Ҳурматли ўқитувчилар, азиз ота-оналар!

Халқ таълими вазири лавозимига киришганимга кўп фурсат ўтмади. Давлатимиз раҳбари томонидан юртимиз келажагини белгилаб берувчи ўта масъулиятли соҳани менга топширилиши, сўзсиз жуда катта жавобгарликни юклади.

Таъкидлаш жоизки, фаолиятимнинг илк куниданоқ тизимда бугунгача амалга оширилган ва қилиниши лозим бўлган ишлар билан озми-кўпми танишдим. Дарҳақиқат, қилинган ишлар кўплиги каби қилинадиган ишлар ҳам ундан кам эмас. Бугун ечими кечикаётган ҳар бир муаммо эртага фалокатга айланишига шак-шубҳа йўқ.

Эътиборли жиҳати, лавозимга киришганимнинг илк кунлари хизмат сафари билан Жиззахга бордим. Жойлардаги мактабларга кирдим, ҳолат билан танишдим. Вилоят Халқ таълими бошқармаси бошлиғи Дилфуза Садриддинованинг айтган бир гапи менга жуда қаттиқ таъсир қилди. Афсуски, бугун айрим ота-оналар орасида фарзандларига:

“Ўқигин болам, ҳеч бўлмаса ўқитувчи бўласан”, деганлари ҳам учраётган экан. Бу гап менга жуда оғир ботди. Бугун бизнинг олдимизда турган биринчи галдаги вазифа мана шундай нотўғри қарашни йўқ қилиш!

Бир инсоннинг мустақил ва етук шахс сифатида камол топишида мактабнинг роли жуда катта. Айнан мактабда инсоннинг “Мен” деган тушунчаси шаклланади. Шунинг ўзи мазкур соҳада фаолият юритаётган ҳар бир инсоннинг олдига улкан масъулият, яъни бир шахс тақдири орқали миллат, давлат ва келажагимизнинг тақдирига жавобгарлик ётганини англатади.

Бунинг учун, аввало, педагогларнинг, ўқитувчилик касбининг мавқеини кўтаришимиз керак. Тўғри, тан олиш керак, ўқитувчиларнинг ҳам барчаси бирдек эмас. Фидойи ўқитувчилар бор, афсуски бу касбга адашиб ёки иложсизликдан кириб қолган ўқитувчилар ҳам бор. Лекин ўқитувчилик ва фидойилик тушунчалари доимо ҳамоҳанг бўлган. Ўқитувчи зиммасидаги масъулиятни ич-ичидан ҳис қилиши керак. Келажагимиз тақдири ўқитувчиларимиз қўлида.

Инсон борки, фарзандим, деб яшайди! Бас, шундай экан, халқ таълими соҳасига ҳеч биримизнинг бефарқ бўлишга ҳаққимиз йўқ! Конимех, Қонликўл, Шеробод, Олот деган чекка ҳудудларимиз бор. У ердаги ота-оналар ҳамда болаларнинг келажакка ишончини уйғотиш ўз қўлимизда. Ота-она: “Ўқиб дунё олиб берармидинг, чиқ томорқада ишла” деб эмас, "Ўқи, билим ол болам, келажакда буюк инсон бўласан!", деб яшаши лозим. Муҳандис бўламан, олим, вазир ёки шифокор бўламан, деган боланинг шаҳди синишига йўл қўймаслигимиз лозим. Олдимизда турган асосий вазифа боланинг ҳам, ота-онанинг ҳам ўқишга бўлган иштиёқини ошириш!

Буюк файласуф Аристотель шундай деган: “Таълимнинг илдизлари аччиқ, лекин меваси ширин”. Бугунги аччиқ меҳнатимиз, албатта, келажакда ўзининг ширин мевасини беради. Бугун биз халқ таълими тизимидаги 7 миллион аҳоли тақдири орқали бутун халқимиз, ватанимиз келажагига таъсир ўтказамиз. Бунинг жавобгарлигини ҳар бир соҳада фаолият юритаётган инсон ҳис қилиши лозим. Ҳар биримиз таълим ривожи учун нима қила оламан, деган ўй билан яшасак, мақсадимизга эришамиз. Бугун жамоанинг олдига айнан мана шу вазифани қўйдим ва бу йўлда улар мен билан камарбаста бўлишларига ишонаман. Давлатимиз раҳбари томонидан яратиб берилган имконият ва юксак ишончни оқлашимиз зарур!

Бугун вазирлик томонидан Халқ таълими тизимини ривожлантириш бўйича келгуси 5 йиллик Миллий дастур ишлаб чиқилмоқда. Шу боис мен ҳар бирингиздан юқорида айтилган йўналишларда, яъни ўқитувчи нуфузи, ўқувчиларнинг таълим олишга бўлган иштиёқини ошириш, умуман халқ таълими тизимини ривожлантириш юзасидан таклиф ва мулоҳазаларингизни изоҳларда ҳамда ушбу ҳаволадаги сўровнома орқали кутиб қоламан.

Уважаемые учителя, дорогие родители!

Прошло несколько дней с тех пор, как я вступил в должность министра народного образования. То, что Глава нашего государства доверил мне очень ответственное направление, определяющее будущее нашей страны, возложило на меня большую ответственность.

С первого дня своей деятельности я более-менее успел ознакомиться с проделанной в сфере работой и планами на будущее. Необходимо отметить: действительно проделана большая работа, но и предстоит еще сделать немало. Любая проблема, отложенная сегодня, завтра может обернуться катастрофой для всей нации.

В первые дни пребывания в должности я совершил рабочий визит в Джизак, посетил школы и ознакомился с имеющейся ситуацией. Мне было очень больно, когда я услышал слова начальника областного управления народного образования Дильфузы Садриддиновой. К сожалению, оказывается, сегодня родители говорят своим детям так: «Учись, хотя бы станешь учителем». Первая задача, стоящая перед нами сегодня, - искоренить подобное заблуждение!

Роль школы в развитии самостоятельной и зрелой личности огромна. Именно в школе формируется «Я» человека. Это означает, что каждый, кто работает в этой сфере, несет огромную ответственность за судьбу нашего народа, государства и его будущего через судьбу каждого ученика.
Для этого мы должны сначала поднять статус учителя и его профессии. Правда, надо признать, что не все учителя одинаковые. Есть преданные своему делу учителя, но, к сожалению, есть и учителя, которые в прямом смысле заблудились в этой профессии. Но понятия «учитель» и «преданность» всегда идут вместе. Учитель должен внутренне чувствовать ответственность за судьбу нашего будущего поколения.

Люди живут ради своих детей! Поэтому никто из нас не имеет права оставаться равнодушным к сфере народного образования. У нас есть отдаленные районы, такие как Канимех, Канлыкуль, Шерабад, Алат. Наша обязанность - во всех уголках страны вдохновить родителей и детей, дать им уверенность в завтрашнем дне. Родители должны жить, говоря: «Учись, учись, дитя мое, ты будешь великим человеком!». Мы не должны позволять ребенку, который желает стать инженером, ученым или врачом, сломаться и потерять мечту. Перед нами стоит главная задача – поощрять и приумножать стремление в получении новых знаний как у ребенка, так и у родителя!

