🇺🇸🇮🇱🇮🇷 CNN: АҚШ Исроил-Эрон урушида ТHAAD ракеталарининг чорак қисмини йўқотди

Телеканалнинг хабар беришича, АҚШ жорий йилнинг июн ойида Исроил ва Эрон ўртасидаги 12 кунлик ҳарбий тўқнашув давомида замонавий ТHAAD ҳаво ҳужумидан мудофаа ракеталарининг тахминан 25 фоизини сарфлаб бўлди.

Маълумотларга кўра, Қўшма Штатлар 100 дан 150 тагача ракетани ишлатган. Бу эса ишлаб чиқариш тезлигидан анча юқори. Ўтган йили АҚШ атиги 11 та ракета харид қилган, жорий йилда яна 12 таси олинади. 2026 йилда эса 37 та ракета сотиб олиш режалаштирилган. Ҳар бир ТHAAD ракетаси тахминан 12,7 миллион доллар туради.

🔥 @burchakostida

🇰🇬 Қирғизистонда судланган шахслар учун давлатнинг юқори лавозимларида ишлаш тақиқланди

Бу ҳақда бугун Қирғизистон президенти Садир Жапаров томонидан имзолаган “Қирғизистон Республикасининг айрим қонун ҳужжатларига ўзгартишлар киритиш тўғрисида”ги қонунда қайд этилган.

Мазкур қонунга кўра, эндиликда судланган шахслар Қирғизистон Республикаси президент, Жогорку Кенеш депутати, ҳукумат раиси ва бошқа юқори лавозимларни эгаллай олмайди.

Шунингдек, диний арбоблар ўз фаолиятини тўхтатган кундан бошлаб 5 йил давомида президент ва Жогорку Кенеш депутати бўла олмайди.

🔥 @burchakostida

🇮🇱 Халқаро босим Исроил сиёсатини ўзгартирмайди, бироқ Ғазода ўт очишни тўхтатиш ва гаровдагиларни озод қилиш имкониятларини заифлаштиради — Исроил ташқи ишлар вазири Гидеон Саар.

🔥 @burchakostida

🇫🇷 Франция яқин кунларда Ғазо секторига ҳаво орқали гуманитар ёрдам ташлашни бошлайди — АFP.

🔥 @burchakostida

🇷🇺🇺🇸🇺🇦 Москва АҚШ президентининг Украинада урушни тўхтатиш бўйича берган баёнотларини инобатга олади — Россия президенти матбуот котиби

Дмитрй Песков бу ҳақда бугун журналистлар билан ўтказилган матбуот анжуманида маълум қилди.

"Кеча президент Трамп томонидан айтилган баёнотни инобатга оламиз. Махсус ҳарбий операция давом этмоқда. Биз эса Украинадаги можарони сиёсий йўл билан ҳал этиш ва Россиянинг манфаатларини таъминлаш йўлида тинчликка содиқлик сиёсатимизда давом этамиз", — деди Кремл вакили.

Бироқ Песков Трампнинг Путиндан кўнгли қолгани, энди у билан гаплашишга қизиқмаслиги ҳақидаги сўзларига эса изоҳ бермади.

🔥 @burchakostida

🇵🇱🇷🇺 Полша бош вазири Россия махсус хизматлари буюртмаси билан мамлакатда ҳужумлар ва диверсиялар уюштиришда гумон қилинган 32 киши қўлга олинганини маълум қилди

Доналд Тускнинг сўзларига кўра, бу гумонлар “аниқ далиллар билан асосланган” ва ишончли, бироқ у тафсилотларни очиқламади.

Маълумотларга кўра, қўлга олинганлардан бири аллақачон судланган ва ҳозирда қамоқда. Суд жараёнини кутаётганлар орасида Полша, Россия, Украина, Беларус фуқаролари ҳамда бир нафар колумбиялик бор.

"Бу рўйхат ҳали тўлиқ эмас. Бугунги кунда Россиянинг Полшадаги “фаоллиги” айрим сиёсий доираларни ҳам қамраб олган, шунингдек, чегаралардаги вазиятни беқарорлаштириш ва махсус хизматларимиз фаолиятини фалаж қилишга қаратилган радикал диверсион ҳаракатларга уринишлар билан чамбарчас боғлиқ", — деди Полша бош вазири.

🔥 @burchakostida

🇩🇪 Германия Ғазо секторига ҳаводан гуманитар ёрдам ташлаш учун иккита самолёт жўнатди — Германия канцлери

Фридрих Мерц бу чора Исроил ҳукумати ҳамда Франция ва Буюк Британия билан келишган ҳолда амалга оширилаётганини билдирди.

🔥 @burchakostida

🇱🇹🇧🇾 Литва Беларус билан чегара ҳудудда ҳаво мудофааси батальонини жойлаштиради — республика армияси қўмондони Раймундас Вайкшнорас.

