Дыуанда һәм Сибайҙа модулле мәшғүллек үҙәктәре төҙөлә

Әле буласаҡ биналарҙың дизайн-проекты эшләнә. Тиҙ арала һалынған биналар яңы талаптарға яуап бирә. Модулле объекттар төҙөлөшөнә киткән сығымдарҙың яртыһы Рәсәй Хеҙмәт һәм халыҡты социаль яҡлау министрлығынан бүленә. Проект илдә тәүгеләрҙән булып Башҡортостанда тормошҡа ашырыла. Биналарҙы асыу сараһына ведомство етәксеһе Антон Котяковтың килеүе көтөлә. Киләһе йылда республикала бөтә мәшғүллек үҙәктәре яңыртыла.

Башҡортостан Газа секторына гуманитар ылау ебәрә

Әле 23 тонна медицина препараттары, аҙыҡ-түлек, гигиена кәрәк-яраҡтары һәм кейем тупланған. Ярҙам “Башсельхозтехника” логистика үҙәгендә йыйыла. Әйберҙәрҙе шулай уҡ республика мосолмандар диниә назаратында тапшырырға була. Финанс ярҙамды “Иман – Башҡортостан” хәйриә фондына күсерергә мөмкин. Әле иҫәптә 1 миллион һумдан ашыу аҡса тупланған.

Республиканың халыҡ шағиры Рәшит Шәкүрҙең "Ынйы бөртөктәре" донъя күрҙе

Ошондай атамалы китапҡа заман, тормош һәм кеше һәм яҙмыштарына бағышланған шиғырҙар тупланған. Әхмәтзәки Вәлиди исемендәге Милли китапханала йыйынтыҡ менән таныштырыу сараһы үтте. Әҙип мәктәп уҡыусылары һәм студенттарға шиғырҙарын уҡып ишеттерҙе."Ынйы бөртөктәре" йыйынтығы 1 мең данала нәшер ителгән. Ул республика китаханаларына таратыла. Ҡәләм оҫтаһы менән осрашыуҙар артабан да дауам итә.

Башҡортостанда тоҡомло малсылыҡ өсөн 400 миллион һумдан ашыу аҡса тотонолған

Уның ҙур өлөшө федераль ҡаҙнанан бүленгән. - Тоҡомло малсылыҡ өсөн бындай ярҙам киләсәктә лә дауам итәсәк. Эштең һөҙөмтәһе бар. Һәр һыйырҙан уртаса 6 мең 594 килограмм һөт һауыла. Был 2018 йыл менән сағыштырғанда 22 процентҡа күберәк. Тоҡомло мал булған предприятиеларҙа һөҙөмтәләр яҡшыраҡ, - тине вице-премьер-Ауыл хужалығы министры Илшат Фәзрахманов. Әле республикала тоҡомло малсылыҡ менән шөғөлләнеүсе 80-дән ашыу предприятие бар.

Бөгөн Хәрби хеҙмәткә саҡырылыусы көнө

Был дата Рәсәйҙә 1992 йылда булдырылды. Законға ярашлы, Рәсәй армияһына мотлаҡ саҡырыуға ярашлы 18-ҙән 27 йәшкәсә егеттәр алына. Башҡортостандан көҙгө саҡырылышта 4 мең самаһы кеше хәрби хеҙмәткә саҡырыла. Кампания 31 декабргә тиклем дауам итә. Мотлаҡ хәрби хеҙмәткә саҡырылғандар махсус хәрби операцияға йәлеп ителмәй.

Республикала 500 000 һумлыҡ грант булдырылды

Башҡортостанда патриотик тәрбиә биреү буйынса иң яҡшы белем биреү ойошмаларына грант тапшырыла. Республика Башлығы Радий Хәбиров тейешле указға ҡул ҡуйҙы. Киләһе йылдан 500 мең һумлыҡ 10 грант бирелә. Еңеүселәр Мәғариф һәм фән министрлығы үткәргән конкурс һөҙөмтәләре буйынса асыҡлана. Башҡортостанда быйыл патриотик тәрбиә буйынса закон ҡабул ителде. 2027 йылға тиклем иҫәпләнгән республика программаһы әҙерләнә.

Башҡортостан спорт биналары төҙөү һәм төҙөкләндереү өсөн федераль субсидия ала

Рәсәй Хөкүмәте бойороғона ярашлы, төбәктәргә спорт инфраструктураһы булдырыу өсөн 9 миллиард һум йүнәлтелә. Беҙҙең республикаға 24 миллион һум тапшырыла. Башҡортостанда киләһе йылда “Рәсәй – спорт державаһы” халыҡ-ара спорт форумы уҙа. Спорт объекттары һаны буйынса республика илдә Мәскәүҙән ҡала икенсе урында килә.

