Зөһрә Рәхмәтуллина: "Республика халыҡтары дуҫлыҡ менән көслө"

Беҙ республиканың һәм күп милләтле халыҡтың берҙәм булыуын күрһәтәбеҙ. Был аҙнала Өфөлә концерт була. Танылған мәҙәниәт эшмәкәрҙәре һәм йәмәғәтселәр Башҡортостан Башлығына хуплау белдереү маҡсатында сара ойоштороу башланғысы менән сыҡты. “Республика халыҡтары дуҫлыҡ һәм берҙәмлек менән көслө”, - ти Башҡортостан халыҡтары ассамблеяһы Советы рәйесе, Өфө Тарих, тел һәм әҙәбиәт институты директоры Зөһрә Рәхмәтуллина.

Башҡортостан Ҡаҙағстанға иген һата

Беҙҙең республика делегацияһы был көндәрҙә рәсми сәфәр менән Астанала. Хөкүмәттән хәбәр итеүҙәренсә, Ҡаҙағстан Иген союзы менән һөйләшеүҙәр уҙғарылған. Аҙыҡ-түлек баҙарын көйләү темаһы ҡаралған. - Башҡортостандан бер компания тәүҙә мең тонна иген оҙата. Сауҙа өсөн яҡшы башланғыс, тигән ышаныс белдерҙе Сауҙа һәм хеҙмәттәр министры Алексей Гусев. Ҡаҙағстан логистика, рөхсәт документтары алыуҙа ярҙам вәғәҙәләне.

“Рәсәй – мөмкинлектәр иле” милли премияһына заявкалар ҡабул ителә

Унда 18 йәше тулған һәр кем ҡатнаша ала. Милли премияға 13 номинация буйынса проекттар ҡабул ителә. “Һаулыҡ һаҡлау һәм медицина”, “Эшҡыуарлыҡ”, “Ижад һәм сәнғәт”, “Мәғариф” һәм башҡа йүнәлештәрҙә тәҡдим һәм тәжрибәләр менән уртаҡлашырға була. Заявкаларҙы милли премия сайтында ҡалдырырға кәрәк. Еңеүселәр Мәскәүҙә “Рәсәй” халыҡ-ара форум-күргәҙмәһендә асыҡлана.

Башҡортостан депутаттары йылдар буйы тәбиғәткә килгән зыянды баһаларға ниәтләй

Дәүләт Йыйылышы – Ҡоролтайҙа Экология кодексына үҙгәреш әҙерләнә. Уға ярашлы дәүләт власы органдарына тирә-яҡты һаҡлау мөнәсәбәттәре өлкәһендә вәкәләттәр өҫтәлә. Сүплектәр һәм ҡаты көнкүреш ҡалдыҡтары полигондары, элекке сәнәғәт ойошмалары майҙансыҡтарын иҫәпкә ҡуйыу бурысы тора. Бындай мәғлүмәт экологик зыян эҙемтәләрен бөтөрөү өсөн планлы эш алып барырға мөмкинлек бирәсәк, тип белдерәләр парламенттан. Закон проекты был аҙнала Дәүләт Йыйылышы – Ҡоролтайҙың пленар ултырышында ҡарала.

Бөгөн Астана ҡалаһында "Ҡаҙағстан-Башҡортостан" бизнес-форумы асылды

Радий Хәбиров белдереүенсә, Ҡаҙағстан Башҡортостан өсөн төп тышҡы сауҙа партнеры. Беҙҙе шулай уҡ дөйөм мәҙәниәт, дөйөм йолалар яҡынайта. Бизнес бәйләнештәр өсөн инфраструктура булдырылған. Кооперация үҫеше буйынса эшсе төркөм ойошторолған. Шулай уҡ гуманитар, мәҙәни хеҙмәттәшлекте нығытыу, туризмды үҫтереү буйынса эш алып барыла, тине Республика Башлығы. Радий Хәбиров Ҡаҙағстан вәкилдәрен быйыл көҙ Өфөлә Рәсәй һәм Ҡаҙағстан төбәк-ара хеҙмәттәшлек форумына саҡырҙы.

