#seminar_trening

“Xodimlarni boshqarishda KPI ni qo’llash” mavzusida seminar-trening o’tkazildi.

🔺 Bugun tuman hokimligi katta majlislar zalida tuman hokimi B.Begmatov tashabbusi bilan “TNA AGROINVEST” korxonasi hamkorligida tadbirkor, savdo va boshqaruv bo’yicha mutaxassis, Sales Doctor, RoboKidz va Milliard klubi asoschisi Alisher Isayev tomonidan “Xodimlarni boshqarishda KPI ni qo’llash” mavzusida seminar-trening o’tkazildi.

🔹 Hokimlik xodimlari va hokim yordamchilari ishtirokida o’tkazilgan mazkur seminar-treningda boshqaruvda xodimlarni nazorat qilish, rag’batlantirish, shuningdek hokim yordamchilari tadbirkorlik qilish istagida bo’lgan fuqarolarni qo’llab-quvvatlashda e’tibor qaratishlari lozim bo’lgan yo’nalishlar to’g’risida ma’lumotlar berildi.

🔺 Shuningdek, seminar ishtirokchilari tomonidan berilgan savollarga mutaxassis tomonidan javob berildi.

✉️ Telegram 📱 Instagram
📱 Facebook 🌐 YouTube
🌎 Web-sayt

#Xalq_deputatlari
#Sessiya

📍 Bugun tuman hokimligi katta majlislar zalida Xalq deputatlari Bo'ka tuman Kengashining navbatdagi VI-chaqiriq 90-sessiyasi bo'lib o'tdi.

🟢 Sessiya kun tartibiga muvofiq Xalq deputatlari Bo’ka tumani Kengashiga 22-”Turkiston” saylov okrugi bo’yicha saylangan Begmatov Baxtiyor Paxriddinovichning deputatlik vakolatlarini e’tirof etish, O’zbekiston Respublikasi prezidentining 2023-yil 28-fevraldagi PF-27-son farmonining tumandagi ijrosi, tuman hududida 2024-yilda “Hokimlik yashil bog’i” hamda “Yashil jamoat parklari”ni tashkil etish, tuman mahalliy byudjetining 2024-yil 1-yanvar holatiga shakllangan erkin qoldiq mablag’lari hisobidan mablag’ ajratish, Xalq deputatlari Bo’ka tumani Kengashi va uning doimiy komissiyalari hamda kotibiyatining 2024-yilga mo’ljallangan ish rejalarini tasdiqlash kabi masalalar yuzasidan mas'ullarning hisobotlari tinglandi hamda tegishli Kengash qarorlari qabul qilindi.

✉️ Telegram 📱 Instagram
📱 Facebook 🌐 YouTube
🌎 Web-sayt

#maktab

Maktablardagi ta’lim-tarbiya jarayonlari va davomat holati o’rganildi.

🔺 Bugun erta tongdan tuman hokimi B.Begmatov boshchiligida mutasaddi tashkilot rahbarlari bilan birga tuman Maktabgacha va maktab ta’limi bo’limiga qarashli 2-umumiy oʻrta taʼlim maktabida bo’lib, maktabdagi taʼlim-tarbiya jarayoni va o’quvchilar davomati o’rganildi.  

🔺 O’rganish davomida maktabning issiqlik tizimi, maktabdagi dars mashgʻulotlari bilan tanishib, oʻquvchilar davomatini qatʼiy nazorat qilish, ularning boʻsh vaqtlarini mazmunli oʻtkazish maqsadida turli sport musobaqalarini oʻtkazish kerakligi boʻyicha maktab masʼullarga tegishli koʻrsatmalar berildi.

Ma’lumot uchun, 2-umumiy oʻrta taʼlim maktabi 1981-yil qurilib foydalanishga topshirilgan bo’lib, bugungi kunda maktabda 1650 nafar oʻquvchi yoshlarga 125 nafar pedagog xodimlar 2 smenada taʼlim berib kelishmoqda.

✉️ Telegram 📱 Instagram
📱 Facebook 🌐 YouTube
🌎 Web-sayt