#Jarayon

Ta'mirtalab ichki ko'chalar shag'allashtirilmoqda.

🔺 Avval xabar berganimizdek, tuman hokimining topshirig'iga asosan tuman hokimi o'rinbosari Xusan Ashurov, favqulodda vaziyatlar bo'limi boshlig'i Shuxrat Perdabekov, Kambag'allikni qisqartirish bo'limi boshlig'ining mahallani qo'llab-quvvatlash masalalari bo'yicha o'rinbosari Uchqun Ergashev boshchiligida ta'mirtalab ko'chalar shag'allashtirilib, ichki ko'chalar ta'mirlanmoqda.

🔹 Bugun tuman hokimi Baxtiyor Begmatov 1-sektor hududidagi "Bunyodkor" MFY ning "Mevazor" ko'chasida amalga oshirilayotgan ishlar holati bilan tanishdi. Tuman hokimi tomonidan MFY hududidagi 4,4 km uzunlikdagi ta'mirtalab ichki ko'chalarni shag'allashtirish ishlarini qisqa muddatlarda va sifatli amalga oshirish lozimligi ta'kidlanib, tumandagi boshqa mahallalarda ham amaliy ishlarni boshlash bo'yicha mas'ullarga topshiriq berildi.

🔺 Shuningdek, mahalla fuqarolar yig'inida yashovchi yoshi ulug' nuroniylar bilan yaqindan muloqot qilib, mahallada mavjud muammolar va ularni bartaraf etish bo'yicha fikr almashildi.

Ta'mirtalab ko'chalarni shag'allashtirish ishlari davom ettirilmoqda.

🚀 Telegram 📷 Instagram
🔵 Facebook 🎬 YouTube

#sud

💠 Bugun huquqni muhofaza qiluvchi organlar xodimlari, tumandagi korxona, muassasa va tashkilot rahbar va xodimlari ishtirokida “Korrupsiyaga qarshi kurashish oyligi” profilaktik tadbiri oʻtkazildi.

🔹 Unda jinoyat ishlari boʻyicha Boʻka tuman sudining raisi Sh.Abduqodirov “Korrupsiya harakatlari uchun javobgarlik” mavzusida ushbu turdagi jinoyatlar taxlili va jinoiy javobgarlik masalasida maruza va davra suhbati oʻtkazildi.

🔸 Shuningdek, tumandagi qizil hudud hisoblangan “Doʻstlik”, “Yangihayot”, “Oltish”, “Ramadon”, “Xoʻjaqoʻrgʻon”, “Quldiroq”, “Qoʻldoshtepa”, “Achamayli”, “Istiqlol”, “Rovot”, “Qoraquduq”, “Boʻka”, “Boʻston” va “Koʻkorol” mahalla fuqarolar yigʻini raislari, hokim yordamchilari va fuqarolari ishtirokidagi davra suhbatida Oʻzbekiston Respublikasi Prezidentining 2023 yil 16 noyabrdagi “Oʻzbekiston Respublikasi Konstitusiyasi kuni bayramiga tayyorgarlik koʻrish va uni oʻtkazish toʻgʻrisida”gi F-72-sonli Farmoyishidan kelib chiqqan xolda Konstitusiyamizning mazmun-mohiyati, Oʻzbekiston Respublikasi Prezidentining 11.09.2023 yildagi «Oʻzbekiston - 2030» strategiyasi toʻgʻrisida”gi PF-158-sonli Farmoni va shu Farmonining ijrosini ta'minlash boʻyicha PQ-300-sonli qarori mazmun-mohiyati, hududlarda xotin-qizlar tomonidan sodir etilgan huquqbuzarlik va jinoyatchilikni holati va oldini olish chora-tadbirlari, xotin-qizlarga nisbatan sodir etilayotgan huquqbuzarliklar va oiladagi maishiy zoʻravonlik uchun javobgarlik, “Sud qarorlarining qonuniyligi, asosliligi va adolatliligini tekshirish instituti takomillashtirilishi munosabati bilan Oʻzbekiston Respublikasining jinoyat-prosessual kodeksiga oʻzgartirish va qoʻshimchalar kiritish toʻgʻrisida”gi 27.09.2023 yildagi OʻRQ-869-sonli Oʻzbekiston Respublikasining qonunining mazmun-mohiyati tushuntirildi va tumanda koʻp sodir etilayotgan huquqbuzarliklar va jinoyatchilikni oldini olish boʻyicha suhbat oʻtkazildi, ularning shu mavzudagi savollariga javob berildi.

🚀 Telegram 📷 Instagram
🔵 Facebook 🎬 YouTube

#Yutuq

Bo'kalik o'quvchi Xalqaro olimpiadada munosib ishtirok etdi.

🔸 "WESTMINSTER LEARNING CENTRE", IDUM va umumtaʼlim maktablari oʻquvchilari oʻrtasida 1-turi 17-20 yanvar kunlari Malayziyada, 2-turi 21 -24 yanvar kunlari Singapurda boʻlib oʻtgan matematika xalqaro olimpiadasida yurtimizdan 31 nafar oʻquvchi ishtirok etdi.

🔺 E'tiborli jihati, 27 ta davlat, 1100 nafar ishtirokchi orasida Toshkent viloyati Bo'ka tumani Maktabgacha va maktab ta'limi bo'limiga qarashli 27-Ixtisoslashtirilgan davlat umumta'lim maktabining 4-sinf oʻquvchisi Saidjahondor Saidbaxramov ham munosib ishtirok etib, yakunda 4-oʻrinni egalladi.

🔹 Endigina 10 yoshga to'lgan Saidjahondorga Singapurdagi matematika yoʻnalishi boʻyicha 3 ta oliygohning istalgan bittasida kontrakt asosida oʻqish va toʻlov shartnomasining 50 foizi miqdorida chegirma imkoniyati sertifikat tarzda taqdim etildi.

🚀 Telegram 📷 Instagram
🔵 Facebook 🎬 YouTube