Великий философ Аристотель сказал: «Корни знания горьки, но плод сладок». Наш сегодняшний горький труд обязательно принесет свои сладкие плоды в будущем. Сегодня мы влияем на будущее нашего народа через судьбу 7 миллионов человек в системе народного образования. Ответственность за это должен чувствовать каждый, работающий в нашей сфере. Если каждый из нас будет жить с мыслью о том, что мы можем сделать для развития образования, мы достигнем своей цели. Это именно та задача, которую я сегодня поставил перед своей командой, и я надеюсь, что они будут со мной на протяжении всего пути. Мы должны оправдать высокое доверие нашего государства!

Сегодня Министерством разрабатывается национальная программа для развития народного образования на ближайший пяти летний период. В связи с этим я хотел бы услышать ваши предложения и пожелания по поднятию престижа учителя и интереса учеников к получению образования, а также развитию народного образования в целом через данную платформу.

ҲУРМАТЛИ УСТОЗЛАР, ОТА-ОНАЛАР ВА КЕНГ ЖАМОАТЧИЛИК ВАКИЛЛАРИ!

Аҳолининг халқ таълими тизимини ўрганиши мақсадида қилган мурожаатимдан сўнг Сизлардан жуда кўплаб таклиф, фикр ва мулоҳазалар келиб тушди. Таълим соҳасига бўлган бундай эътиборни кўриб, тўғриси жуда қувондим.

Масъул ходимлар кўмагида имкон қадар ҳар бир мурожаат билан танишиб чиқишга ҳаракат қилдик, зарурлари тегишли мутасаддиларга йўналтирилди.

Хабарингиз бўлса, ўтган ҳафтада вазирлик вакилларидан иборат ишчи гуруҳ билан биргаликда 3 та вилоятда бўлдик. Мактабларнинг шароитларини ўргандик. Тўғриси, аҳвол қониқарли эмас. Афсуски, мактабларимизда таълим сифатини яхшилаш учун жуда катта ва кўп ишлар қилишимиз керак.

Давлатимиз Раҳбари таълим тизими, фарзандларимизнинг келажаги ҳақида жуда куюняптилар ва энг олий вазифамиз деб белгилаяптилар. Шу боис, керак бўлса ҳар бир ҳудуд раҳбаридан бугун ўз вилоят ва туманидаги барча мактаблар шароитини билиш талаб этилади. Жойларда фан ўқитувчиларининг билим ва савиясини оширишимиз керак. Айрим ўқитувчилар билан суҳбатлашдим, афсуски, ҳатто ўз фани бўйича оддий саволга ҳам жавобни билмайдиган ўқитувчилар бор экан. Хўш, нима қилиш керак? Вилоятда, туманда, мактабда ҳатто бир нафар яхши педагог бўлса ҳам фойдаланиб, керак бўлса уни қолган ҳамкасбларига маҳорат дарси ўтказишга жалб этган ҳолда мактабларда таълим сифатини оширишимиз керак. Синфда 20 нафар боладан 18 нафари фанни зўр билса, демак бу ўша фан ўқитувчисининг ютуғи, демак у ўқувчиларини ўз фанига қизиқтира олган. Агар шу синф ўқувчиларидан 1-2 нафаригина фандан билими кучли бўлса, демак у иқтидорли ўқувчи ёхуд ота-онаси репетиторга берган, ўқитувчи эса дарс вақтида ўз фанини етказиб бера олмаётганидан далолат.

Тўғри, мактабда шароит йўқ дерсиз, лекин ўқитувчи ўша ерда вақтини кетказиб ўтирибди-ку, жонкуярлик бўлмаса нима қилади бу касбни танлаб?! Унинг қўлида инсон тақдири ётибди! Мактабларда шароит, инфратузилма яхшиланишини кутсак, болаларни йўқотамиз.

Менга келган мурожаатлардан кўриниб турибдики, жойлардаги айрим мактабларда муҳит яхши эмас. Мазкур мактаблардаги муҳитни яхшилашга ҳатто ҳудуд халқ таълими раҳбарининг ҳам кучи етмаяпти.

Ўқитувчилар ўз мурожаатларида мени мактабларига бориб, шароитни ўрганишга таклиф қилган. Қани эди, ҳамма мактабларга бирданига боришга имконим бўлса ҳар бирининг ҳолатини ўрганиб, шахсан назоратга олардим. Бунга вақт керак, лекин албатта ҳаммасига борамиз. Бу йўналишда ҳудудий раҳбарлар билан тизимли иш ташкил қилишга келишиб олдик. Ҳудуд раҳбарларининг масъулиятини ва ваколатини янада оширамиз.

Мулоҳазаларда қайд этилганидек, биз билимли, жонкуяр ва фидойи кадрларни топишимиз керак. Бунинг учун керак бўлса педагогика университетлари билан ҳамкорликни кучайтирамиз. Ҳар бир битирувчи билан суҳбатлашиб, энг яхшиларини мактабларга жалб этамиз.

Шу ўринда барчангизга юборилган фикр ва мулоҳазаларингиз учун миннатдорлик билдирмоқчиман. Сизлардан келган ҳар бир мулоҳаза ва таклифдан келгуси иш фаолиятимизда фойдаланамиз.

УВАЖАЕМЫЕ УЧИТЕЛЯ, РОДИТЕЛИ И ПРЕДСТАВИТЕЛИ ШИРОКОЙ ОБЩЕСТВЕННОСТИ!

В результате моего первого обращения я получил от вас много предложений, мнений и комментариев. Я был действительно рад видеть такое большое внимание общественности к системе народного образования. С помощью ответственных лиц министерства мы постарались максимально подробно ознакомиться с каждым из них, при необходимости обращения были переданы на рассмотрение соответствующим должностным лицам.

Как вам известно, на прошлой неделе вместе с рабочей группой, состоящей из представителей министерства, мы посетили 3 области. Мы изучали условия в школах. Если честно, ситуация неутешительная. К сожалению, нам предстоит проделать большую работу по повышению качества образования в школах.

Глава нашего Государства очень обеспокоен системой образования, будущим наших детей и отмечает его приоритетным направлением. Поэтому, при необходимости, сегодня каждый руководитель областного управления народного образования должен знать состояние каждой ему относящейся школы. Перед нами стоит большая задача по повышению знаний и уровней учителей предметников. Я разговаривал с несколькими учителями, к сожалению, некоторые из них не знают даже свой предмет. Что же делать? Надо повышать качество образования в школах, используя даже хорошего учителя в области, районе, школе, и при необходимости привлекать их к проведению мастер-классов для остальных коллег. Если 18 из 20 детей в классе хорошо знают предмет, это означает, что учитель смог заинтересовать своих учеников к своему предмету. Если только 1-2 ученика в этом классе обладают глубокими знаниями по данному предмету, это означает, что это одаренный ученик или родитель платит репетитору, а учитель просто не способен заинтересовать детей своим предметом.

Возможно вы сейчас скажите, что в школах нет необходимых условий. Но, учитель так или иначе проводит там свое время. А если у педагога нет преданности к своей профессии, зачем выбирать её. Ведь в его руках судьба человека! Если мы будем ждать улучшения условий и инфраструктуры в школах, мы потеряем детей.

