Апошні месяц восені, сябры! 🥰

ЛІСТАПÁД (listapad)
(назоўнік, мужчынскі род)

1. (у родным склоне канчатак -а). Адзінаццаты месяц каляндарнага года.

🔸Ужо ў пачатку лістапада станавіўся сухі холад, а пад сярэдзіну таго ж месяца нападаў зьмёрзлы і сьцёрты ветрам на муку сьнег. (Чорны).

2. (у родным склоне канчатак -у). Ападаньне лісьця восеньню (у цёплых краінах — перад наступленьнем засухі); час гэтага ападаньня.

🔸Шуміць лістапад. Хвоі ў лесе панура рыпяць. (Панчанка).

#беларусь #беларуский #belarus #беларускийязык #минск

БАЛÓНКА (bałonka)
(назоўнік, жаночы род)

1.  Тонкая плёнка, якая зьяўляецца перагародкаю ці абалонкаю ў жывым арганізьме.

2.  Аконнае шкло, шыба.

🔸Побач лена (рас. "лениво"), нібы засынаючы на зіму, гудзе муха: спрабуе пераадолець незразумелую перашкоду — балонку акна, празь якую і ўсё відно і не вылеціш... (Сіпакоў)

3. Устарэлае слова, устарэлы выраз: старонка кнігі, часопіса.

🔸Не кранулі мае пальцы ні балонкі з гэтых твораў. (Глебка)

4. Парода маленькіх хатніх сабачак з доўгаю мяккаю поўсьцю.

#беларусь #беларуский #belarus #беларускийязык #минск

Вось вам харошага Мурчыка на добрую ноч 🐱

#беларусь #беларуский #belarus #беларускийязык #минск

Мы проста не маглі прайсьці міма гэтае карцінкі 😸

ЗЛÓДЗЕЙ (złodziej)
(назоўнік, мужчынскі род)

1. Той, хто крадзе, робіць кражу.

🔸Як яму кепска ні жылося, а ён ніколі ў жыцьці ня быў злодзеем. (Бядуля)

2. Ужываецца як лаянкавае слова.

🔸— Ты што ж гэта, злодзей ты, зьневажаеш старэйшых, — ціха з прыціскам і крыху нарасьпеў прыгаварвае Цімохаў бацька і круціць сына за вуха. (Колас)

#беларусь #беларуский #belarus #беларускийязык #минск

МІЛАГУЧНЫ (miłahučny)
(прыметнік, мужчынскі род)

Прыемны на слых; які прыемна гучыць.

🔸Гукі раяля, зьліваючыся ў мілагучную мэлодыю, ледзь чутна даляталі да вушэй вартавога. (Колас)

#беларусь #беларуский #belarus #беларускийязык #минск

Як сказаць па-беларуску, калі чагосьці/кагосьці вельмі шмат? Глядзіце ў відэа 😸

#беларусь #беларуский #belarus #беларускийязык #минск

​​🇧🇾🇧🇾 Виды птиц :: Словарь белорусского 🇧🇾🇧🇾

Птица - Птушка
Утка - Качка
Павлин - Паўлін
Ворон - Варона
Голубь - Голуб

Индейка - Індычка
Гусь - Гусь
Сова - Сава
Страус - Страус
Попугай - Папугай

Аист - Бусел
Орёл - Арол
Ястреб - Ястраб
Фламинго - Фламінга
Чайка - Чайка

Пингвин - Пінгвін
Лебедь - Лебедзь
Дятел - Дзяцел
Пеликан - Пелікан

#беларусь #беларуский #belarus #беларускийязык #минск

26 лістапада 1930 году ў горадзе Ворша нарадзіўся беларускі паэт, празаік, драматург, публіцыст, перакладчык, сцэнарыст і клясык беларускае літаратуры — Уладзімер Сямёнавіч Караткевіч.

Караткевіч зрабіўся адной з найбольш яскравых фігур беларускае літаратуры XX ст. Асаблівая яго заслуга — распрацоўка гістарычнае тэматыкі. Ён падняў у сваіх творах шырокія пласты нацыянальнае гісторыі, перадаўшы дух мінуўшчыны.

