🔥 У новым выпуску часопіса "Мастацтва" - размова з зоркай Марыінскага тэатра Кацярынай Семянчук, а таксама ўспаміны пра маэстра Яраслава Вашчака - да яго 100-годдзя. #часопіс #мастацтва #зоркі

#Мастацтва
Ён нарадзіўся ў Брэсце, але больш за 20 гадоў аддаў Мінску. Спачатку вучыўся ў харэаграфічным каледжы, потым танцаваў у беларускім Вялікім. 12 сезонаў ён служыў гэтай сцэне. Затым яму апладзіравалі гледачы Грузіі, Эстоніі, Расіі. Цяпер ён вядучы саліст Тэатра балета імя Леаніда Якабсона ў Санкт-Пецярбургу. Але, нават з'ехаўшы, ён усё роўна ніколі не пакідаў родны тэатр: ён стаў прататыпам для постаці Апалона ў скульптурнай кампазіцыі, што вянчае будынак Вялікага, - мастак Генадзь Буралкін менавіта ў ім убачыў прыгажосць грэчаскага бога сонца і мастацтваў. Ён – доўгачаканы госць фестывалю «Балетнае лета ў Вялікім». Яго любіць беларускі глядач. І ён адказвае публіцы той жа любоўю. І прызнаецца: кожны раз вяртаючыся ў Мінск - ён вяртаецца дадому. Госць новага выпуску часопіса "Мастацтва" - Дзяніс Клімук, артыст, які кожны раз сваім існаваннем на сцэне пацвярджае, што балет – гэта мастацтва думкі.
#балет #зоркі #часопіс #музыка

"Я адчуваю асалоду ад таго, што спяваю на беларускай мове. Гэта наша беларуская гісторыя, прыемна, што ў нас ёсць такая пастаноўка. Калі спяваю, у мяне ўзнікае глыбокае і моцнае пачуццё гонару за сваю краіну. Гэты спектакль - наша класіка..." 🎶 Настасся Масквіна - пра оперу Дзм. Смольскага "Сівая легенда", лібрэта да якой напісаў Ул. Караткевіч. Менавіта народная артыстка Беларусі выйдзе 29 сакавіка на сцэну Вялікага тэатра Беларусі ў вобразе Ірыны ў гэтым спектаклі. Ролі Любкі, Кізгайлы і Найміта выканаюць заслужаныя артысты рэспублікі Аксана Волкава, Станіслаў Трыфанаў, Алег Мельнікаў. #Упершыню ў партыі Рамана - лаўрэат міжнародных конкурсаў Дзмітрый Шабеця. Дырыжор - Алег Лясун. #опера #тэатр #гісторыя #дэбют #класіка #годГістарычнайпамяці #Караткевіч #музыка #Беларусь #зоркі #афіша #сакавік #беларускаяопера #Мінск
#Квіткі можна набыць тут

🥀 Гала-канцэрт вядучых салістаў оперы Вялікага тэатра Беларусі прайшоў у Оршы 11 сакавіка, напярэдадні Рэспубліканскай акцыі «Культурная сталіца Беларусі». Настасся Масквіна, Дар'я Гаражанка, Марына Ліхашэрст, Уладзімір Громаў, Андрэй Сялюцін, Андрэй Мацюшонак, Аляксандр Міхнюк і калектыў «A.M.A.D.I.S. Brass» на сцэне гарадскога цэнтра культуры выканалі сапраўдныя «хіты» з усімі любімых опер і аперэт.
Рэспубліканская акцыя «Культурная сталіца Беларусі» праводзіцца з 2010 года. У 2022-м гэтым горадам стала Орша. На тэрыторыі Аршанскага раёна знаходзіцца музей Уладзіміра Караткевіча і дом Янкі Купалы. Фота: Віктар Сасноўскі/www.orshanka.by #Беларусь #культура #сталіца #горад #Купала #Караткевіч #зоркі #опера #музыка