🌾 КАЛЕКТЫЎ ЗСК-80 ААТ «РУЖАНЫ-АГРА» ПЕРШЫМ У ПРУЖАНСКІМ РАЁНЕ ПРАСУШЫЎ 10 ТЫСЯЧ ТОН ЗБОЖЖА!

👏 Калектыў працаўнікоў зернесушыльнага комплексу Калазубы ААТ «Ружаны-Агра» ў складзе Сяргея Левянкова, Дзмітрыя Лазара, Алега Паўловіча і Андрэя Юрэні прымаў віншаванні з гэтым важным дасягненнем на жніве-2024.

❗️ Віншавалі работнікаў ААТ «Ружаны-Агра» старшыня раённага камітэта прафсаюза работнікаў АПК Вольга Зубкова і дырэктар ААТ «Ружаны-Агра» Андрэй Босак.

1️⃣1️⃣1️⃣1️⃣ Нагадаем, раней мы паведамлялі, што менавіта калектыў ЗСК-80 ААТ «Ружаны-Агра» лідзіруе на прасушцы збожжа на жніве-2024 у Брэсцкай вобласці.

💡 ЧАСОВЫЯ ПЕРАБОІ З ЭЛЕКТРАЗАБЕСПЯЧЭННЕМ ЗАФІКСАВАНЫ Ў НАСЕЛЕНЫХ ПУНКТАХ ПРУЖАНСКАГА РАЁНА

⚡️ Таксама яны фіксуюцца ў Баранавіцкім, Пінскім, Маларыцкім раёнах Брэсцкай вобласці.

🏭 Цыклон, які прыйшоў учора ў Беларусь, дабраўся да Брэсцкай вобласці. Як паведамляе РУП «Брэстэнерга», усяго ў Брэсцкай вобласці на аднаўленні электразабеспячэння, парушанага непагаддзю, працуюць больш за 250 энергетыкаў.

💨 Моцныя парывы ветру абрываюць правады, накідваючы на іх зламаныя дрэвы і галіны. Часткова адсутнічае электрычнасць у 27 населеных пунктах.

🚛 Аварыйна-аднаўленчыя брыгады аператыўна выязджаюць для ліквідацыі пашкоджанняў на лініях электраперадачы адразу пасля іх выяўлення.

🕖 Па дадзеных на 14.00 па вобласці працуе 74 брыгады, больш за 250 чалавек, 44 адзінкі спецтэхнікі.

📸 ФОТАФАКТ. А гэта ўжо вуліца Макаранкі ў Пружанах

🌳 Вецер паваліў дрэва каля варот забойнага цэху філіяла «Камбінат кааператыўнай прамысловасці» Пружанскага райспажыўтаварыства.

👩‍🚒 Фотаздымкамі падзяліліся работнікі Пружанскага РАНС.

☎️ Яны ж паведамілі, што адпаведныя службы ўжо праінфармаваны пра падзенне дрэва.

📸 ФОТАФАКТ. З-за моцнага ветру падаюць дрэвы і ўздоўж дарогі на Ружаны

📍 «Фота зроблена каля саду, у бок Ружан», – напісала нам падпісчыца.

☝️ Яшчэ раз звяртаемся да нашых падпісчыкаў: будзьце ўважлівымі і беражыце сябе.

⚡️БАРАНАВІЦКІ, ПРУЖАНСКІ І ПІНСКІ РАЁНЫ БОЛЬШ ЗА ІНШЫЯ Ў БРЭСЦКАЙ ВОБЛАСЦІ ПАЦЯРПЕЛІ АД ПАЎНОЧНАГА ЦЫКЛОНУ

🏭 Энергетыкі Брэсцкай вобласці працуюць ва ўзмоцненым рэжыме.

‼️ Усяго наступствы паўночнага цыклону ліквідуюць 96 аварыйна-аднаўленчых брыгад. Больш за іншых ад цыклону «Ігар» пацярпелі Баранавіцкі, Пружанскі, Пінскі раёны.

💡 З-за моцнай ветравой нагрузкі пашкоджаны 14 ліній 10 кВ, зафіксаваны 51 выпадак абрыву правадоў. Парушана электразабеспячэнне 20 населеных пунктаў, часткова адсутнічае электрычнасць яшчэ ў 32 вёсках.

⚡️ Больш за 300 энергетыкаў працуюць на аднаўленні ліній электраперадачы, задзейнічана 55 адзінак спецтэхнікі, ва ўсіх філіялах РУП «Брэстэнерга» дызельныя генератары правераны і гатовы да работы.

🕖 Да канца светлавога дня плануецца завяршэнне работ на асноўных участках пашкоджаных ліній.

💥 ПАДРАБЯЗНАСЦІ СУБОТНЯГА ДТЗ У ПРУЖАНСКІМ РАЁНЕ РАСКАЗАЛІ Ў ДАІ

🚒 Нагадаем, што ў выніку гэтага ДТЗ выратавальнікі дэблакавалі мужчыну-вадзіцеля, які аказаўся замкнёным у машыне. Ён дастаўлены ва ўстанову аховы здароўя.

🛣 Само здарэнне адбылося ў суботу, 27 ліпеня, каля 8.10 гадзін. 24-гадовы жыхар Пружанскага раёна, які не меў правоў кіравання і пры гэтым знаходзіўся у стане алкагольнага ап’янення, кіраваў аўтамабілем «Ford» і рухаўся па аўтадарозе Н-540 «Купічы-Шарашэва-Вялікае Сяло».

🚗 Па папярэдняй інфармацыі, на 5-м кіламетры аўтадарогі, на закругленні дарогі направа, не выбраў бяспечную хуткасць руху, не справіўся з кіраваннем. У выніку мужчына з’ехаў у левы па ходзе руху кювет і здзейсніў наезд на прыдарожнае дрэва, пасля чаго дапусціў перакульванне.

🚑 У выніку ДТЗ вадзіцель шпіталізаваны. У яго крыві знойдзена 0,6 праміле алкаголю. Праводзіцца праверка.