Ауырғазы районында йәшәүсе яратҡан шөғөлөн бизнесҡа әүерелдергән

Башҡортостан эшҡыуарҙар һаны буйынса Волга буйы федераль округында-2-се, Рәсәйҙә 10-сы урынды биләй. Республикала 136 мең ойошма һәм 186 меңдән ашыу үҙмәшғүл иҫәпләнә. Бындай үҫешкә муниципаль, республика һәм федераль кимәлдәге ярҙам саралары булышлыҡ итә. Һуңғы йылда ғына бәләкәй һәм урта эшҡыуарлыҡ субъекттары һаны 6,4 процентҡа артҡан. Ауырғазы районында йәшәүсе Илшат Зиннуров яратҡан шөғөлөн бизнесҡа әүерелдергән. Гаражда оҫтахана асҡан герой янында БЮТ ижади төркөмө лә булды.

Баймаҡта 101 йәштәге Бөйөк Ватан һуғышы ветераны Валентина Потапова йорто алдынан парад уҙҙы

Унда ҡаланың 5-се мәктәбенең 6-7 класс уҡыусылары тантаналы марш менән үтте. Валентина Потапова аэродромдарҙы хеҙмәтләндереү батальонында хеҙмәт итә. Боеприпастарҙы һаҡлай, штабта элемтәсе булып эшләй. 1943 йылда Валентина Потапованы радистар курсында уҡытып, унан Вильнюс ҡалаһына ебәрәләр. Еңеүҙе лә радист батыр ҡыҙ Прибалтикала ҡаршылай. Һуғыш бөткәндән һуң ике йылдан ғына Баймаҡҡа әйләнеп ҡайта. Бында ул тормош иптәше Михаил Потаповты осрата һәм улар ғаилә ҡора. Бәхетле пар биш бала тәрбиәләп үҫтерә.

Фидан Ғафаровтың ҡыҙына 15 йәш!

«2009 йылдың 8 майында донъяға килде Ғафарова Самира Фидан ҡыҙы. Бөгөн минең берҙән-бер яратҡан ҡыҙымдың юбилейы - 15 йәш. Тыуған көнөң менән, балам!❤

Һиңә таҙалыҡ теләйем, мәктәптә уңыштар, матур һәм ғорурланырлыҡ бала булып үҫ. Мин ғорурмын һинең атайың булыуына😘🙏🥰 Беҙ һине яратабыҙ, ҡыҙым», - тип яҙған Башҡортостандың һәм Татарстандың, Рәсәйҙең халыҡ артисы Фидан Ғафаров социаль селтәрҙә.

Самира Өфө районының Жуков ауылы мәктәбендә туғыҙынсы класта белем ала. Тик «дүртле»гә һәм «бишле»гә өлгәшә, мәктәп сараларында әүҙем ҡатнаша, атаһы ла Жуков мәктәбендә йыш ҡунаҡта була.

Шәһиҙә инәйгә 107 йәш!

Өфө районының Нөрлө ауылында йәшәүсе Шаһиҙә Нурияздан ҡыҙы Кәбирова 1917 йылда тыуған. Уға бер йәш тә тулмаған саҡта ата-әсәһе вафат булған, сабый иртә етем ҡалған. Бер туған апалары һәм ағалары балалар йорттарына таратыла, ә уны инәһе тәрбиәгә ала. Бала сағы бик ауыр була, бәләкәйҙән бик күп эшләргә тура килә.

Һуңынан ул буласаҡ ире Хисаметдин Кәбиров менән осраша. Әммә күп тә үтмәй уны һуғышҡа алалар. Һәм тормоштоң бөтә ауырлығы 24 йәшлек йәш ҡатындың иңенә төшә. Шәһиҙә Нурияздан ҡыҙы өс балаһы һәм ауырыу ҡәйнәһе менән ҡала.