Башҡортостандан махсус хәрби операция биләмәһенә 108-се гуманитар ылау оҙатылды

Ғәҙәттән тыш хәлдәр буйынса дәүләт комитетынан хәбәр итеүҙәренсә, колонна менән 8 йөк машинаһы юлға сыҡты. Хәрбиҙәргә машиналар, ағас материалдар, мобиль мунсалар, мейестәр, эш ҡоралы, кейем, аҙыҡ-түлек алып барыла. Йөк 10 хәрби подразделениеға тәғәйенләнә.

Башҡортостанда шәкәр етештерелә

Ауыл хужалығы министрлығынан хәбәр итеүҙәренсә, бөгөнгә Шишмә һәм Раевка заводтары 1 миллион 250 мең тонна сөгөлдөр эшкәрткән. 187 мең тоннанан ашыу шәкәр сығарылған. Уҙған йылда республикала шәкәр сөгөлдөрө 19 районда үҫтерелде, 1 миллион 600 мең тонна йыйып алынды.

"Яҡтыкүл" тау саңғыһы үҙәгенә тиклем маршрутта мобиль элемтә яҡшырҙы

Туристик биләмәлә яңы ҡоролмалар урынлаштырылды. Йәлембәт, Күлле, Михайловка, Красная Башкирия ауылдарында 4G элемтә булдырылды. "Яҡтыкүл"гә Башҡортостан халҡынан тыш, Силәбе, Свердловск, Төмән, Татарстан, Һамар туристары күпләп килә. Навигация приборҙары, социаль селтәрҙәрҙе ҡулланған элемтә һәм интернет сифаты ҙур әһәмиәткә эйә, - тип хәбәр итәләр Һанлы үҫеш министрлығынан.

Прокуратура Өфө урамдарын ҡарҙан таҙартыуҙы һөҙөмтәһеҙ тип тапты

Ҡарлы урамдарҙа оҙон тығындар барлыҡҡа килә. “Ихаталарҙа машиналар көрттә бата, бер-береһенә килеп бәрелә”, - тип яҙа социаль селтәрҙә баш ҡала халҡы. Күҙәтеүсе ведомствонан белдереүҙәренсә, коммуналь хеҙмәттәрҙең эшен көсәйтеү өсөн тейешле саралар күрелә.Өфө урамдарын таҙартыуға көн һайын 400 берәмек торлаҡ-коммуналь техника 1 мең 300 хеҙмәткәр йәлеп ителә. Шул уҡ ваҡытта халыҡ баш ҡала хакимиәте сайтында 6 мең самаһы заявка ҡалдырған.

Башҡортостанда юл хеҙмәттәре бер йылда 100 меңдән ашыу соҡор ямаған

Махсус электрон система ярҙамында юлдағы етешһеҙлектәр теркәлә һәм ремонт үткәрелә. Транспорт һәм юл хужалығы министрлығынан белдереүҙәренсә, юл соҡорҙарын ямау йыл әйләнәһе алып барыла. Ҡышын юл хәрәкәте хәүефһеҙлегенә йоғонто яһаған ҙур соҡорҙар ремонтлана. Дүрт йылда электрон система ярҙамында 500 меңдән ашыу соҡор асыҡланған һәм юҡ ителгән.

Рәсәйҙә күп балалы ғаилә статусы аныҡланды

Президент Владимир Путин тейешле указға ҡул ҡуйҙы. Документҡа ярашлы, өс һәм унан күберәк бала тәрбиәләгән ғаилә күп балалы тип атала. Уҡып йөрөгән өлкән балаға 23 йәш тулғансы социаль ярҙам күрһәтелә. Күп балалы ғаиләләргә дәүләт пособиеһы түләнә, әсә кешегә ваҡытынан алда пенсия тәғәйенләнә, музей, күргәҙмә, ял һәм мәҙәни парктарына бушлай инергә рөхсәт ителә. Указ эстәлеге менән рәсми хоҡуҡи мәғлүмәт интернет-порталында танышырға була. 2024 йыл Рәсәйҙә Ғаилә йылы тип иғлан ителде.

