❤ 27 лістапада на сцэне Тэатра лялек г.Брэста адбыўся канцэрт "Музыкальныя шэдэўры эпох". У выкананні Камернага аркестра Брэсцкай філармоніі (дырыжор Вячаслаў Прылепін), опернай спявачкі Вялікага тэатра Беларусі Алены Золавай, Аляксандра Музыкантава (фартэпіяна) прагучалі творы Вердзі, Моцарта, Легара, Пучыні, Штраўса і інш.
#гастролі #музыка #Мінск #Брэст #опера
Пачуць Алену Золаву на сцэне Вялікага тэатра можна будзе 3 снежня - у загалоўнай партыі ў оперы П. Чайкоўскага "Іяланта"; 21 снежня ў праграме Каляднага опернага форума - у оперы Ул. Солтана "Дзікае паляванне караля Стаха" яна выканае ролю Надзеі Яноўскай; а таксама 22 снежня - на Гала-канцэрце зорак сусветнай оперы.

#гастролі
🧡 Некалькі прыгожых здымкаў балета В.Кузняцова "Анастасія" (харэаграфія Юрыя Траяна). Пастаноўку Вялікага тэатра Беларусі ў гэтыя дні могуць бачыць госці Каралеўскага тэатра Маската ў Амане. Сёння другі паказ спектакля. Поспехаў!.. #RoyalOperaHouseMuscat

#гастролі
❤️ Яшчэ некалькі кранальных момантаў з гастрольнай пляцоўкі - Каралеўскага тэатра Маската, дзе тры дні гучала беларуская музыка - 3, 4 і 5 лютага Вялікі тэатр прадставіў гледачам нацыянальны балет В.Кузняцова "Анастасія" у пастаноўцы Юрыя Траяна. Выканаўца загалоўнай ролі - Вікторыя Трэнкіна і дырыжор Мікалай Калядка з рук кіроўцы Каралеўскага тэатра Умбэрта Фані атрымалі каштоўныя падарункі - вялікую, добра ілюстраваную кнігу пра сам тэатр Султаната, а таксама ўпрыгажэнні і іншыя падарункі. Яшчэ раз #віншуем любімых артыстаў з такімі паспяховымі гастролямі. Нагадаем, што гэта была першая за перыяд пандэміі паездка тэатра за мяжу. Паміж іншым, і ў Каралеўскім тэатры Маската нашыя артысты выступалі таксама #ўпершыню.