Ире һуғыш бөтөп ике йыл үткәс кенә ҡайта. Улар алты йыл ғына йәшәп өлгөрә, яуҙа алынған яралары арҡаһында, фронтовик вафат була. Шәһиҙә Нуриздан ҡыҙы ете баланы бер үҙе аяҡҡа баҫтыра.

Бөгөн 107 йәшендә Шаһиҙә инәй үҙенең матур һәм уңайлы йортонда йәшәй. Ул һәр ваҡыт балаларының, 19 ейән-ейәнсәренең, 29 бүлә-бүләсәһенең, 27 бүләр-бүләсәһенең ҡәҙер-хөрмәтен тойоп көн итә.

Евразия ғилми-белем биреү үҙәгенең вуз-ара студенттар кампусында «Фән сәғәте» үтте

Ҡатмарлы осор булыуға ҡарамаҫтан республика фән өлкәһен финанслауҙы дауам итәсәк, дәүләт ярҙамы саралары һаҡлап ҡалына. Был турала төбәк башлығы Радий Хәбиров Евразия ғилми-белем биреү үҙәгенең вуз-ара студенттар кампусында уҙғарылған «Фән сәғәте»ндә билдәләп үтте. Вуз ректорҙары һәм йәш ғалимдар ҡатнашлығында үткән осрашыуҙа йәштәр лабораторияларының ҡаҙаныштары ла барланды. Импортты алмаштырыу йүнәлешендә алып барылған ғилми тикшеренеүҙәр һөҙөмтәләре менән БЮТ ижади төркөмө лә танышты.

Радий Хәбиров төрлө һөнәр эйәләренә дәүләт наградалары һәм почет грамоталары тапшырҙы

Хеҙмәтенә күрә хөрмәте. Башҡортостан башлығы Радий Хәбиров төрлө һөнәр эйәләренә дәүләт наградалары һәм почет грамоталары тапшырҙы. Махсус хәрби операцияла ҡатнашыусылар, төҙөүсө, икмәк бешереүсе, табиптар, оборона предприятиеһы хеҙмәткәрҙәре, аграрийҙар - барлығы 70 һөнәрмән Рәсәй һәм Башҡортостан наградаларын ҡабул итте.

Өфө данлыҡлы Мәскәү Пасха фестивален ҡабул итә

Бөгөн Башҡорт дәүләт академия опера һәм балет театрында Мариинский һәм Ҙур театрҙың Валерий Гергиев етәкселегендәге ижади коллективы сығыш яһаны. Өфө мәҙәни тур графигына индерелгән 24 ҡаланың береһе. Башҡала тамашасылары мәшһүр сәхнә оҫталарын алҡыштар менән оҙатты.

Өфөлә Бөйөк Ватан һуғышы ветерандары өсөн шәхси парад ойошторолдо

Өфө ихаталарының береһендә совет заманы йырҙары яңғыраны һәм хәрби техника үтте. Был документаль фильм төшөрөү түгел. Башҡала үҙәгендә Бөйөк Ватан һуғышы ветерандары өсөн шәхси парад ойошторолдо. 97 йәшлек Ғаян Сәлихов һәм 87 йәшлек Людмила Цареградская сираттағы Еңеү көнөн көр кәйефтә ҡаршылай.

Башҡортостан юлдаш телевидениеһында «Еңеү көнө» телемарафоны уҙа

Иртәгә, 9 майҙа, Башҡортостан юлдаш телевидениеһында «Еңеү көнө» телемарафоны уҙа. Республиканың төп телеканалы байрам сараларын иртәнге сәғәт 8-ҙә күрһәтә башлай, тура эфир төнгө 11-ҙән һуң тамамлана.

Баймаҡта «Һалдат бутҡаһы» һәм «Блокада икмәге» акциялары үтте

Бөйөк Еңеүҙең 79 йыллығы уңайынан Баймаҡ районында ла төрлө саралар үтә. Ҡаланың 2‐се мәктәбендә уҡыусылары һәм «Күбәләк» балалар баҡсаһы тәрбиәләнеүселәре өсөн «Һалдат бутҡаһы», «Блокада икмәге» акциялары үтте.

