Бөрйән районының Әбделмәмбәт ауылы Башҡортостандың иң спортсы ауылы

Чемпиондар төйәге. Бөрйән районының Әбделмәмбәт ауылы Башҡортостандың иң спортсы ауылы тип атарға мөмкин. Төбәктә тиҫтәгә яҡын спорт төрө киң үҫеш алған. Спорт ярыштарын да, ГТО нормативтарын тапшырыуҙа балалар ҙа, йәштәр ҙә, өлкән быуын вәкилдәре лә әүҙем ҡатнаша, юғары күрһтәкестәргә өлгәшә. Быйыл Әбделмәмбәттә Башҡортостан башлығы грантына спорт майҙансығы ла асылған. Заманса ҡоролмалар мәктәп ихатаһында урынлаштырылған.

Радий Хәбиров эш сәфәре менән Учалы районында булды

Учалы тау сәнәғәте колледжының ике йылдан үҙ дөйөм ятағы файҙаланыуға тапшырыласаҡ. Был турала бөгөн республика башлығының төбәккә эш сәфәре барышында әйтелде. Мәғлүм булыуынса, мәғариф учреждениеның әлегә тиклем студенттар өсөн айырым йәшәү урыны булмаған. Ошоно иҫәпкә алып, уҡыу корпусы киләсәктә үҙгәртеп ҡороласаҡ. Проект-смета документация сығымдары Учалы тау байыҡтырыу комбинаты ярҙамында ҡапланасағы билдәле. Был предприятиеның 70 йыллығында ҡабул иткән ҙур проект.

Радий Хәбиров Учалы районында МХО-ла һәләк булған яугирҙарҙың ғаиләләре менән осрашты

Радий Хәбиров Учалы районында махсус хәрби операцияла һәләк булған Рим Закиров, Артур Бирғәлин, Нәдип Ваһапов, Артур Йомағужин, Арыҫлан Кирәев һәм Ринат Фәттәховтың ғаиләләре менән осрашты. Төбәк етәксеһе яугирҙарҙың яҡындарының ҡағыларын уртаҡлашты. Радий Хәбиров әйтеүенсә, уларҙың һәр береһе герой һәм хәтер һаҡлау беҙҙең дөйөм бурысыбыҙ. Башҡортостан башлығы яугирҙарҙың ата-әсәләренә генерал Шайморатов ордендары тапшырҙы .

Хәйбулла районында тау-мәғдән компаниялары етәкселәренә иҫкәртеү яһалды

Улар менән Башҡортостан Башлығы хакимиәте етәксеһенең эске сәйәсәт буйынса беренсе урынбаҫары Азат Бадранов аралашты. Предприятиеларҙың ҙур йөк машиналары урындағы юлдарҙы емерә, ә яуаплылыҡтан ҡасыу өсөн ташыусылар ауырлыҡ контроле пункттары алдында машиналарҙан номерҙарын сисә.

Башҡортостан көслө ямғыр һәм елдән зыян күрә

Емерелгән күперҙәр, йәмшәйгән машиналар һәм һыу аҫтында ҡалған ихаталар. Башҡортостан көслө ямғыр һәм елдән зыян күрә. Һуңғы бер нисә көндә генә республикала яуым-төшөм сәбәпле бер нисә ғәҙәттән тыш хәл теркәлде. Башгидромет хеҙмәткәре хәбәр итеүенсә, ошо көндәрҙә һауа торошо үҙгәрмәйәсәк. Тулыраҡ киләһе яҙмала.

Быйыл республикала «Башҡорт ихаталары» программаһы буйынса 143 биәләмә төҙөкләндереләсәк

Ҡалаларҙа ғына түгел, күп фатирлы йорттар булған ауыл ихаталары ла яңырыу кисерә. Быйыл республикала «Башҡорт ихаталары» программаһы буйынса 143 биәләмә төҙөкләндереләсәк. Тәү сиратта күптән реновация талап ителгән урындар һайланған. Ремонт эшенең барышы тураһында киләһе яҙмала.

