Республика парламенты көҙгө сессияла 30-ҙан ашыу закон проектын ҡараясаҡ

Дәүләт Йыйылышы-Ҡоролтай рәйесе Константин Толкачев белдереүенсә, тәү сиратта төбәк ҡануниәтен федераль нормаларға яраҡлаштырыу бурысы тора. Шулай уҡ киләһе йылға бюджет тураһында закон әҙерләнә. Махсус хәрби операцияла ҡатнашыусылар һәм уларҙың ғаиләләренә ярҙам мәсьәләләренә айырыуса иғтибар була. Көҙгө сессия барышында һыу буйҙарында хәүефһеҙлек, хәрби операция ветерандарына ярҙам, сәнәғәт сәйәсәте буйынса парламент тыңлауҙары ҡаралған. Тәүге пленар ултырыш 25 сентябргә тәғәйенләнгән.

Ҡыҫҡа ваҡытлы ялдан һуң Өфөнән махсус хәрби операция биләмәһенә бер төркөм яугирҙар юлланды

Ошо уңайҙан «Өфө-Арена» алдындағы майҙанда тантаналы митинг уҙҙы. Яугирҙарға Башҡортостан Хөкүмәте Премьер-министры урынбаҫары Ирек Сәғитов мөрәжәғәт итеп, уларҙың Рәсәйҙең хәрби дан көнө-милитаристик Японияны еңеү һәм 2-се донъя һуғышы тамамланған көндә юлға сығыуын тәрән мәғәнәгә эйә булыуын билдәләне.

Радий Хәбиров тәүге мобиль реабилитация комплексын ҡараны

Башҡортостан башлығы Радий Хәбиров терәк-хәрәкәт аппараты эшмәкәрлеге боҙолған кешеләргә тәғәйенләнгән мобиль реабилитация комплексын ҡараны. Тәүге күсмә модуль Президент гранты фонды аҡсаһына 2024 йылдың ноябрендә етештерелгән. Ошо ваҡыт эсендә ике йөҙҙән ашыу пациентҡа, шул иҫәптән махсус хәрби операция ветерандарына һауыҡтырыу-реабилитация хеҙмәттәре күрһәтелгән. Республика кимәлендә был комплекс мөмкинлектәрен тәүгеләрҙән булып Шишмә районында йәшәүселәр һынап ҡараған. Төбәк етәксеһе иғтибарына шулай уҡ күп маҡсатлы гидрореактив катер ҙа тәҡдим ителде.

Ғәйепһеҙлек дәлилләнәсәк: адвокат Рәсим Ғарифуллин Рәиф Әбдрәхимовты яҡланы

Барлыҡ инстанцияларҙа ла ғәҙеллеккә ирешеп, тикшереүгә ғәйепһеҙ булыу тураһында аныҡ дәлилдәр килтереләсәк. Адвокат Рәсим Ғарифуллин «Башспирт» ационерҙар йәмғиәте генераль директоры Рәиф Әбдрәхимовтың вазифа вәкәләттәрен арттырыуҙа ғәйепләнеүе бер ниндәй логикаға ла тура килмәүен һәм аңлайышһыҙ булыуын билдәләне.

Радий Хәбиров Родион Әлимовты бадминтон буйынса BWF халыҡ-ара серияһы турнирында еңеүе менән ҡотланы

Башҡортостан башлығы Радий Хәбиров Өфө спортсыһы Родион Әлимовты бадминтон буйынса BWF халыҡ-ара серияһы турнирында еңеүе менән ҡотланы. Яҡташыбыҙ Мәскәүҙән Максим Оглоблин менән сығыш яһап, финалда егеттәр Берләшкән Ғәрәп Әмирлектәре спортсыларынан көслөрәк булып сыҡҡан. Был Рәсәй бадминтонсыларының халыҡ-ара аренала 2022 йылдан алып тәүге еңеүе.

Республика аграрийҙары шәкәр сөгөлдөрө баҫыуҙарына сыҡты

Әле дөйөм майҙандарҙың 4 проценты, йәғни ике мең гектарға яҡын баҫыуҙа татлы тамыр ҡаҙып алынған. Бер үк ваҡытта Башҡортостандың ике шәкәр заводында ла эш йәнләнде. Был турала кисә үткән оператив кәңәшмәлә Республика Хөкүмәте Премьер-министпы урынбаҫары- ауыл хужалығы министры Илшат Фәзрахманов белдергәйне. Беҙҙең ижади төркөм Шишмә шәкәр заводында булып, быйылғы уңыш, етештереү ҡеүәттәре менән ҡыҙыҡһынды.

