning muhim jihatlari haqida soʻz bordi.

Shuningdek, ikki tomon taʼlim maskanlari rahbarlari oʻrtasida hamkorlik aloqalarini yanada kengaytirish va uni yangi bosqichga olib chiqish boʻyicha samarali munozara olib borilib, tajriba almashildi va istiqbolli rejalar muhokama qilindi.

Muzokaralar natijasi oʻlaroq 10 ga yaqin anglashuv memorandumi, bitim hamda yoʻl xaritalari imzolandi.

Telegram |Instagram |Facebook |YouTube

#Xalqaro_forum

“Barqaror universitetlar innovatsiyasi, ta’siri va kelajak yo‘nalishlari“ mavzusida nufuzli ikkinchi xalqaro lider talabalar uchrashuvi o‘tkazildi

Buxoro davlat universitetida o‘tgan tadbirda Indoneziya, Ekvador, Saudiya Arabistoni, Pokiston hamda respublikamizning nufuzli universitetlardan tashrif buyurgan talabalar bir nuqtada jamlanishdi. Forum davomida o‘z sohasining mutaxassislari bilim va tajribalarini talabalar bilan oʻrtoqlashishdi.

Turli mamlakatlardan kelgan talabalar kichik guruhlarga birikib, strukturalash va infratuzilma, energiya va iqlim o‘zgarishi, suv xo‘jaligi, chiqindilarni boshqarish, transport, ta’lim va tadqiqot kabi mavzularda o‘z g‘oyalari va tajribalarini bildirib, guruh muhokamalari uyushtirishdi.
___

Бухарский государственный университет провел вторую международную студенческую встречу лидеров на тему «Инновации, влияние и будущие направления устойчивых университетов».

На мероприятии, проходившем в Бухарском государственном университете, собрались студенты из Индонезии, Эквадора, Саудовской Аравии, Пакистана и престижных вузов нашей республики.

Специалисты в рамках форума поделились своими знаниями и опытом со студентами. Студенты из разных стран собрались в небольшие группы и организовали групповые дискуссии, чтобы выразить свои идеи и опыт по таким темам, как структурирование и инфраструктура, энергетика и изменение климата, управление водными ресурсами, управление отходами, транспорт, образование и исследования.

Bizni kuzating👇🏻
Facebook | Instagram | Twitter | YouTube