Өфөлә Агросәнәғәт форумы барышында 9 һөнәри конкурс ойошторола

Ауыл хужалығы министрлығынан хәбәр итеүҙәренсә, малсылыҡта заманса технологиялар ҡулланыу, ауыл хужалығында яңы сорттар сығарыу, үҫемлекселекселектә фәнни тикшеренеүҙәр алып барыу һәм башҡа йүнәлештәр буйынса иң яҡшылар асыҡлана. "Агрокомплекс" күргәҙмәһе һәм Агросәнәғәт форумы Өфөлә март аҙағында уҙғарыла.

БСТ телеканалы Башҡортостаның иң яҡшы ауыл мәҙәниәт йортон билдәләй!

Конкурста муниципаль этапта еңеү яулаған ауыл клубтары ҡатнаша. Тауыш биреүҙең республика этабы 15 февралгә тиклем дауам итәсәк. Конкурс БР Мәҙәниәт министрлығы менән берлектә ойошторола. Еңеүселәр «Телеүҙәк» тапшырыуы эфирында бүләкләнәсәк.

Тауыш биреү өсөн үрҙә беркетелгән хәбәргә баҫығыҙ һәм исемлектән районығыҙҙың/ауылығыҙҙың мәҙәниәт йортон һайлағыҙ.
ИҪКӘРМӘ: Бер кеше бер тапҡыр ғына тауыш бирергә мөмкин. Махсус бот телеграмм-каналға өҫтәлгән һәр кешегә хәбәр ебәрә һәм тауыш биреүселәр һанын теркәп бара. Каналдан сыҡҡандарҙың тауыштары иҫәпләнмәйәсәк.
https://t.iss.one/+M7ILuY35mcViMjUy