Многие из вас для изучения условий пригласили меня в школы. Если бы у меня была возможность посетить все школы сразу, я взял бы под личный контроль каждую из них. Но на это потребуется время и мы обязательно сделаем все возможное для этого. С руководителями ОблУНО мы договорились организовать планомерную работу в каждом направлении.

Как вами было отмечено в комментариях, сейчас перед нами стоит задача найти преданных своему делу людей. С этой целью при необходимости будем укреплять сотрудничество с педагогическими ВУЗами. Мы будем беседовать с каждым выпускником и привлекать в школы лучших из лучших.

В свою очередь я хотел бы поблагодарить всех вас за ваши отзывы и пожелания. Мы будем работать над каждым из них в нашей дальнейшей работе.

Ҳурматли ўқитувчилар, ота-оналар ва халқ таълими тизимига бефарқ бўлмаган жамоатчилик вакиллари!

Хабарингиз бор Халқ таълими вазири сифатида фаолият бошлаган илк кунларда халқ таълими тизимини ривожлантириш бўйича келгуси 5 йиллик Миллий дастур ишлаб чиқилаётгани муносабати билан сизлардан халқ таълими тизимини ривожлантириш юзасидан таклиф ва мулоҳазалар сўраган эдим.

Қувонарлиси, ўтган вақт мобайнида халқ таълими тизимига бефарқ бўлмаган фуқаролардан 7 мингдан ортиқ таклифлар келиб тушди. Таклифларнинг қарийб 25 фоизи ота-оналар, 70 фоизи тизим ходимлари ва 5 фоиздан ортиғи бошқа фуқаролардан келиб тушган. Вазирлик жамоаси билан биргаликда сизлардан келиб тушган ҳар бир таклиф ва мулоҳазаларни ўргандик ва таҳлил қилдик.

Таҳлиллардан маълум бўлдики, ота-оналарнинг аксарият қисми синфларда ўқувчилар сонини камайтириш, педагог ҳодимларнинг сифат даражаси, ўқитувчилар ва синф хоналарнинг етишмаслиги, шу билан бирга дарсликлар сифати ва дарсликларнинг етишмаслиги ҳақида таклиф билдирган. Тизимда фаолият олиб бораётган ходимлар эса асосан ўқитувчи мақомини ошириш, педагогларнинг дарс ставкаларини бошланғич синфларда 18 соатдан 16 соатга тушириш, дарс тақсимоти, ойлик иш ҳақи ва сертификациялаш тизими каби кўплаб таклифларини йўллаган.

Сиз томондан юборилган ҳар бир таклифнинг аҳамиятини инобатга олиб, уларнинг барчаси вазирлик жамоаси томонидан ўрганилиб, 2022-2026 йилларда мактаб таълими ривожлантириш Миллий дастури лойиҳасига киритилди ва яқин йилларда жорий қилинади.

Бугун давлатимиз раҳбарининг ташаббуслари билан таълим-тарбия соҳасида янги давр бошланган. Уни янада юксалтириш фақат ва фақат ўзимизга, ҳамжиҳатлигимизга ва келажак авлодни салоҳиятли ва билимли бўлиб улғайиши учун қаттиқ меҳнат қилишимизга боғлиқ.

Ҳаётини ёш авлод тарбиясига бахш этадиган ўқитувчи ва мураббийлар меҳнати ҳар қандай юксак баҳоларга муносибдир ва биз бунга эришиш учун барча кучимизни сафарбар этамиз.

Уважаемые учителя, родители и представители общественности, неравнодушные к системе народного образования!

Как вам известно, в первые дни моего пребывания на посту министра, в связи с разработкой следующей 5-летней Национальной программы развития народного образования, я предложил внести ваши предложения и пожелания по развитию системы народного образования.

За прошедший период поступило более 7000 предложений от граждан, неравнодушных к системе народного образования. Около 25 процентов из них поступило от родителей, 70 процентов - от сотрудников системы и более 5 процентов - от других неравнодушных граждан. Вместе с командой министерства мы изучили и проанализировали каждое ваше предложение.

Анализ показал, что большинство родителей предлагали сократить количество учеников в классах, решить нехватку учителей и классов, улучшить качество преподавательского, а также учебников. Сотрудники системы внесли множество предложений о повышении статуса учителей, снижении ставки учителей в начальных классах с 18 до 16 часов, распределении уроков, о повышении заработной платы и системе аттестации.

Учитывая важность каждого предложения, все они были изучены командой министерства, включены в проект Национальной программы развития школьного образования на 2022-2026 годы и будут реализованы в ближайшие годы.

Сегодня по инициативе главы нашего государства идет новая эра в сфере образования. Дальнейшее ее развитие зависит исключительно от нас самих, нашей сплоченности и упорной работы, направленной на воспитание гармонично и интеллектуально развитого, образованного поколения.

Азиз юртдошлар!

Барчангизни кириб келаётган 2022 йил билан самимий муборакбод этаман! Бу кун ҳаммамизга ортда қолаётган 2021 йилда амалга оширган ишларимизни яна бир карра сарҳисоб қилиб, келажак учун ёрқин режалар тузиш имконини беради.

Фурсатдан фойдаланиб, мамлакатимиз мактабларида фаолият олиб бораётган педагогларга фарзандларимизга билим бериш йўлидаги фидойи меҳнатлари учун миннатдорлик билдирмоқчиман. Фақат Сизнинг меҳнатингиз билан ўз олдимизга қўйган улкан мақсадларга эриша оламиз. Кириб келаётган янги йилда ўғил-қизларга янги билим бериш йўлида ўз устингизда ишлашдан, ривожланишдан, мулоқот қилишдан асло чарчаманг. Ўзингизга ғамхўрлик қилиб, ўзингизни асранг. Ишончим комилки, 2022 йилда барчамиз биргаликда Ўзбекистонда таълим мавқеини мустаҳкамловчи, уни янги поғоналарга кўтарувчи, бир-биридан қизиқарли, ёрқин ва кенг кўламли лойиҳаларни амалга оширамиз.

Янги йилда ота-оналарга фарзандлари билан яқин дўст ва ҳаммаслак бўлишларини тилаб қоламан — фақат ҳамкорликдагина фарзандларимизнинг келажакда юксак чўққиларни забт этишига кўмак бера оламиз.

Азиз ўқувчилар! Ўз устингиздан ишлашдан чарчаманг! Доимо янгиликларга интилинг, бу йўлда ота-онангиз ва устозларингиздан кўмак олинг. Бугун олган билимингиз келажакда юксак марраларга эгаллашда зинапоя бўлади.

Йил давомида Халқ таълими вазирлиги билан бирга бўлган, бизни қўллаб-қувватлаган барчага ташаккур билдираман. Барчангизга Янги йилда янги омад ва зафарлар ёр бўлсин, хонадонларимиздан тинчлик ва осойишталик аримасин.

Янги 2022 йил муборак бўлсин!

Халқ таълими вазири Бахтиёр Саидов

Азиз ота-оналар, қадрли устозлар!

Сизу бизнинг мақсадимиз Учинчи Ренессанс маънавий пойдеворини барпо этиш экан унинг асосида ўқиб-ўрганишдан, ўз устида мунтазам ишлашдан чарчамайдиган авлодни тарбиялаш ётади.

Ҳар қандай янгилик негизига ўқиб-ўрганиш орқали етилади ва янги ғояларга замин ҳозирланади. Бунинг учун фарзандларимизда мутолаа маданиятини шакллантириш зарурати аёнлашади.

