💐 БЫЛОГА ВЯЗНЯ АЛЕНУ ГАРЭЙКА ВІНШАВАЛІ З ДНЁМ НАРАДЖЭННЯ Ў ШАНЯЎСКІМ СЕЛЬСАВЕЦЕ

🏡 Алена Лявонцьеўна Гарэйка, былы вязень, пражывае ў в. Шакуны Пружанскага раёна.

👵 Цяжкімі былі дзяцінства і юнацкасць гэтага цудоўнага чалавека, аднак Алена Лявонцьеўна вынесла ўсе нягоды.

👏 Многа цудоўных слоў падзякі і пажаданняў прагучала ў адрас імянінніцы ў панядзелак ад старшыні Шаняўскога сельвыканкама Ірыны Бяляевай, старшыні Савета ветэранаў Шаняўскога сельвыканкама Ганны Хатэнка, загадчыка Шаняўскога СКБ Таццяны Кобрынец.

🎂 Яны павіншавалі Алену Лявонцьеўну з днём нараджэння, пажадалі ёй моцнага здароўя, доўгіх гадоў жыцця, мірнага неба над галавой.

⚕️ СУСТРЭЧУ З МАЛАДЫМІ СПЕЦЫЯЛІСТАМІ ПРАВЯЛІ Ў АБЛАСНОЙ ПСІХІЯТРЫЧНАЙ БАЛЬНІЦЫ «МАГІЛЁЎЦЫ»

👨‍⚕️ З маладымі спецыялістамі сустрэліся адміністрацыя медустановы і прадстаўнікі прафсаюзнага камітэта.

👩‍⚕️ Сёлета ў Брэсцкую абласную псіхіятрычную бальніцу «Магілёўцы» на першае працоўнае месца прыбылі дзве медыцынскія сёстры, медбрат і фельчар-лабарант.

✍️ Такія сустрэчы традыцыйна праводзяцца для таго, каб маладыя спецыялісты ведалі, што ім аказваецца ўвага і падтрымка на самым высокім узроўні, што яны ніколі не застануцца сам-насам са сваімі праблемамі.

❓ Сустрэча прайшла ў форме дыялогу. Моладзь не толькі слухала пажаданні і парады, але і звярталася з пытаннямі, якія цікавілі.

🚛 АЛЯКСАНДР КРЭЙДЗІЧ – МАЛАДЫ ВАДЗІЦЕЛЬ, ЯКІМ ГАНАРАЦЦА «ЖУРАЎЛІНАЕ» І ПРУЖАНШЧЫНА

🌾 Лепшых рэзультатаў па перавозцы зерня на жніве-2024 сярод маладых вадзіцеляў дамогся Аляксандр Крэйдзіч з ААТ «Жураўлінае» з вынікам больш чым 4000 тон.

🐄 Як вядома, усе не могуць быць дырэктарамі гаспадарак, кіраўнікамі прадпрыемстваў, начальнікамі розных аддзелаў, займацца бізнесам. А нехта ж павінен і кароў даіць, будынкі ўзводзіць, дзяцей вучыць, дарогі будаваць, баранку круціць. Шчасце, што ў Беларусі любая прафесія ў пашане, асабліва рукі, натруджаныя, мазолістыя.

🚜 Вось і Аляксандр Крэйдзіч ганарыцца сваім абраным працоўным шляхам і нават не ўяўляе сябе на іншым месцы. Ды і навошта бегаць, калі ўсё задавальняе?

📌 Чытаць далей тут.

☦ МАЛАДЗЁЖНЫ ПРАВАСЛАЎНЫ СЕМІНАР-ЗЛЁТ «АДЗІНСТВА-2024» БРЭСЦКАЙ ЕПАРХІІ ПРАЙШОЎ У ВЕЖНЫМ

🛕 Традыцыйны злёт праводзіўся 9-12 жніўня на тэрыторыі Мікалаеўскага скіта жаночага манастыра Нараджэння Прасвятой Багародзіцы на хутары Вежнае ў Пружанскім раёне.

🙏 У першы дзень, 9 жніўня, архіепіскап Брэсцкі і Кобрынскі Іаан здзейсніў святочную службу ў Мікалаеўскім скіце, дзе захоўваецца асабліва шануемы самаадноўлены спіс цудатворнага абраза Маці Божай, названай «Адзігітрыя».

🕯 Апоўначы 10 жніўня ўсе ўдзельнікі семінара-злёту сабраліся ў Мікалаеўскім падворку жаночага манастыра для ўдзелу ў Боскай літургіі, якую ўзначаліў архіепіскап Іаан.

⁉️ 12 жніўня, у завяршальны дзень семінара-злёта «Адзінства-2024», архіепіскап Брэсцкі і Кобрынскі Іаан правёў гутарку з удзельнікамі мерапрыемства і адказаў на ўсе хвалюючыя і цікавыя для маладога пакалення пытанні.

🔹 НА ТЭРЫТОРЫІ ПРУЖАНСКАГА РАЁНА СЁННЯ ПРАЦУЕ РЭЙДАВАЯ ГРУПА ТЭХНІЧНАЙ ІНСПЕКЦЫІ ПРАЦЫ ФПБ

✍️ Як расказала старшыня Пружанскага раённага аб’яднання прафсаюзаў Таццяна Гаманчук, у цэнтры ўвагі сёння 10 арганізацый.

❗️ Члены рэйдавай групы ажыццяўляюць маніторынг за выкананнем заканадаўства аб ахове працы ў арганізацыях Пружаншчыны.

🔷 Вынікі праведзенай работы падвядуць на нарадзе з удзелам спецыялістаў па ахове працы, старшынь пярвічных прафсаюзных арганізацый.