Аборттар: закон боҙоуҙар һәм йәмғиәттә бәхәсле ҡараштар

Башҡортостанда аборттар темаһы йәнә киҫкен бәхәстәр тыуҙыра. Белгестәр әйтеүенсә, ҡайһы бер медицина ойошмалары законда ҡаралған ҡағиҙәләрҙе тулылығында үтәмәй. Шул уҡ ваҡытта ҡатын-ҡыҙҙарға үҙ ҡарарын ҡабул итеүҙә йоғонто яһау, баҫым күрһәтеү осраҡтары ла күҙәтелә. Адвокаттар һәм табиптар аборт — айырым кешенең шәхси хоҡуғы, уны бер кем дә тыйырға йә мәжбүр итергә тейеш түгел, тип билдәләй.

Өфөлә террорға ҡаршы көрәштә теләктәшлек көнөнә арналған түңәрәк өҫтәл үтте

Иҫегеҙҙә тотоғоҙ һәм иҫкәртегеҙ. «Торатау» конгресс-холының ултырыштар залында террорға ҡаршы көрәштә теләктәшлек көнөнә арналған түңәрәк өҫтәл үтте. Осрашыу Японияның капитуляцияһы тураһындағы актҡа ҡул ҡуйылыуҙың 80 йыллығына,икенсе донъя һуғышы тамамланыуына һәм Буденовскиҙа теракттың 30 йыллығына ла арналды.

Заманса шарттарҙа белем һәм һаулыҡ: Буранғол ауылында социаль объекттар сафҡа индерелде

Белем алыуға заманса шарттар. Капиталь ремонттан һуң Әбйәлил районы Буранғол ауылында интернат, балалар баҡсаһы, табип амбулатрияһы файҙаланыуға тапшырылды. Инвестор, яуаплылығы сикләнгән «Салауат» йәмғиәте ярҙамында асылған социаль обьекттар хаҡында репортаж.

“Урал аръяғы” инвестиция һабантуйында 400 миллион һумлыҡ килешеү төҙөлә

Документ юл буйы сервисын һәм ҡулланыусылар баҙарын үҫтереүгә ҡағыла. Проекттарҙы тормошҡа ашырыу республика халҡының йәшәү сифатын яҡшыртыуға, яңы эш урындары булдырыуға ярҙам итә. Форум бөгөндән 6 сентябргә тиклем Сибай ҡалаһында уҙа. Унда илдең ундан ашыу төбәгенән, Кувейт, Иран, Көньяҡ Африка, Ҡытай, Төркиә, Берләшкән Ғәрәп әмирлектәре, Ҡаҙағстан, Үзбәкстан вәкилдәре ҡатнашыуы көтөлә.

Республикала "Башҡорт аты” фестивалендә яңы фильм менән таныштырыу була

“Башҡорт аты- Башҡортостан бренды” документаль фильмының ҡыҫҡа варианты күрһәтелә. Кинокартинала төбәктә йылҡысылыҡтың үҫеше сағылдырыла. Фильмда был тармаҡ менән шөғөлләнеүселәр, ғаилимдар, ҡымыҙ бешеүселәр, тире эшкәртеү оҫталары, ауыл хужалығы тауарҙарын етештереүселәр, ат спортын үҙ итеүселәр ҡатнаша. "Башҡорт аты” фестивале 6 сентябрҙә Баймаҡ районының Граф күле буйында ойошторола. Проект Республика Башлығы грантына тормошҡа ашырыла.

Сибайҙа «Инвестиция һабантуйы» асылды

Күләмле иҡтисади проекттарға нигеҙ һалған сара етенсе тапҡыр меңдәрсә кешене берләштерҙе. Форумда Рәсәйҙең тиҫтәнән ашыу төбәге, Кувейт, Иран, Көньяҡ Африка, Ҡытай, Төркиә, Берләшкән ғәрәп әмирлектәре, Ҡаҙағстан, Үзбәкстан делегациялары ҡатнаша. «Урал аръяғы» инвестиция һабантуйының быйыл төп темаһы -Рәсәйҙә яңы иҡтисади үҫеш үҙәктәре.