Иң яҡшы ауыл клубы
1. 1. Архангел районының Ҡыҫынды ауылы мәҙәниәт йорто
2. 2. Асҡын районының Ҡашҡа ауылы мәҙәниәт йорто
3. 3. Ауырғазы районының Семенкин ауылы мәҙәниәт йорто
4. 4. Баймаҡ районының Ниғәмәт ауылы мәҙәниәт йорто
5. 5. Баҡалы районының Ҡамышлытамаҡ ауылы мәҙәниәт йорто
6. 6. Балаҡатай районының Урғалы ауылы мәҙәниәт йорто
7. 7. Балтас районының Үрге Ҡарыш ауылы мәҙәниәт йорто
8. 8. Белорет районының Ғәбдүк ауылы мәҙәниәт йорто
9. 9. Бишбүләк районының Ҡаныҡай ауылы мәҙәниәт йорто
10. 10. Благовар районының Таң ауылы мәҙәниәт йорто
11. 11. Благовещен районының Покровка ауылы мәҙәниәт йорто
12. 12. Борай районының Бигәнәй ауылы мәҙәниәт йорто
13. 13. Бөрйән районының Килдеғол ауылы мәҙәниәт йорто
14. 14. Бөрө районының Үрге Ласынтау ауылы мәҙәниәт йорто
15. 15. Бүздәк районының Төрөш ауылы мәҙәниәт йорто
16. 16. Бәләбәй районының Приют ҡасабаһы мәҙәниәт йорто
17. 17. Ғафури районының Родина ауылы мәҙәниәт йорто
18. 18. Дүртөйлө районының Иҫке Кәңгеш ауылы мәҙәниәт йорто
19. 19. Дыуан районының Өлкөндө ауылы мәҙәниәт йорто
20. 20. Дыуан районының Арый ауылы мәҙәниәт йорто
21. 21. Дәүләкән районының Бик-Ҡарамалы ауылы мәҙәниәт йорто
22. 22. Ейәнсура районының Юнай ауылы мәҙәниәт йорто
23. 23. Иглин районының Таутөмән ауылы мәҙәниәт йорто
24. 24. Илеш районының Иштирәк ауылы мәҙәниәт йорто
25. 25. Ишембай районының Үрге Әрмет ауылы мәҙәниәт йорто
26. 26. Йәрмәкәй районының Исламбаҡты ауылы мәҙәниәт йорто
27. 27. Йылайыр районының Ҡашҡар мәҙәниәт һәм ял үҙәге
28. 28. Көйөргәҙе районының Яҡут ауылы мәҙәниәт йорто
29. 29. Краснокама районының Арлан ауылы мәҙәниәт йорто
30. 30. Кушнаренко районының Иҫке Ғүмәр ауылы мәҙәниәт йорто
31. 31. Күгәрсен районының Исем күп функциялы ауыл мәҙәниәт йорто
32. 32. Ҡалтасы районының Красный Холм күп функциялы ауыл мәҙәниәт йорто
33. 33. Ҡариҙел районының Байҡыбаш ауылы мәҙәниәт йорто
34. 34. Ҡыйғы районының Иҫке Мөхәмәт ауылы мәҙәниәт йорто
35. 35. Ҡырмыҫҡалы районының Бишауыл-Уңғар ауылы мәҙәниәт йорто
36. 36. Мишкә районының Оло Шаҙы ауылы мәҙәниәт йорто
37. 37. Миәкә районының Миәкәтамаҡ ауылы мәҙәниәт йорто
38. 38. Мәләүез районының Әбет ауылы мәҙәниәт йорто
39. 39. Мәсетле районының Абдулла ауылы мәҙәниәт йорто
40. 40. Нуриман районының Иҫке Күл ауылы мәҙәниәт йорто
41. 41. Өфө районының Таптыҡ ауылы мәҙәниәт йорто
42. 42. Саҡмағош районының Ҡалмашбаш ауылы мәҙәниәт йорто
43. 43. Салауат районының Лаҡлы ауылы мәҙәниәт йорто
44. 44. Стәрлебаш районының Буҙат ауылы мәҙәниәт йорто
45. 45. Стәрлетамаҡ районының Ҡырмыҫҡалы ауылы мәҙәниәт йорто
46. 46. Туймазы районының Төмәнәк ауылы мәҙәниәт йорто
47. 47. Тәтешле районының Иҫке Һикәяҙ ауылы клубы
48. 48. Учалы районының Истамғол ауылы мәҙәниәт йорто
49. 49. Федоровка районының Юрматы ауылы мәҙәниәт йорто
50. 50. Хәйбулла районының Әбүбәкер күп функциялы ауыл мәҙәниәт йорто
51. 51. Шаран районының Яңауыл ауылы мәҙәниәт йорто
52. 52. Шишмә район мәҙәниәт һарайы
53. 53. Шишмә районының Әлбәй ауылы мәҙәниәт йорто
54. 54. Әбйәлил районының Әбделғәзе ауылы мәҙәниәт йорто
55. 55. Әбйәлил районының Әлмөхәмәт ауылы мәҙәниәт йорто
56. 56. Әлшәй районының Мырҙағол ауылы мәҙәниәт йорто
57. 57. Яңауыл районының Иҫке Ҡоҙаш ауылы мәҙәниәт йорто

Чтобы проголосовать нажмите на кнопку с вариантом ответа.
Результаты голосования будут доступны по ссылке https://poll.vogrot.ru/report/DsnFWm.

