Perfektsionizm va kibr orasida ba'zida o'ta yupqa parda bo'ladi.

https://t.iss.one/pslog/1485

Menejer: Qaysini tanlaysan: backend yoki frontend?
Men: weekend
Mejerim: Tur, ishingni qil! 😠

#yaxshikayfiyat

Menda sotsiofobiya bor.
Bundan nafratlanaman. Lekin undan yetarlicha nafratlanmasam kerakki, undan halos bo'lolganim yo'q va haligacha bundan nafratlanaman.

Pinterest vebsaytini buzib qo'ydim 🥲

Mening sharofating bilan 1 oydan beri "Share" tugmasi millionlab foydalanuvchilar uchun ishlamayapti ekan. Har safar
"Share" bosilganda sahifa tepaga chiqib ketyapti.

Oxirgi 2 oy dizayn sistemamizning "Dropdown" va "Popover" kabi komponentlarini to'g'rilab chiqyotgandim. Ularning ekrandagi joylashuvini hisoblovchi algorithmni qaytadan yozib chiqdim. Raport qilingan va dokumentatsiya qilingan barcha xatoliklarni tuzatdim.

Qizig'i saytni buzgan hozirgi "bug"ni kod yozayotgan paytimda chiqib qolgani esimda. Lekin shunchaki "glitch", tashqi nozoslik bo'lsa kerak deb o'ylagandim. Uni keyinchalik tekshirib ko'raman deb umuman esimdan chiqargan ekanman. Hatto "design doc"da bu keyinchalik shunga o'xshash holatlarga olib kelishini yozib ketgan ekanman. Kattaroq qilib, qizartirib yozib ketsam bo'larkan o'zi!

Unda nega shunday qilmading dersiz. Yaxshi savol. Sababi prioritetda! Bundan muhimroq va ancha jiddiyroq nosozliklar bilan bunday detallarni ko'zdan qochirish juda oson.

P.S. Soat kechki 11 da o'shani to'g'rilab o'tiribman. "Share" metrikalari 1 oydan beri yaxshigina pastga tushib ketibdi.

Yaramas. Bug meni deb bo'lmagan ekan 😑. Keyinroq to'liq yozaman.

Mulohaza: Nega freymvork va kutubxonalar kerak?

Kodimizning sifatini oshirish uchun. Bu, albatta, yagona sabab emas. Lekin katta sabablaridan biri. Bunday texnologiyalar ishimizni osonlashtiradi va iloji boricha sifatli kod yozish uchun yo'l chizib beradi.

Murakkablikdan bizni ozod qilib, e'tiborimizni kodning mag'ziga qaratishga yordam beradi.

Aytgancha, "sifatli kod" nimaligini "sifatsiz"ini ko'rgan odam biladi. 😉
Va u birovning kodi bo'lishi shart emas!

Qanchalik sifatli bo'lmasin, kod vaqt o'tishi bilan "chiriydi". 🐛
Chunki vaqt o'tishi bilan unga yangi xususiyatlar qo'shasiz, talablar o'zgaradi, texnologiyalar va muhit o'zgaradi va h.k.z. Kodning qancha sifatli yozsangiz, o'shancha chirimay turadi. Lekin kafolati yoq! 🙂

Yana bir haqiqat shuki, dastruchilarning aksariyati odatda sifatsiz kod yozadi. "Aksariyati" deganda juda juda ko'p dasturchilarni narsarda tutyapman. "Odatda" deganim esa "deyari har doim" degani.

Isboti: O'zingizdan so'rang, oxirgi yozgan kodingizdan ko'nglingiz to'ldimi? Bundan yaxshiroq yoza olardingiz, to'g'rimi?
Shunaqa. 😑

Bu gap bilan hech kimni yerga urmoqchi emasman. Chunki bu faqat tajribasizlikdan kelib chiqmaydi. Ko'pincha vaqt tig'izligi bizni oson yo'ldan borishga majburlaydi. "Ishlasa bo'ldi" degan fikr bilan yondashamiz.

Frontend uchun algoritmlar kerakmi?

Kim kerakmas desa yolg'on aytibdi!

Frontendda emas backendda algoritmlar bo'ladi deyishsa bekorlarni beshtasini yeyishibdi!

Backendmi, frontendmi siz kod yozyapsiz. Frontendda algoritm va ma'lumotlar tuzilmalarining ishlatilishi backendnikidan kam emas. Shunchaki ikkalasi 2 xil yondashishga undaydi.

Agar bu narsani hali tushinib yetmagan bo'lsangiz, algoritmlar haqida to'liq tushunchaga ega emassiz. Xatto CSS yozyotganda sizga algoritmlar kerak bo'ladi.

Pinterestga kirganimdan beri bitta ham vazifa bo'lmadiki algoritmlar yozmagan bo'lsam. O'zi umuman olganda 7 yillik frontend tajribamda har doim algoritmlar bilan ishlagan ekanman. Buni faqat hozir anglab yetyapman.

Aytgancha, algoritm ekan deb kodni murakkablashtirib tashlash kerak emas. Siz odamlar uchun kod yozasiz. Boshqalarga aqlli ekanligingizni ko'rsatish uchun emas. Agar kodingiz murakkablashganini sezsangiz demak nimanidir xato qilyapsiz. Ha, ba'zi muammolarning ozi murakkab yechi talab qiladi. Lekin dasturchi sifatida yaxshi yechim topish bizning vazifamiz.

Bu mavzuda misollar bilan albatta bitta maqola yozaman. Bittasi kamlik qilsa ham kerak.

Kanalga yozadigan narsalarim ko'p. Agar kimlardir kutayotgan bo'lsa uzr so'rayman. O'tirib hammasini yozib chiqay desam vaqt yetmaydi. Shunaqa qisqa, tez fikrlarimni berib turay hech bo'lmasa. 🙂️️️️️️

Disclaimer: Balki men dizayn sistemalar ustida ishlaganim uchun algoritmlarga ko'p ishim tushar. Chunki odatda ko'p narsalar uchun npm library lar ishlatiladi. Hech kim murakkab narsalarni o'zi noldan qurishni xohlamaydi. Bu ko'pincha to'g'ri ham emas. Ortiqcha ish.

Lekin shunday bo'lsa ham dasturingiz talablariga mos kutubxonalar har doim topilavermaydi. Backendda ham shunday.

Ko'pchilikning ovoziga ko'ra suhbat vaqtini 20:00 qo'ydim. Hammasi yozib olinadi. Qatnasholmaydiganlar savollarini shu yerda komment tarzida qoldirishlari mumkin. 🙂

Barchamizga Ramazon oyi muborak bo'lsin!