Тўғри, бутун дунё электронлашиб бормоқда. Ўрганишларимиз шуни кўрсатдики, бола компьютер ёки телефон орқали асосан сурат ва фильмларни томоша қилади. Булар табиий ва унинг қизиқишини биз ҳам инкор этмаймиз. Лекин болаларга дастлаб дарсликдан ташқари китобларни ҳам ўқишга тавсия қилишимиз зарур. Мутахассисларнинг маслаҳат беришларича, фарзандларга китобдан аввал газета ва журналлар мутолаасини ўргатган маъқул экан.

Албатта, газета ва журнал, китобга меҳр ўз-ўзидан пайдо бўлиб қолмайди. Газета-журнал мутолааси бу нафақат янги билимлар, балки юртимиздаги ўзгаришлар, дунёда содир бўлаётган воқеа-ҳодисаларнинг моҳиятини англашга, энг асосийси, ёшларни таҳлилга ўргатади.

Бунинг учун олдимизда турган вазифаларни белгилаб олишни лозим топдик. Аввало, муаллимнинг ўзи барчага ибрат бўлиб ўзи учун энг зарурий нашрларни ўқиб, янги дарс методикаларини ўрганиб, таҳлилий мақолалардан тегишли хулосалар чиқариб, ўз устида мунтазам ишлашни йўлга қўйиши зарур. Ўқитувчилар билим ва малакасини оширишида педагогик нашрларнинг ўрни алоҳидадир.

Ўзида шаклланган бу кўникмани муаллим ўқувчиларининг ота-оналарига “юқтириш”га ҳаракат қилиши ва ўз фарзандлари ёшига муносиб газета-журнал сотиб олиб беришларини тарғиб этиши, алалоқибат, оилалар даврасида мутолаа соатлари ташкил қилинишини йўлга қўйиши келгусида газетхон, китобхон инсонлар кўпайишини таъминлайди.

Мактабда педагог, уйда ота-она болани мутолаага чорласа, кўзлаган мақсадга осон эришиш мумкин. Унутмаслик керакки, болани мутолаа билан тарбияловчи устоз ёки ота-оналарнинг ўзи ҳам албатта юксак тафаккур эгаси бўлиши зарур.

Болани мутолаага ўргатиш унинг дунёқараши кундан-кун кенгайиб боришини таъминлайди. Бу йўналишда уларга турли илмий ва бадиий адабиётлар билан биргаликда болалар нашрлари кўмакка келади. Мутолаа қилган ўсмир тарихни, бугунни ва келажакни яхши идрок этадиган буюк шахс бўлиб камол топади.

Миллатимиз келажаги, Ватанимиз эртаси - кенг тафаккурли ёшлар қўлида. Бугун мустақил фикр-мулоҳаза юритадиган, билимдон, зукко, баркамол авлод - эртага Ўзбекистонимиз тараққиётига ҳисса қўшувчи, уни дунёга танитувчи комил инсон бўлиб етишади. Бунинг учун, албатта, ўғил-қизларнинг билим олишига, дунёқарашини кенгайтиришга уларнинг кичик ёшиданоқ эътибор қаратиш лозим.

Халқ таълими вазирлиги муассислигидаги “Маърифат”, “Учитель Узбекистана”, “Тонг юлдузи”, “Класс” газеталари, “Халқ таълими”, “Халқ таълими ахборотномаси”, “Бошланғич таълим”, “Тил ва адабиёт таълими”, “Ғунча”, “Гулхан” журналларига ўзи истаб обуна бўлаётган ўқитувчи ва ўқувчилар сони ҳам камайиб кетди.

Бугунги кун ўқитувчи ва ўқувчилари ўз хоҳиши билан газета сотиб олиши, маънавий оламини бойитиши, дунёқарашини кенгайтириши ўта муҳим масаладир. Зеро, нафақат мавжуд дарслик ҳамда қўлланмалар, балки газета ва журналлар орқали болаларга, болалар орқали эса уларнинг оиласидаги катталарга зиё тарқатиш ХАЛҚ ТАЪЛИМИ деган номга муносибдир.

Буюк мутафаккир Маҳмудхўжа Беҳбудий айтганидек, “Муаллим ва муҳаррир – миллатнинг икки кўзидир”.

Жорий йилнинг 28 январь куни Давлатимиз Раҳбари мактаб таълимини ривожлантириш масалаларига бағишланган мамлакатимиз келажаги учун юксак аҳамиятга молик йиғилиш ўтказди. Йиғилишда муҳим қарорлар қабул қилингани ва кўплаб вазифалар белгилаб берилгани бугун халқ таълим тизимининг давлат сиёсати даражасидаги асосий масалаларидан бири эканлигини ифодалади. Қайд этиш жоизки, мактаблар инфратузилмасини яхшилаш, қурилиш ишларини олиб бориш Халқ таълими вазирлиги зиммасидан ҳокимликлар тасарруфига ўтказилгани бизга барча эътиборни таълим-тарбияга, мактабда таълим сифатини оширишга қаратиш учун яна бир имкониятлар эшигини очиб берди. Зеро, келажак авлоднинг таълим-тарбияси пойдевори айнан мактаб саналади.

Таълим сифатини юксалтиришда иккита асосий йўналиш мавжуд. Биринчиси, ўқитувчиларнинг билим савияси, касб маҳоратини ошириш. Давлатимиз Раҳбари эндиликда юқори малакали, ўз устида доимий ишлайдиган муаллимлар фаолиятини янги ёндашувлар асосида қўллаб-қувватлаш, маҳоратли педагоглар тажрибасидан самарали фойдаланиб, уларнинг ўқитиш методикасини оммалаштириш каби вазифаларни илгари сурди. Президентимиз ўқитувчи билимли бўлмаса келажак авлодга ҳеч нарса бера олмаслигини куюниб қайд этар экан, бугун айрим педагоглар сифатли дарс ўтишга эмас, кўпроқ соат олишга интилишини алоҳида қайд этиб ўтди. Дарҳақиқат, шундай, афсуски, бугун ўқитувчиларни болаларнинг таълим олиши эмас, кўпроқ ўз манфаати қайғуга солади, гўё. Шу сабабли, ҳар биримизга таълимга бўлган ёндашувни қайта кўриб чиқиш вазифаси топширилди. Шу билан бирга халқ таълими соҳасидаги ислоҳотларга барча вазирлик ва идоралар бирдек масъуллиги алоҳида таъкидланди. Эндиликда мактаб таълимини ислоҳ қилиш кенгашлари тузилиши ва уларга шахсан Президентимизнинг ўзлари раҳбарлик қилишлари соҳада кескин бурилиш кутилаётганидан дарак беради.

Давлатимиз Раҳбари топшириғига кўра, бой тажрибага эга педагоглар фаолиятини қўллаб-қувватлаш мақсадида ташкил этилаётган Халқ таълими вазирининг махсус жамғармаси ўқитувчиларнинг иш фаолиятини янада ривожлантириш учун ўзига хос мотивация беради.

