Башҡортостан башлығы социаль селтәрҙәрҙә Татьяна һәм Евгений Сенченколар ғаиләһе менән таныштырҙы

Бөгөн Рәсәйҙә тренерҙар көнө билдәләнә. Һөнәри байрам уңайынан Башҡортостан башлығы социаль селтәрҙәрҙә Татьяна һәм Евгений Сенченколар ғаиләһе менән таныштырҙы. Улар икеһе лә -еңел атлетика буйынса Рәсәйҙең атҡаҙанған тренерҙары, 49 йыл бергә. Белоретта йәшәүсе тренерҙарҙың һәр береһе ярты быуатҡа яҡын педагогик стажға эйә. Сенченколарҙың тәрбиәләнеүселәре араһында - билдәле спортсылар, спорт мастерҙары, абруйлы турнирҙар еңеүселәре, Европа, донъя чемпионаттарында һәм Олимпия уйындарында ҡатнашыусылар бар.

Краснокама районы пенсионерҙары «Оптимист» клубы ойошторған

Краснокама районы спорт буйынса республикала иң көслө муниципалитет булараҡ, спортты үҫтереүгә 2 миллион һумлыҡ ярҙам алды. Иҫегеҙгә төшөрәбеҙ, былтыр Башҡортостан башлығы Радий Хәбиров башланғысы менән спорт өлкәһендәге юғары ҡаҙаныштар һәм физик культура үҫешенә индергән өлөш өсөн республика премияһы булдырылғайны. Унда район-ҡалалар айырым номинацияла билдәләнә.

Башҡортостан "Рәсәйҙең әҙәби флагманы" тип танылды

"Иң күп китап уҡыусы төбәк" тигән конкурс еңеүселәре билдәле булды. Башҡортостандың еңеүендә "Китап байрамы" халыҡ-ара йәрминкәһен уҙғарыуҙың өлөшө ҙур. Быйыл ул 24-26 майҙа уҙғарылды. Йәрминкәлә 18 төбәк һәм 7 илдән 233 нәшриәт һәм китап магазины ҡатнашты. "Китап-байрамы"на 200 меңгә яҡын кеше килде. "Иң күп китап уҡыусы төбәк" тигән конкурс еңеүселәрен бүләкләү тантанаһы ноябрҙә Мәскәүҙә була.

Радио ветераны, журналист, йырсы, композитор Нурия Абдуллина вафат

Нурия Насибулла ҡыҙы Абдуллина 1957 йылдың 15 мартында Әлшәй районы Баязит ауылында тыуған. 1973 йылда Өфө ҡалаһының 1-се интернат-мәктәбен тамамлай. Артабан Өфө ҡалаһындағы музыка-педагогия училищеһында урта махсус һөнәри белем ала. Хеҙмәт эшмәкәрлеген Ейәнсура районында башлай.

1994 йылдан Башҡортостан уҡытыусыларҙың белемен камиллаштырыу институтында музыка кабинеты методисы булып эшләй. 1996 йылда "Башҡортостан" телерадиокомпанияһына ҡабул ителә. Радиола бик күп уңышлы проекттар алып бара. "Ҡунағөй" тапшырыуы эфирҙа бик күп йылдар уңыш менән барған программаларҙың береһе булды. "Ҡунағөй"ҙә Нурия Абдуллина башлаған "Һөйөнсө, бәпес тыуған" рубрикаһы - "Юлдаш"та иң оҙон ғүмерлеһе. Ул әле лә эфирға сыға, тыңлаусылар яратып ҡатнашҡан сығарылыштарҙың береһе булып ҡала.
Мәрхүмә менән хушлашыу иртәгә, 1 ноябрҙә Телеүҙәктә була. Сәғәт унда башлана.

Нурия Насибулла ҡыҙының яҡындарының һәм туғандарының ауыр ҡайғыһын уртаҡлашабыҙ.

Башҡортостан юл хужалығы хеҙмәткәрҙәре һөнәри байрамын билдәләне

Юл һәм транспорт ведомствоһы ойошторолоуға 100 тулыу уңайынан республика башлығы Радий Хәбиров юлсыларға дәүләт наградаларын тапшырҙы. Өфөлә колонна залында тантаналы шарттарҙа водителдәр, техниканы ремонтлаусы эшселәр, транспорт ойошмалары хеҙмәткәрҙәре тәбрикләнде. Юлсылар өсөн тәүлек әйләнәһе һәм йыл миҙгеле лә юҡ - улар төрлө һауа шарттарында юл төҙөүҙе, ремонтлауҙы дауам итә.

