Аўтарскі праект Дзмітрыя Шабеці «Беларускія прэм'еры», які накіраваны на развіццё і папулярызацыю беларускай культуры, ужо сабраў гледачоў Музея Адама Міцкевіча ў Навагрудку напрыканцы лютага, а таксама 5 сакавіка ў Лідзе. 29 сакавіка прыгожае беларускае слова і музыка гучалі ў Маскве – Дзмітрый Шабеця разам з калегамі і сябрамі па тэатру выступаў у амбасадзе Рэспублікі Беларусь у РФ.
Далей канцэрты, у якіх гучаць творы сучасных беларускіх кампазітараў на словы беларускіх класікаў і сучасных паэтаў, пройдуць у Мінску – Музыкальным коледжы імя М.І. Глінкі (31 траўня), потым – у Маладзечна, на штогадовым фестывалі беларускай песні і паэзіі (10 чэрвеня), а таксама у Нясвіжы, у рамках Вечароў Вялікага тэатра ў палацы Радзівілаў (17 чэрвеня).
На сцэне Вялікага тэатра Беларусі пачуем голас Дзмітрыя Шабеці 21 і 26 красавіка. У гэтыя вечары – оперы П.Чайкоўскага «Іаланта» і К.Сен-Санса «Самсон і Даліла». #опера #артыст #спектакль #тэатр #тэнар #музыка #беларускіярамансы #Вялікітэатр #Мінск
Афіша на красавік тут

“Ты прыйдзі” Алены Атрашкевіч, “Максiмава песня” Вячаслава Пяцько, “Не за вочы чорныя” Юрыя Семянякі, “Ой, вы, думкi…” Кацярыны Гігевіч, уверцюра да оперы Станіслава Манюшкі “Verbum Nobile”, п’еса “Мушкецёры” Яўгена Глебава, паланэз Тадэвуша Касцюшкі, мазурка Міхала Клеафаса Агінскага, “Зорка Венера” Сямёна Рака-Міхайлоўскага, “Маё каханне” Ігара Лучанка, “Світанне” Віктара Кісценя, “Я люблю” Уладзіміра Алоўнікава і іншыя прыгожыя беларускія песні, рамансы, музычныя творы прагучаць 5 ліпеня ў праграме опернага спевака Дзмітрыя Шабеці “Беларускія прэм’еры”. На сцэне Камернай залы таксама мы ўбачым салістак оперы народную артыстку Беларусі Настассю Масквіну і Марыю Галкіну, квартэт флейт Вялікага тэатра Беларусі (заслужаная артыстка Рэспублікі Беларусь Ларыса Ласоцкая, Наталля Мурзіна, Арцём Нямірскі, Арсэн Замтарадзэ) і Юлію Шчарбакову (партыя фартэпіяна). Квіткі
#опера #артыст #тэатр #тэнар #музыка #беларускіярамансы #Вялікітэатр

#bolshoibelarus90
#Сёння ў Вялікім тэатры Беларусі гучыць неверагодная па сваёй прыгажосці музыка Уладзіміра Солтана. На нашай сцэне - містычная драма паводле аповесці Уладзіміра Караткевіча "Дзікае паляванне караля Стаха". Увечары галоўныя партыі ў оперы (пастаноўка Ганны Маторнай) выканаюць: Таццяна Гаўрылава, Сяргей Франкоўскі, Уладзімір Громаў, Юрый Гарадзецкі, Андрэй Сялюцін, Юрый Балацько, Аляксандр Кеда, Андрэй Мацюшонак, Уладзіслаў Зазулька. Дырыжор Уладзімір Авадок. Пачатак а шостай увечары. #премьера #опера #музыка #паляванне #Караткевіч #Стах #тэатр #театр #Вялікітэатр #большойтеатр #Мінск
На сёння квіткоў няма, але можна паспець іх набыць на спектакль 24 студзеня.

#bolshoibelarus90
Літаральна праз некалькі гадзін у Вялікім тэатры Беларусі гучыць неверагодная па сваёй прыгажосці музыка Уладзіміра Солтана. На нашай сцэне - містычная драма паводле аповесці Уладзіміра Караткевіча "Дзікае паляванне караля Стаха". Увечары галоўныя партыі ў оперы (пастаноўка Ганны Маторнай) выканаюць: Алена Золава, Сяргей Франкоўскі, Дзяніс Янцэвіч, Аляксандр Міхнюк, Андрэй Сялюцін, Віктар Мендзелеў, Андрэй Валенцій, Аляксандр Гелах, Уладзіслаў Зазулька. Дырыжор Уладзімір Авадок. #премьера #опера #музыка #паляванне #Караткевіч #Стах #тэатр #театр #Вялікітэатр #большойтеатр #Мінск
Наступнае "...Паляванне..." 23 лютага

#bolshoibelarus90
#Сёння ў Вялікім тэатры Беларусі гучыць неверагодная па сваёй прыгажосці музыка Уладзіміра Солтана. На нашай сцэне - містычная драма паводле аповесці Уладзіміра Караткевіча "Дзікае паляванне караля Стаха".

