#obodlik

Hududlarda obodonlashtirish va ko'chat ekish ishlari qizg'in davom etmoqda.

🌳 Ma’lumki, ayni kunlarda Bo‘ka tumanida “Yashil makon” umummilliy loyihasini joriy etish bo‘yicha keng ko‘lamli ishlar bilan bir qatorda tuman hokimi boshchiligida sektorlar va mutasaddi rahbarlar tomonidan joylarda o‘rganish va tushuntirish ishlari olib borilmoqda.

🔺 Bugun erta tongdan tuman hokimi B.Begmatov hokim o'rinbosarlari bilan birgalikda mahallalar va markaziy ko‘chalarda ushbu yo’nalishlarda amalga oshirilayotgan ishlarni ko‘zdan kechirdi.

🔹 Shuningdek, tuman hududidan o‘tuvchi "Bekobod-Bo‘ka-Toshkent" yo‘nalishida joylashgan ijtimoiy soha obyektlari, tadbirkorlik subyektlari va xonadonlarda “Yashil makon” loyihasi doirasida bajarilayotgan ko‘chat ekish, ko‘kalamzorlashtirish, obodonlashtirish ishlari ko‘zdan kechirib, korxonalar mas’ullari va mahallalar raislari bilan uchrashdi.

🔹 Uchrashuvda tuman hokimi tomonidan hududlarni obodonlashtirish, mevali va manzarali daraxt ko‘chatlari, terak qalamchalari va gul ko‘chatlarini ekish, har bir hududni ko‘kalamzorlashtirish, shuningdek yaqinlashib kelayotgan Ramazon Hayitini ko‘tarinki ruhda kutib olishga tayyorgarlik ko‘rish lozimligi ta’kidlandi.

Ayni kunlarda barcha hududlarda obodonlashtirish, ko'kalamzorlashtirish va ko'chat ekish ishlari amalga oshirilmoqda.

✉️ Telegram 📱 Instagram
📱 Facebook 🌐 YouTube
🌎 Web-sayt