Заўтра, у сераду, 18 траўня, вядучага артыста балета Эвена Капітэна можна пабачыць як на роднай для французскага танцоўшчыка беларускай сцэне Вялікага тэатра - у спектаклі "Баядэрка" у партыі Салора (а 19-й), а таксама на тэлеканале сапраўдных каштоўнасцей - "Беларусь 3" у новым выпуску праграмы "Камертон" (а 18-й). Чакаем!
#артыст #герой #зорка #тэатр

«Уходит в небо табор журавлиный», «Ты прыйдзi», «Край прыгожых людзей» А. Атрашкевіч, «Максiмава песня» В. Пяцько, «Свiтанне» В. Кісценя, «Покаянная молитва» А. Безансон, «Ой, вы думкi» К. Гігевіч - цудоўныя творы сучасных беларускіх кампазітараў у тым ліку на словы Я. Купалы, Я. Коласа, М. Багдановіча, Р. Баравіковай прагучаць 17 чэрвеня ў Нясвіжы ў рамках "Вечароў Вялікага тэатра ў замку Радзівілаў" - у новай праграме "Беларускія прэм'еры" саліста оперы лаўрэата міжнародных конкурсаў Дзмітрыя Шабеці. Гэты ж канцэрт пройдзе ў Камернай зале тэатра 5 ліпеня.
Квіткі
#опера #артыст #тэатр #тэнар #музыка #беларускіярамансы #Вялікітэатр #Мінск

"Фестываль у замку Радзівілаў - гэта лета, гэта музыка, гэта мастацтва, гэта заўсёды асаблівы настрой. І вось гэтую цудоўную атмасферу мы будзем дарыць нашым гледачам. Прыязджайце, прыходзьце - абяцаю, што абыякавым не застанецца ніхто, бо гэта ўсё наша, роднае, беларускае. Хоць раз у жыцці, але гэтыя прыгожыя творы трэба пачуць..." - гаворыць Дзмітрый Шабеця. 17 чэрвеня менавіта канцэрт саліста беларускай оперы адкрые серыю праграм «Вечароў Вялікага тэатра ў замку Радзівілаў» у Нясвіжы. Пачуем прыгожую беларускую музыку ў Тэатральнай зале а 13-й. Квіткі
#опера #артыст #тэатр #тэнар #музыка #беларускіярамансы #Вялікітэатр #Нясвіж2022

"Беларускія прэм'еры" пачаліся з музыкі... і сустрэчы з таленавітым кампазітарам Аленай Віктараўнай Атрашкевіч, якая мяне па-добраму ўразіла. Я ж ехаў і не разумеў яшчэ, ці спрацуе мая ідэя, ці атрымаецца нешта з задуманага. Падаецца, я сам адносна нядаўна скончыў Акадэмію музыкі, дзе мы па праграме выконвалі беларускія творы. Але аказалася, што беларускіх рамансаў напісана так шмат, і так шмат выдатных, якія павінны гучаць і якія проста абавязаны пачуць нашыя слухачы. Алена Віктараўна адарыла мяне сваімі творамі і пазнаёміла з працамі калегаў. Калі я ад'яджаў ад яе, то вёз з сабой вялікі стос нот. Я адразу ж прыехаў да нашага дзіўнага канцэртмайстра Юліі Шчарбаковай. І пачалася праца – усё сыграць, паслухаць, выбраць, не ўпусціць чагосьці сапраўды важнага..." 5 ліпеня ў Камернай зале тэатра прагучаць цудоўныя беларускія рамансы ў выкананні маладога таленавітага артыста Дзмітрыя Шабеці.
Квіткі
#опера #артыст #тэатр #тэнар #музыка #беларускіярамансы #Вялікітэатр

“Ты прыйдзі” Алены Атрашкевіч, “Максiмава песня” Вячаслава Пяцько, “Не за вочы чорныя” Юрыя Семянякі, “Ой, вы, думкi…” Кацярыны Гігевіч, уверцюра да оперы Станіслава Манюшкі “Verbum Nobile”, п’еса “Мушкецёры” Яўгена Глебава, паланэз Тадэвуша Касцюшкі, мазурка Міхала Клеафаса Агінскага, “Зорка Венера” Сямёна Рака-Міхайлоўскага, “Маё каханне” Ігара Лучанка, “Світанне” Віктара Кісценя, “Я люблю” Уладзіміра Алоўнікава і іншыя прыгожыя беларускія песні, рамансы, музычныя творы прагучаць #сёння, 5 ліпеня, ў праграме опернага спевака Дзмітрыя Шабеці “Беларускія прэм’еры”. На сцэне Камернай залы таксама мы ўбачым салістак оперы народную артыстку Беларусі Настассю Масквіну і Марыю Галкіну, квартэт флейт Вялікага тэатра Беларусі (заслужаная артыстка Рэспублікі Беларусь Ларыса Ласоцкая, Наталля Мурзіна, Арцём Нямірскі, Арсэн Замтарадзэ) і Юлію Шчарбакову (партыя фартэпіяна). Квіткі яшчэ можна набыць.
#опера #артыст #тэатр #тэнар #музыка #беларускіярамансы #Вялікітэатр

Ужо заўтра, у нядзелю, 14 жніўня, у эфіры тэлеканала "Беларусь 3" не прапусціце праграму "Кадры жыцця", што прысвечана салісту оперы Вялікага тэатра Беларусі Станіславу Трыфанаву - у сувязі з юбілеем заслужанага артыста рэспублікі. Пачатак у 14:30. #юбілей #артыст #жыццё #тэатр