Башҡортостан депутаттары концерттарҙа фонограмманы ҡулланыу тәртибен аныҡлай

Дәүләт Йыйылышы – Ҡоролтайҙа федераль законға үҙгәреш әҙерләнгән. Ҡанун проектына ярашлы башҡарыусы йәки ижади коллективтар фонограммаға йырлаған осраҡта, тамашасыларҙы алдан иҫкәртергә тейеш. Дөрөҫ мәғлүмәт булмаған ваҡытта, билет өсөн аҡсаны кире ҡайтарырға рөхсәт ителә. Фонограмманы тулыһынса тыйыу ҡаралмай. Ләкин концертта алдан яҙҙырылған тауыш ҡулланылыуы йәки йәнле башҡарыу буйынса тамашасының хәбәрҙар булыуы шарт.

БЮТ конкурсы еңеүсеһе гармун менән бүләкләнәсәк!

Башҡортостан юлдаш телевидениеһы төркөмдәрендә «Башҡортостандың иң яҡшы ауыл клубы» конкурсы үткәйне. Еңеүсегә бүләккә гармун вәғәҙәләнде. Интернет-тапшырыуҙар бүлеге призды әҙерләне. Гармунда билдәле баянсы, Башҡортостандың атҡаҙанған мәҙәниәт хеҙмәткәре Илгиз Юлдашбаев уйнай.

Шулай уҡ 2-се һәм 3-сө урын яулаусылар ярыш бағыусыһы «Баянлайн» компанияһынан ҡурай һәм ҡубыҙҙар менән бүләкләнәсәк. «Баянлайн» магазины Өфө, Степан Кувыкин урамы, 25/1 адресы буйынса урынлашҡан. Сифатлы заманса музыка ҡоралдары, һәйбәт хаҡтар, ташлама яһау ҡаралған.

Радий Хәбиров Үзбәкстандың Ташкент һәм Фирғәнә өлкәләре делегацияһы менән осрашты

Сәнәғәт, мәҙәни һәм гуманитар хеҙмәттәшлек. Башҡортостан башлығының Үзбәкстандың Ташкент һәм Фирғәнә өлкәләре делегацияһы менән осрашыуында ошондай бурыстар ҡуйылды. Яҡтар хеҙмәттәшлек перспективаларын тикшерҙе.

Өфөлә «Ҡатын-ҡыҙҙың бәхет биләмәһе» Бөтә Рәсәй форумы башланды

Башҡортостан башлығы Радий Хәбиров «Ҡатын-ҡыҙҙың бәхет биләмәһе» академияһын асыу тантанаһында ҡатнашты. Өфөнөң «Торатау» Конгресс-Холлында 2019 йылда старт алған хәйриә проектының ике көнлөк форумы башланды. Бөтә Рәсәй кимәлендә уҙғарылған сарала гүзәл заттар өсөн оҫталыҡ дәрестәре, лекциялар, төрлө тармаҡ белгестәренән консультациялар ойошторола.

Рәсәйҙәге демографик хәл тағы ла 20 йыл тирәһе үҙгәрмәйәсәк

Иң мөһиме, әсәй бул. Рәсәйҙәге демографик хәл тағы ла 20 йыл тирәһе үҙгәрмәйәсәк - был Росстат мәғлүмәте. Илдә Ғаилә йылы иғлан итеү мөһим ҡиммәттәрҙе пропагандалауҙы, демографияны яҡшыртыу йүнәлешендә эшләү ошо һәм башҡа мәсьәләләрҙе хәл итеү маҡсатын ҡуя. Сабыйҙарҙың аҙ тыуыуында төрлө сәбәптәр бар, ти тармаҡ хеҙмәткәрҙәре. Шуларҙың береһе - атай-әсәй булыуҙы оҙаҡҡа һуҙыу.

Ишембайҙа Александр Матросов исемендәге үҙәк парк ремонтлана

Төҙөкләндереү эшенә «Уңайлы ҡала мөхитен булдырыу» федераль проекты сиктәрендә 200 миллион һумдан ашыу аҡса йүнәлтелгән. Волейбол һәм баскетбол майҙансыҡтары, скейт-парк, амфитеатр - былар яңы паркта барлыҡҡа киләсәк объекттарҙың бер нисәүһе генә.