🔥 @burchakostida

🇺🇦 Энди Украинада 60 ёшдан ошган фуқаролар ҳам мамлакат Қуролли кучлари сафида шартнома асосида хизмат қилиши мумкин

Бу ҳақдаги қонунни бугун Украина президенти Володимир Зеленский қабул қилди.

Қонунга кўра, ҳарбий ҳолат даврида ҳарбий бўлинма командирининг ёзма розилиги билан 60 ёшдан катта бўлган, ҳарбий-тиббий комиссия томонидан хизматга яроқли деб топилган эркаклар шартнома асосида хизматга олиниши мумкин. Ҳужжатда бундай шахслар оддий ҳарбий хизматчи, сержант, катта сержант, кичик ва катта офицер лавозимларида хизмат ўташлари мумкинлиги қайд этилган.

Бу ёшдаги шартнома асосидаги хизмат муддати бир йил билан чекланади, аммо кейинчалик янги шартнома тузиш имкони бор. Офицерлар эса фақат Украина Қуролли кучлари Бош штабининг розилиги билан хизмат шартномасини имзолай олади.

🔥 @burchakostida

🇪🇺🇮🇱 Европарламентнинг 40 нафар депутатидан иборат гуруҳ Ғазо секторидаги гуманитар инқироз сабабли Евроиттифоқни Исроил ҳукуматига қарши санкциялар жорий этишга ва ушбу давлат билан тузилган Ассоциация битимининг амал қилишини тўхтатишга чақирди — Euronews.

🔥 @burchakostida

🇺🇸 Манҳэттендаги отишмани амалга оширган шахс аслида Миллий футбол лигаси (NFL) офисига ҳужум қилмоқчи бўлган – Нью-Йорк мэри Эрик Адамс

Мэрнинг сўзларига кўра, Шейн Тамура бошқа лифтга чиққани сабабли Rudin Managgament компанияси офисига бориб қолган ва ўша ерда отишма уюштирган. Маълумотларга кўра, отишмани амалга оширган шахс ёшлигида америкача футбол билан шуғулланган.

"Тамуранинг ёнидан хат топилган топилган. Хатда у ўзида ХТЕ (хроник травматик энсефалопатия) — спорт турлари билан шуғулланганларда кўп учрайдиган мия жароҳати борлигига ишонишини ёзган. Афтидан, у ўз жароҳатида NFL'ни айблаган", — дея мэрнинг сўзларини келтиради Reuters.

Оммавий ахборот воситаларининг хабар беришича, Тамура 4 кишини отиб ташлаган, кейин эса ўз жонига қасд қилган.

🔥 @burchakostida

🇬🇧🇵🇸🇮🇱 Буюк Британия бош вазири шу ҳафта Фаластинни тан олиш режасини тақдим этиши мумкин — The Times

Нашрнинг ёзишича, Кир Стармер ўз ҳукумати ичида катта босим остида қолган. Британиялик вазирлар Фаластин давлатини тан олиш жараёнини тезлаштиришни талаб қилмоқда. Лейбористлар партиясидан 130 дан ортиқ депутат ҳам бу ташаббусни қўллаб-қувватламоқда ва бу жорий йилнинг йил якунигача амалга ошишига умид билдирмоқда.

"Буюк Британия сентябр ойида Фаластинни расман тан олишни режалаштирган Франция йўлидан бориши даргумон. Стармернинг режаси аниқ муддатлар ўрнига Фаластинни тан олиш Яқин Шарқда тинчликка эришиш воситаси сифатида қандай ишлатилиши мумкинлигини кўрсатадиган шартларни ўз ичига олиши мумкин", дейилади The Times хабарида.

Маълумотларга кўра, Британия бош вазири яқин кунларда ўз режасини АҚШ ва араб давлатлари каби иттифоқчиларига тақдим этади. Режада фаластинликларнинг “ўз мустақил давлатини тузиш бўйича ажралмас ҳуқуқи” тан олиниши назарда тутилган.

Эслатиб ўтамиз, 24 июл куни Франция президенти Эммануэл Макрон БМТ Бош Ассамблеясининг сентябр ойида бўлиб ўтадиган йиғилишида Фаластин давлатини расман тан олиш ниятида эканини маълум қилган эди.

🔥 @burchakostida

🇪🇺🇸🇰🇺🇦🇷🇺 Словакия Евроиттифоқнинг навбатдаги санкциялар пакетини ҳам блоклайди ва ўз шартларини қўяди — мамлакат бош вазири

"Братислава ўз позициясини ўзгартириш учун ҳеч қандай асос кўрмаяпти ва 18-санкциялар пакетини қабул қилишдаги каби ҳаракатланиш ниятида", — деди Роберт Фицо.

🔥 @burchakostida