📸 ФОТАФАКТ. Выставы, прысвечаныя 80-годдзю вызвалення Пружанскага раёна ад нямецка-фашысцкіх захопнікаў, адкрылі ў цэнтральнай раённай бібліятэцы імя М. Засіма

🌟 Сёння тут прэзентавалі выставу дакументаў «Гарачы ліпень 1944. Вызваленне Пружан» і адкрылі выставу савецкага плаката «Шлях да Перамогі».

❗️ Удзел у адкрыцці выстаў прынялі намеснік старшыні Пружанскага райвыканкама Руслан Супрыновіч і выконваючы абавязкі кіраўніка Рускага Дому ў Брэсце Сафія Пякшава. Менавіта пры падтрымцы Рускага Дому ў Брэсце і была арганізавана выстава агітплакатаў.

📆 Па 7 жніўня ўключна пазнаёміцца з выставай «Шлях да Перамогі» і ўбачыць 17 агітпалакатаў можна на другім паверсе, у фае цэнтральнай раённай бібліятэкі імя М. Засіма.

📰 Усе падрабязнасці чытайце ў бліжэйшых выпусках «Раённых будняў».

‼️ Прадстаўнікі Пружаншчыны прымаюць удзел у экспертным семінары «Нацыянальная медыяпрастора: асаблівасці станаўлення і тэндэнцыі развіцця» ў Брэсце

🔷 Семінар праходзіць на базе тэлерадыёкампаніі «Брэст».

📍 Удзел у ім прымаюць галоўны рэдактар Пружанскай раённай газеты «Раённыя будні» Віктар Ільюшчанка і старшы інспектар аддзела ідэалагічнай работы і па справах моладзі райвыканкама Алена Зубко.

🔷 У якасці спікераў выступілі першы намеснік начальніка галоўнага ўпраўлення ідэалагічнай работы і па справах моладзі Брэсцкага аблвыканкама Дзяніс Сілівонік, начальнік Аддзялення па Брэсцкай вобласці Беларускага інстытута стратэгічных даследаванняў Ігар Кароль, аналітык Аддзялення па Брэсцкай вобласці Беларускага інстытута стратэгічных даследаванняў Сяргей Жук, паведамляе #1рэгіён.

📸 ФОТАФАКТ. Прафсаюзная акцыя «Родны мой горад, любоў мая» ў Пружанах працягваецца

🇧🇾🇧🇾 Мерапрыемства прымеркавана да 80-годдзя вызвалення Пружан і раёна ад нямецка-фашысцкіх захопнікаў.

🌺🌺 У рамках акцыі адбылася экскурсія па Пружанах. Члены прафсаюзаў усклалі кветкі да помніка «Спаленым вёскам».

📍 У гэтыя мінуты праходзіць экскурсія і квіз-гульня па музею-сядзібе «Пружанскі палацык». Удзельнічаюць у квіз-гульні, дарэчы, каманды 5 арганізацый горада.

📰 Падрабязна пра акцыю прафсаюзаў раскажам у бліжэйшых нумарах раённай газеты.

🌾 МАЛАДЫ ВАДЗІЦЕЛЬ ААТ «ЖУРАЎЛІНАЕ» АЛЯКСАНДР КРЭЙДЗІЧ ПЕРШЫМ У #1РЭГІЁНЕ ПЕРАВЁЗ 2000 ТОН ЗБОЖЖА НА ЖНІВЕ-2024!

🎉🎉 Сёння ў ААТ «Жураўлінае» свята: малады вадзіцель Аляксандр Крэйдзіч перавёз 2000 тон збожжа новага ўраджаю першым у Брэсцкай вобласці!

👏 Павіншавалі маладога вадзіцеля з перамогай старшыня Пружанскага райвыканкама Міхаіл Грышкевіч, старшыня Брэсцкай абласной прафсаюзнай арганізацыі работнікаў АПК Аляксандр Саланевіч, старшыня раённага камітэта прафсаюза работнікаў АПК Вольга Зубкова. Уручаны памятныя падарункі.

🚜 Дырэктар ААТ «Жураўлінае», член Савета Рэспублікі Нацыянальнага сходу Рэспублікі Беларусь Аляксандр Пішч павіншаваў маладога вадзіцеля. Пажадаў здароўя, сіл, поспехаў для пераадолення чарговай, ужо 3000-й адзнакі намалоту!