Өфө фән һәм технологиялар университетына Ибн Фаҙландың ҡулъяҙмаһының тулы физик күсермәһе тапшырылды

Өфө фән һәм технологиялар университетына Ибн Фаҙландың 922-се йылда башҡорттар тураһында яҙған ҡулъяҙмаһының тулы физик күсермәһе тапшырылды. Әлегә тиклем ғәрәп илсеһенең эштәре заманса форматта нәшер ителмәгән булған. Шуға ла яңылыҡ Рәсәй көнсығыш ғилеме өсөн мөһим ҡала. Тантана бөгөн «Шәйех Зәйнулла Рәсүлев һәм Евразия халыҡтарының суфый мәҙәниәте» коллектив монографияһының исем туйында үтте.

Өфөлә «Ҡатын-ҡыҙҙың бәхет биләмәһе» форумы тамамланды

Хәйриә проекты 2019 йылдан ойошторолоп килә һәм гүзәл заттарҙы берләштереүсе төп майҙансыҡ булып тора. Биш йыл дауамында проект 38 ҡаланы һәм районды урап сыҡҡан.
«Ҡатын-ҡыҙҙың бәхет биләмәһе» проектында гүзәл заттар өсөн оҫталыҡ дәрестәре, төрлө актуаль темаларға лекциялар, консультациялар, медицина тикшеренеүҙәре ойошторола. Был юлы «Сәләмәтлек биләмәһе»н иң ҙур майҙансыҡ тип атарға мөмкин.

Дәүләт Йыйылышы - Ҡоролтай президиумың күсмә ултырышы Бөрөлә үтте

Закон сығарыу мәсьәләләрен тикшерер алдынан комитет етәкселәре төрлө предприятиеларҙы һәм ойошмаларҙы,шул иҫәптән белем биреү ойошмаларын ҡараны.

Салауат дәүләт башҡорт драма театры сәхнәһендә Фәтих Ҡолһариндың бенефисы үтте

Башҡортостандың халыҡ артисы Фәтих Ҡолһариндың Салауат дәүләт башҡорт драма театры сәхнәһендә бенефисы үтте. Сәхнә оҫтаһының ижад кисәһе тамашасылар, яҡындары, актерҙың коллегалары өсөн уртаҡ байрамға әйләнде. Был турала киләһе яҙмала.

Шаҡ ҡатырғыс хәл — «Йәшлек»

Учалы районының Көсөк ауылында йәш егет йүгерергә сыҡҡан. Ауылдан алыҫ түгел бер урманлыҡта ике балаһы менән тайыштабан тап булған. Инә айыу ағасҡа үрмәләгән балаларын ҡыҙғанып, нисек ташланмағандыр?

Хоҙай аралаған был егетте. Имен-һау ҡотолған.

Радий Хәбиров сифатһыҙ ремонтланған юл участкаларын махсус контролгә алырға ҡушты

Сифатһыҙ ремонтланған юл участкаларын махсус контролгә алырға һәм подрядсыларҙы уларҙы тәртипкә килтерергә мәжбүр итергә. Был аҙнала республика башлығы транспорт министрлығына ошондай бурыс йөкмәтте. «Проблемалы юлдар»ҙы ремонтлау барышын һәм сифатын тикшереү барышында Радий Хәбиров мәсьәлә хәл ителәһе объекттарға иғтибар итте. Уларҙың береһе Сибай-Аҡъяр юлы. Теманың дауамы киләһе яҙмала.

Өфөлә «Ҡатын-ҡыҙҙың бәхет биләмәһе» Бөтә Рәсәй форумы үтте

Башҡортостан - ҡатын-ҡыҙҙың бәхет биләмәһе. Өфөнөң «Торатау» Конгресс-Холлында 2019 йылда старт алған хәйриә проектының ике көнлөк форумы үтте. Бөтә Рәсәй кимәлендә уҙғарылған сарала гүзәл заттар өсөн лекциялар, оҫталыҡ дәрестәре, төрлө тармаҡ белгестәренән консультациялар ойошторолдо. Билдәле эстрада йондоҙҙары ҡатнашлығында концерт ҡуйылды. Бәхет биләмәһендә БЮТ ижади төркөмө лә эшләне. Тулыраҡ киләһе яҙмала.

