#ochiq_muloqot
#Qabul

Harbiy xizmatchilar va ularning oila a'zolari ishtirokida ochiq muloqot o'tkazildi.

🔸 Bo'ka tumani hokimligi va Guliston harbiy prokuraturasi tomonidan Boʻka tumanida joylashgan harbiy kuch tuzilmalarda xizmat qilayotgan harbiy xizmatchilar hamda ularning oila aʼzolari ishtirokida ochiq muloqot va ommaviy sayyor qabul oʻtkazildi.

💠 Qabulda tuman hokimining o'rinbosari O.Djo'rayev va Guliston harbiy prokurori F.Jumayev so‘zga chiqib, mamlakatimizda amalga oshirilayotgan islohotlar, harbiy xizmatchilarning oilaviy sharoitini yanada yaxshilash, ijtimoiy qoʻllab-quvvatlash borasida amalga oshirilayotgan ishlar haqida ma’lumotlar berdi.

🔺 Ochiq va samimiy muloqot tarzida o'tgan mazkur qabulda har bir murojaatlar imkon darajasida joyida hal qilinib, zarur hollarda huquqiy tushuncha berildi.

🔸 Kelib tushgan murojaatlarning aksariyati shu joyning oʻzida hal etilgan bo‘lsa, o'rganish uchun ma’lum vaqt talab etiladigan murojaatlar tegishliligi boʻyicha mutasaddilarga yoʻnaltirildi va nazoratga olindi.

✉️ Telegram 📱 Instagram
📱 Facebook 🌐 YouTube
🌎 Web-sayt

#Qabul

Toshkent viloyati hokimi bilan uchrashish istagida bo'lgan fuqarolarning murojaatlari tinglandi.

💠 O'zbekiston Respublikasi Prezidentining Bo'ka tumanidagi Xalq qabulxonasiga Toshkent viloyati qabuliga yozilgan jami 7 nafar fuqarolarning murojaatlarini tinglash, ularni ijtimoiy-ma'naviy qo'llab-quvvatlash maqsadida tuman hokimi B.Begmatov, sektor rahbarlari va Xalq qabulxonasi mudiri Z.Rahmonqulov tomonidan fuqarolarning murojaatlari tinglandi.

🔹 Jumladan, "O'rtatepa" mahallasida yashovchi O'.Muhammedov (1-guruh nogironi), "Yangibog'" mahallasida yashovchi K.Pirmatov (1-guruh nogironi) va "Chavlisoy" mahallasida yashovchi D.Abdurasulov (1-guruh nogironi)larning murojaatlari shaxsan tuman hokimi tomonidan tinglandi, murojaatlarning yechimi bo'yicha tegishli tashkilotlar rahbarlariga topshiriq berildi va ijobiy hal qilish yuzasidan zarur chora-tadbirlar belgilandi.

🔺 4 nafar fuqarolarning huquqiy masalalardagi murojaatlari tuman prokurori B.Yuldashev tomonidan tinglandi va nazoratga olindi.

✉️ Telegram 📱 Instagram
📱 Facebook 🌐 YouTube
🌎 Web-sayt

#muhokama

Amalga oshirilishi lozim bo'lgan muhim masalalar tuman faollari bilan kelishib olindi.

🔺 O'zbekiston Respublikasi Bosh vaziri raisligida o'tkazilgan videoselektor yig'ilishida berilgan topshiriqlar ijrosini ta'minlash maqsadida tuman hokimi B.Begmatov boshchiligida yig'ilish o'tkazildi.

🔸 Yig'ilishda sektor rahbarlari, hokim o'rinbosarlari, kommunal tashkilotlar rahbarlari, mahalla raislari, hokim yordamchilari va ijtimoiy soha obyektlari rahbarlari ishtirok etishdi.

🔹 Unda kutilayotgan noqulay ob-havo sharoitida amalga oshirilishi lozim bo'lgan muhim vazifalar belgilandi. Shuningdek, barcha korxona-tashkilotlar, hususan ijtimoiy soha obyektlari, mahallalardagi aholi xonadonlari, qabristonlar va fermer xo'jaliklarida obodonlashtirish ishlarini yuqori darajada tashkil qilish va hasharni uyushqoqlik bilan o'tkazish bo'yicha kelishib olindi.

🔸 Yig'ilish yakunida Tashabbusli byudjet portaliga hech qanday takliflar kiritmagan, bo'layotgan ishlarga befarqlik qilayotgan mahallalar vakillari tanqid qilindi va aholini qiynayotgan muammolarni hal qilish bo'yicha takliflarni ilgari surish, birgalikda loyihalarni qo'llab-quvvatlash va mahalla infratuzilmasini yaxshilash bo'yicha harakat qilish lozimligi ta'kidlandi.

✉️ Telegram 📱 Instagram
📱 Facebook 🌐 YouTube
🌎 Web-sayt

#fvb

Talabalar bilan uchrashuv tashkil etildi.

🔺 O‘zbekiston Respublikasi Prezidenti huzurida o‘tkazilgan yig‘ilish bayonida berilgan topshiriqlar ijrosini ta’minlash, shuningdek, vazirlik tizimiga biriktirilgan yoshlar bilan manzilli ishlash tizimini yo‘lga qo‘yish maqsadida Toshkent viloyati Favqulodda vaziyatlar boshqarmasi va Bo‘ka tumani Favqulodda vaziyatlar bo‘limi tomonidan Bo’ka agrotexnologiyalar texnikumi talabalari bilan uchrashuv tashkillashtirildi.

🔻 Uchrashuv davomida yoshlarni vatanparvarlik ruhida tarbiyalash, huquqiy bilimlarini oshirish, sog‘lom turmush tarzini targ'ib qilish, ijtimoiy qo‘llab-quvvatlash va bandligini ta’minlash hamda mafkuraviy immunitetini mustahkamlash kabi mavzularda suhbat olib borildi.

🔸 Yig'ilish yakunida yoshlarni muammo va takliflari tinglanib, ularni qiziqtirgan savollariga javoblar berildi.

✉️ Telegram 📱 Instagram
📱 Facebook 🌐 YouTube
🌎 Web-sayt