БСТ | Яңылыҡтар
2.4K subscribers
5.17K photos
8.03K videos
209 links
Новости главного медиахолдинга Республики Башкортостан на башкирском языке
Download Telegram
Media is too big
VIEW IN TELEGRAM
Радий Хәбиров Учалы районында ер аҫты байлыҡтарын файҙаланыусылар эшмәкәрлеге менән танышты

Алтын табыуға лицензия бирелгәндә урындағы халыҡ мәнфғәттәре иҫәпкә алынырға тейеш. Был турала Радий Хәбиров ер аҫты байлыҡтарын файҙаланыусылар эшмәкәрлеге һәм был өлкәлә хоҡуҡ боҙоуҙарҙы иҫкәртеү буйынса ведомство-ара комиссияның күсмә ултырышында билдәләне. Яуаплы органдар, прокуратура, эске эштәр министрлығы вәкилдәре ҡатнашлығындағы кәңәшмә Учалыла ойошторолдо. Тап был районда алтын табыуға 47 федераль лицензия бирелгән. Төбәк етәксеһе республикала дөрөҫ рекультивация алып барыу буйынса бер генә ыңғай миҫал булмауын да билдәләп үтте.
👍4
Media is too big
VIEW IN TELEGRAM
Учалыға эш сәфәре барышында Радий Хәбиров яңыртылған Йәштәр йортонда булды

Төҙөкләндереү эштәре «Рәсәй йәштәре» федераль проекты буйынса ойошторолған. Бинаның Матди-техник базаһын нығытыуға яҡынса 76 миллион һум йүнәлтелгән. Бинаның ишек-тәҙрәләре алмаштырылған, эске һәм тышҡы яҡтан биҙәү эштәре башҡарылған, заманса ҡорамалдар һәм мебель һатып алынған. Үҙәктә ваҡытты файҙалы үткәреү - белем алыу, фекерҙәр менән алышыу, дискуссиялар, мәҙәни саралар, хореография дәрестәре уҙғарыу өсөн барлыҡ шарттар булдырылған.
👍3
Media is too big
VIEW IN TELEGRAM
Радий Хәбиров Учалы районынан «Портной» ҡушаматлы яугирҙың ғаиләһе менән осрашты

Радий Хәбиров Учалы районынан Миңлеғәле Шайморатов исемендәге батальонда хеҙмәт иткән «Портной» ҡушаматлы яугирҙың ғаиләһе менән дә осрашты. Иҫегеҙгә төшөрәбеҙ, төбәк етәксеһе Донбасҡа эш сәфәрҙәре барышында махсус хәрби операцияла ҡатнашҡан яҡташтарыбыҙға мөмкинлек булғанда ғаиләләреһәм туғандарын күрергә вәғәҙә биргәйне. Сираттағы осрашыу барышында Хәрбиҙең әсәһе, ҡустылары һәм һеңлеһенә хәрбиҙән сәләм еткерелде.
👍4
Media is too big
VIEW IN TELEGRAM
Мәскәүҙә «Рәсәй» халыҡ-ара форум-күргәҙмәһендә БСТ телеканалы көнө үтте

ВДНХ майҙанында Башҡортостан юлдаш телеканалына арналған стенд ойошторолдо. Күргәҙмә ҡунаҡтары үҙҙәрен зәңгәр экрандарҙа һынап ҡарап, оҫталыҡ дәрестәрендә ҡатнашты, республиканың төп телеканалы тарафынан әҙерләнгән бай йөкмәткеле тамаша менән таныша алды. Ваҡиға урынында БЮТ ижади төркөмө эшләне.
👍3
Media is too big
VIEW IN TELEGRAM
Өфө Урал-Волга буйы археологтары конференцияһын ҡабул итә

56-сы тапҡыр ойошторолған ғилми-ғәмәли форумда Рәсәйҙең төрлө төбәктәренән һәм Бойондороҡһоҙ дәүләттәр берләшмәһенән 100-ҙән ашыу йәш ғалим ҡатнаша. Ғалимдар тарихи ҡомартҡыларҙы һаҡлау, һанлы форматҡа күсереү, архелогик экспедицияларҙа, артефакттарҙы өйрәнеүҙә заман технологияларын ҡулланыу буйынса фекер алыша.
1
Media is too big
VIEW IN TELEGRAM
Иглин районы Охлебинин ауылында табип амбулаторияһы асылды

Иглин районы Охлебинин ауылында «Сәләмәтлек» милли проекты буйынса төҙөлгән табип амбулаторияһы асылды. Сарала һаулыҡ һаҡлау министры Айрат Рәхмәтуллин ҡатнашты. Ул шулай уҡ Иглиндә ашығыс ярҙам хеҙмәте подстанцияһы төҙөлөшө менән дә танышты.
👍21
Media is too big
VIEW IN TELEGRAM
Асҡын районында «Айыҡ ауыл» республика конкурсы сиктәрендә төбәк-ара спорт байрамы уҙҙы

