Радий Хәбиров МХО яугирҙары һәм гуманитар ылау ташыусы водителдәргә дәүләт наградалары тапшырҙы

Намыҫлы хеҙмәтегеҙ өсөн ихтирам һәм оло рәхмәт. Радий Хәбиров махсус хәрби операция яугирҙары һәм гуманитар ылау ташыусы водителдәргә дәүләт наградалары тапшырҙы. Радий Хәбиров әйтеүенсә, улар беҙҙең өсөн барыһы ла герой һәм иң юғары наградаларға лайыҡ.

Ялдан һуң «Башҡортостан» мотоуҡсылар полкы хәрбиҙәре махсус хәрби операция биләмәһенә юлланды

Ялға ҡайтҡан яугирҙар йәнә юлға сыҡты. Ҡыҫҡа ваҡытлы отпусктан һуң «Башҡортостан» мотоуҡсылар полкы хәрбиҙәре махсус хәрби операция биләмәһенә юлланды. Хәрбиҙәрҙең сираттағы төркөмөн оҙатыу тантанаһы «Өфө-Арена» алдындағы майҙанда үтте. Ватан һаҡсыларын власть һәм төрлө йәмәғәт хәрәкәттәре вәкилдәре сәләмләне, күп һанлы дуҫтары һәм яҡындары өгөт-нәсихәт һүҙҙәре еткерҙе. Ҡыҫҡа ғына хушлашыуҙан һуң һалдаттар ойошҡан рәүештә автобустарға ултырып, хеҙмәт иткән ерҙәренә ҡуҙғалды.

Башҡортостандың туристик тармағы ыңғай үҙгәрештәр кисерә

Туризмға киң юлдар. Радий Хәбиров 6 йыл элек Башҡортостан башлығы булып эш башлағанда төбәктә эске туризмды үҫтереү менән бәйле хәлде киҫкен тип билдәләгәйне. Республикала туристарҙы йәлеп итерҙәй хозур тәбиғәт, тарихи урындар, сәнәғәт предприятиелары ла етәрлек. Республика етәксеһе тәү сиратта инфраструктураны үҫтереү шартын ҡуйҙы. Радий Хәбиров ҡушыуы буйынса төбәктә эске туризм менән шөғөлләнеүсе компаниялар өсөн өҫтәмә уңайлыҡтар булдырылды: гранттар, субсидиялар, ташламалы һалым системаһы инлерелде. Һуңғы йылдарҙа эске туризим индустрияһының үҫеш темптары һәм ҡаҙаныштары хаҡында киләһе яҙмала.

Азат Бадранов Баймаҡ районының ауыл биләмәләре халҡы менән осрашты

«Өфөләге Баймаҡ яҡташтар ойошмаһы» саҡырыуы буйынса Башҡортостан башлығы хакимиәте етәксеһенең беренсе урынбаҫары Азат Бадранов Билал, Ҡолсора, Темәс һәм Түбә ауыл биләмәләре халҡы менән осрашты. Иң тәүҙә бер нисә кешегә «Хеҙмәт батырлығы өсөн» миҙалы тапшырылды. Был наградаға улар Радий Хәбиров ҡушыуы буйынса лайыҡ булды. Осрашыу 2 сәғәт дауам итте, ошо ваҡыт эсендә халыҡ республика һәм район властары вәкилдәренә тиҫтәләгән һорау бирҙе.

Төбәктә «Мәғарифтың мәктәп системаларын модернизациялау» федераль программаһы әүҙем бойомға ашырыла

Көсәйтелгән хәүефһеҙлек системаһы һәм яңыртылған ҡыйыҡтар. Башҡортостанда «Мәғарифтың мәктәп системаларын модернизациялау» федераль программаһы әүҙем бойомға ашырыла. 2 йыл эсендә 140 мәктәп бинаһына капиталь ремонт үткәрелгән. Шулай уҡ эштәр балалар баҡсаларына ла ҡағылды. Теманың дауамы киләһе яҙмала.

Бөрйән районының мәҙәниәт учреждениелары яңырыу осоро кисерә

«Мәҙәни мөхит» милли проекты сиктәрендә һуңғы 5 йыл эсендә төбәктә район мәҙәниәт һарайының, Ғәҙелгәрәй, Ҡотан ауылы клубтарының матди-техник базаһы яңыртылған. Ә Иҫке Собханғол ауылында кино залы эшләй башлаған. Заман һулыш алған объекттарҙың эшмәкәрлеге менән БЮТ ижади төркөмө лә танышты.

