#2024_yil_1_iyuldan

🔰 Qonunchilikka ko'ra, fuqarolarga bepul birlamchi yuridik yordam ko'rsatishning quyidagi tartibi joriy qilinadi:

➖Adliya vazirligi tomonidan “Madad” NNT bilan hamkorlikda respublikaning barcha tuman va shaharlaridagi davlat xizmatlari markazlarida “Madad” NNTning huquqiy maslahat byurolari bosqichma-bosqich tashkil qilinadi;

➖huquqiy maslahat byurolari tomonidan aholiga bepul huquqiy maslahatlar beriladi, shuningdek nizolarni sudgacha va sud orqali hal etishda zarur bo'ladigan protsessual hujjatlarni tayyorlashda ko'maklashiladi.

✉️ Telegram 📱 Instagram
📱 Facebook 🌐 YouTube
🌎 Web-sayt

#Bilasizmi

📝 Quyidagi jismoniy shaxslar davlat hisobidan yuridik yordam olish huquqiga ega:

1️⃣ kam ta'minlangan shaxslar, agar ular:

➖fuqarolik ishlari bo'yicha da'vogar yoki javobgar;
➖ma'muriy ishlar bo'yicha arizachi;
➖ma'muriy qamoq tarzidagi ma'muriy jazo nazarda tutilgan ma'muriy huquqbuzarlikni sodir etgan shaxs;
➖jinoyat ishlari bo'yicha gumon qilinuvchi, ayblanuvchi, sudlanuvchi, shuningdek mahkum bo'lsa;

2️⃣ ruhiy holati buzilgan jismoniy shaxslar, ularga “Psixiatriya yordami to'g'risida”gi Qonunga muvofiq psixiatriya yordami ko'rsatilayotganda;

3️⃣ o'z huquqlari buzilgan, “Xotin-qizlar va erkaklar uchun teng huquq hamda imkoniyatlar kafolatlari to'g'risida”gi Qonunda nazarda tutilgan xotin-qizlar va erkaklarning teng huquqliligi buzilganligi munosabati bilan sudga murojaat qilgan jismoniy shaxslar;

4️⃣ jinoyat ishi bo'yicha advokat ishtirok etishi shart bo'lgan taqdirda, gumon qilinuvchi, ayblanuvchi yoki sudlanuvchi.

✉️ Telegram 📱 Instagram
📱 Facebook 🌐 YouTube
🌎 Web-sayt

#Mening_fikrim
#yetakchi_minbari

🇺🇿 Bo'ka tumani "Navro'z" MFY yoshlar yetakchisi Shaxlo Rahmonovaning bugungi kunda yoshlar siyosatida amalga oshirilayotgan ishlar bo'yicha fikrlari.

✉️ Telegram 📱 Instagram
📱 Facebook 🌐 YouTube
🌎 Web-sayt

#huquqiy_axborot

Kam ta'minlangan oilalarga bolalar nafaqasi va moddiy yordam tayinlashga onlayn ariza berish mumkin.

🔹 Endilikda kam ta’minlangan oilalarga bolalar nafaqasi va moddiy yordam tayinlashga onlayn ariza berish mumkin. Yagona interaktiv davlat xizmatlari portal, my.gov.uz orqali ko‘rsatiladigan ushbu xizmatdan kam ta’minlangan, jumladan, oilasida 18 yoshgacha farzandi bor ijtimoiy nafaqa olish istagida bo‘lgan talabgorlar foydalanishi mumkin.

Bolalar nafaqasi 12 oy (bola 18 yoshga to‘lgangacha), moddiy yordam 6 oy muddatga to‘lanadi. Bolalar nafaqasi va moddiy yordam miqdorlari qonunchilik hujjatlari bilan belgilangan.

🔹 Talabgorlar ushbu xizmatdan foydalanish uchun:
1️⃣ my.gov.uz da ro‘yxatdan o‘tishi;
2️⃣ tegishli xizmatni tanlashi;
3️⃣ undagi so‘rovnomani to‘ldirishi va yuborishi kerak.

