#yoshlar

Prezident qaroriga asosan yoshlarga yer ajratib berish ishlari boshlandi.

🔸 Xabaringiz bor, O'zbekiston Respublikasi Prezidentining 2024-yil 5-apreldagi "Yoshlarga yer ajratish orqali ularning daromadlarini oshirish va bandligini ta'minlash, shuningdek yangi yer maydonlarini o'zlashtirish chora-tadbirlari to'g'risida"gi PQ-153-son qaroriga asosan "E-auksion" elektron savdo platformasi orqali "mahalla yettiligi"ning tavsiyasi bilan shakllantirilgan ro'yhatga kiritilgan yoshlar o'rtasida auksion savdolari o'tkaziladi va yer uchstkasi narxini 10 yil muddatga teng ulushlarda foizsiz bo'lib-bo'lib to'lashga ruhsat berilishi belgilangan edi.

🔺 Qarorga asosan bugun "Achamayli Fayz-baraka" mahallasida yashovchi 60 nafar yoshlarga elektron savdo platformasi orqali belgilangan tartibda o'zlari yutib olgan yer maydonlari ajratib berildi.

🇺🇿 Yoshlar ishlari Agentligi Toshkent viloyati boshqarmasi boshlig'i M.Mirsultonov, tuman hokimining o'rinbosari O.Djo'rayev, Qishloq va suv xo'jaligi bo'limi boshlig'i B.Turg'unov, Yoshlar ishlari agentligi Bo'ka tumani bo'limi boshlig'i M.Ismoilov, yetakchilar va yoshlar ishtirok etgan davra suhbatida mas'ullar tomonidan ajratilgan 30 sotixlik yer maydonlaridan samarali foydalanish, bu orqali o'zini o'zi band qilish bilan birga yuqori daromadga erishish lozimligi ta'kidlandi.

✉️ Telegram 📱 Instagram
📱 Facebook 🌐 YouTube
🌎 Web-sayt

#sud

Jazo muddatini o'tayotgan mahkumlar tomonidan kiritilgan iltimosnomalar ko'rib chiqildi.

🔹 Bugun jinoyat ishlar bo'yicha Bo‘ka tuman sudi binosida sud raisi Sh.Abduqodirov boshchiligida birinchi mintaqaviy hudud 43-son Manzil koloniyasida jazo muddatini o'tayotgan mahkumlarga nisbatan sud majlisi o‘tkazildi.

🔸 Sud majlisida jazo muddatini o‘tayotgan 25 nafar mahkumlar tomonidan kiritilgan iltimosnomalar mazmunan ko'rib chiqildi.

🔹 Muqaddam qilgan jinoyatlaridan tegishli xulosa chiqargan va o‘zlariga nisbatan tayinlangan jazolarni namunali xulqi bilan o'tab, tuzalish yo'liga o‘tgan mahkumlarning o‘talmagan jazolari yengil turdagi jazoga almashtirildi hamda muddatidan ilgari jazodan ozod etildi.

🔺 Sud majlisida ishtirokchilariga takror jinoyat sodir etmaslik hamda jazo o'tash tartib-qoidalarini buzmaslik yuzasidan tushuntirish berildi.

✉️ Telegram 📱 Instagram
📱 Facebook 🌐 YouTube
🌎 Web-sayt

#probatsiya

Probatsiya hisobida turgan mahkumlar bilan uchrashuv o‘tkazildi.

🔺 Bugun tuman DSI boshlig’i Sh.Xazratov va tuman IIB Probatsiya guruhi katta inspektori kapitan O.Egamovlar boshchiligida “Yoshlar va biznesni qo‘llab-quvvatlash yili” davlat dasturi ijrosini taʼminlash hamda yoshlarni kasb-hunarga o‘qitish, ular orasida sog‘lom turmush tarzini targ‘ib qilish maqsadida IIB Probatsiya hisobida turgan 27 nafar mahkumlar bilan uchrashuv o'tkazildi.

🔹 Uchrashuv davomida yoshlar tomonidan bildirilgan taklif va murojaatlar tinglanib, ushbu murojaatlarni ijobiy hal etish uchun lozim chora-tadbirlar belgilandi. Shuningdek, yoshlarning doimiy bandligini taʼminlash, o‘qish istagida bo‘lganlarni o‘quv-tayyorlov hamda kasbga o‘qitish uchun amaliy yordam berish borasida masʼullarga vazifalar yuklatildi.

✉️ Telegram 📱 Instagram
📱 Facebook 🌐 YouTube
🌎 Web-sayt

#Uchrashuv

Yettilik tizimining faoliyati: "Samarqand" mahallasi aholisi bilan uchrashuv o'tkazildi.

🔸 Bugun Bo'ka tumani hokimi B.Begmatov, IIB boshlig'i J.Manazarov, Bo'ka tumani Xalq qabulxonasi mudiri Z.Rahmonqulov, Mahallalar uyushmasi Bo’ka tumani bo’limi boshlig’i Z.Obidov boshchiligida 1-sektor hududidagi "Samarqand" mahallasida aholi muammolari hamda yettilik tizimining ish faoliyatini o’rganish maqsadida uchrashuv o'tkazildi.

🔺 Tuman hokimining o'rinbosarlari, tegishli korxona-tashkilot rahbarlari, "mahalla yettiligi" va aholi vakillari ishtirokida o'tgan mazkur uchrashuvda 9 nafar fuqarolardan sud, kadastr, moddiy yordam, kommunal soha va tadbirkorlik masalalari bilan bog'liq 8 ta murojaatlar kelib tushdi.

💠 Murojaatlar asosida nazorat reja ishlab chiqildi va ijroga yo'naltirilib, natijasi bo'yicha murojaatchilarga ma'lum qilinishi tushuntirildi.

🔻 Uchrashuv yakunida tuman hokimi boshchiligida mas'ullar aholi xonadonlarida amalga oshirilgan obodonlashtirish ishlari, ertagi ekinlarni ekish, tomorqalardan samarali foydalanish holati bilan tanishdi. Tomorqasi obod qilinmagan, ertagi ekinlarni ekishda loqaydlik qilgan xonadon egalari tanqid qilinib, amalga oshirilishi lozim bo'lgan ishlar tushuntirildi. Shuningdek, aniqlangan kamchiliklar "mahalla yettiligi"ning faoliyatiga baho ekanligi ta'kidlanib, ishlarni joyiga qo'yish va xonadonma-xonadon targ'ibot tadbirlarini olib borish bo'yicha topshiriq berildi.

✉️ Telegram 📱 Instagram
📱 Facebook 🌐 YouTube
🌎 Web-sayt