Өфөлә йәшәүсе Бөйөк Ватан һуғышы ветерандарын тәбрикләү саралары дауам итә

Яугирҙар йәшәгән йорт алдында хәрби сафтар үтә һәм концерт номерҙары күрһәтелә. Әлеге вҡытта дауаханала ятыусы ветерандар ҙа иғтибарһыҙ ҡалмай. Баш ҡаланың Октябрь районы хакимиәте 21-се клиник дауаханаһына барып, дауаланыу курсы үткән ветеранды ҡотланы.

🙌 Өфөлә Ғәзи Заһитовҡа һәйкәл асылды

1945 йылдың 30 апрелендә Бөйөк Ватан һуғышында ҡатнашыусы Ҡыҙыл армия һалдаты Ғәзи Заһитов Рейхстагҡа байраҡ ҡаҙай.

Радий Хәбиров «Еңеү паркы»ндағы мемориалға сәскә һалыу тантанаһында ҡатнашты.

Бөйек Еңеү көнө уңайынан республикала илһөйәрлек саралары үтә. Башҡортостан башлығы Радий Хәбиров «Еңеү паркы»ндағы мемориалға сәскә һалыу тантанаһында ҡатнашты. Башҡортостанда йәшәүсе күп милләтле халыҡ исеменән Советтар Союзы геройҙары Миңлеғәле Ғөбәйҙуллин менән Александр Матросовтың үлемһеҙ ҡаһарманлығына арналған һәйкәлгә сәскә һалынды. «Мәңгелек ут» майҙанында Ватан өсөн башын һалған батырҙар, һуғыш ҡорбандары бер минут тынлыҡ менән иҫкә алынды. Шулай уҡ бөгөн 9 майҙа Өфөнөң Еңеү паркында Бөйөк Ватан һуғышында ҡатнашыусы Ғәзи Заһитовҡа һәйкәл асылды. Иҫегеҙгә төшөрәбеҙ, ҡаһарман яҡташыбыҙ 1945 йылдың 30 апрелендә Берлинда Рейхстагҡа тәүгеләрҙән булып Еңеү байрағын ҡаҙай.

Баҡалы районы үҙәгендә Еңеү көнөнә арналған байрам саралары үтә

Баҡалы районы үҙәгендә Еңеү көнөнә арналған саралар байрам концерты менән башланды. Үҙәк урамда хәрбиҙәр һәм локаль бәрелеш ветерандары, Баҡалы ауылының беренсе мәктәбе һәм Иҫке Ҡорос һәм мәктәптәре Шайморатов класстары парад менән үтте.

Стәрлетамаҡ ҡалаһы халҡы Еңеү Көнөн билдәләй

Стәрлетамаҡта байрам саралары иртәнге сәғәттәрҙә башланды. Тәү сиратта мәңгелек ут мемориаль комплексына сәскә гөлләмәләре һалынды. Еңеү парадында 50-нән ашыу хәрби техника, ретро автомобилдәр, һыбайлылар колоннаһы үтте. Байрам сараларында кадет һәм Шайморатов класы уҡыусылары, юнармеецтар, хәрби бәрелештәр ветерандары ҡатнашты.

Бөгөн Салауат ҡалаһына пилотһыҙ осҡос һөжүм иткән

Башҡортостан Башлығы Радий Хәбиров социаль селтәрҙә пилотһыҙ осҡостоң Салауат ҡалаһының сәнәғәт зонаһына һөжүм итеүе хаҡында һөйләне.

Һөжүмдән һуң «Газпром нефтехим Салауат» ҡоролмаларының береһенән төтөн сыҡҡан. Радий Хәбиров әйтеүенсә, предприятие штат режимында эшләүен дауам итә.

