#soliq

Bo'ka tumani Davlat soliq inspeksiyasi xodimlariga zamonaviy planshetlar topshirildi.

🟢 Bo'ka tumani Davlat soliq inspeksiyasi binosida tuman hokimi B.Begmatov boshchiligida tumandagi 44 ta mahallalarga biriktirilgan 20 nafar soliq inspeksiyasi xodimlariga soliq xizmatlarini ko'rsatish, soliq bazasini kengaytirish, soliqlarni undirish va mahalla byudjetining daromadlarini shakllantirish vazifalarini bajarishlari uchun 20 dona zamonaviy planshetlar topshirildi.

🔹 Tuman hokimi tomonidan har bir xodim o'ziga bildirilgan ishonch va yaratib berilayotgan imkoniyatlardan foydalangan holda o'z vazifasini sidqidildan bajarishlari, soliqlarni undirishda namuna bo'lishlari, fuqarolar orasida soliq to'lash madaniyatini shakllantirishda ham o'zlarining hissalarini qo'shishlari lozimligi ta'kidlandi.

✉️ Telegram 📱 Instagram
📱 Facebook 🌐 YouTube
🌎 Web-sayt

#Sayyor_qabul

"Guliston" mahallasida aholi uchun sayyor qabul tashkil qilindi.

🔺 Bo'ka tumani hokimi B.Begmatov tashabbusi bilan Bo'ka tumanidagi Xalq qabulxonasi mudiri Z.Rahmonqulov va hamkor tashkilotlar ishtirokida 1-sektor hududidagi "Guliston" mahallasida fuqarolar sayyor qabuli o'tkazildi.

🔸 Mahalla fuqarolar yig'inlarida muammolarni o'rganish, shu joydagi fuqarolarning muammo va takliflarini tinglash, aholi sharoitlarini yaxshilash, muammolarni bartaraf etish maqsadida o'tkazilgan ushbu qabulda 12 nafar fuqarolar tomonidan kommunal soha, moddiy yordam va bank-kredit masalalari bilan bog'liq 15 ta murojaatlar kelib tushdi.

🔹 Qabulda yo'llangan murojaatlarning ayrimlariga tushuntirishlar berildi. O'rganish uchun vaqt talab etiladigan murojaatlarning ro'yxati shakllantirilib, nazorat reja ishlab chiqildi va ijroga qaratildi.

✉️ Telegram 📱 Instagram
📱 Facebook 🌐 YouTube
🌎 Web-sayt

#fvb

Favqulodda vaziyatlar sodir bo'lganda harakatlanish qoidalari mavzusida o'quv mashg'uloti o'tkazildi.

🔸 Tuman hokimining o'rinbosari O.Djo'rayev, Favqulodda vaziyatlar bo'limi xodimlari, bolalar bilan ishlash boʻyicha inspektor  psixolog katta leytenant N.Raxmonberdiyev va  bolalar bilan ishlash boʻyicha inspektor psixolog katta serjant Sh.Davranov bilan birgalikda favqulodda holatlar yuz berganda yongʻin xavfsizligi vositalari talabga javob berishligi, birlamchi yongʻin oʻchirish vositalari bilan taʼminlanganligi va favqulodda vaziyatlar sodir boʻlganda qutqaruv rejasi mavjudligi boʻyicha o’rganish ishlari olib borildi.

🔹 Shuningdek, Maktabgacha va maktab ta’limi boʻlimiga qarashli 1-umumiy o'rta ta'lim maktabida favqulodda vaziyatlar sodir bo'lganda harakatlanish bo'yicha o'quv mashg'uloti o'tkazildi.

✉️ Telegram 📱 Instagram
📱 Facebook 🌐 YouTube
🌎 Web-sayt