Радий Хәбиров ишетеү буйынса инвалидтар өсөн Бөтә Рәсәй йәштәр форумында ҡатнашыусылар менән осрашты

9-сы тапҡыр ойошторолған сара лидерлыҡ сифаттарын тәрбиәләүгә, шулай уҡ һаңғырауҙар йәмғиәтенең йәштәр менән үҙ-ара килешеп эш итеү мәсьәләләрен тикшереүгә йүнәлтелгән. Форум эшендә делегаттарға юғары квалификациялы сурдотәржемәселәр ярҙам итә.

Красный Луч ҡалаһында күп фатирлы йорттарҙың береһенең ҡыйығын капиталь ремонтлау тамамлана

Луганск халыҡ республикаһының Красный Луч ҡалаһында күп фатирлы йорттарҙың береһенең ҡыйығын капиталь ремонтлау тамамлана. Махсус инфраструктура проекты сиктәрендә Башҡортостан быйыл шеф-төбәк булараҡ бында 6 ҡыйыҡты яңыртырға планлаштыра. Уларҙың ҡайһы берҙәре авария хәлендә.

Мәләүез районының Дарьино ауылында фажиғәле хәл теркәлгән

16 йәшлек үҫмер мотоциклда өс йәйәүлене бәрҙергән. Юл-транспорт ваҡиғаһы һөҙөмтәһендә 17 йәшлек ҡыҙ медицина учреждениеһында вафат булған, ике йәйәүле һәм мотоцикл водителе дауаханаға оҙатылған. Зыян күргәндәрҙең береһе - дүрт айлыҡ бала. Әле авария сәбәптәре асыҡлана.

Баймаҡтағы «Башҡорт ихатаһы»на асфальт түшәлә

Билдәле булыуынса, республика программаһы Радий Хәбиров башланғысы менән 2019 йылда ғәмәлгә ашырыла башланы. Тәүге биш йыл 400 мең кеше йәшәгән 1 мең 326 ихата төҙөкләндерелде. Эштәрҙе башҡарыуға йүнәлтелгән сығымдарҙың күбеһе республика бюджетынан бүленә. Теманың дауамы Баймаҡ ҡалаһынан әҙерләнгән репортажда.

❤️ Әлшәй яугире мәсетте йүнәтеүгә миллион һум аҡса күсергән

Әлшәй районынан махсус хәрби операцияла ҡатнашҡан «Закир» позывнойлы һалдат Шафран ауылы мәсетен йүнәтеүгә һәм төҙөкләндереүгә бер миллион һум аҡса күсергән.

Радий Хәбиров һәм Сергей Когогин «Нефаз» предприятиеһы етештереү ҡеүәттәре менән танышты

«Нефаз» предприятиеһы киләсәктә йылына 3 мең автобус йыйырға ниәтләй. Ошо маҡсатты тормошҡа ашырыу өсөн заводта заманса роботлаштырылған комплекс урынлаштырыла. Яңы линияларҙан тыш өс инвестиция проекты тормошҡа ашырыла. Заводтың етештереү ҡеүәттәре менән бөгөн Башҡортостан башлығы һәм «Камаз» акционерҙар йәмғиәте генераль директоры Сергей Когогин танышты. Радий Хәбиров Нефтекамала шулай уҡ «Аттика» предприятиеһында, социаль учреждениеларҙа булды.

Радий Хәбиров Нефтекамала махсус хәрби операцияла һәләк булған яугирҙарҙың ата-әсәләре һәм ҡатындары менән осрашты

Башҡортостан Башлығы Радий Хәбиров Нефтекама ҡалаһында махсус хәрби операцияла һәләк булған Денис Богданов, Валерий Фаршатов, Альберт Латипов, Артем Бурасов, Руслан Әхмәҙиев, Андрей Ташкинов, Тимур Стогов, Илмир Вилданов, Рөстәм Вәлиевтың ата-әсәләре һәм ҡатындары менән осрашты. Республика етәксеһе хәрби хеҙмәткәрҙәрҙең ғаиләләренә ихлас ҡайғы уртаҡлашыуын белдерҙе һәм уларға Шайморатов орденын тапшырҙы. Һеҙҙең улдарығыҙ ысын геройҙар, улар менән менән ғорурлана алаһығыҙ, тине Радий Хәбиров.

Ысынбарлыҡҡа тап килмәгән хаҡ һүҙ була алмай

Башҡортостан башлығы хакимиәте етәксеһенең эске сәйәсәт буйынса беренсе урынбаҫары Азат Бадрановтың Баймаҡ районы халҡы менән осрашыуынан һуң ҡайһы бер баҫма һәм телеграм-каналдар халыҡ властарҙы тәнҡитләй тигән мәғлүмәттәр сығарҙы. Иҫбатлау маҡсатында урында йәшәүсе кешенең сығышын яҙҙырып һалғандар. Ләкин был видео киҫәгендә һуңынан нимә булғанын күрһәтмәгәндәр. БЮТ хәбәрселәре был яҙмаларҙың ысынбарлыҡҡа тап килмәүен фашланы.