Башҡортостан аграрийҙары иген һәм ҡуҙаҡлы культуралар сәселгән майҙандарҙың 45 процентын йыйып алған

Республикала урып-йыйыу кампанияһы дауам итә. Ауыл эшсәндәренә ямғыр һәм тупраҡтың артыҡ дымланыуы ҡатмарлыҡ тыуҙыра. Хужалыҡ хеҙмәткәрҙәре баҫыуҙарҙан уңышты мөмкин тиклем тиҙерәк йыйып алырға һәм иген киптереү комплекстарына ебәрергә тырыша. Уларҙың береһе Дәүләкән районында урынлашҡан.

Баймаҡта яугир балаларына мәктәпкә әҙерләнергә ярҙам иттеләр

Яугир балаларына-бүләк. Баймаҡ районында хәрби хәрәкәттәр ветерандары һәләк булған иптәштәренең балаларына мәктәпкә әҙерләнергә ярҙам итте.

Иглин районында махсус хәрби операциянан ҡайтҡан яугир ирекмәндәр менән осрашты

Иглин районында махсус хәрби операциянан ялға ҡайтҡан «Добрый» ҡушаматлы яугир ауылдың ирекмәндәр штабы ағзалары һәм агроколледж студенттары менән осрашты.

Өфөлә Ватанды һаҡлаусылар Кубогында еңеү яулаған спортсыларҙы бүләкләнеләр

Өфөлә Ватанды һаҡлаусылар Кубогында уңышлы сығыш яһаған Башҡортостан йыйылма командаһын бүләкләү тантанаһы үтте. Дзержинский ҡалаһында уҙған ярышта илдең 14 субъектынан 130 махсус хәрби операция ветераны ҡатнашҡан. Ир-егеттәр волейбол, атыу, пауэрлифтинг, бысаҡ ырғытыу һәм өҫтәл теннисы буйынса көс һынашҡан.

Өфөлә Ленин паркын төҙөкләндереү кимәле 30 процент тәшкил итә

Күләмле реконструкция парк биләмәһенең тарихи өлөшөн һаҡлап, тулыһынса тиерлек яңыртыуҙы күҙ уңында тота. Быйыл майҙа башланған эш дауам итәсәк. Парк биләмәһе ҙур төҙөлөш майҙанын хәтерләтә. Әлеге мәлдә биләмәнең йәшеллек фонды яңыртыла.

«Берҙәм Рәсәй» партияһының йәмәғәт ярҙамы штабында «Һуғыш балалары» фотокүргәҙмәһе асылды

Уны «Тарихи хәтер» партия проекты буйынса Рәсәйҙең атҡаҙанған мәҙәниәт хеҙмәткәре Исламетдин Мәмбәтов ойошторҙо. Бала сағы Бөйөк Ватан һуғышы йылдарына тура килгән быуынға арналған күргәҙмәлә илде һәм республиканы тергеҙеүгә өлөш индергән замандаштарҙы күрергә мөмкин.

Сибай ҡалаһында «Инвестиция һабантуйы» асылды

Сибайҙа «Инвестиция һабантуйы» асылды. Күләмле иҡтисади проекттарға нигеҙ һалған сара етенсе тапҡыр меңдәрсә кешене берләштерҙе. Форумда Рәсәйҙең тиҫтәнән ашыу төбәге, Кувейт, Иран, Көньяҡ Африка, Ҡытай, Төркиә, Берләшкән ғәрәп әмирлектәре, Ҡаҙағстан, Үзбәкстан делегациялары ҡатнаша. «Урал аръяғы» инвестиция һабантуйының быйыл төп темаһы-Рәсәйҙә яңы иҡтисади үҫеш үҙәктәре.

Башҡортостандың өс белем биреү учреждениеһы «Иң яҡшы мәктәп ашханаһы» Бөтә Рәсәй конкурсында ҡатнаша

Башҡортостандың өс белем биреү учреждениеһы «Иң яҡшы мәктәп ашханаһы» Бөтә Рәсәй конкурсында ҡатнаша. Төбәк этабын уңышлы үткән Стәрлетамаҡтың 29-сы, Өфө районы Булгаков ауылының «Ҡанатлан» мәктәбе, шулай уҡ Өфөнөң 115-се гимназияһы Башҡортостан данын яҡлаясаҡ. Республика уҡыусыларының туҡланыуы тураһында репортаж.