#Poeziya_máwritleri

Watanımnıń baxtı kúlgen qızıman...

Mańlayımda aydıń júzi balqıǵan,
Júregimde watan mehri ańqıǵan.
Niyetim pák, men sonlıqtan bárháma,
Watanımnıń baxtı kúlgen qızıman.

Jelkemdegi qanat emes, bulıtlar,
Kózimdegi nurlarımda quyash-dur.
Qálem uslap, kitap qushıp uyıqlar,
Watanımnıń talant súygen qızıman.

Jurt basshımız basımızdan sılaǵan,
Biz jaslarǵa imkániyatlar sıylaǵan.
Alla qollar, sonlıqtan da barqulla,
Watanımnıń baxtı kúlgen qızıman!

Minara Qalbayeva

👉@bozataw_uz

#Poeziya_máwritleri

Bes baslama

Watan tuwın kѳkireklerge taǵamız.
Qollar bizdi el basqarǵan aǵamız.
Bes baslama bes imkaniyat uranı menen.
Keleshekke biz márdana baramız.

Tańlawlarda sıylı orın aladı.
Biri qosıq biri súwret saladı.
Saxnalarda kѳrkem ѳner teatr.
Teńlesi joq kѳrinisler quradı.

Sport búgin tanıtıp tur elimdi.
Bayraǵımız jurtlar ara kѳrindi.
Dúnyalarǵa tanıtadı bul sport.
Qatarına qostıq taǵı ilimdi.

Jaslar búgin dúnya júzin tanıp tur.
Internetke kompyutrge qanıq dur.
Jurt basshımız aytkanday el jasları.
Hár birinde talant kѳzi janıp tur.

Kitap bilim bulaǵıǵo qaynaǵan.
Hár qatarın sanamızǵa jaylaǵan.
Kitap oqıp tereń bilgen jaslarǵa.
Jurt basshımız bir mashınnan sıylaǵan.

Lal qaldırar isleriniń barısı.
Qollarınan toqıladı naǵısı.
Hayal-qızın jumıs benen bánt etip.
Jurt basshıma kóp xalqımnıń alǵısı.

Quwat Xalmuratov