Самарқанд 2025 йилда Ислом дунёсининг маданий пойтахтига айланди

Самарқандда ўтаётган халқаро форум доирасида ISESCO бош директори Салим бин Муҳаммад Ал-Малик шаҳарга “Ислом дунёси маданий пойтахти – 2025” унвонини расман топширди.

Мазкур унвонни тасдиқловчи рамзий байроқ ва ҳайкалчани Маданият вазири Озодбек Назарбеков ҳамда Самарқанд ҳокими в.б. Адиз Бобоев қабул қилиб олди.

©️Azon Global

Атрофингиздаги ҳеч ким сизга абадий берилмаган. Одамлар ҳам ғанимат бўлади

©️ Мубашшир Аҳмад

Маҳбусликнинг 17-куни

#unutmaymiz_unuttirmaymiz #MubashshirAhmadga_ozodlik

©️Azon Global

Мубашшир Аҳмад иши: Турк партиялари масалага жиддий қарамоқда

Томоша қилинг 👉 https://youtu.be/01o_T6Fygjs

©️Azon Global

Истанбул фатҳига 572 йил тўлди ёхуд мақтовга лойиқ бўлган фотиҳ ким эди?

Бугун Константинопол фатҳ этилган кун: ҳижрий 857, милодий 1453 йил йигирма олтинчи робиул-аввалдан бошлаб Муҳаммад Фотиҳ шаҳарни қамал қилди ва ниҳоят, биз хотиралаб турган айни шу кунда, аниқроқ айтганда, йигирма учинчи жумодул-аввал эрта тонгда шаҳарни фатҳ қилишга муваффақ бўлди. Яъни, қамал икки ойга яқин давом этди. Муҳаммад Фотиҳ шаҳарга зафар билан кириб боргач, тулпоридан тушиб, шу ишга муваффақ айлагани учун Аллоҳга сажда қилиб, шукрона айтгани тарих зарварақларига муҳрланди. Шундан сўнг у Аё София черковига борди. Византия халқи ва роҳиблари черковга тўпланиб олишган эди. Муҳаммад Фотиҳ уларга омонлик берди ва Аё София черковини масжидга айлантиришга амр қилди. Биринчи жума намозида фатҳ хутбаси ўқилди.

Батафсил: https://azon.global/4121

©️Azon Global

Россияда юздан ортиқ ўзбекистонлик ва тожикистонликлар қўлга олинди

Россия Фидерал миграция хизмати ва хавфсизлик кучлари томонидан ўтказилган рейдда юздан ортиқ ўзбекистонлик ва тожикистонлик муҳожирлар қўлга олинди.

Маълум қилинишича, Челябинск вилоятининг Озерск шаҳри яқинида қурилаётган атом электр станцияси ҳудудида ноқонуний ишлаётган мигрантларга қарши рейд ўтказилган.

Рейд автобуслардаги ишчиларни тўхтатиб, миграция ҳужжатларини текшириш билан бошланган ва ноқонуний қолаётганларни аниқлаш мақсадида амалга оширилгани айтилмоқда.

©️Azon Global

Мигрантлар православ қизларга уйланиб Россияни мусулмонлаштирмоқчи – рус руҳонийси

Россия православ черкови руҳонийси Кирилл Иванов YouTube каналидаги чиқишида муҳожирлар православ қизларни ўз никоҳига олиб, Россияни мусулмонлаштириб юбораётганидан нолиди. Унинг иддао қилишича, мигрантлар, айниқса "радикаллашганлари" бу йўл билан ўз мақсадларига эришяпти.

Батафсил: https://azon.global/4133

©️Azon Global

Тўқаев 2029 йилда президентлик курсисини бўшатишини айтди

Қозоғистон президенти Қосим-Жомарт Тўқаев амалдаги етти йиллик президентлик муддати тугагач, 2029 йили президент лавозимини тарк этишини маълум қилди. Унинг таъкидлашича, ҳар қандай давлат президенти Худонинг ердаги сояси эмас, балки оддий халқ хизматкоридир.