Башҡортостан «Рәсәйҙең әҙәби флагманы - 2024» статусын алды

Башҡортостан - илдең иң күп китап уҡыусы төбәге. 10-сы Бөтә Рәсәй конкурсы йомғаҡтары буйынса беҙҙең республика «Рәсәйҙең әҙәби флагманы - 2024» статусын алды. Был турала Радий Хәбиров үҙенең социаль селтәрҙәрендә хәбәр итте.

Учалы районының «Ләйсән» халыҡ бейеүҙәре ансамбле 60 йыллыҡ юбилейын билдәләй

Ошо уңайҙан ижади коллектив Өфөлә ҙур концерт программаһы менән сығыш яһаны. «Башҡортостан» дәүләт концерт залында уҙған тамашала ансамблдең хәҙерге составы бейеүселәре ла, тәүге артистар ҙа ҡатнашты.

Радий Хәбиров республиканың йәш дәүләт һәм муниципаль хеҙмәткәрҙәре форумында ҡатнашты

Башҡортостан башлығы менән асыҡ диалог. Радий Хәбиров бөгөн республиканың йәш дәүләт һәм муниципаль хеҙмәткәрҙәре форумында ҡатнашты. 200-гә яҡын белгес Шишмә районының «Патриот» паркына йыйылды. Сара төбәктең 35 йәшкәсә дәүләт һәм муниципаль власть органдары хеҙмәткәрҙәрендә профессиональ кимәлде үҫтереү маҡсатында үткәрелә. Ике көн дауамында йәш чиновниктар һөнәри үҫеш өлкәһендәге төбәк һәм федераль проекттар менән танышты.

Башҡортостан юл хужалығы хеҙмәткәрҙәре һөнәри байрамын билдәләне

Юл һәм транспорт ведомствоһы ойошторолоуға 100 тулыу уңайынан республика башлығы Радий Хәбиров юлсыларға дәүләт наградаларын тапшырҙы. Өфөлә колонна залында тантаналы шарттарҙа водителдәр, техниканы ремонтлаусы эшселәр, транспорт ойошмалары хеҙмәткәрҙәре тәбрикләнде.

Телефон аша үҙ фатирың менән идара итергә була

Башҡортостан халҡы хәҙер махсус ҡушымта ярҙамында торлаҡ-коммуналь хеҙмәттәр өсөн квитанцияларҙы түләй һәм иҫәпләү күрһәткестәрен тапшыра, йыйылыштарҙа тауыш бирә ала, шулай уҡ капиталь ремонт пландары менән танышырға һәм идара итеүсе ойошманың отчеттарын контролдә тоторға мөмкин.

«Хома» ҡушаматлы яугир: «Йөрәгем-яу яланында, ә йәнем - өйҙә»

«Йөрәгем-яу яланында, ә йәнем - өйҙә» Илебеҙҙә тыныслыҡ һәм бәхет булһын өсөн көрәшеүсе «Хома» ҡушаматлы яугир тыуған йорт йылыһын шундай һүҙҙәр менән хәтерләй. Ҡыҫҡа ваҡытлы ялға яҡташыбыҙ тураһында киләһе яҙмала.

Өфөлә Салауат Юлаев һәйкәлен реставрациялауға әҙерлек эштәре бара

Билдәле булыуынса, проект документтары тарихи-мәҙәни экспертиза үткән, ноябрҙә уның һөҙөмтәләре иғлан ителә. Юридик процедураларҙан һуң һәйкәлде постаменттан һүтеп алып, уға баш ҡала биләмәһендә ҡороласаҡ цехта реставрация уҙғарыу ҡаралған. Скульптураның нигеҙен, ҡурғанды ла нығытыу планлаштырылған.

Нурия Абдуллина оҙаҡ йылдар ауыр сир менән көрәшкәндән һуң арабыҙҙан китте

Радио ветераны, алып барыусы, Башҡортостандың атҡаҙанған мәҙәниәт хеҙмәткәре Нурия Абдуллина оҙаҡ йылдар ауыр сир менән көрәшкәндән һуң арабыҙҙан китте.
Нурия Абдуллина менән хушлашыу 1 ноябрь иртәнге сәғәт 10-да БСТ телеканалы алдындағы майҙанда үтәсәк.

«Китап» нәшриәтендә ете авторҙың шиғырҙарынан торған китаптың исем туйы үтте

Зәйнәб Биишева исемендәге Башҡортостан «Китап» нәшриәтендә ете авторҙың шиғырҙарынан торған китаптың исем туйы үтте.
Сара «Китап» нәшриәтенең баш ҡалалағы Ленин урамында асылған магазинында исем туйҙары уҙғарыу өсөн тәғәйенләнгән махсус бүлмәлә үтте. Авторҙар үҙҙәренең шиғырҙарын уҡыны, уларҙың һүҙҙәренә яҙылған йырҙар башҡарылды.