Башҡортостан йәмәғәтселеге генерал-лейтенант Артур Әхмәтхановты иҫкә алды

Артур Фәрүәз улына 15 ноябрҙә 61 йәш тулған булыр ине. Генерал-лейтенанттың ҡәберенә сәскә һалыу сараһында яҡындары, дуҫтары һәм хеҙмәттәштәре Артур Әхмәтхановтың, ҡайҙа ғына эшләһә лә, коллегалары алдында һәр ваҡыт абруйы юғары булыуын билдәләне.

Өфө икенсе халыҡ-ара Евразия эске медицина табиптары форумын ҡабул итте

«Торатау «Конгресс-холы»на донъя төбәктәренән төрлө йүнәлештәге табиптар, аспиранттар һәм өлкән курс студенттары йыйылды. Ғилми программала Татарстан, Силәбе, Ульяновск өлкәһе һәм Рәсәй субъекттары ведомстволарының штаттан тыш 20 белгесе ҡатнаша.

Башҡортостан һаулыҡ һаҡлау министры изгелек акцияһына ҡушылды

Хоспис пациенттарына - гәзит-журналдар. Изгелек акцияһына ярашлы ташламалы хаҡ менән республика баҫмаларына яҙылып хоспис пациенттарына бүләк яһарға мөмкин. Акцияға Башҡортостан һаулыҡ һаҡлау министры ҡушылды. Айрат Рәхмәтуллин балалар баҫмаһына яҙылып кескәй пациенттарға әҫәрҙәр уҡыны.

Өфөлә Башҡорт дәүләт ҡурсаҡ театры алдында биләмә яңыртыла

Баш ҡала хакимиәтенән хәбәр итеүҙәренсә, 118 миллион һум тотонола. Әле биләмә 45 процентҡа әҙер. Бында Рәсәй һәм Башҡортостандағы танылған һәйкәлдәр һәм тәбиғәт ҡомартҡыларының бәләкәй күсермәләре урынлаштырыла. Мәҫәлән, Шүлгәнташ мәмерйәһе, “Ватан-Әсә саҡыра” һәйкәле, Исаакий ҡорамын күрергә була. Башҡорт дәүләт ҡурсаҡ театрында төҙөкләндереү йыл аҙағына тиклем тамамланырға тейеш.

Өфөлә Стәрлетамаҡ башҡорт драма театры гастролдәре башланды

Өфөлә Илшат Йомағолов исемендәге Стәрлетамаҡ башҡорт драма театры гастролдәре башланды. Стәрлетамаҡтар баш ҡала тамашасыһына «Ҡорос. Яугир ат яҙмышы» драмаһын һәм «Минең ҡатынымдың исеме Морис» комедияһын тәҡдим итә. «Ҡорос. Яугир ат яҙмышы» спектакле кавалерия дивизияһы менән бергә утты-һыуҙы кисеп ҡайтҡан ат тураһында, әҫәрҙең авторы Мөнир Ҡунафин, режиссеры Айҙар Зарипов. Сәхнәлә ат яҙмышы аша яу һәм тыл ҡаһармандарының кисерештәре сағылдырыла.

Башҡортостандан өс ҡала һәм бер ауыл федераль конкурста еңеү яулап грант отто

Мәскәүҙә “Иң яҡшы муниципаль тәжрибә” тигән Бөтә Рәсәй конкурс һөҙөмтәләре менән таныштырҙылар. Быйыл 78 төбәктән 1 мең 300-ҙән ашыу заявка ҡабул ителгән. Төрлө номинацияларҙа Октябрьский ҡалаһы – беренсе, Стәрлетамаҡ һәм Учалы – дүртенсе, Асҡын районы Ҡашҡа ауылы – икенсе урын алды. Лауреаттарға федераль бюджеттан биләмәләрҙе тәртипкә килтереү өсөн аҡса тапшырыла. Былтыр Бөтә Рәсәй конкурсында республиканан өс ауыл биләмәһе еңеү яулағайны.

