#muloqot

Tuman hokimi maktab o'quvchilarining ota-onalari bilan muloqot o'tkazdi.

🔺 Bugun "Do'stlik" MFY da joylashgan tuman Maktabgacha va maktab ta'limi bo'limiga qarashli 3-umumiy o'rta ta'lim maktabi faollar zalida tuman hokimi Baxtiyor Begmatov, hokim o'rinbosari Odil Djo'rayev, tuman Milliy Gvardiya bo'limi boshlig'i Farrux Salimov, tegishli korxona-tashkilotlar rahbarlari va o'quvchilarning ota-onalari ishtirokida muloqot o'tkazildi.

🔺 Kuni kecha O'zbekiston Respublikasi prezidenti Sh.Mirziyoyev raisligida o'tkazilgan videoselektor yig'ilishida berilgan topshiriqlar ijrosini ta'minlash, umumiy o'rta ta'lim maktablarida ta'lim olayotgan o'quvchilarning ota-onalari bilan yaqindan muloqot qilish maqsadida bo'lib o'tgan mazkur uchrashuvda tuman hokimi tomonidan bugungi kunda hukumatimiz tomonidan maktab o'quvchilari uchun yaratib berilayotgan imkoniyatlar, o'quv binolarining zamon talablariga mos ravishda jihozlanganligi, har bir o'quvchi yoshlar erkin bilim olishlari uchun barcha shart-sharoitlar yaratib berilganligi ta'kidlandi.

🔹 Shuningdek, maktablarning ichki muhitini yaxshilash, o'qituvchi va o'quvchilarning ma'naviyatini yanada oshirish, buning uchun ota-onalar va maktab ma'muriyati hamkorlikda ishlashi lozimligi qayd etildi.

🔹 Muloqot yakunida ota-onalar va o'qituvchilar tomonidan bildirilgan fikr-mulohazalar tinglandi, savollarga javob berildi va kelgusida yuqorida qayd etilgan yo'nalishlarda o'zaro hamkorlikda ishni tashkil qilishga kelishib olindi.

🚀 Telegram 📷 Instagram
🔵 Facebook 🎬 YouTube