“Qadrdon maktabimga kitob sovg’a qilaman” aksiyasi o'tkazildi.

📝 O’zbekiston Respublikasi Prezidentining 2022 yil 11 maydagi “Xalq ta’limini rivojlantirishga oid qo’shimcha chora-tadbirlar to’g’risida”gi PQ-241-son qarori ijrosini ta’minlash, yosh avlodda kitob o’qish va kitobxonlik madaniyatini shakllantirish, umumiy o’rta ta’lim muassasalari kutubxona kitob fondini boyitish, har bir fuqaro o’zi ta’lim olgan maktab kutubxonasiga kitoblar sovg’a qilishdek xayrli “Qadrdon maktabimga kitob sovg’a qilaman” aksiyasi bo'lib o'tdi.

🟢 Tadbirda Respublika Ma’naviyat va ma’rifat markazi Toshkent viloyati bo’limi, Toshkent viloyati Bolalar kutubxonasi xodimlari, umumiy o'rta ta'lim maktablari vakillari va o'quvchi yoshlar ishtirok etishdi.

🫥 Bu ezgu tashabbus o’sib kelayotgan yosh avlodning kitobga bo’lgan qiziqishini, mehrini va intilishini oshirish, kitobxonlikni ommaviylashtirish, ulug’ bobolarimizga munosib avlodni voyaga yetkazishda muhim hayotiy ahamiyatga egadir.

🫥 Zero, kitob insonni tarbiyalaydi, ulg’aytiradi, yuksak odob-axloqni, insoniy fazilatlarni shakllantiradi. Kitob o’qib voyaga yetgan bola avvalo chuqur bilimga, keng dunyoqarashga, mustaqil fikrga, mustahkam hayotiy pozitsiyaga ega bo’ladi.

🚀 Telegram 📷 Instagram
🔵 Facebook 🎬 YouTube