Сәләмәт тормош юлында. Асҡын районы Төлгөҙбаш ауылында «Айыҡ ауыл» республика конкурсы сиктәрендә төбәк-ара спорт байрамы уҙҙы. Саңғы юлына республиканың 4 районы һәм Пермь крайынан килгән спортсылар сыҡты. Төлгөҙбаштар «Айыҡ ауыл» конкурсында беренсе тапҡыр ғына ҡатнашмай. Былтыр район кимәлендә беренсе урын яулаһалар, быйыл иһә республика кимәлендә иң айыҡ ауыл исеменә лайыҡ булып, еңгән аҡсаны ауылды төҙөкләндереүгә йүнәлтмәксе.
👍42
Media is too big
VIEW IN TELEGRAM
Борай районында Башҡортостандың ветеринария буйынса Төбәк-ара команда-штаб уҡыуҙары үтте

Иҫкәртелгән, тимәк, ҡоралланған. Борай районында Башҡортостандың ветеринария буйынса дәүләт комитеты һәм урындағы үҙидаралыҡ органдарының Төбәк-ара команда-штаб уҡыуҙары үтте. Уның барышында мал һәм ҡош-ҡорттарҙы хәүефле ауырыуҙарҙан аралау һәм юҡ итеү алымдары ҡаралды.
Рәшит Назаровҡа бюст әҙер

Һөйөнөслө яңылыҡ менән бюст авторы Илдус Закиров уртаҡлашты. Бюст күренекле шағирҙың исемен йөрөткән Талбазы башҡорт гимназияһы алдында ҡуйыла.

Был эштә гимназия коллективы һәм өлкән класс уҡыусылары советы ҙур тырышлыҡ һалған. Улар «Мәктәп башланғысын бюджетлау» проектында ҡатнашып, грант алған. Грант аҡсаһына гимназия биләмәһен төҙөкләндереү һәм Рәшит Назаровҡа бюст асыу планлаштырыла.
👍62
Media is too big
VIEW IN TELEGRAM
Радий Хәбиров Владимир Путинға студенттар кампусының тәүге бинаһы менән таныштырҙы

Ил президенты Владимир Путин бөгөн Өфөләге Евразия фәнни-мәғариф үҙәгенең вуз-ара студенттар кампусының тәүге бинаһын файҙаланыуға тапшырыуға старт бирҙе.
Ил субъекттарында заманса студент кампустарын асыу буйынса видеокәңәшмәлә Башҡортостан башлығы Радий Хәбиров менән Өфө фән һәм технологиялар университеты ректоры Вадим Захаров күләмле проекттың планы һәм эшмәкәрлеге менән таныштырҙы. IQ - паркта фәнни эҙләнеүҙәр, ғилми эштәр өсөн заманса шарттар булдырылған.
👍2
Media is too big
VIEW IN TELEGRAM
Өфөлә «Өйҙә» студенттар форумы үтте

Өфөлә ойошторолған «Өйҙә» студенттар форумы республиканан ситтә уҡыған яҡташтарыбыҙҙы бер майҙанға йыйҙы. Улар өсөн уңышлы карьера төҙөү, стажировкалар үтеү, вакансиялар эҙләү буйынса тематик саралар уҙғарылды. Тыуған яғына эшкә ҡайтырға әҙер аҡыллы быуын менән БЮТ ижади төркөмө лә осрашты.
👍3
Media is too big
VIEW IN TELEGRAM
Башҡортостанда «Ғаилә йылы»на старт бирелде

Тантаналы сара Өфөнөң Колонна залында оойшторолдо. Сараға оҙаҡ йылдар бергә йәшәгән, ишле бала тәрбиәләгән, ил, республика кимәлендәге конкурстарҙа еңеү яулаған өлгөлө парҙар саҡырылды. Байрам ҡунаҡтарын Башҡортостан башлығы хакимиәте етәксеһе Максим Забелин, Хөкүмәт рәйесе урынбаҫары Лира Иғтисамова, Ғаилә, хеҙмәт һәм халыҡты социаль яҡлау министры Ленара Иванова тәбрикләне, «Герой-әсә», «Ата-әсә даны» наградаларын тапшырҙы.
1
Media is too big
VIEW IN TELEGRAM
Башҡортостан менән Ҡаҙағстан араһында кәсепселек эшмәкәрлеген үҫтереү мөмкинлектәре

Ике республика ҡатнашлығында үткән форумда «Ағиҙел» башҡорт художество кәсептәре предприятиеһының урындағы ике ҙур компания менән хеҙмәттәшлеккә килешеү төҙөүе тураһында хәбәр иткәйнек инде. Бөгөн Өфөлә яҡтарҙың берҙәм проекттарының береһе тормошҡа ашырыла ла башланы.
👍2
Media is too big
VIEW IN TELEGRAM
Иглин районы үҙәгендә яңы мәктәп төҙөлөшө дауам итә