Ейәнсура районының мәҙәниәт өлкәһе ыңғай үҙгәрештәр кисерә

Һуңғы йылдарҙа ауыл клубтары тәртипкә килтерелә, яңы йыһаздар менән байытыла. Район үҙәгендәге мәҙәниәт йортона ла заманса ҡоролмалар һатып алынған. Быларҙың барыһы ла төрлө проекттарҙа ҡатнашыу һөҙөмтәһендә тормошҡа ашырылған. Яңы уңайлыҡтар халыҡты мәҙәни тормошҡа йәлеп итеүҙе еңеләйтә, ти урындағылар.

Стәрлебаш районында урынлашҡан лагерҙа яңы смена башланды

51 йыл дауамында бында яҡын-тирәләге төбәктәрҙән һәм Рәсәйҙең ҡаһы бер субъектарынан меңдәрсә бала ял итә. Быйыл, яңы исем алып, реконструкция үткәндән һуң, элекке «Орленок» лагеры 600-ҙән ашыу баланы ҡабул итте.

Башҡортостанда «Фәрзәнә көнбайышҡа атлай» фильмы төшөрөлә башланы

«Фәрзәнә көнбайышҡа атлай». Тиҙҙән Ватан кинематографияһы тулыланасаҡ картина ошо исем менән сыға. Ҡуйыусы режиссер Булат Йосопов бөгөн ижади коллектив менән яңы фильм өҫтөндә эш башланы. Бөйөк Еңеүҙең 80 йыллығына арналған кинотаҫма Учалы районындағы ысын хәл-ваҡиғаларға таянып яҙылған.

Киләһе аҙнала Благовещен ҡалаһында “Ғаилә менән балыҡ тотабыҙ” тип аталған Бөтә Рәсәй фестивале уҙа. Ул Ғаилә йылына арнала. “Беҙ ғаиләләрҙе һәм туғандарҙы берләштерергә, тәбиғәттә әүҙем ял итеүҙе пропагандаларға булдыҡ”, тип белдерә сараны ойоштороусылар. Фестиваль барышында балыҡ тотоу буйынса ярыш, оҫталыҡ дәресе уҙғарыла, белгес кәңәше алырға мөмкин. Балалар өсөн уйындар һәм ярыштар ҡаралған. Фестивалдә 5 кешенән торған ғаилә командалары ҡатнаша ала. Заявкалар 24 июлгә тиклем ҡабул ителә. Тулыраҡ мәғлүмәт менән Благовещен районы хакимиәте сайтында танышырға була.

Федераль ҡаҙнасылыҡтың Башҡортостан буйынса идаралығы хеҙмәткәрҙәре МХО-ға маскировка селтәрҙәре үрә

Күңел ҡушыуы буйынса. Федераль ҡаҙнасылыҡтың Башҡортостан буйынса идаралығы хеҙмәткәрҙәре махсус хәрби операцияға маскировка селтәрҙәре үрә.
Ойошманың тамаша залы ҡырмыҫҡа иләүен хәтерләтә. Берәүҙәр махсус ҡоролмала туҡыманы таҫмаларға ҡырҡа, икенселәре оҙон таҫмаларҙы үрерлек итеп бүлә, өсөнсөләре селтәр бәйләй. Ә ике ҙур өҫтәл артында маскировка селтәрҙәрен үреү бара. Федераль ҡаҙнасылыҡ хеҙмәткәрҙәре тәүҙә селтәр үрергә «Масксети щит Өфө» ойошмаһына йөрөгән. Һуңынан уңайлыраҡ булһын өсөн был эште үҙҙәрендә ойошторорға хәл иткән.

Радий Хәбиров социаль селтәрҙәге сәхифәһенә уйнаҡлап йөрөгән зубр менән видеояҙма һалған

Ә был беҙҙең зубр быҙауы. Ул Күгәрсен районында төшөрөлгән. Күрәһең, ҡырағай хайуанға беҙҙең башҡорт урмандарында оҡшай. Белорус-башҡорт зубрҙары ғаиләһендә быҙауҙар артабан да барлыҡҡа килер тип ышанабыҙ, тип яҙған Башҡортостан башлығы.

Нефтекамала урындағы баҡсасылар өсөн 30 бушлай сауҙа майҙансығы булдырылған

Радий Хәбиров төбәккә эш сәфәре барышында баҡса яны участкаларында урындағы халыҡтың һата торған сауҙа майҙансыҡтарын ҡараны. Республика етәксеһе баҡсасылар менән аралашты, улар өсөн булдырылған бушлай сауҙа рәттәре уңайлымы, тип ҡыҙыҡһынды. Шулай уҡ йәшелсә, картуф һәм ер еләге һатып алды.