Башҡортостанда «Ауыл биләмәләрен комплекслы үҫтереү» федераль программаһы йылдам эшләп килә

Ауылдарҙы яңыртыу һәм халыҡтың йәшәү сифатын күтәреү өсөн. Башҡортостанда «Ауыл биләмәләрен комплекслы үҫтереү» федераль программаһына ярашлы төҙөкләндеүе эштәре ҡайнай. Уларҙың береһе Стәрлебаш районыныда ла бара. Әмир ауылында 1987 йылда Бөйөк Ватан һуғышы ветерандары иҫтәлегенә асылған стелла яңыртыла. Бер рәттән башҡа проекттар буйынса ла ремонт эше башланып тора. Тулыраҡ киләһе яҙмала.

Рәсәйҙә БРИКС илдәре Спорт уйындары еңеүселәренә аҡсалата премия тапшырыла. Премьер-министр Михаил Мишустин Хөкүмәт ҡарарына ҡул ҡуйҙы. Документҡа ярашлы, уйындарҙа еңеүселәргә 358 мең һум түләнә, көмөш миҙалға – 179, бронза награда яулағандар – 107,5 мең һум ала. Аҡсалата премия спортсыларҙы әҙерләгән тренерҙарға ла тәғәйенләнә. БРИКС илдәре Спорт уйындары Ҡазанда уҙҙы. Унда милли команда составында Башҡортостан вәкилдәре лә ҡатнашты. Беҙҙең республика атлеттары 12 алтын, 7 көмөш һәм 1 бронза миҙалға эйә булды.

Башҡортостанда Бөйөк Ватан һуғышы яугирҙәренә һәйкәлдәрҙе тәртипкә килтереү буйынса проект башланды. Рәсәй Президенты һәм Республика Башлығы указдарына ярашлы “Тере хәтер” тигән акция ойошторола. Ул Бөйөк Еңеүҙең 80 йыллығы уңайынан саралар планына ингән. Башҡортостан Хөкүмәте Аппараты вәкилдәре тәүгеләрҙән булып акцияға ҡушылды. Улар Ишембай районы Үрнәк ауылындағы стеланы тәртипкә килтереү өсөн бер көнлөк эш хаҡын күсерҙе һәм һәйкәлгә нигеҙ һалыуҙа ҡатнашты.

Һыу баҫыуҙан зыян күргән Баймаҡ һәм Йылайыр райондарына ярҙам күрһәтеләсәк

Ә башҡаланың Театр урамы Өфө арбатына әйләнә. Был турала Республика менән идара итеү үҙәгенәдә уҙған Хөкүмәт кәңәшмәһендә Радий Хәбиров белдерҙе. Кәңшәмлә шулай уҡ юлдарҙы ремонтлау, берҙәм дәүләт имтихандары һөҙөмтәләре тураһында һүҙ барҙы. Аҙнаның төп темалары тураһында тулыраҡ киләһе яҙмала.

Баймаҡта илдә тәүге модулле дауахана барлыҡҡа киләсәк

Быға тиклем Башҡортостанда тиҙ ҡоролмалы биналарҙы тик фельдшер-акушер пункттары, китапхана һәм башҡа социаль объекттар урынлаштырыу өсөн төҙөйҙәр ине. Районда медицина учреждениеларына ҡытлыҡ мәсьәләһен властар тиҙ ҡоролмалы биналар менән хәл итә.
Урамдарға яҡтылыҡ, керәҙле элемтәне яҡшыртыу, зәңгәр яғыулыҡ үткәреү, дарыухана һәм фаптар төҙөү. Ишмөхәмәт, Йылайыр һәм Татлыбай ауылдарында йәшәүселәр көнүҙәк мәсьәләләрҙе барлай. Республика башлығы хакимиәте етәксеһенең беренсе урынбаҫары Ахзат Бадранов ойоштороған осрашыу тәү сиратта хәл ителергә тейеш проблемаларҙы асыҡланы. Шуларҙың береһе Урғаҙа ауылында дауахана булмауы.

10 июлдән Оборона министрлығы менән контракт төҙөүсе граждандарға түләүҙәр артты

Башҡортостан башлығы ҡушыуы буйынса, 10 июлдән Оборона министрлығы менән контракт төҙөүсе граждандарға түләүҙәр артты. Бығаса бер тапҡыр бирелә торған сумма күләме 205 мең һум тәшкил итһә, хәҙер ул республика бюджеты иҫәбенә 505 мең һумға тиклем күтәрелде. Шулай итеп контракт төҙөүселәр Оборона министрлығы һәм республика муниципалитеттары түләгән аҡса менән бергә бөтәһе миллион һум аласаҡ. Тулыраҡ мәғлүмәтте республика халҡы ситуация үҙәгенең 122 йәки (347) 218-19-19 номерҙары буйынса, шулай уҡ «Минең документтарым» күп функциялы үҙәге офистарында ҡыҙыҡһындырған һорауҙарын бирә ала.