1225 урынға иҫәпләнгән белем биреү усағы Звёздный биҫтәһендә урынлашҡан. Объект төҙөлөшөнә «Мәғариф» милли проекты сиктәрендә 1 миллиард һумдан ашыу аҡса йүнәлтелгән. Йәмғеһе Иглин ауылында, шул иҫәптән Звёздныйҙа, 30 меңдән ашыу кеше йәшәй, һәм был күрһәткес тағы ла үҫә. Ә мәктәп юҡ. Әле объектта эш ниндәй этапта бара? Тулыраҡ киләһе яҙмала.
Media is too big
VIEW IN TELEGRAM
Өфөлә Махсус хәрби операцияла һәләк булған Альфред Усманов иҫтәлегенә мемориаль таҡтаташ асылды

Өфөлә Махсус хәрби операцияла һәләк булған Альфред Усманов иҫтәлегенә мемориаль таҡтаташ менән герой партаһы асылды. Тантаналы сара баш ҡаланың 35-се мәктәбендә үтте. Таҡтаташ асыуҙа мәктәп хеҙмәткәрҙәре һәм уҡыусыларынан тыш, яугирҙың әсәһе, дуҫтары һәм ҡала хакимиәте вәкилдәре йыйылды. Альфред Усманов 2022 йылдың ноябрендә БАРС-30 ирекмән отрядына ҡушылып махсус хәрби операция биләмәһендә хәҙмәт итә. Ҡыҙғанысҡа ҡаршы 2023 йылдың мартында хәрби бурысын үтәгәндә батырҙарса һәләк була. Яугирҙың ҡаһарманлығы дәүләт наградалары - «Батырлыҡ ордены» һәм «Ҡыйыулыҡ миҙалы» менән бүләкләнгән.
Өфөлә Мортаза Рәхимовҡа һәйкәл ҡуйыу буйынса эштәр аҙағына яҡынлаша

Башҡортостандың Беренсе президенты һыны Ленин исемендәге паркта, Дәүләт Йыйылышы–Ҡоролтай бинаһы алдында урынлаштырыла. Мортаза Рәхимовҡа һәйкәл 7 февралдә, Башҡортостандың беренсе президентының тыуыуына 90 йыл тулған көндә асыла. Бынан тыш, Өфөлә Энгельс һәм Беренсе Май урамдарында, Мортаза Рәхимов йәшәгән һәм эшләгән ике йортта мемориаль таҡтаташтар беркетелә.
3
Өфөлә ҡар төшөүҙән 1 кеше һәм 3 автомобиль зыян күргән

Граждандарҙы яҡлау идаралығынан хәбәр итеүҙәренсә, бындай хәлдәр Совет, Киров һәм Орджоникидзе районында теркәлгән. Халыҡты биналар янынан йөрөмәҫкә саҡыралар. Коммуналь хеҙмәттәр хәүефле участкаларҙы уратып ҡуйған сигнал таҫмалар аша үтеү тыйыла.
Ишембай районынан йәш ҡатын мутлашыусылар тоҙағына эләгә яҙған

Башҡортостан буйынса Эске эштәр министрлығынан хәбәр итеүҙәренсә, полицияға 30 йәшлек ҡатын мөрәжәғәт иткән. Уға үҙен банк хеҙмәткәре булараҡ таныштырған кеше шылтыратҡан һәм 1 миллион һумға кредит алырға күндергән. Аҙаҡ аҡсаны “хәүефһеҙ” иҫәпкә күсерергә ҡушҡан, әммә ҡатын алдағандарын аңлап ҡалған һәм һөйләшеүҙе туҡтатҡан. Полиция таныш булмаған телефон номерҙарына яуап бирмәҫкә, мутлашыусылар менән аралашмаҫҡа һәм йәшерен мәғлүмәтте хәбәр итмәҫкә кәңәш итә.
👍1
Media is too big
VIEW IN TELEGRAM
Өфөлә сираттағы яугирҙар төркөмөн хеҙмәт итеү урынына оҙаттылар

Улар барыһы ла махсус хәрби операцияға өлөшләтә мобилизация буйынса саҡырылыусылар. Ир-егеттәр ике аҙна дауамында ғаиләләре, яҡындары менән аралашып, йәнә алғы һыҙыҡҡа юлланды.Яугирҙар хеҙмәттәштәренә тыуған яҡ күсәтәнәстәрен дә алып бара. Был хаҡта тулыраҡ киләһе яҙмала.
🥰1
Media is too big
VIEW IN TELEGRAM
Иғтибар үҙәгендә сабыйҙар сәләмәтлеге

Бөгөн Республика перинаталь үҙәгендә уҙған кәңәшмә ошо темаға арналды. Сарала Рәсәй Һаулыҡ һаҡлау министры урынбаҫары Евгения Котова ҡатнашты. Кәңәшмәгә Рәсәй субъекттарының һаулыҡ һаҡлау министрлыҡтары етәкселәре, Волга буйы федераль округы буйынса штаттан тыш белгес-неонатологтар саҡырылған. Һүҙ сабыйҙарҙың сәләмәтлеге, үлем осраҡтарын кәметеү тураһында бара. Был күп ҡырлы эшмәкәрлекте үҙ эсенә алған оҙайлы процесс.