#Madrasa_darsliklari

Insoniyat tarixidagi eng katta o‘zgarish, Alloh taolo tomonidan oxirgi elchisi sifatida yuborilgan Muhammad Mustafo ﷺ orqali sodir bo‘lgan. U zotning ﷺ hayoti nafaqat bir davr, balki barcha zamonlar uchun eng yorqin namunadir. Payg‘ambar alayhissalomning hayotlarini o'rganish, axloqlarini o'zlashtirish va ushbu mashaqqatli umrdan saboq olish har bir mo‘min uchun katta ahammiyat kasb etish bilan birgalikda, fardiy mas'uliyat hamdir. Siyrat ilmi esa aynan shu hayot yo'lini yoritib beruvchi va qalblarga Rasulullohni ﷺ sevdiruvchi eng barakali ilmdir.

Mezana Madrasasida talabalarimizga o'qitiladigan ushbu ikki asar, Muhammad alayhissalomning tug‘ilishlaridan tortib vafotlariga qadar bo‘lgan muborak hayotlarini ishonchli manbalarga tayangan holda bayon etadi. Payg'ambarlikdan oldingi bolalik va yoshlik yillari, vahiy kelganidan keyingi risolat davri, Makkadagi sabr va da’vat, Madinaga qilingan hijrat va ummat tarbiyasi kabi asosiy jarayonlar sodda, ravon va tushunarli tilda yoritilgan.

Bu asarlarda Rasulullohning ﷺ oilaviy hayotlari, sahobalar bilan munosabatlari, urush va tinchlikdagi tutumlari va odillik, rahm-shafqat, tavoze kabi axloqiy sifatlari ham alohida e’tibor bilan yoritilgan. Ushbu ikki siyrat kitobi nafaqat yangi boshlayotgan talabalar uchun sodda kirish asari, balki har qanday yoshdagi o‘quvchi uchun ham Payg‘ambarimizning hayotlarini muhabbat ila yaqindan tanish va u zotning izidan yurish istagini uyg‘otadigan bebaho manbalardir.

"Nurul-yaqin" kitobi muallifi – Shayx Muhammad Huzariy (vafoti - 1927)

"Xotamun-Nabiyyin" – Shayx Abul Hasan Nadaviy (vafoti - 1999)

Telegram | Instagram | Facebook | Twitter