Евразия күсмә халыҡтар цивилизацияһы музейының визит-үҙәге төҙөлөшө тамамланыу алдында

Архитекторҙар билдәләүенсә, проекттың төп идеяһы буйынса яңы комплекс Турахан кәшәнәһен ҡапларға тейеш түгел, шуға ла ул урындағы тәбиғәткә яраҡлаштырып эшләнгән, сиктәре юҡ. Иҫегеҙгә төшөрәбеҙ, яңы музей проектын Башҡортостан башлығы Радий Хәбиров 2022 йылдың июлендә «Шүлгәнташ» тарихи-мәҙәни комплексын асыу тантанаһында тәҡдим иткәйне. Төҙөлөш этаптары һәм тәүге объект - визит үҙәктә туристар өсөн булдырыласаҡ шарттар менән Башҡортостандың күсемһеҙ мәҙәни мираҫ объекттарын һаҡлау һәм файҙаланыу буйынса ғилми-етештереү үҙәге директоры Данир Ғәйнуллин таныштырҙы. БЮТ хәбәрсһе Гөлназ Хәйбуллина әңгәмәһе

ЗАГС залынан — махсус хәрби операцияға

‼Бөгөн Салауат районының ЗАГС бүлегендә ябай булмаған никах теркәлгән. Ғаилә башлығы тантананан һуң ЗАГС залынан тура махсус операцияға юлланған.

🇷🇺 Арҡауыл ауылынан 37 йәшлек «Батл» позывнойлы яҡташыбыҙ Оборона министрлығы менән контракт төҙөгән һәм ил һаҡсылары сафына баҫҡан. Үҙйөрөшлө артиллерия ҡоролмалар тоҫҡаусыһы булған хәрби, мин унда кәрәкмен, ти.

💞Хәрби ҡатыны менән бергә 18 йыл, улар өс балаға ғүмер биргән. Ирле-ҡатынлы икенсе тапҡыр никахлаша. Ун йыл элек улар айырылышҡан булған. Хәҙер йәнә ғаиләһен законлаштырған.

🔥Яугирҙы һөйөклө ҡатыны һәм өс балаһы өйҙә еңеү менән көтә. Яҡташыбыҙға уңыштар!

Башҡортостандан махсус хәрби операция зонаһына 126-сы гуманитар ярҙам юлланды

Алғы һыҙыҡтағы яугирҙарға 40 автомобиль, 4 мотоцикл һәм квадроцикл, төҙөлөш материалдары һәм эш ҡоралдары оҙатылды. 10 тоннанан ашыу эсәр һыу, квадрокоптерҙар, биноклдәр, рациялар, генераторҙар, йоҡо тоҡтары, гигиена кәрәк-яраҡтары, посылкалар һәм хаттар тупланған гуманитар ылау Ватан һаҡсыларына даими ебәрелә. 126-сы гуманитар ярҙам Рәсәйҙең яңы 4 субъектында урынлашхан хәрби подразделениеларға таратыласаҡ.

Республикаға идара итеү үҙәгендә яңғыраған төп фекерҙәр

✅ Радий Хәбиров Өфөлә асыласаҡ Рәмил Әйүпов исемендәге Фехтование үҙәге янында ер участкаһы ҡалдырырға ҡушты, унда тағы ла бер ҙур спорт объекты төҙөләсәк.

✅ Салауат Юлаевтың тыуған көнөндә — 16 июндә — «Салауат ере» тарихи-мемориаль комплексы асыла.

✅ Радий Хәбиров проблемалы юлдарҙы контролдә тоторға ҡушты. Район башлыҡтарына юлдарға ҡырсынташ түшәү йөкмәтелде.

✅Республика Башлығы «Алға» картаһы эшләмәү сәбәпле, автобустан төшөрөп ҡалдырылған үҫмергә бәйле мәсьәләне асыҡларға һәм хәл итергә ҡушты.

✅ Радий Хәбиров етәкселәргә һабантуйҙарҙа «ризыҡ ауыҙ итеү» тирмәләре ҡормаҫҡа ҡушты. Төбәк етәксеһе һүҙҙәренсә, халыҡ өсөн ойошторолған сара етәкселәрҙең гастрономик байрамына әүерелергә тейеш түгел.

Бөрйән районында Өфөлә ноябрҙә үтәсәк VI Бөтә донъя башҡорттары ҡоролтайына делегаттар һайланды

Райондың ҡоролтай ағзалары тыуған төйәгенең бөгөнгөһө, киләсәге өсөн янған алдынғы ҡарашлы кешеләр. Ойошма эшендә ир-егеттәр ҙә актив ҡатнаша. Ултырышта көнүҙәк мәсьәлләр тикшерелде, Өфөлә ноябрҙә уҙасаҡ Бөтә донъя башҡорттары ҡоротайына делегаттар һайланды. Абруйлы форумда Бөрйәндән 6 вәкил ҡатнаша.