Иккинчи асосий йўналиш бу ўқувчилар учун замонавий дарсликлар яратиш. Давлатимиз Раҳбари томонидан яна бир муҳим топшириқ бўлди-ки, унда дарсликларни янгилаш кераклиги алоҳида таъкидлаб ўтилди. Айни вақтда янги авлод дарсликларини илғор тажрибалар асосида тўлиқ янгилаш учун Англия, Франция, Германия каби давлатлардан қирққа яқин халқаро экспертлар жалб қилинган. Мазкур дарсликлар ўқувчиларнинг назарий билимларини ошириб, фикрлашга чорлайдиган методикалар сирасига киради.

Келгуси беш йилда 1,2 миллион ўқувчи ўрни яратилиши юзасидан берилган топшириқ ҳам таълимда амалга оширилиши кутилаётган туб ислоҳотлардан бири. Нимага айнан 1 млн. 200 нафар ўқувчи ўрни? Бу дегани яқин беш йилликда аҳоли сони ўсиши билан бир қаторда мактаб ўқувчиларининг сони ҳам ўсади. 2025 йилга бориб, ўқувчи сони 7 млн.дан кўпроқни ташкил этади. Табиийки, мактабларда шунча ўқувчи ўрни ҳам бўлиши керак. Шуларни инобатга олган ҳолда ҳурматли Президентимиз 2022 йилнинг ўзида 527 та янги ва таъмирталаб мактабларни реконструкция қилиш йўли билан керакли ўқувчи ўрни яратилишини режага киритиш бўйича топшириқ берди.

Бир сўз билан айтганда, мактаб таълимини мутлақо янги босқичга олиб чиқиш учун улкан ислоҳотлар сари дадил қадам қўйилди. Галдаги марра ушбу қадамларни жадал суратларда босиб ўтиш! Зеро, Давлатимиз Раҳбарининг таъбири билан айтганда, ушбу ислоҳотлар Ватанимиз келажаги ва бу йўлда шошқалоқлик қилиш ярамайди. Шундай экан, мазкур масъулиятли йўлда барчамиз стратегик мақсадларни тўғри белгилаб олишимиз лозим.

Халқ таълими вазирлиги ҳузуридаги Жамоатчилик кенгашининг янгиланган таркибига халқ таълимига бефарқ бўлмаган фаолларни жалб қилдик.

Улар билан илк учрашув жараёнида таълимдаги муаммолар ва уларнинг ечимлари юзасидан фикр алмашдик. Ечимини кутаётган масалаларни ҳал этиш бўйича доимий равишда фаолият юритадиган Мустақил экспертлар клубини ташкил этган ҳолда соҳадаги мавжуд масалаларни таълим соҳасига бефарқ бўлмаган фуқаролар билан ҳал этишга келишиб олдик.

Жамоатчилик кенгаши жамиятимизда фаол бўлган мустақил экспертлардан таркиб топган. Аминманки, йўлга қўйилган ушбу ҳамкорлик албатта келажакда халқ таълими учун ўзининг ижобий натижаларини албатта беради.

"ТАЯНЧ НУҚТАСИ КЛУБИ" нима мақсадда ташкил этилди?

Хабарингиз бор, Халқ таълими вазирлиги томонидан таълим сифатини яхшилаш, тизимга инновацион лойиҳаларни татбиқ этиш мақсадида тизим фидойилари, депутатлар, хусусий сектор вакиллари, блогерлар ва фаол жамоат вакиллари аъзолигида "Таянч нуқтаси клуби" ташкил этилди.

Куни кеча Халқ таълими вазирлиги Жамоатчилик кенгаши ташаббуси билан мазкур клубнинг таълим жонкуярлари MFaktor телеклубида норасмий, очиқ учрашув ўтказди.

Таълим жонкуярлари аввало, тизимдаги педагог-ходимларнинг малака ошириш тартиби, уларга яратилган имкониятлар ҳамда бир вақтнинг ўзида Ўзбекистон мактабларининг халқаро баҳолаш дастурларига тайёргарлиги билан яқиндан танишдилар.

Хусусий сектор вакиллари тизимни ривожлантиришга ҳиссасини қўшишдаги кўмаги юзасидан ўз таклифларини билдирдилар.

Таянч нуқтаси клуби аъзолари халқ таълими тизимини ривожлантиришда биргаликда фаолият олиб борадилар.

Ҳурматли жамоатчилик вакиллари!

Бугун Марҳамат туманида юз берган ҳолатни нафақат ўқитувчиларимизнинг шаънини ерга уриш балки Давлатимиз сиёсатига қарши амалга оширилаётган ҳаракат деб баҳолайман.

Ўқитувчи қадрланмаган юрт ҳеч қачон тараққий этмайди. Шу боис бугун Давлатимиз Раҳбари ўқитувчиларни улуғлаш ва жамиятда энг обрўли инсон қилиш масаласини Давлат сиёсатининг энг юқори даражасига олиб чиқдилар.

Бу ҳаракат қандай мақсадда амалга оширилгани менга қоронғу, лекин айбдорлар албатта жавоб бериши керак. Шу ўринда мен ўқитувчилардан ўз қадр-қимматларини ерга уришга йўл қўймасликларини сўраб қоламан. Сизнинг бу даражада бошингизни ерга қаратишга ҳеч кимнинг ҳаққи йўқ!

Ҳозирда Халқ таълими вазирининг ҳуқуқий-назорат хизмати томонидан ишчи гуруҳ ташкил этилиб, ҳолатни ўрганмоқда. Бундай ҳолатларга йўл қўйган "ташаббускорларга" албатта тегишли чора кўрилади.

Ҳурматли таълим тизимига бефарқ бўлмаган ижтимоий тармоқ фойдаланувчилари, ўқитувчилар ва ота-оналар!

Халқ таълими вазирлиги фуқаролар мурожаатларини ўрганишни ўзининг асосий фаолият йўналишларидан бири сифатида белгилаб олган. Ижтимоий тармоқлардаги вазирликнинг расмий саҳифалари орқали тизимга оид мурожаатларни имкон борича кузатиб боришга ва зарур ҳолларда уларни тезкор йўналтириб, жамоамиз билан уларни ўрганиб ечимини топишга ҳаракат қиламиз. Мактабларимизда таълим сифатини ошириш юзасидан берилаётган таклифларингиз, тизимдаги муаммо ва камчиликлар юзасидан билдирилаётган фикрларингиз тизим раҳбари сифатида мен учун жуда ҳам муҳим.

Аксарият мурожаатларнинг тагида "Бизнинг ҳам мактабимизга ташриф буюринг" деган изоҳларни ўқиб хурсанд бўламан. Масалан, Фарғона вилояти, Сӯх туманидаги 2-мактаб ӯқитувчиси Санжар Ҳисомов, Жиззах вилояти, Ғаллаорол туманидан ўқитувчимиз Рустам Мамиров мактаблар шароити билан танишиб, кадрлар салоҳиятини баҳолашни, Улуғбек Мамуров Учкўприк туманидаги мактабни назоратга олишни, Тошкент вилояти, Оққўрғон туманидан Моҳира Мустаева мактаб шароитини яхшилашни, Қашқадарё вилояти, Шаҳрисабз туманидаги мактаб шароитини яхшилашни сўраб Чарос Тохировна мурожаат қилган. Бундай мурожаатлар сони кўп.