БСТ каналы Донбасты тергеҙеүҙә ҡатнашҡан замандаштарыбыҙ менән таныштыра

Республиканың төп телеканалы Донбасты тергеҙеүҙә ҡатнашҡан замандаштарыбыҙ тураһында һөйләй. Бөгөнгө геройыбыҙ Күгәрсен районынан Азамат Иҙрисов. Башҡортостан Хөкүмәтенең иҡтисади үҫеш департаменты бүлеге мөдире Луганск халыҡ республикаһындаһы эшсе төркөм ағзаһы булараҡ ҡатнаша. Донбасҡа ул 2022 йылдан оҙайлы командировкаларға йыш сыға. Ике йыл ярым эсендә төбәктә тиҫтәләрсә социаль объекттар, юлдар төҙөкләндерелә.

Ғафури районы Ҡолҡан ауылында илебеҙҙе фашизмдан азат итеүсе һалдаттарға арналған обелиск асылды

Бөйөк Ватан һуғышы яугирҙары халыҡ хәтерендә. Ғафури районы Ҡолҡан ауылында илебеҙҙе фашизмдан азат итеүсе һалдаттарға арналған обелиск асылды. Уны төҙөү «Табын» социаль, мәҙәни, иҡтисади үҫеш фонды ярҙамы менән «Батырҙарыбыҙҙың исемдәрен хәтерләйбеҙ» проекты сиктәрендә Рәсәй Президенты грантына тормошҡа ашырылған.

Архангел районында йәшәүсе Янышывтар ғаиләһе «Ата-әсәлек ҡаһарманлығы» миҙалы менән бүләкләнде

15 бала тәрбиәләүсе ғаиләгә награданы республика етәксеһе Радий Хәбиров Бөрөлә үткән Ғаилә, мөхәббәт һәм тоғролоҡ байрамында тапшырғайны. Янышевтар малай-ҡыҙҙарын үҙебеҙҙеке, йәки сит балалар тип бүлмәй. Барыһында бер тигеҙ күреп ғүмер итә.

Бөгөн Башҡортостан Милли музейында “Донбасс” тигән фотокүргәҙмә асыла. Экспозицияға хәрби хәбәрсе Владимир Аносовтың фоторәсемдәре ҡуйыла. Фотографиялар алғы һыҙыҡта, шулай уҡ Мариупол, Донецк, Луганск һәм башҡа ҡалаларҙа төшөрөлгән.

Төлкө һәм бүреләр өсөн - премия. Републикала ошо кейектәрҙе аулаған һунарсыларға дәртләндереү сараһы булдырырға ниәтләйҙәр. Тәбиғәттән файҙаланыу һәм экология министрлығы ошондай тәҡдим менән сығыш яһаған. Бындай башланғыс ҡырағай хайуандар араһында ҡотороу осраҡтарын кәметеү маҡсатында булдырылған. Тотолған бер төлкө өсөн – 1, бүрегә – 10 мең һум түләргә тәҡдим ителә.

Хөкүмәт кәңәшмәһендә яңғыраған иң мөһим фекерҙәр

✅ Ғаилә көнө алдынан Владимир Путин Башҡортостандан Фәтҡуллиндар һәм Ғәйнетдиновтар менән осрашты. Ғаиләләр торлаҡ шарттарын яҡшыртыуға 5 миллион һум аҡса еңеп сыҡҡан.

✅ Бөрөлә Мөхәббәт һәм тоғролоҡ көнө айҡанлы үткәрелгән сараларҙа 10 меңдән ашыу ғаилә ҡатнашҡан.

✅ Радий Хәбиров Йылайыр районындағы Ҡана йылғаһы быуаһын тәртипкә килтерергә ҡушты. Республика Башлығы социаль селтәрҙәрҙәге бәхәсле яҙмаларға иғтибар бирҙе, район башлығы Борис Мелкоедов проблема хаҡында хәбәрҙар булыуын белдерҙе.