#беларусь #беларуский #belarus #беларускийязык #минск

Зь першым днём зімы, даражэнькія! ❄️⛄❄️

СЬНЕ́ЖАНЬ (śniežań)
(назоўнік, мужчынскі род)

Дванаццаты месяц каляндарнага года.

🔸У пакой рынула ядранае марознае паветра — на дварэ панавала зіма, быў пачатак сьнежня. (Васілёнак).

❗️Запомнім: ніколі не адказваем на дзякуй словамі "калі ласка" — гэта калька з расейскае мовы. Нашае "калі ласка" суправаджае просьбу 😉

Трошкі цікавага пра "дзякуй":

🔸Дзякуем мы КАМУ, а не КАГО (як у рас. мове): дзякую (каму?) табе, сябрам.
🔸Слова "дзякуй" скланяецца як звычайны назоўнік: „А што мне з твайго дзякуя? Якая цана яму, гэтаму дзякую? Зь дзякуем, брат, у краму ня пойдзеш. І на дзякуі не пражывеш…” (Я. Рапановіч).
🔸Слова "дзякуй" мужчынскага роду: вялікі дзякуй як вялікі трамвай. Можа быць яшчэ шчырым, сардэчным.
🔸"Дзякуй" зьявіўся ў нашай мове прыкладна у 15 ст.
🔸Калі вы любіце скарачаць словы ў перапісках, пішыце ня "дзяк", а "дзяка" — гэтае слова калісьці ўжывалася ў множным ліку ("дзякі") замест "дзякуй".

#беларусь #беларуский #belarus #беларускийязык #минск

Як сказаць па-беларуску "ИЗ ОДНОГО ТЕСТА"?

🔸Чэрці адное шэрсьці
🔸Бліны-ляпешкі з аднае дзежкі (рас. "квашни")

❓Як вам такія ''чэрці''? 😊

#беларусь #беларуский #belarus #беларускийязык #минск

Хутка ва ўсіх дамах краіны! 🐈🎄

ДÁЦЬ РÁДЫ (-У) можна каму ці чаму. А мае гэты выраз наступныя значэньні:

1. ДАЦЬ РАДУ: Парадзіць, параіць.

🔸Табе раду я дам, як бяду ашукаць. (Купала).

2. ДАЦЬ РАДЫ: Адолець, управіцца з кім-, чым-н.

🔸Кабанам цяжка было даць рады, яны раўлі, як зьвяры, і не хацелі ці не маглі падняцца. (Чорны).

#беларусь #беларуский #belarus #беларускийязык #минск

20 спосабаў, як назваць лянівага чалавека 😉

🔸абібОк
🔸гультАй
🔸латрУга
🔸нядбАйла
🔸нядбАлец
🔸лянІвец
🔸лОтра
🔸баглАй
🔸байбАк
🔸убОіна
🔸віхлЯй
🔸брЫнда
🔸біньдзЮк
🔸бІндус
🔸дзяньгУб
🔸дЫндаль
🔸папіхАйла
🔸таўлУй
🔸трУцень
🔸бЭйбус

Які зь іх ваш фаварыт? 😄

#беларусь #беларуский #belarus #беларускийязык #минск

УБЫЦЬ (ubyć)
(дзеяслоў, закончанае трываньне)

1. Паменшаць, убавіцца ў колькасьці, аб'ёме, сіле і пад.

🔸Убыла вада ў сажалцы.
🔸Убыў дзень.

2. Зьнікнуць, аслабець.

🔸Убыла рашучасьць.

3. (звычайна з адмоўем «не»). Пражыць, прабыць пэўны час дзе-н.

🔸Парабак не ўбыў доўга на адным месцы. (Чорны).

4. Ужыцца з кім-н.

🔸[Старая:] — Ты вось ляжы, як пан, а я табе ўсюды спраўлюся .. З табою ж не ўбудзе ніхто. (Брыль).

#беларусь #беларуский #belarus #беларускийязык #минск

Ці чыталі вы раман Івана Шамякіна "Сэрца на далоні"? А ці ведалі, што ягоная назва — гэта цэлы фразэалягізм, які нават мае адпаведнік у расейскай мове — "душа нараспашку"? 🤍

А яшчэ ў фразы ёсьць 'сынонімы':

🔸Душа наросхрыст (нáхлашч)
🔸Шчырая душа 

#беларусь #беларуский #belarus #беларускийязык #минск