Айримлар нега фақат яхши мактабга борасиз, ёмон мактабга ҳам келинг, деб ёзишади. Шу ўринда ҳудудларга борганда асосан муаммоли мактабларни ўрганишга эътибор қаратишимизни айтиб ўтмоқчиман. Ҳудуд раҳбарлари танлаган мактабларга имкон қадар бормасликка ҳаракат қилсак-да, айрим ҳолларда улар танлаган мактабларга боришимизни ҳам инкор этмайман. Шундай вазиятлар бўладики, умуман ҳеч кимга айтмай, йўлимда учраган мактабга ёлғиз кириб чиқаман, бунда ҳатто мактаб раҳбарлари ҳам борганимни билмайди ва борганим ҳеч қаерда ёритилмайди.

Халқ таълими тизимида 10 мингдан ортиқ мактаб бор, қани эди ҳар бирига бирданига боришнинг, ўқитувчилар билан суҳбатлашиб, уларни қийнаётган муаммоларни бирваракайига ҳал қилишнинг имкони бўлса. Шу мақсадда вазирлик ҳузуридаги Жамоатчилик кенгаши ҳам соҳага оид барча муаммоларини ўрганиб, камчиликларни бартараф этиш мақсадида ташкил қилинганлигини ва бу Кенгашлар ҳар бир вилоятда тузилишини айтиб ўтмоқчимиз.

Дарвоқе, Халқ таълими вазирлиги барча ҳудуд раҳбарларини замонавий Таълим лидерлари қилишни мақсад қилган. Шу муносабат билан уларга юртимизнинг кўзга кўринган лидер раҳбарлари томонидан замонавий авлодни тарбиялашда замонавий бошқарув тизимини ўргатиш мақсадида мутлақо янги шаклда тренинг ташкил қилдик. Ишонаманки, 3 кун ичида ҳудудий раҳбарларимизнинг раҳбарлик тизимидаги дунёқарашлари ўзгариб, таълим тизимидаги бошқарувга янгича “ҳаво” кириб боради ва улар ўз ўрнида мактаб раҳбарларига ўрганганларини етказиб, тизимдаги бошқарувда ижобий ўзгариш юзага келади.

Ҳурматли устозлар, ота-оналар ва кенг жамоатчилик вакиллари! Яна бир бор юборилган таклиф-мулоҳазаларингизнинг бирортаси эътибордан четда қолмаслигини билдирган ҳолда ҳар бирингизга таълим тизимига бефарқ эмаслигингиз учун миннатдорлигимни билдириб ўтмоқчиман.

Азиз ва муҳтарама онахонлар, қадрли опа-сингиллар!

Сизларни баҳорнинг илк айёми – 8 март байрами билан Халқ таълими вазирлиги номидан самимий муборакбод этаман.
Барчангизга ўзимнинг энг эзгу ва самимий тилакларимни билдириб, ҳамиша оилангиз ва яқинларингиз, эл-юртимиз ардоғида бўлиш бахтини тилайман.

Оила ва жамият устуни, ҳаётимизнинг файзи ва кўрки бўлган хотин-қизларни эъзозлаш, уларга ҳурмат ва эҳтиром кўрсатиш халқимиз учун азал-азалдан буюк қадрият бўлиб келганини ҳеч биримиз ёдимиздан чиқармаймиз.

Сиз гўзал ва бетакрор, азиз аёлларимиз ҳақида жуда илиқ фикрлар айтиш, кўплаб таърифлар келтириш мумкин.

Бу борада Ҳурматли Президентимиз Шавкат Миромонович Мирзиёевнинг “Сиз, ҳурматли аёлларимиз ўзингизнинг оналик меҳрингиз, ҳаётий билим ва тажрибангиз билан фарзандларимизни турли хавф-хатарлардан асрашда, уларни мустаҳкам иродали, маънавий-интеллектуал жиҳатдан етук, жонажон Ватанимизга садоқатли инсонлар этиб тарбиялашда бундан буён ҳам куч-ғайратингизни аямайсиз, деб ишонаман. Айниқса, қиз болаларни ҳаётга тайёрлаш, уларни замонавий билимлар, касб-ҳунарларга ўргатишда биз аввало сизларга суянамиз” деган сўзлари ҳар жиҳатдан ибратлидир.

Дарҳақиқат, мамлакатимиз ижтимоий-сиёсий ҳаётининг турли соҳаларида хотин-қизларнинг фаол ва ташаббускорлиги, ҳалол меҳнатлари билан ҳаётимизнинг файзли бўлишига ўз ҳиссаларини қўшиб келаётганликлари барчамизни қувонтиради.

Ушбу шукуҳли айёмда катта мамнуният билан, бугун халқ таълими тизимида эзгу ишларимизга камарбаста бўлиб, фарзандларимизга устозлик қилиб келаётган 343 967 нафар хотин-қизларнинг фидокорона меҳнатларини алоҳида эътироф этиб ўтишни жоиз деб биламан.

Азиз опа-сингиллар!

Ақл-заковатингиз, меҳр-оқибатингиз, сабру қаноатингиз билан барчамизга ибрат бўлиб, ёш авлодга билим бериш борасида қўшаётган беқиёс ҳиссангиз ва янги Ўзбекистонни барпо этиш йўлидаги фидокорона меҳнатингиз учун Сизлардан чексиз миннатдормиз.

"Инсон қадрини улуғлаш ва фаол маҳалла йили" деб номланган жорий йилда ҳам олдимизга қўйилган улкан вазифаларни амалга оширишда, аввало, Сизларнинг билим ва маърифий салоҳиятингизга таянамиз.

Ишончим комилки, ҳар бирингиз қайси ҳудудда истиқомат қилишингиз, халқ таълими тизимининг қайси бўғинида ишлашингиздан қатъи назар, юртимизнинг барча жонкуяр аёллари қаторида таълим тизимидаги ислоҳотларни қўллаб-қувватлаб, ҳаётга катта умид билан кириб келаётган ёшларимизга, айниқса, қизларимизга таълим ва тарбия беришдек ғоят машаққатли, аммо олижаноб ишга муносиб ҳиссангизни қўшасиз.

Азиз ва мўътабар онахонлар, мунис опа-сингиллар!

Яна бир бор сизларни ва сиз орқали юртимиз хотин-қизларини, дилбар аёлларимизни самимий табриклайман. Сизларга соғлик-саломатлик, бахту саодат, хонадонларингизга тинчлик, файзу барака тилайман.

Зеро, аёл деган улуғ хилқатда нозик таъб ва буюк қалб, назокатли кўнгил, бетакрор фидойилик ва она жасорати мужассамдир.
Мана шундай фазилатлар эгаси бўлган ҳар бирингизга байрам муборак бўлсин!

Эҳтиром ила,
Ўзбекистон Республикаси Халқ таълими вазири Бахтиёр Саидов

Ҳудудларимиздаги мактабларга амалга ошираётган сафарларим давомида кўп ҳолларда ҳар доим ҳам таълим сифати мактабдаги моддий-техник базага боғлиқ эмаслигига гувоҳ бўляпман. Кўп ҳолларда ҳудудларда барча шароитларга эга замонавий мактабларга кирганимда у ердаги носоғлом муҳит, таълим сифатининг пастлигига, бунинг акси ўлароқ, айрим таъмирталаб мактабларга кирганимда эса, жамоадаги ички муҳит, ўзаро ҳурмат ва аҳилликни, бирдамлик, мактабдаги шароитларни яхшилашга бўлган жонкуярликка гувоҳ бўламан. Албатта, бу билан ҳаммани бир қолипга солиб, мактаб инфратузилмасини ўз ҳолига ташлаб қўйиш керак ёки керакли моддий-техник шарт-шароитларни яратиш мактабларнинг зиммасида деган фикрдан йироқман.