Увечары галоўныя партыі ў оперы (пастаноўка Ганны Маторнай) выканаюць: Алена Золава, Сяргей Франкоўскі, Дзяніс Янцэвіч, Аляксандр Міхнюк, Станіслаў Трыфанаў, Юрый Балацько, Андрэй Валенцій, Андрэй Мацюшонак, Уладзіслаў Зазулька. Дырыжор Юрый Караваеў.#опера #музыка #паляванне #Караткевіч #Стах #тэатр #театр #Вялікітэатр #большойтеатр #Мінск

Сёння гартаем старонкі беларускай гісторыі. Увечары мы апынемся ў XV стагоддзі - будзем сачыць за лёсам князёўны Анастасіі Слуцкай.
У свой час мастак-пастаноўшчык спектакля Аляксандр Касцючэнка адзначаў, што бачыць сваю задачу ў тым, “каб гледачу спадабалася гэта гісторыя і дзесьці ўнутры ўскалыхнуўся гонар за сваю краіну, за сваіх продкаў, за тое, што ён таксама з’яўляецца беларусам”.
Таму нядзіўна, што гэты балет Юрыя Траяна на музыку Вячаслава Кузняцова йдзе на сцэне Вялікага менавіта ў гэты дзень - Дзень народнага адзінства.
#bolshoibelarus91

Так, гэта не гістарычны гераічны эпас, а хутчэй фантазія вакол яго, харэаграфічная легенда, у якой рэальныя факты пераплецены з мастацкай прыдумкай, лірычнымі адступленнямі і ўласна рэжысёрскім прачытаннем сюжэту. Гледачы прасочаць няпростыя лініі любоўнага трохкутніка паміж Анастасіяй (Вікторыя Трэнкіна), закаханым у яе князем Міхаілам Глінскім (Сцяпан Колчук) і каварнай дачкой крымскага хана Заірай (Надзея Філіпава), убачаць узлёты і падзенні чалавечай душы ад найніжэйшай подласці да самаадданай вернасці і высакароднасці… Таксама галоўныя партыі Сямёна і хана Ахмата выканаюць Дзяніс Шпак і Уладзімір Руда. Упершыню у ролі бацькі Анастасіі - Івана Мсціслаўскага - Аляксей Баярынаў. За дырыжорскім пультам - Юрый Караваеў.
#гісторыя #каханне #наша #Беларусь #тэатр #музыка #балет #харэаграфія #Вялікітэатр #жанчына #мужнасць #глядзець #абавязкова

Квіткі яшчэ можна набыць

Фота: Міхаіл Несцераў

#bolshoibelarus91
#Сёння ў Вялікім тэатры Беларусі гучыць неверагодная па сваёй прыгажосці музыка Уладзіміра Солтана. На нашай сцэне - містычная драма паводле аповесці Уладзіміра Караткевіча "Дзікае паляванне караля Стаха".

Увечары галоўныя партыі ў оперы (пастаноўка Ганны Маторнай) выканаюць: Настасся Міхнавец, Дзмітрый Шабеця, Уладзімір Громаў, Аляксандр Кеда, Аляксандр Міхнюк, Станіслаў Трыфанаў, Юрый Балацько, Аляксандр Гелах, Уладзіслаў Зазулька. Дырыжор Юрый Караваеў. #опера #музыка #паляванне #Караткевіч #Стах #тэатр #кастрычнік #Вялікітэатр #большойтеатр #Мінск

Не скупіцеся на апладысменты, дарагія гледачы! Асабліва - для Дзмітрыя Шабеці, сёння ў саліста оперы - дзень народзінаў!

Разліліся, развіліся
вокал туманы.
І на кветках, і на лісці
ўсё яны, яны...
У.Дубоўка

#сёння #туманы #настрой #тэатр #Мінск #шпацыр #Вялікітэатр #на_ганку #восень #кастрычнік #осень #октябрь #Минск #гуляем #театр #красота #фото #туман #настроение

Фота: Міхась Грыдасаў

#Сёння, 26 снежня, беларуская культурная супольнасць азначае 130-годдзе з дня нараджэння аднаго з заснавальнікаў беларускай кампазітарскай школы - беларускага класіка ХХ стагоддзя Яўгена Цікоцкага. Менавіта яго опера "Міхась Падгорны" адкрывала ўласны будынак Тэатра оперы і балета ў 1939 годзе. А 79 год таму - 24 снежня 1944-га ў зале Дома Чырвонай Арміі адбылася прэм'ера оперы "Алеся". Гэта сапраўды стала значнай падзеяй для вызваленага Мінску і для ўсёй рэспублікі, на тэрыторыі якой яшчэ ішлі баі...
#bolshoibelarus91

З гэтай нагоды Вялікі тэатр Беларусі прапануе зноў "прыйсці" на анлайн-выставу - пагартаць старонкі гісторыі беларускай оперы.
#выстава #гісторыя #Беларусь #тэатр #музыка #опера #Вялікітэатр #глядзець #абавязкова #юбілей #легенда

Глядзім экспазіцыю тут