Республикаға идара итеү үҙәгендә яңғыраған төп фекерҙәр

✅Республика Башлығы «Алға» картаһы эшләмәү сәбәпле, автобустан төшөрөп ҡалдырылған үҫмергә бәйле мәсьәләне асыҡларға һәм хәл итергә ҡушты.

✅ Башҡортостанда сәселгән культуралар күпләп ҡырылмаған. Аграрийҙар 6 мең гектар ергә яңынан орлоҡ сәсә.

✅ Республика Башлығы Башҡортостостан һабантуйҙарындағы «ҡоро закон» хаҡында иҫкәртте һәм хеҙмәт кешеләренә, махсус операцияла ҡатнашҡан һалдаттарҙың ғаиләләренә ҙур иғтибар бүлергә ҡушты.

✅ Радий Хәбиров етәкселәргә һабантуйҙарҙа «ризыҡ ауыҙ итеү» тирмәләре ҡормаҫҡа ҡушты. Төбәк етәксеһе һүҙҙәренсә, халыҡ өсөн ойошторолған сара етәкселәрҙең гастрономик байрамына әүерелергә тейеш түгел.

✅ Башҡортостанға газ-мотор яғыулығы менән эшләгән техника күпләп һатып алынасаҡ. 2024 йылда 2200 берәмек техниканы метан менән заправкалауға күсереү, яңы 200 берәмек автобус алыу өсөн федераль проектта ҡатнашыу планлаштырыла. Бынан тыш, 2025-2030 йылдарҙа газ яғыулығы менән эшләгән 400 автобус һатып алыу маҡсаты ҡуйылған.

✅ Бөгөн республикала 51 газ тултырыусы компрессор станцияһы бар. Был күрһәткес буйынса беҙ икенсе урында. Хәбиров газ-мотор яғыулығы заправкалары асыуға иғтибар бирмәгән райондарҙы тәнҡитләне.

✅ М. Кәрим исемендәге «Өфө» халыҡ-ара аэропортында 2030 йылға тиклем пассажирҙар ағымы 7 миллион кешегә етергә тейеш (былтыр был күрһәткес 4, 8 миллион тәшкил иткән).

✅ Радий Хәбиров район һәм ҡала хакимиәттәре башлыҡтарына урта звено медицина тармағына йәш белгестәрҙе йәлеп итеү буйынса эште йәнләндерергә ҡушты.

✅ Башҡортостан Ҡытай менән хеҙмәттәшлекте үҫтерергә ниәтләй.

✅Был аҙнала Башҡортостанға эш сәфәре менән Үзбәкстан Республикаһынан өс делегация киләсәк.

✅Быйыл республика мәғариф хеҙмәткәрҙәренең август кәңәшмәһе Стәрлетамаҡта уҙа.

✅ Радий Хәбиров сығарылыш класс уҡыусыларына дәүләт имтихандарында уңыштар теләне.

Ире артынан махсус операцияға киткән

Әбйәлил районының Красная Башкирия урта мәктәбенең математика уҡытыусыһы Хәмдиә Әбделғазинаның ҡыйыу аҙымы күптәрҙе һоҡландырҙы. Ул СВО зонаһында ашнаҡсы булып эшләй.

— 40 йыл буйы балаларға белем биреп хаҡлы ялға сыҡҡас, тормошомдо 180 градусҡа борҙом. Быға ғаиләбеҙҙә килеп тыуған үҙ-ара аңлашылмаусанлыҡ та тәьҫир итте, мин Себергә вахтаға сығып киттем. Ғаилә тормошонда 38 йыл ҡайғы-зар белмәй бәхетле йәшәнем. Балалар үҫеп таралышып бөткәс, бер көндө бер-беребеҙҙе еңә алмай, икебеҙ ике яҡҡа сығып китербеҙ тип ике ятып бер уйламаным. Мин вахтала саҡта тормош иптәшем дә үҙ ҡарарын ҡылып, МХО-ға китергә контракт төҙөнө. Бер-беребеҙҙең ҡәҙерен аңлар өсөн ошондай һынауҙар аша үтергә кәрәк булған, тимәк. Хушлашҡанда: «Мин күп уйлап тормам, кәрәк булһа, артыңдан ЛНР-ға ла барып етермен», тинем. Хәҙер Луганск Халыҡ Республикаһына килеүемә ике ай булып килә, — ти Хәмдиә Зиннур ҡыҙы.

Хәмдиә Әбделғазина ире менән бер блиндажда йәшәй, хәрбиҙәргә тәмле ризыҡтар бешерә.