Президентимизнинг ташаббуслари ва таълим тизимига бўлган эътиборлари туфайли мамлакатимизда мактабларнинг ҳолатини яхшилаш бўйича жуда катта ишлар амалга оширилаётгани сўзларимнинг исботи. Мен бошқа нарсага, яъни Халқ таълими вазирлиги ва тизими олдида турган устувор вазифага эътиборингизни қаратмоқчиман. Бу ҳам бўлса, бугун бизнинг олдимизда турган асосий вазифа - келажагимиз учун ҳар томонлама мукаммал бўлган шахсларни жамиятимиз учун етиштириб бериш.

Зеро биз бу Ватанни аждодларимиздан мерос сифатида эмас, келгуси авлодлардан омонат сифатида олганмиз ва бизнинг бурчимиз — бу Ватанни келгуси авлодга авайлаб-асраб, янада мукаммал қилиб топширишдир.

Бу йўналишда нафақат мактаб жамоаси, балки ота-оналарнинг ҳам ўрни муҳим аҳамият касб этади. Афсуски, кўп гувоҳи бўлганимиздек, айрим ота-оналар зиддиятли вазиятларда мактабга келиб, ҳолатнинг туб маъносини англамай туриб, фарзандини ёнини олиб, устозларга ҳурматсизлик қилиш ҳолатлари кузатилади. Устоз ҳурмати бўлмаган жамият инқирозга йўл тутади. Шундай экан, ота-оналардан ҳар куни мактабга фарзандини кузатаётганда “Болам, мактаб илм маскани, дарс муқаддас, келажагинг, бахтли бўлишинг — шу даргоҳга ва ундаги устозларингга боғлиқ. Бу масканда устоз сен учун энг ҳурматли инсон бўлиши керак! Уни ҳурматини қилиб, муҳаббатини қозонгин. У ерда ўтган ҳар онингдан фойдаланиб, келажагинг учун бирор бир янги нарса ўрганиб қайтгин” деган фикрларни айтишларини истаган бўлардим. Зеро, боланинг қалбидаги илк қадриятлар ва атрофдагиларга, хусусан устозларга бўлган ҳурматнинг уруғи айнан кичиклигидан оилада, ота-оналар томонидан экилади.

Бугун биз, ота-оналар фарзандимиз таълим-тарбиясига бефарқ бўлсак, келажакда бу ҳолат унинг тақдирига салбий таъсир қилади. Албатта, мактабда жонкуяр устозларимиз ҳар бир болага нафақат илм, балки тарбия бериш учун бор имкониятини ишга солмоқда, лекин ота-она томонидан кўрсатиладиган эътиборсизлик оқибатида боладан биз кутаётган буюк авлод етишиб чиқиши даргумон.

Агар ўқитувчи ва ота-она масъулиятни бирдек ҳис қилиб, ўзаро ҳамкорликда боланинг таълим-тарбияси устида иш олиб борса таълим соҳасида натижа ижобий бўлади.

Сўзларимнинг исботи сифатида, буюк бобомиз Ҳазрат Навоийнинг сатрларидан иқтибос келтирсам:

Ҳақ йўлинда ким сенга бир ҳарф ўқитмиш ранж ила,
Айламак бўлмас адо, онинг ҳақин юз ганж ила

Шу боис, мен шу тизим раҳбари сифатида ўқитувчи ва ота-оналардан бола қалбида илмга, китобга, дарсга муҳаббат туйғуларини уйғотишларини сўраб қолган бўлардим. Бола мактабдан устозидан дакки эшитгани ҳақида гап олиб келганида дарҳол боланинг эмас, балки устознинг ҳимоясига эътибор қаратсак, кўзланган мақсадга эришамиз.

Албатта, ўз касбига масъулият билан ёндашмаётган устозлар ҳам бор, минг афсус. Ҳамма ўқитувчиларни бирдек масъулият билан ўқувчига етарли даражада сифатли билим беряпти, дея олмаймиз. Аслида педагог ўқувчи билан ишлар экан, у боланинг келажагига масъуллигини унутмаслиги лозим.

Мактаб инсон камолоти шаклланадиган муқаддас даргоҳ, фарзандларимизнинг энг беғубор орзулари шу остонада куртак ёзади. Шундай экан, мактаб ва ота-она ҳамоҳангликда фарзандларимизга бўлган меҳримиз, ҳалол ва машаққатли меҳнатимиз, бағри кенглигимиз билан намуна бўлишимиз лозим.

Шу ўринда фарзандларимиз тақдирига бефарқ бўлмаган ота-оналар ва устозларимизга миннатдорлик билдираман.

Азиз юртдошлар,

Сизларни она заминимизнинг уйғониш, янгиланиш ва яшариш фасли баҳор, меҳр-мурувват тимсоли бўлмиш Наврўз айёми билан самимий муборакбод этаман.

Тинчлик ва эзгулик рамзи ҳисобланмиш бу айём халқимизнинг азалий байрами сифатида ҳар йили катта шодиёна билан нишонланиши бежиз эмас, албатта. Кеча ва кундуз тенглашган кун 21 март - асрлар оша миллатимизнинг бетакрор қадрият ва анъаналарини ўзида мужассам этиб, ўзаро меҳр-оқибат ва саховат, ҳамжиҳатликни мустаҳкамлаб келмоқда.

Шоир ва мутафаккир Алишер Навоий бобомиз "Ҳар тунинг қадр ўлубон, ҳар кунинг ўлсун Наврўз", дея ўз асарларида мадҳ этган. Дарҳақиқат, қадимдан ота-боболаримиз дала-даштларда Наврўз муносабати билан турли сайл, томоша, байрам тадбирлари ўтказиб, инсонлар ўртасида меҳр-оқибат туйғусини уйғотиб келган. Бу гўзал анъаналарга сумалак сайли, баҳру байт айтиш, кўпкари мусобақалари каби маросимларимиз уланиб кетиши байрамни янада жозибали ўтишига ўз ҳиссасини қўшган. Шу куни ёши улуғ, эътиборга муҳтож кишиларга ҳурмат кўрсатилиб, уларнинг ҳолидан хабар олиниши бугунга қадар аждодларимиздан бизга мерос бўлиб келмоқда.

Бугун мана шундай қадриятларимизга ҳамоҳанг тарзда ҳамжиҳатлик, ҳамкорлик, бағрикенглик давлатимиз сиёсатининг устувор йўналишларидан бирига айланди. Президентимиз Шавкат Мирзиёев томонидан 2022 йилни "Инсон қадрини улуғлаш ва фаол маҳалла йили" деб номланиши амалга ошириладиган устувор вазифалар замирида ҳам энг аввало, инсон қадри, унинг манфаати ҳамма нарсадан устун эканлигига яққол мисол бўла олди.

