#Rektor_tabrigi

Yangi o’quv yilida g`ayrat, shijoat va muvaffaqiyat hamrohingiz bo’lsin!

Bugun yangi o`quv yilining ilk kuni. Oldingizda turgan har bir kun yangi imkoniyatdir. Muvaffaqiyat esa rohatidan voz kechib, harakat va shiddat ko`rsatganlarniki bo'ladi. Yangi O`zbekistonning g`ayratli yoshlari, yorug` kelajak uchun qo`yilgan ilk qadam — o`quv yilining ilk kuni qutlug` bo`lsin.

Joriy o`quv yilida ham Buxoro davlat universitetining bag`ri ertaning bunyodkorlari bilan yana boyidi. Bu esa yana bir pag`onaga yuksalishimiz, yangidan yangi marralarni zabt etishimizdan dalolat.

Aziz yigit-qizlarim! Sizlar bilan 2023/2024 oʻquv yilida ham ulkan yutuqlarga erishib, go`zal natijalar ko`rsatishdan umidvorman. Zotan, betakror Buxoroyi sharif yoshlariga faqat shu yarashadi. Ilm yo`lida maqsadingiz, shahdingizga baraka tilayman. Yangi o`quv yili qutlug` bo`lsin!

Xamidov Obidjon Xafizovich,
BuxDU rektori, iqtisodiyot fanlari doktori, professor

💬💬💬💬💬
📱 BuxDU rasmiy sahifalariga obuna bo`ling va do`stlarga ham ulashing:

✅Telegram | 💻Instagram |📝 Facebook | 🌍Web-sayt|🎞Youtube