🥀 Гала-канцэрт вядучых салістаў оперы Вялікага тэатра Беларусі прайшоў у Оршы 11 сакавіка, напярэдадні Рэспубліканскай акцыі «Культурная сталіца Беларусі». Настасся Масквіна, Дар'я Гаражанка, Марына Ліхашэрст, Уладзімір Громаў, Андрэй Сялюцін, Андрэй Мацюшонак, Аляксандр Міхнюк і калектыў «A.M.A.D.I.S. Brass» на сцэне гарадскога цэнтра культуры выканалі сапраўдныя «хіты» з усімі любімых опер і аперэт.
Рэспубліканская акцыя «Культурная сталіца Беларусі» праводзіцца з 2010 года. У 2022-м гэтым горадам стала Орша. На тэрыторыі Аршанскага раёна знаходзіцца музей Уладзіміра Караткевіча і дом Янкі Купалы. Фота: Віктар Сасноўскі/www.orshanka.by #Беларусь #культура #сталіца #горад #Купала #Караткевіч #зоркі #опера #музыка

Музыка, мова, характары...
"...Дух беларускіх легенд ды паданняў адчуваецца адразу ж з уверцюры - музыка выплывае нібыта з мінуўшчыны і злучае часы, каб тых, хто сядзіць у зале, не проста заглыбіць у дзею, а зрабіць сузіральнікамі падзей, што адбываюцца на сцэне...
#bolshoibelarus91

Напэўна, Уладзіміру Караткевічу было няпроста адаптаваць літаратурны твор для сцэнічнага ўвасаблення, але ж яго светабачанне і стыль усё ж адчуваюцца, асабліва, калі слухаеш прыгожа-пранікнёныя арыі, якія гучаць па-беларуску. А як іначай, калі героі разважаюць пра вельмі тонкія і інтымныя рэчы: каханне да жанчыны і любоў да радзімы?..
#музыка #опера #прыгажосць #слухаемсваё #Мінск #горад #тэатр #Вялікітэатр #Беларусь #слова #артыст #настрой

Шчырае і ахвярнае каханне, жаданне змагацца за яго, сяброўская здрада і бязлітасная рэўнасць, за якой стаіць смерць... І цяжка сказаць, хто з чатырох герояў тут другасны. Сплятаецца складаная інтрыга, калі шляхціц Раман закаханы ў халопку Ірыну, якая належыць яго сябру Кізгайлу. А яго жонка Любка супраць таго, каб адпусціць Ірыну... Увага гледача пераключаецца з аднаго героя на іншага... Але сутнасць і кульмінацыя — арыя Рамана, калі яго раздзіраюць сумненні, і тут выразна гучыць тэма болю за радзіму. Яна ёсць, няхай дзея ўсё ж ідзе ўслед за каханнем - яно ставіцца ў аснову ўсяго, яно перамагае змрок і разбурае смерць. Стрыжань галоўнага героя ў тым, што ён умее любіць і кахаць..." Л.Цімошык для партала "Звязда"

Музыка Дзмітрыя Смольскага будзе гучаць у Вялікім 13 лютага. На сцэне - опера "Сівая легенда", лібрэта да якой напісаў сам Уладзімір Караткевіч. За дырыжорскім пультам - Юрый Караваеў. У галоўных партыях: Алена Золава, Дзмітрый Шабеця, Аксана Волкава, Уладзімір Громаў, Дзмітрый Капілаў.

Квіткі тут