Астанала Ҡаҙағстан президенты Ҡасым Жомарт Токаев Радий Хәбиров менән осрашты

Күп яҡлы хеҙмәттәшлеккә яңы этәргес. Астанала Ҡаҙағстан президенты Ҡасым Жомарт Токаев Башҡортостан башлығы Радий Хәбиров менән осрашты. Дәүләт етәксеһе билдәләүенсә, был өсөнсө осрашыу. Тәүгеһе 2021 йылда ошо уҡ ҡалала үтһә, икенсеһе 2022 йылдың июнендә Санкт-Петербург иҡтисади форумы сиктәрендә үтте. Индустрия, агросәнәғәт комплексы булһынмы, гуманитар өлкәне - хеҙмәттәшлек мөмкинлектәре киң һәм күп яҡлы.
Башҡортостан башлығы Радий Хәбиров Ҡаҙағстандың идара итеү командаһы менән тығыҙ хеҙмәттәшлек булдырылыуын билдәләне. Һуңғы ике өс йылда тауар әйләнеше күләме артҡан, сәнәғәт кооперацияһы үҫешә.

Астанала «Ҡаҙағстан - Башҡортостан» форумы старт алды

Иҫегеҙгә төшөрәбеҙ, бөгөн Астанала «Ҡаҙағстан - Башҡортостан» форумы старт алды. Күләмле сарала Радий Хәбиров етәкселегендәге ҙур башҡорт делегацияһы эшләй. Сәнәғәт, нефть химияһы, машиналар төҙөлөшө, ауыл хужалығы һәм башҡа тармаҡтарҙа эшләгән компания етәкселәре эшҡыуарҙар яңы партнерҙар табып, мөһим килешеүҙәргә ҡул ҡуйҙы.

Хәүефһеҙ ҡала ниндәй булырға тейеш

Ғәҙәттән тыш хәлдәрҙе иҫкәртеү һәм эҙемтәләрен бөтөрөү буйынса берҙәм дәүләт системаһы белгестәре ошо турала баш вата. Бөгөн улар баш ҡаланың «Торатау» конгресс-холына йыйылды. Сарала шулай уҡ гражданлыҡ оборонаһы, ғәҙәттән тыш хәлдәрҙе иҫкәртеү, янғын хәүефһеҙлеген һәм һыу объекттарында именлекте тәьмин итеү буйынса эшмәкәрлек һөҙөмтәләре барланды, киләсәккә бурыстар билдәләнде.

Башҡортостанда «Башҡорт вахтаһы» проекты старт алды

Вахтаға! Тик Себергә түгел, Башҡортостанға. Башҡортостандың ғаилә, хеҙмәт һәм халыҡты социаль яҡлау министрлығы вахта юлы менән эшләүселәрҙе тыуған ерҙә ҡалдырыуға иҫәпләнгән «Башҡорт вахтаһы» проектына старт бирҙе. Бөгөн Бөрө ҡалаһында Өфө моторҙар эшләү производство берекмәһе кадрҙар һайлап алыу буйынса халыҡ менән осрашыу уҙғарҙы.

Владимир Путин менән аралашҡан Әхмәровтар ғаиләһе бөгөн Башҡортостанға ҡайтты

«Йыл ғаиләһе» Бөтә Рәсәй конкурсы еңеүселәрен «Өфө» аэропортында ҡаршы алдылар.

Былтыр район һәм ҡалаларҙа бизнесты үҫтереү өсөн 187 миллион һум тотонолған

Аҡса төбәк һәм муниципаль бюджеттан бүленгән. Башҡортостан Хөкүмәтендә эшҡыуарлыҡҡа ярҙам итеү саралары ҡаралды. 2023 йылда Иглин, Ҡырмыҫҡалы, Өфө райондары, Межгорье һәм Ағиҙел ҡалаларында бәләкәй һәм урта бизнес ойошмалары һаны артҡан. Быйыл эшҡыуарлыҡты үҫтереү программаһына төбәк ҡаҙнаһынан финанслауҙы арттырып 200 миллион һум йүнәлтеү ҡарала.