19 верасня 1991 года Вярхоўны Савет прыняў новую назву нашай дзяржавы — Рэспубліка Беларусь, а таксама зацвердзіў нацыянальныя і гістарычныя сімвалы ў якасці дзяржаўнай сімволікі — старажытны герб Пагоня і бел-чырвона-белы сцяг.

Як насамрэч жылося пры паляках? Заходняя Беларусь 30-х

Часы Заходняй Беларусі выклікаюць шмат пытанняў і з'яўляюцца тэмай працяглых спрэчак. Хтосьці кажа пра беднасць і прыгнёт з боку Польшчы, хтосьці пра вялікі дастатак і багацце ўсяго, што можа спатрэбіцца для жыцця чалавека. Дык як жылі беларусы ў Заходняй Беларусі, колькі каштаваў ровар і як можна было звярнуцца па медычную дапамогу — пра гэта і многае іншае раскажуць нашы вядучыя Дар'я Палынская і Алесь Кіркевіч.

Як балты і славяне ўжываліся ў Вялікім Княстве Літоўскім

Ці існавала славянская Лютва, якая нібыта ператварылася ў Літву? Як адбываўся кантакт славян і балтаў, хто каго перацягваў у сваю культуру і мову? Адкуль у Вільні ў XIII стагоддзі ўзяліся хрысціянскія могілкі? Пра гэта і многае іншае, што нашы слухачы абмяркоўваюць у каментарах на YouTube, мы гаворым з Алегам Латышонкам, доктарам гістарычных навук, прафесарам Беластоцкага ўніверсітэта ў Польшчы.

Ці быў Наваградак першай сталіцай ВКЛ. 10 фактаў пра старажытны горад, які адзначыў 980 год

Аляксей Ластоўскі: З палякаў спрабуюць стварыць ворагаў
“Госць Рацыі” — акадэмічны дырэктар Беларускага інстытуту публічнай гісторыі Аляксей Ластоўскі. Гутарым з ім пра сутнасць так званага свята Народнага адзінства, а таксама пра тое, што сапраўды значыць 17 верасня 1939 году для беларусаў.

25 верасня 1962 года нарадзіўя Алесь Бяляцкі - беларускі дзеяч яшчэ з часоў савецкай няволі, гісторык літаратуры, пісьменнік, праваабаронца, палітвязень, лаўрэат Нобелеўскай прэміі міру (2022). Сярод шматлікіх узнагарод атрымаў медаль 100 гадоў БНР.

Бяляцкі паходзіць з багатай сям'і з усходняга Палесся, якая ў выніку савецкай калектывізацыі збяднела і была вымушана шукаць новае месца жыцця.

Алесь ужо ў 1980-я гг. браў удзел у моладзевым нацыянальна-дэмакратычным руху, у тым ліку належаў да канспірацыйнай партыі "Незалежнасць", якая хацела выхаду Беларусі з СССР і вяртання незалежнасці. Быў адным з заснавальнікаў "Мартыралог Беларусі" і сябрам аргкамітэту Беларускі народны фронт "Адраджэньне" і суарганізатарам "Беларускай каталіцкай грамады". Пазней стаў дырэктарам Літаратурнага музею Максіма Багдановіча. З 1996 года сакратар управы партыі БНФ. Менавіта ён у 1991 годзе прынёс беларускі сцяг, які залунаў над Менгарсаветам. У 1996 годзе заснаваў "Вясну".

У Расіі хочуць адмяніць рэабілітацыю значнай колькасці ахвяр савецкіх рэпрэсій. Пакінуць толькі апалітычных і “добранамераных”.

Адпаведны праект загада падрыхтаваў генпракурор Расіі Ігар Красноў, перадаюць расійскія медыя. Паводле праекта, пракуратура будзе «на пастаяннай аснове» выяўляць і адмяняць рэабілітацыю тых людзей, якія ў савецкія часы змагаліся са зброяй у руках супраць бальшавікоў, былі абвінавачаны ў нацыяналізме, дапамагалі нацыстам ці проста лічыліся здраднікамі ў шырокім сэнсе.

Крыніца

Даведка: Расія - пераемніца СССР. У Расіі далей моцны культ менавіта савеччыны, які ўзмацняецца.

Рыхтуецца да выхаду кніга па гісторыі аршанскага ножнага шпурляку

Журналіст і ўраджэнец Оршы Арцём Сізінцаў падрыхтаваў да выдання ўнікальную кнігу «"На "Старт" і ў "Тэмпе" Ножны шпурляк на Аршаншчыне». Аўтар распавядае пра 100-гадовую гісторую аршанскага футболу. Арцём Сізінцаў пачаў пісаць кнігу яшчэ ў 2011 годзе: карпатліва збіраў звесткі ў архівах і бібліятэках, размаўляў з гульцамі, заўзятарамі, журналістамі... У выніку атрымалася незвычайная кніга, праз прызму якой праглядаецца спартовая гісторыя ўсёй Беларусі.

Апроч фактаў, лічбаў і табліцаў, у кнізе шмат цікавых, а часам і смешных гісторыяў. Чытачы тут знойдуць фотаздымкі, якіх няма нідзе больш, і звесткі, якія не дадумаўся сабраць ніхто больш.

Тэрмін “ножны шпурляк” быў упершыню ўжыты мовазнаўцам Янкам Станкевічам у яго “Беларуска-расейскім (Вялікалітоўска-расейскім) слоўніку”.

Аўтар паставіў сабе за мэту таксама даследаваць і папулярызоўваць старую забытую і новую незаўважаную яшчэ ўласнабеларускую спартовую тэрміналогію.

Кніга выйдзе ў выдавецтве "Скарына". Размову з Арцёмам Сізінцавым можна паглядзець тут. Падтрымаць выхад кнігі можна па спасылцы.

Ратаваліся і ад немцаў, і ад партызан: вайна вачыма беларусаў

Як беларускія вясковыя жыхары насамрэч успрымалі падзеі Другой сусветнай вайны? Ці ведалі яны пра бітвы за Сталінград і Маскву? Чаму партызан памяталі не толькі як герояў, але і як "рабаўнікоў"? Што прымушала людзей прасіць савецкую ўладу памілаваць паліцаяў і калабарантаў? Латышы, фіны і французы - хто ўваходзіў у нямецкае войска і хто з іх быў самым жорсткім? Ці дапамагалі беларусы габрэям і што адбывалася з маёмасцю расстраляных? Як беларусы ставіліся да польскай Арміі Краёвай і ці можна давяраць успамінам людзей як гістарычнай крыніцы? У новым выпуску “Непростай Гісторыі” – размова з доктарам гістарычных навук Уладзімірам Лобачам пра складаныя і супярэчлівыя ўспаміны нашай гісторыі, якія могуць перавярнуць ваша ўяўленне пра Другую сусветную вайну.

Анжаліка Аношка: «Варта было б адкрыць архівы пра Другую сусветную вайну — там будзе шмат сюрпрызаў для нас»

У рамках спецпраекта Вытокі «Салідарнасць» аналізуе нацыянальны характар ​​і спрабуе знайсці адказы на пытанні аб тым, хто такія беларусы, чым мы адрозніваемся ад іншых, і які лёс чакае нашу нацыю. Сённяшняя суразмоўніца — дырэктар публічнай установы "Формула чалавечнасці", сябра Беларускага інстытута публічнай гісторыі Анжаліка Аношка.