#fvb

Favqulodda vaziyatlar bo‘lganda harakatlanish bo‘yicha reja asosida o‘quv mashg‘uloti o‘tkazildi.

🔹 Bo‘ka tumanida O'zbekiston Respublikasi Mustaqilligining 33 yillik bayramiga tayyorgarlik ko‘rish va uni ko'tarinki ruhda o‘tkazish maqsadida tadbir o‘tkaziladigan Markaziy o‘yingoh hududida Favqulodda vaziyatlar bo'limi hamda tumandagi hamkor tashkilotlar bilan birgalikda favqulodda vaziyatlar yoki yong‘in sodir bo‘lganda harakatlanish bo‘yicha reja asosida o‘quv mashg‘uloti o‘tkazildi.

🔹 O‘quv mashg‘uloti davomida harbiy sohaviy xizmat xodimlari bilan yo‘riqnomalar o‘tilib, ularning ko‘nikmalari oshirildi.

✉️ Telegram 📱 Instagram
📱 Facebook 🌐 YouTube
🌎 Web-sayt

#muhokama
#hokimlik_soati

Dolzarb masalalar muhokamasiga bag'ishlangan "Hokimlik soati" o'tkazildi.

🔹 Tuman hokimligi katta majlislar zalida bugungi kunning eng dolzarb masalalari muhokamasiga bag'ishlangan "Hokimlik soati" bo'lib o'tdi.

💠 Tuman hokimi B.Begmatov boshchiligida o'tkazilgan "Hokimlik soati"da sektor rahbarlari, hokim o'rinbosarlari, hokimlik xodimlari, tumandagi korxona-tashkilot rahbarlari, maktab va maktabgacha ta'lim tashkilotlari direktorlari, mahalla raislari, hokim yordamchilari, xotin-qizlar faollari va yoshlar yetakchilari ishtirok etdi.

🔹 Kun tartibiga asosan
🔸 O'zbekiston Respublikasi Davlat mustaqilligining 33 yillik bayramiga tayyorgarlik ko'rish va uni yuqori saviyada o'tkazish;
🔸 Bayram munosabati bilan korxona-tashkilot va mahallalarda "Dolzarb 15 kunlik" doirasida obodonlashtirish va ko'kalamzorlashtirish ishlarini amalga oshirish;
🔸 Tumanda mahalliy byudjet tushumlari rejasining avgust oyiga belgilangan prognoz ko'rsatkichlarining bajarilish holati;
🔸 Energiya samaradorligini oshirish va yoqilg'i-energiya resurslarini iqtisod qilish bo'yicha reja-ko'rsatkichlarining bajarilishi va quyosh panellari o'rnatilishi holati;
🔸 Umumta'lim maktablarining yangi o'quv yiliga tayyorgarligi;
🔸 Ijro intizomi kabi masalalar yuzasidan mas'ullarning axboroti tinglandi.

💠 Yig'ilish yakunida mavjud muammolarni bartaraf etish va ishlarni tizimli tashkil etish yuzasidan mas'ullarga aniq topshiriqlar belgilab berildi.

🔹 Shuningdek, tashkiliy masala ko'rib chiqilib, unda Azizov Umid Maqsudovichning tuman Adliya bo'limi boshlig'i lavozimiga, Ashirov Qobil Hakimjanovichning tuman Favqulodda vaziyatlar bo'limi boshlig'i lavozimiga, shuningdek Jo'rayev Muhammadjon Mahmudjon o'g'lining tuman hokimining jamoat va diniy tashkilotlar bilan aloqalar masalalari bo'yicha maslahatchisi lavozimiga tayinlanganligi e'lon qilindi.

✉️ Telegram 📱 Instagram
📱 Facebook 🌐 YouTube
🌎 Web-sayt

#seminar

Paxta maydonlarini defoliatsiya qilish yuzasidan ko’rgazmali seminar o’tkazildi.

🔸 Bo'ka tumani “Jambul” hududidagi “Baxtiyor Samariddin” fermer xo’jaligi dala maydonida g’o’za ekin maydonlarida defoliatsiya ishlarini o'z vaqtida va sifatli olib borilishi bo'yicha ko’rgazmali seminar bo’lib o’tdi.

🔹 Tuman hokimi B.Begmatov, IIB boshlig’i J.Manazarov, tuman hokimining o’rinbosari, qishloq xo’jaligi mas’ullari, fermer xo’jaligi rahbarlari hamda qishloq xo’jaligi sohasida ko’p yillik tajribaga ega agronomlar ishtirok etishdi.

🔹 Tuman hokimi tomonidan g‘o‘za defoliatsiyasini o'z muddatida sifatli qilib amalga oshirish, defoliantlarni qo‘llash meʼyorlariga rioya etilib o‘tkazilishi, defoliatsiya oʻtkazishdan oldin tuproq namligiga, tadbir davomida ishlatiladigan texnika va agregatlarning sozligiga alohida eʼtibor berish kerakligi ta'kidlandi.

🔹 Seminar ishtirokchilariga gʻoʻza defoliatsiyasi boʻyicha mutaxassislar tomonidan zarur maslahat va tavsiyalar berildi.

✉️ Telegram 📱 Instagram
📱 Facebook 🌐 YouTube
🌎 Web-sayt

#ijtimoiy_soha

Tuman hokimi ijtimoiy soha obyektlaridagi holatni ko'zdan kechirdi.

🔺 Bo'ka tumani hokimi B.Begmatov IIB boshlig'i J.Manazarov bilan birga tumandagi ijtimoiy soha obyektlari, jumladan umumta'lim maktablari, maktabgacha ta'lim tashkilotlari va tibbiyot maskanlarida bo'lib, o'z yo'nalishlari bo'yicha amalga oshirilayotgan ishlarni ko'zdan kechirdi.

🔹 O'rganish davomida maktabgacha ta'lim tashkilotlarida oziq-ovqat mahsulotlari sifati, bolalar taomnomalari, umumta'lim maktablarida yangi o'quv yiliga tayyorgarlik va obodonlashtirish holati kabi masalalar ko'rib chiqildi. Aniqlangan kamchiliklarni bartaraf etish bo'yicha mas'ullarga tegishli topshiriqlar berildi.

✉️ Telegram 📱 Instagram
📱 Facebook 🌐 YouTube
🌎 Web-sayt