#natija

Birinchilar qatorida g'alla xirmoniga hissa: Bo'ka tumanidagi “Xurramov Rustam” fermer xo'jaligi tumanda birinchi bo'lib g'alla topshirish rejasini bajardi.

🔺 G'alla xalqimizning boyligi, rizq-ro'zimiz deya aytamiz. G'allani yetishtirish, uni parvarishlash va yig'ib-terib olishgacha bo'lgan jarayon katta mehnat talab qiladi. Dasturxonimizni to'ldirib turadigan nonning asosiy tarkibi hisoblangan g'alla bugun dalalarimizda kombaynlar yordamida yig'ishtirib olinmoqda.

🔺 Bo'ka tumanida ham 2024-yil hosili uchun 15300 gektar maydonga g'alla ekilgan bo'lib, birinchilar qatorida "Navoiy" hududidagi “Xurramov Rustam” fermer xo'jaligi tomonidan g'alla rejasi bajarildi. 37 gektar maydonga ekilgan g'allaga o'z vaqtida agrotexnik tadbirlar olib borildi va 148 tonna g'alla yig'ib-terib olindi. G'alla hosildorligi har gektariga 70 sentnerni tashkil etdi.

🔸 G'allani birinchi bo'lib bajarganligi munosabati bilan Bo'ka tumani hokimi B.Begmatov “Xurramov Rustam” fermer xo'jaligi rahbari X.Turapov hamda ishchilarini tabrikladi. Mamlakatimizning qishloq xo'jaligi sohasiga qo'shayotgan hissasi hamda oziq-ovqat xavfsizligini ta'minlashdagi muvaffaqiyatli harakatlari uchun xo'jalik rahbari esdalik sovg'asi bilan taqdirlandi.

🔸 G'alladan bo'shagan maydonlarda takroriy ekish uchun tayyorgarlik ishlari ham boshlab yuborilgan.

🔸 Hosil yig‘ishtirib olinmagan g‘allazorlarda o‘rim-yig‘im ishlari qizg‘in davom etmoqda.

✉️ Telegram 📱 Instagram
📱 Facebook 🌐 YouTube
🌎 Web-sayt