Баҡалы районында яңы ФАП асылды

Иҫке Әзмей ауылында медицина учреждениеһы "Һаулыҡ һаҡлау" милли проекты буйынса төҙөлгән. Бында күрше ауылдар халҡына ла ярҙам күрһәтелә. Фельдшер-акушер пункты 443 кешене хеҙмәтләндерә. Быйыл Башҡортостанда 75 яңы ФАП төҙөү маҡсаты ҡуйылған, тип белдерҙе Һаулыҡ һаҡлау министры Айрат Рәхмәтуллин. Федераль проект ил президенты Владимир Путин ҡушыуы буйынса булдырылды.

Әбйәлил районы Асҡар ауылында балалар поликлиникаһы төҙөлә

Медицина учреждениеһы һаулыҡ һаҡлау өлкәһен үҫтереү программаһына ярашлы һалына. Проект буйынса, бинала консультация-диагностика, профилактика, административ-хужалыҡ бүлектәр һәм көндөҙгө стационар урынлаша. Балаларға һәм ата-әсәләр өсөн уңайлы шарттар булдырыла.

Өфөнән Көнсығыш сығыу юлы киләһе йылдың ғинуар-февралендә файҙаланыуға тапшырыла

Был турала Радий Хәбиров Мәскәүҙә «Рәсәй транспорты» халыҡ-ара форумында белдерҙе. Төбәк башлығы төп инфраструктура проекттары менән Рәсәй Хөкүмәте рәйесе урынбаҫары Марат Хөснуллинды таныштырҙы. Осрашыуҙа транспорт объекттарында эште ваҡытында финанслау һәм Башҡортостандың федераль үҙәк менән хеҙмәттәшлек мәсьәләләре тикшерелде.

Радий Хәбиров илдең сит ил эштәре министры Сергей Лавров менән осрашты

Башҡортостан Рәсәйҙең сит илдәр менән үҙ-ара килешеп эшләүенә, хеҙмәттәшлекте нығытыуға ҙур өлөш индерә. Был турала илдең сит ил эштәре министры Сергей Лавров төбәк башлығы Радий Хәбиров менән осрашыуҙа билдәләне. Һөйләшеүҙә Башҡортостандың тышҡы иҡтисади эшмәкәрлеге һөҙөмтәләре ҡаралды. Был төбәк үҫешенең өҫтөнлөклө йүнәлештәренең береһе.
Шулай уҡ Сергей Лавров Радий Хәбировҡа илдең сит ил эштәре Министрлығының «Халыҡ-ара хеҙмәттәшлеккә индергән өлөшө өсөн» билдәһен тапшырҙы

Өфө ирекмәндәре яугирҙар өсөн гуманитар ылау әҙерләй

Өфө ирекмәндәре махсус хәрби операцияла ҡатнашыусы яугирҙар өсөн «ҡоро» душ эшләп оҙата. Губкаға махсус гель ҡушып эшләнгән бүләк ир-егеттәргә әҙ генә һыу ҡулланып, ялан шарттарында йыуынырға мөмкинлек бирә. Изгелек акцияһына Башҡорт дәүләт педагогия һәм медицина колледжы студенттары ла ҡушылған.

Республиканың йәш геройҙары баш ҡаланың йәмәғәт ярҙамы штабында тәбрикләнде

Башҡортостан башлығы гранты сиктәрендә тормошҡа ашырылған проект ҡаһарманлыҡ күрһәткән йәш быуынды хуплауға йүнәлтелгән. Уттан, һыуҙан ҡотҡарыусылар менән бергә, беренсе медицина ярҙамын күрһәтеүселәр ҙә айырым билдәләнде.

Республиканың йәш геройҙары баш ҡаланың йәмәғәт ярҙамы штабында тәбрикләнде

Башҡортостан башлығы гранты сиктәрендә тормошҡа ашырылған проект ҡаһарманлыҡ күрһәткән йәш быуынды хуплауға йүнәлтелгән. Уттан, һыуҙан ҡотҡарыусылар менән бергә, беренсе медицина ярҙамын күрһәтеүселәр ҙә айырым билдәләнде.

Бөгөн Рәсәйҙә хәрби хеҙмәткә саҡырыулысылар көнө билдәләнә

Ошо уңайҙан Республиканың йыйылыу пунктында тантаналы митинг үтте. Сара буласаҡ ил һаҡсыларын әрме сафына тантаналы оҙатыу менән тура килде. Егеттәр алдында Башҡортостан Хөкүмәте Премьер-министры урынбаҫары Ирек Сәғитов, төбәктең хәрби комиссары полковник Михаил Блажевич, дини конфессиялар вәкилдәре, хәрби хеҙмәт ветерандары сығыш яһап изге теләктәрен еткерҙе.