«13:00 сәғәт тирәһендә беҙҙең Ғәҙәттән тыш хәлдәр буйынса идаралыҡҡа Салауат ҡалаһы сәнәғәт зонаһына пилотһыҙ осҡос килеп сығыуы хаҡында хәбәр иттеләр. Көс ведомстволары етәкселәре ваҡиға урынына юлланды. Был беҙҙең байрамды боҙорға маташыу осрағы, әммә беҙ ҡотҡоға бирелмәйбеҙ. Беҙҙең хеҙмәттәр тейешле тәртиптә эшләй», — тине Радий Хабиров.

Махсус хәрби операция биләмәһендә яугирҙар Еңеү көнөн билдәләй

Махсус хәрби операция биләмәһендә ҡыҙыу бәрелештәр барыуға ҡарамаҫтан, яугирҙарыбыҙ Еңеү көнөн билдәләй. Бөгөн Кураховка йүнәлешендә нацизмға ҡаршы көрәшеүсе яҡташтарыбыҙ урындағы мемориалға сәскә һалды, Бөйөк Ватан һуғышында һәләк булған ата-бабалар хәтерен яңыртты. Әле Донецк халыҡ республикаһында БЮТ хәбәрселәре эшләй.

Өфөнөң Еңеү паркында Ғәзи Заһитовҡа һәйкәл асылды

«Еңеү паркы»ндағы мемориалға ла сәскә һалыу тантанаһы үтте. «Мәңгелек ут» майҙанында Ватан өсөн башын һалған батырҙар, һуғыш ҡорбандары бер минут тынлыҡ менән иҫкә алынды. Шулай уҡ бөгөн Өфөнөң Еңеү паркында Бөйөк Ватан һуғышында ҡатнашыусы Ғәзи Заһитовҡа һәйкәл асылды.

Радий Хәбиров Салауат ҡалаһында теркәлгән ғәҙәттән тыш хәлгә ҡарата үҙ фекерен белдерҙе

Был Еңеү байрамын боҙорға тырышыу, әммә беҙ провокацияларға бирешергә йыйынмайбыҙ. Радий Хәбиров Салауат ҡалаһында теркәлгән ғәҙәттән тыш хәлгә ҡарата үҙ фекерен белдерҙе. Алдан хәбәр итеүебеҙсә, бөгөн пилотһыҙ осоу аппараты «Газпром нефтехим Салауат» предприятиеһына һөжүм итергә маташа. Бәхеткә күрә, дрондарҙан һаҡлау системаһы уны кире ҡаға. Ҡоролмаларҙың береһендә сыҡҡан төтөн кешеләргә хәүеф тыуҙырмай. Завод штат режимында эшләүен дауам итә. Зыян күреүселәр теркәлмәгән.

Өфөлә Бөйөк Еңеү байрамына арналған тантаналы ултырыш үтте

Бөйөк Еңеүгә 79 йыл үткәндән һуң йәнә көслө рухлы геройҙар дәүере килде. Махсус хәрби операцияла нацизм менән көрәшкән яугирҙарыбыҙ өсөн беҙҙең ветерандарыбыҙҙың Ватанға тоғролоғо лайыҡлы өлгө булып тора. Был турала Башҡортостан башлығы бөгөн Бөйөк Еңеү байрамына арналған тантаналы ултырышта белдерҙе. Радий Хәбиров йылдар үткән һайын байрамдың әһәмиәте тағы ла тәрәнәйеүен билдәләне, төрлө осорҙа ил һағында торған ҡаһарман яугирҙарыбыҙға дәүләт наградаларын тапшырҙы.

Өфөнөң Октябрь проспектында Бөйөк Еңеүҙең 79 йыллығына арналған парад үтте

Еңеүселәргә - дан һәм хөрмәт! Өфөнөң Октябрь проспектында Бөйөк Еңеүҙең 79 йыллығына арналған парад үтте. Тантаналы маршты трибунанан ветерандар, тыл хеҙмәтсәндәре, һуғыш балалары, махсус хәрби операцияла ҡатнашҡан яҡташтарыбыҙ һәм уларҙың ғаилә ағзалары, хәрби бәрелештәр һәм хоҡуҡ һаҡлау органдары ветерандары күҙәтте.