Батафсил: https://azon.global/4141

©️Azon Global

Афғонистонда Қурбон ҳайити 7 июнда нишонланади

Афғонистондаги “Ҳилол кўриш қўмитаси” ҳеч бир вилоятда 28 май куни зулҳижжа ойи кўринмаганини маълум қилган. Аҳоли вакиллари ҳам ушбу ойни кўргани ҳақида шариат судларига гувоҳлик бермаган. Шундан келиб чиқиб, афғон ҳукумати 28 май зулқаъда ойининг сўнгги куни эканини айтиб, 7 июнни Қурбон ҳайити сифатида белгилаган.

Батафсил: https://azon.global/4152

©️Azon Global

Тошкентда 19 ёшли йигит қимор туфайли ўзини осиб ўлдиргани айтилмоқда

Ижтимоий тармоқларда 19 ёшли йигит онлайн қиморда катта миқдорда пул ютқазиб, ўзини дарахтга осиб ўлдиргани ҳақидаги хабарлар тарқалди. Бош прокуратурага кўра, жорий йилнинг 31 май куни Яшнобод тумани Истиқлол кўчасидаги дарахтдан 2006 йилда туғилган, Сирдарё вилоятининг Оқолтин туманида яшовчи Ф.Ў. исмли йигитнинг арқонга осилган жасади топилган. Айни пайтда тергов ҳаракатлари олиб борилаётгани айтилмоқда.

Батафсил: https://azon.global/4158

©️Azon Global

Мубашшир Аҳмад иши турк ҳуқуқшунослари нигоҳида

Истанбул вилоят иммиграция бошқармаси Мубашшир Аҳмад (Алишер Турсунов)га нисбатан “жамоат тартиби ва хавфсизлигига таҳдид солганлик”ни сабаб қилиб кўрсатган ҳолда депортация қилиш қарори қабул қилинганини айтди. Бироқ бу иддао Туркия Жумҳурияти ваколатли муассасалари ва халқаро ҳамжамият назарида ҳеч қандай қонуний ва аниқ асосга эга эмас. Турсуновдан Туркияда, Ўзбекистонда ёки бошқа бир давлатда жамоат тартибини бузадиган ҳеч қандай ҳаракати йўқ ва у ҳеч қанақасига жиноий жавобгарликка тортилмаган – Кая Картал, “Инсон ҳуқуқлари ва мазлумлар учун бирдамлик” уюшмаси (MAZLUMDER) раҳбари, ҳуқуқшунос.

Батафсил: https://azon.global/4166

©️Azon Global

Қуддусдаги яширин ассимиляция: масжид ва мадрасалардаги санъат ва фестиваллар

Ишғол остидаги Қуддус бугун нафақат аскарлар ёки темир тўсиқлар, балки турли шоулар, мусиқа, санъат ва маданият ниқобидаги бузғунчиликлар орқали ҳам босиб олинмоқда. Ишғолчи тузум шаҳарнинг ҳар бир қаричини, ҳар бир ёдгорлигини, ҳар бир қадимий манзарасини ўзгартириш учун барча воситаларини ишга соляпти. Улар Қуддуснинг исломий руҳини, минг йиллик тарихини йўқотиш, унинг ўрнига яҳудийлик рамзларини жойлаштириш учун турли кўринишдаги қуролларидан фойдаланяпти. Бу жараён секин, лекин муттасил давом этмоқда.

Батафсил: https://azon.global/4369

©️Azon Global

Парадокс: билим сочилган замондаги маънавий қашшоқлар

Ҳеч қачон одамзот бугунгидек маълумотга бой бўлмаган. Ҳар сонияда YouTube'га 500 соатлик янги видеолар юкланади, ҳар куни интернетда 7 миллиондан ортиқ пост ёзилади. Ҳар биримизда чўнтагимиздаги телефон орқали илм олиш имкони бор. Ажабланарлиси, шунча имкониятларга қарамай бугунги авлод маънан қашшоқликда аждодларидан ўтиб кетяпти.

Батафсил: https://azon.global/4388

©️Azon Global