✅ Башҡортостандағы күсмә цивилизациялар музейының визит-үҙәге ҡунаҡтар һаны буйынса рекорд ҡуйған — 8 көндә уны 6649 кеше ҡараған.

✅ 2024 йылда 216 саҡрым оҙонлоҡтағы 75 проблемалы юл участкаһын һәм 5 күперҙе ремонтлаясаҡтар. 48 юл участкаһын һәм дөйөм 325 метр оҙонлоҡтағы күперҙәр 2025 - 2026 йылдарҙа файҙаланыуға тапшырыла.

✅ Башҡортостан Башлығы Учалылағы һыу тәьминәте мәсьәләһен хәл итергә ҡушты.

✅ Был аҙнала «Сәләмәтлек поезы» Кушнаренко, Саҡмағош, Борай, Мәләүез, Балаҡатай, Бәләбәй һәм Баймаҡ райондарына бара. Апрелдән «мобиль табиптар» 181 тораҡ пунктта булды һәм 102 683 тикшереү үткәрҙе.

✅ Өфөлә йәш IT-белгестәр өсөн һанлы креатив киңлек булдырылды.

✅ 2025 йылға Өфөнөң Театраль урамы йәйәүлеләр урамына әйләндереләсәк.

✅ Августа Башҡортостан делегацияһы Үзбәкстанға эшлекле сәфәр менән барасаҡ, унда алдан төҙөлгән килешеүҙәр буйынса хеҙмәттәшлекте үҫтереү аҙымдары ҡараласаҡ.

✅ Радий Хәбиров Баймаҡ районында ташҡын арҡаһында емерелгән юлдарҙы һәм күперҙәрҙе йүнәтергә ҡушты.

✅ «Иннопром-2024» форумында Башҡортостан 17,8 миллиард һумға 9 инвестиция килешеүе төҙөгән.

✅ Башҡортостанда һыуһаҡлағыстарҙа транзит һыу үткәреүе бара – хәл контролдә тотола.

✅ Башҡортостанда 15504 уҡыусы БДИ тапшырған. Иң популяр фән — математика. Бөтә фәндәр буйынса ла уртаса балдарҙың кимәле күтәрелгән. 155 уҡыусы 100 балға тапшырған — был һан ике тапҡырға артҡан.

✅ Киләһе аҙнала Башҡортостан аграрийҙары тәүге уңышты ура башлай. Ямғырҙарға бәйле иген, май һәм техник культураларҙан яҡшы уңыш көтөлә.

✅ Башҡортостан Рәсәйҙә экспорт буйынса милли проектты тормошҡа ашырыу рейтингында икенсе урынға күтәрелгән.

Радий Хәбиров ауыл хужалығы үҫешенә ҙур иғтибар бүлә

Ауыл хужалығы республика иҡтисадында төп роль уйнай, эш урындары булдырыуға һәм иҡтисади хәүефһеҙлеккә тос өшөш индерә. Фермерҙарға төрлө ярҙам саралары, гранттар, субсидиялар һәм льготалар бирелә. Төбәк көнәркәшлекте һәм етештереүсәнлекте арттырыу өсөн агросәнәғәт комплексын яңыртыуға ҙур көс һала.

Республика етәкселеге ауылдарҙы йәнләндереү, халыҡтың тормош шарттарын яҡшыртыу һәм мәҙәни традицияларҙы һаҡлау маҡсатында ауыл хужалығы производствоһын һәм фермерлыҡты үҫтереү мөһимлеген яҡшы аңлай.

Яңы предприятиеларҙы үҫтереү һөҙөмтәһендә ауыл ерендә яңы эш урындары барлыҡҡа ҡилә, эш хаҡы арттырыла.

Шишмә районындағы «Шишмә» баҡса ширҡәтендә балалар майҙансығы барлыҡҡа килде

Ул быйыл яҙ алынған грант аҡсаһына ҡуйыла. Был турала социаль селтәрҙәрҙә Радий Хәбиров яҙҙы. Башҡортостан башлығы билдәләүенсә, «Смарт-баҡсасы» форумында республиканың коммерцияға ҡарамаған иң яҡшы баҡсасылыҡ ширҡәтенә 500 мең һумлыҡ 10 сертификат тапшырылды.