Она заминимизга янги ниҳол, уруғ экиладиган Наврўз кунида инсонлар жамоа бўлиб ҳашарларда иштирок этган. Мана шу нозик ниҳолларни бугун мактабда билим олаётган мурғак ёшларга қиёслайман. Шундай экан, Янги Ўзбекистонни бунёд этиш йўлида олиб борилаётган, инсон қадрини эъзозлаш, эл-юртимиз ҳаётининг обод ва фаровон бўлишига қаратилган улуғ мақсадлар, хусусан, мактаб таълимини ривожлантириш борасида амалга оширилаётган ишларингизда муваффақият тилайман.

Қадрли юртдошлар!

Барчангизни Ўзбекистонимизга кириб келган Шарқона янги йил билан яна бир бор муборакбод этаман!

Қалбларимиз шодлик ва қувончга тўлган мана шу қутлуғ лаҳзаларда хонадонингизни бахт, тинчлик-тотувлик тарк этмаслигини тилаб қоламан.

Наврўзи олам юртимизга тинчлик, омонлик, бахт-саодат, қут-барака олиб келсин!
 
НАВРЎЗИ ОЛАМ МУБОРАК БЎЛСИН!

Бугунги таҳликали замонда, Ўзбекистон каби ривожланаётган давлатнинг тараққиёти ва келажаги сифатли таълим билан, келажак авлод билан боғлиқ.
Таълим сифатини, ҳусусан сифатли мактаб таълимини ташкил этиш бир қатор муҳим омилларга боғлиқ эканлигини тушуниб турибмиз. Айнан шу йўналишлар келгуси 2-3 йилда эътиборимизда бўлади.

Даставвал, мактабда таълим сифати энг аввало шу мактабда ишлаётган ўқитувчилар сифати ва савиясига боғлиқ. Зеро, таълим сифати – ўқитувчи сифатидан юқори бўла олмайди.

Бугунги кунда республика мактабларида 504 минг нафар ўқитувчиларимиз фаолият юритади Уларнинг 280 минг нафардан ортиғи, яъни 56 фоиз ўқитувчиларимизнинг салоҳияти талаб даражасида эмас. Бу дегани деярли 3 млнга яқин ўқувчи-болаларда юқори малакали ўқитувчидан таълим олиш имконияти мавжуд эмас.
Шундан келиб чиқиб, вазирлик биринчи галда мактабларда фаолият юритаётган ўқитувчиларнинг сифат таркибини яхшилаш ва уларнинг доимий малакасини ошириш, улар учун узлуксиз методик ёрдам кўрсатиш тизимини жорий этиш бўйича вазифалар белгилаб олинди.

Мазкур вазифани амалга ошириш Халқ таълими вазирлиги ҳузуридаги А.Авлоний номидаги илмий-тадқиқот институтига катта ишонч ва масъулият билан юклаган. Институт ва ҳудудлардаги 14 та марказ бу йўналишдаги асосий бўғин этиб белгиланган.

Хабарингиз бўлса керак, 2022 йилдан бошлаб ўқитувчилар малакасини ошириш тизими узлуксиз касбий ривожлантириш тизимига трансформация бўлди. Энди ўқитувчилар доимий ўз устларида ишлашлари ҳамда билим ва малакаларини оширишлари талаб этилади. Шу билан бирга, ўқитувчи ўзига қулай шаклда (онлайн ёки анъанавий), истаган ва қулай вақтда (йил давомида ёки йилига 1 хафта) ва хоҳлаган жойда (платформада, марказда, нодавлат ташкилотда ёки ОТМда) малака ошириши имконияти ҳам яратилди.
Энди ўқитувчи махсус платформа орқали ўз билимларини диагностика қилади ҳамда аниқланган билимдаги бўшлиқлар асосида малака оширади.
Ҳар бир ўқитувчининг касбий ривожланиш динамикаси платформа орқали доимий мониторинг қилиб борилади.
Бир сўз билан айтганда ўқитувчиларни узлуксиз касбий ривожлантиришнинг механизми ва инфраструктураси шакллантирилди. Масала фақат малака ошириш ҳамда методик ёрдам кўрсатишнинг мазмуни яъни контентида қолди.
Айнан шу масалада Халқаро ташкилотлар ва донорлар билан ҳамкорликни кучайтиришимиз зарур, деб ҳисоблаймиз.

Азиз битирувчилар, ҳурматли ота-оналар!

Мана 2021-2022 ўқув йили ҳам кўз очиб юмгунча ўз ниҳоясига етмоқда. Бугун жаранг сочадиган "Сўнгги қўнғироқ" садолари барчамизни ортда қолаётган бир йилга боқиб, уни сарҳисоб қилишга ундайди.

Ўтиб бораётган бир йил давомида ҳар бир ўғил-қиз яна бир ёшга улғайди, билими бойиб, маънавияти юксалди. Мазкур ўқув йили давомида ёшларга яратилган имкониятлардан фойдаланиб, кўплаб ютуқларга эришган ўғил-қизларимиз кўплигидан қувончимиз чексиз.

Фахр билан айтиш керак, бугун юртимизда ёшлар масаласига давлат сиёсати даражасида эътибор қаратилмоқда. Иқтидорли ўқувчиларимиз бунга жавобан халқаро олимпиадалар, турли танловларда Ўзбекистонимиз шарафини муносиб ҳимоя қилмоқда. Билим ва иқтидорларини намоён этиб, кўнгилларга қувонч улашмоқда.

Якунига етаётган ўқув йили сўнгида яна бир бора Ўзбекистон ёшлари келажагига барчамиз бирдек масъулмиз, дегим келди. Шу боисдан ҳам бу нав-ниҳолларга оилада ота-оналари, таълим муассасаларида устозлари эътиборли бўлиши ўта муҳим аҳамият касб этади.

Янги Ўзбекистонимиз фарзандлари оқил-у доно бўлиб камол топишига бирдек масъул эканмиз, нафақат мактабда таълим олиш даврида, балки таътил вақтида ҳам фарзандларимизга катта эътибор қаратиш барчамизнинг бурчимиздир.

Мактабни тамомлаб, ёзги таътилда мароқли ҳордиқ олишга тадорик кўраётган ҳар бир ўғил-қиз ўз вақтини унумли ўтказиши даркор. Сермазмун ҳордиқ чиқариш учун ўқувчиларга "Баркамол авлод" болалар марказларидаги тўгараклар ҳам кўмак беради.

Ҳурматли ўқувчилар! Сизларни ўқув йилини муваффақиятли тамомлаганингиз билан яна бир карра қутлаб, барчангизга Ватанимиз ривожига ўз ҳиссасини қўшувчи баркамол авлод бўлиб етишишингизни тилаб қоламан!

Азиз битирувчилар! Сизлар мактабдан кетиб, катта ҳаётга қадам қўйяпсиз аминманки, олдингизга тўғри ва аниқ мақсадларни қўйиб олгансиз ва мустақил ҳаётда мактабда олган билимларингиз билан, албатта, устозларингизнинг юзини ёруғ қилиб, муваффақиятларга эришасиз. Сизларга катта ҳаёт йўлида барча устозларингиз ва ўзим номимдан омад ва зафарлар тилаб қоламан! Ҳар бирингизга Ватанимиз равнақини юксакларга кўтарадиган фарзанд бўлишингизни тилайман!