#Statistika

2023-yilning dastlabki 9 oyi davomida iqtisodiy faoliyat turlari bo‘yicha ishlab chiqarilgan (ko‘rsatilgan) bozor xizmatlarning hajmi qanchaga yetdi?

🔺 Eng katta xizmat hajmi savdo xizmatlari (342,4 mlrd. so‘m), transport xizmatlari (106,1 mlrd. so‘m) va moliyaviy xizmatlar (57,0 mlrd. so‘m)ga to‘g‘ri keladi.

🔺 Eng kichik xizmat hajmi esa boshqa xizmatlar (5,5 mlrd. so‘m), me’morchilik, muhandislik izlanishlari, texnik sinovlar va tahlil sohasidagi xizmatlar (4,0 mlrd. so‘m)
hamda sog‘liqni saqlash sohasidagi xizmatlar (2,6 mlrd. so‘m)ga to‘g‘ri keladi.

😎 Yuqori ulush savdo xizmatlari (54,6 %), transport xizmatlari (16,9 %) va moliyaviy xizmatlar (9,1 %)da qayd etildi.

▶️ Eng kichik xizmatlar ulushi boshqa xizmatlar (0,9 %), me’morchilik, muhandislik izlanishlari, texnik sinovlari va tahlil sohasidagi xizmatlar (0,6 %) hamda sog‘liqni saqlash sohasidagi xizmatlar (0,4 %)da qayd etildi.

🚀 Telegram 📷 Instagram
🔵 Facebook 🎬 YouTube

#Qonunchilikdagi_yangiliklar

❗️Avtomobilni boshqarish huquqini beruvchi ishonchnomani elektron shaklda rasmiylashtirish boʻyicha davlat xizmati koʻrsatiladi

Hukumat qarori (613-son, 20.11.2023 y.) bilan “Avtomototransport vositasini boshqarish huquqini beruvchi ishonchnomani elektron shaklda rasmiylashtirish boʻyicha davlat xizmatini koʻrsatishning ma'muriy reglamenti” tasdiqlandi

🔰 Unga koʻra, avtomototransport vositasiga ishonchnoma ariza beruvchi tomonidan YaIDXP (my.gov.uz)dan foydalangan holda, oʻzining va ishonchnoma berilayotgan shaxs(lar)ning biometrik pasporti yoki identifikasiyalovchi ID-kartasi hamda jismoniy shaxsning shaxsiy identifikasiya raqami ma'lumotlarini kiritish orqali mustaqil ravishda rasmiylashtiriladi.

📝 Davlat xizmati “Notarius” AATdan foydalangan holda YaIDXP (my.gov.uz) orqali koʻrsatiladi.

🗓 Ishonchnoma ariza beruvchining xohishiga koʻra 1 oy, 6 oy va 3 yil muddatgacha beriladi.

🚫 Ariza beruvchi soʻrovnomada koʻrsatilgan avtomototransport vositasining mulkdori boʻlmasa, ishonchnoma rasmiylashtirilmaydi.

🔢 Ishonchnomaga kiritiladigan shaxslar soniga cheklov oʻrnatilmaydi.

💰 Ishonchnomani elektron shaklda rasmiylashtirish uchun davlat boji uning amal qilish muddatidan kelib chiqqan holda, “Davlat boji toʻgʻrisida”gi Qonunida ishonchnomani notarial tasdiqlash uchun belgilangan davlat bojiga nisbatan quyidagi foizlarda undiriladi:

➖1 oygacha boʻlgan muddatga – 10 foiz;
➖1 oydan ortiq va 6 oygacha boʻlgan muddatga – 50 foiz;
➖6 oydan ortiq va 3 yilgacha boʻlgan muddatga – 100 foiz.

📋 Elektron shaklda QR-kod qoʻyilgan holda rasmiylashtirilgan ishonchnoma notarial tasdiqlangan ishonchnoma bilan bir xil yuridik kuchga egadir.

📁 Ishonchnoma quyidagi holatlarda bekor qilingan hisoblanadi:

▫️ishonchnomaning amal qilish muddati tugaganda;

▫️ishonchnomani bergan shaxs tomonidan bekor qilinganda;

▫️ishonchnoma rasmiylashtirilgan vaqtdan soʻng ishonchnomani bergan shaxs muomalaga layoqatsiz, muomala layoqati cheklangan yoki bedarak yoʻqolgan deb topilganda yoxud u vafot etganda;

▫️ishonchnoma berilgan shaxs(lar) muomalaga layoqatsiz, muomalaga layoqati cheklangan yoki bedarak yoʻqolgan deb topilganda yoxud u vafot etganda;

▫️avtomototransport vositasining mulkdori oʻzgarganda.

🚀 Telegram 📷 Instagram
🔵 Facebook 🎬 YouTube

#Bilasizmi

Kimlar tibbiyot muassasalarida ovqatlanish toʻlovidan ozod qilinadi?

🔰 Quyidagi shaxslar tibbiyot muassasalarida ovqatlanish toʻlovidan ozod qilinadi:

▫️I va II guruh nogironligi boʻlgan shaxslar.

▫️Bolalikdan nogironligi boʻlgan shaxslar.

▫️1941–1945 yillardagi urush oqibatida nogironligi boʻlgan shaxslar va urush qatnashchilari, shuningdek, ularga tenglashtirilgan shaxslar.

▫️Chernobil AESidagi halokat oqibatlarini bartaraf etishda qatnashish natijasida nogironligi boʻlgan shaxslar.

▫️1941–1945 yillardagi urush yillari mehnat fronti qatnashchilari.

▫️Baynalmilalchi jangchilar.

▫️Chin yetimlar.

▫️Vakolatli organlarda hisobda turuvchi yolgʻiz pensionerlar.

▫️18 yoshgacha boʻlgan bolalar, shuningdek oʻrta maxsus, kasb-hunar ta'limi muassasalari oʻquvchilari.

▫️Chaqiriq komissiyalari xulosalariga koʻra mudofaa ishlari boʻlimlarining yoʻllanmalari boʻyicha 18 yoshdan 27 yoshgacha boʻlgan chaqiriq yoshidagilar.

▫️"Oʻzbekiston Respublikasi faxriy donori" koʻkrak nishoni bilan taqdirlangan shaxslar.

▫️ 1 yoshgacha bolasi boʻlgan emizikli onalar.

▫️Bolalar gematologiyasi, onkologiyasi va klinik immunologiyasi markazida davolanayotgan bolalarga qarovchi shaxslar (ota-ona va boshqalar).

Manba

🚀 Telegram 📷 Instagram
🔵 Facebook 🎬 YouTube