Башҡортостанда депутаттар гимн башҡара

Республика парламентында үткән ултырышта спикер Константин Толкачев дәүләт гимнын тыңларға ғына түгел, уны йырларға өндәне. “Рәсәй һәм Башҡортостан гимндарын һүҙҙәре менән башҡарайыҡ. Ил һәм республика дәүләт символикаһына хөрмәтте үҙ миҫалыбыҙҙа күрһәтергә кәрәк”, - тине Дәүләт Йыйылышы-Ҡоролтай рәйесе.

Күмертауҙа туристик һалым индерелеүе мөмкин

Муниципалитет хакимиәте ҡала советына шундай тәҡдим менән сыҡҡан. Һалымды ғинуар айында индереү мөмкинлеге ҡарала. Уның ставкаһы ҡунаҡхнала хеҙмәттәр күрһәтеү хаҡының 1 процентына тиң була. Һалым әкренләп арта бара һәм 2029 йылға 5 процентҡа етергә тейеш. Уны махсус исемлеккә ингән ҡунаҡханалар түләй. Быйыл йәй илдә туристик һалым тураһында закон ҡабул ителде. Уның күләмен муниципалитеттар үҙ аллы билдәләй. Минималь суммаһы 100 һум була.

Башҡортостан башлығы төбәктең террорға ҡаршы комиссияһы ултырышын үткәрҙе

Тулыһынса әҙер булырға. Башҡортостан башлығы төбәктең террорға ҡаршы комиссияһы ултырышын үткәрҙе. Видеоконференцияла республиканың ҡала һәм район хакимиәттәре башлыҡтары ҡатнашты. Хәүеф көсәйгән шарттарҙа беҙҙән террорға ҡаршы тороусы барлыҡ субъекттарҙың, айырыуса муниципаль кимәлдә, хәлдең киҫкенләшеүенә яуап бирергә тулыһынса әҙер булыу талап ителә, - тине Радий Хәбиров.

Кушнаренко районы Мәмәк ауылы ҡатын-ҡыҙҙары алғы һыҙыҡтағы яугирҙарға аҙыҡ-түлек ебәрә

Еңеүҙе яҡынайтыу өсөн өй ризығы. Кушнаренко районы Мәмәк ауылы ҡатын-ҡыҙҙары алғы һыҙыҡтағы яугирҙарға аҙыҡ-түлек ебәрә. Тылдан Еңеүҙе яҡынайтыусылар хаҡында ентекләберәк киләһе яҙмала.

Республика йәмәғәтселеге Нурия Абдуллинаны һуңғы юлға оҙатты

Бөгөн киң йәмәғәтселек радио ветераны, алып барыусы, Башҡортостандың атҡаҙанған мәҙәниәт хеҙмәткәре Нурия Абдуллинаны һуңғы юлға оҙатты.
Оҙаҡ йылдар ауыр сир менән көрәшкәндән һуң арабыҙҙан киткән хеҙмәттәшебеҙ менән хушлашыу Башҡортостан асыҡ акционерҙар йәмғиәте бинаһы, телеүҙәк янындағы майҙанда уҙҙы.

Радий Хәбиров Ауыл хужалығы һәм эшкәртеү сәнәғәте хеҙмәткәрҙәрен ҡотланы

Бөгөн Башҡортостанда ауыл хужалығы һәм эшкәртеү сәнәғәте хеҙмәткәрҙәре көнө билдәләнә. Һөнәри байрам уңайынан төбәк башлығы Радий Хәбиров республиканың алдынғы эшсәндәренә дәүләт наградалары тапшырҙы. Республика иҡтисадында ауыл хужалығы айырым урын биләй һәм иң мөһим тармаҡтарҙың береһе булып тора. Аграрийҙар тырышлығы менән төбәктә йыл һайын иген һәм мал аҙығының кәрәкле запасы үҫтерелә, төрлө малсылыҡ продукцияһы етештерелә.

Өфөлә Башҡортостан аграрийҙары үҙҙәренең һөнәри байрамын билдәләне

Улар ҙа хәүефһеҙлек тәьмин итә. Йәмғиәттең аҙыҡ-түлек хәүефһеҙлеген. Ялан батырҙары бөгөн һөнәри байрамын билдәләй. Ошо уңайҙан тармаҡ министрлығы хеҙмәттә ҡаһарманлыҡ күрһәткән ауыл хужалығы эшсәндәрен юғары дәүләт наградалары, маҡтаулы исемдәр, рәхмәт хаттары менән билдәләне.