Xizmatdan foydalanish bepul. Ariza “Ijtimoiy himoya yagona reyestri” axborot tizimi tomonidan o‘rganiladi. Bunda ariza beruvchi oilasining har bir a’zosiga to‘g‘ri keladigan daromad miqdori aniqlanadi va belgilangan mezonlarga mosligi solishtiriladi. Shundan so‘ng ijtimoiy nafaqani tayinlash yoki tayinlashni rad etish to‘g‘risida qaror qabul qilinadi. Va ariza javobi my.gov.uz orqali yuboriladi.

🔺 Mazkur xizmat O‘zbekiston Respublikasi Prezidenti huzuridagi Ijtimoiy himoya milliy agentligi tomonidan ko‘rsatiladi.

Bo‘ka tuman Adliya bo‘limi Davlat xizmatlari markazi direktori K.Askarov

✉️ Telegram 📱 Instagram
📱 Facebook 🌐 YouTube
🌎 Web-sayt

#ob_havo

⛅️ Ertaga, 23-iyun kuni Bo'ka tumanida kutilayotgan ob-havo ma'lumoti. (Qisman bulutli)

🌔 Quyosh chiqishi: 04:53
🌘 Quyosh botishi: 19:59

✉️ Telegram 📱 Instagram
📱 Facebook 🌐 YouTube
🌎 Web-sayt

#huquqiy_axborot

Pedagog kadrlarni kasbiy sertifikatlash bo‘yicha davlat xizmatlari ko‘rsatiladi.

🟡 O‘zbekiston Respublikasi Vazirlar Mahkamasining "Davlat umumiy o‘rta ta’lim tashkilotlari pedagog kadrlarini kasbiy sertifikatlash bo‘yicha davlat xizmatlarini ko‘rsatishning ma’muriy reglamentini tasdiqlash to‘g‘risida"gi 2024-yil 12-fevraldagi 87-son qarori tasdiqlandi.

🔸 Unga ko‘ra, pedagogik kasbga birinchi marta ishga qabul qilinadigan oliy maʼlumotli talabgorlar stajyor-o‘qituvchi sifatida faoliyat yuritadi va ular ishga qabul qilingan vaqtdan boshlab 1 yil muddat davomida kasbiy sertifikatga ega bo‘lishi talab etiladi.

🔹 Kasbiy sertifikatlash jarayoniga talabgor o‘z muddatida jalb etilishi uchun u faoliyat ko‘rsatayotgan davlat umumiy o‘rta taʼlim tashkilotining rahbari masʼul hisoblanadi. Talabgor nazorat sinovida qatnashish uchun so‘rovnomani davlat xizmatlari markazlariga shaxsan borib yoki YIDXP (my.gov.uz)da to‘ldirgan holda ro‘yxatdan o‘tadi.

🟢 Birinchi marta kasbiy sertifikat olish bo‘yicha nazorat sinovida ishtirok etish uchun talabgordan to‘lov undirilmaydi. Kasbiy sertifikat olish uchun nazorat sinovi qoida tariqasida, har yili mart – may oylarida test shaklida o‘tkaziladi.

🔺 Nazorat sinovi natijasi bo‘yicha 56 va undan yuqori ball to‘plagan talabgor nazorat sinovidan o‘tgan hisoblanadi va elektron shakldagi sertifikat uning shaxsiy kabinetiga yuboriladi. Navbatdan tashqari nazorat sinovida ishtirok etib, yetarli ball to‘play olmagan talabgor bilan tuzilgan mehnat shartnomasi mehnat qonunchiligida belgilangan tartibda bekor qilinadi.

🔸 O'zbekiston Respublikasi Prezidentining “Maktabgacha va maktab taʼlimi vazirligi hamda uning tizimidagi tashkilotlar faoliyatini samarali tashkil etish chora-tadbirlari to‘g‘risida”gi farmonida pedagog kadrlarga malaka toifasini berishning yangi tartibi joriy qilinishi 2024-yildan boshlab o‘tkazilishi belgilangan.

Bo‘ka tumani Adliya bo‘limi Davlat xizmatlari markazi sho‘ba boshlig‘i Sh.Akbarov

✉️ Telegram 📱 Instagram
📱 Facebook 🌐 YouTube
🌎 Web-sayt