#Yangi_ruknlar
#Сўровнома_натижаси

✅ Maktabgacha va maktab ta'limi vazirligi tomonidan Vazirlikning telegram kanalidagi kuzatuvchilar qiziqishlarini o‘rganish maqsadida so‘rovnoma o‘tkazilgan edi.

So‘rovnoma ishtirokchilarning aksariyati ”Psixologik ko‘mak” rukni ostida foydali maqolalar berib borilishini ma’qullashdi.

❗️Kuzatuvchilarning qiziqishlarini inobatga olgan holda endilikda Vazirlikning ijtimoiy tarmoqlardagi rasmiy sahifalari orqali o‘quvchi yoshlar uchun ”Psixologik ko‘mak” rukni ostida turli maqolalar va tavsiyalarni yoritib borishni boshlaymiz:

👉https://telegra.ph/MAKTABDAGI-BULLINGDA-PEDAGOGLAR-UCHUN-MASLAHATLAR-03-01

“Insonga e’tibor va sifatli ta’lim yili” Davlat dasturida maktab va maktabgacha ta'limga oid qanday vazifalar belgilandi?

Kuni kecha O‘zbekiston Respublikasi Prezidentining “2022-2026-yillarga mo‘ljallangan Yangi O‘zbekistonning taraqqiyot strategiyasini “Insonga e’tibor va sifatli ta’lim yili”da amalga oshirishga oid davlat dasturi to‘g‘risida”gi Farmoni e’lon qilindi.

Unga ko‘ra, ta’lim tizimi faoliyatiga doir qator yangiliklar amaliyotga joriy etilmoqda.

Jumladan:

2023-yil 1-sentabrdan boshlab — har bir tuman (shahar)ning bittadan umumiy o‘rta ta’lim muassasasida o‘quvchilarni ikkita xorijiy til va bitta kasb-hunarga o‘rgatish amaliyoti bosqichma-bosqich yo‘lga qo‘yiladi.

2023/2024-o‘quv yilidan boshlab:

respublikaning barcha viloyatlari va Toshkent shahrida boshlang‘ich sinf o‘quvchilarini bepul ovqat bilan ta’minlash yo‘lga qo‘yiladi.

Batafsil: 👉 https://uzedu.uz/uz/news/922

Vazirlikning rasmiy sahifalariga ulanish
Telegram | Youtube | Facebook | Instagram

Ота ўғил
Мактабда беш йил жисмоний тарбиядан дарс берган устозим Фахриддин Қурбонов саккиз мингдан ортиқ аҳолиси бор маҳалламизга иккинчи муддат ҳам раис бўлиб ишлаётганини эшитиб беҳад хурсанд бўлдим. Чунки у уйида фарзандлари оч ўтирса чидаши мумкин, лекин қўни-қўшниси, қишлоқдошининг бирор нимага муҳтожлигини билса, ҳаловати йўқолади. Нолишни жуда қойиллатадиган одамлар ҳам бу гал борсам уни мақтаяпти, ниҳоят раисга ёлчидик деб. Газ, свет бор. Ишонинг, энамизни амма дедирган анави кунги аномал совуқ кунларда ҳатто Тошкентда бўлмаган газ бизнинг қишлоқда гуриллаб турганини одамлар айтди. Бу раиснинг меҳнати.
Яқин яқингача қишлоқдан шаҳарга бориш учун кун бўйи автобус кутиб ўтирардик. Ҳозир айтсам ишонмассиз, аммо бор ҳақиқат шуки, янги ва шинам автобус маҳалламиз кўчаларини айланиб чиқадиган бўлибди. Кексаю ёш бениҳоя хурсанд.
Раис елиб-югуриб ҳамма муаммони бартараф этяпти. Мен ҳозир раисни мақтамоқчи эмасман. Негаки, унинг элпарварлиги отаси, бир пайтлар колхознинг донғини бутун туманга таратган машҳур раис Саидмурод Қурбоновдан ўтганлигини ҳамма яхши билади. Мен ҳозир яхшиларга ёндошишнинг яна бир ҳикмати ҳақида гапирмоқчиман.
Яқинда Фахриддин ака билан кўришиб қолдим. Бир жойга бориб келамиз, юринг дея мошинага ишора қилдилар. Мошинаси тўла бозорлик, майда чуйда. Ҳозир икки кишини кўриб келамиз дедилар. Бу икки киши мен билган икки ака-ука бўлиб, ёш боласи кўп, аммо ишсизлик боис қийналиб қолганлар оиласи эди. Бордик, болажонлар югуриб чиқишди, совғаларни жажжиларнинг қўлига тўтқазган эдик, ялт этиб отасига қарашди. Отадан розилик аломати бўлмагач, уйларига кириб кетишди. Камбағал бўлсаям фарзандларини кўзи тўқликка ўргатаётган отанинг бу ҳолатидан таъсирландим. Ҳарчанд илтимос қилмайлик, бозорликни олмади. Агар жуда кўнгилларинг бўлмаса, акамга беринглар, акамнинг ишлари унча яхшимас ҳозир, деди ерга қараб. Қўярда қўймай болажонлар учун совғани қолдирдигу қолган нарсаларни олиб аканикига кетдик.
Ака йўқ экан, янга кутиб олди бизни. Муддаомизни эшитгач, илтимос қайнимга (ҳозиргина биз бориб келган жой) бериб келинглар, биз бир амаллаб кунимизни кўряпмиз, улар кўпчилик деди.
Раис иккимиз бир биримизга қараб қолдик. Хаёлимиздан нелар ўтгани ёлғиз Аллоҳга аён.
Бир-бирини кўрарга кўзи йўқ ака-укаларни кўрганмиз, кўргансиз. Жон-жигарларнинг орасини бузадиган хотинлар ҳам йўқ эмас. Аммо, хулосам шуки, сиз кимнидир астойдил яхши кўрсангиз, орани ҳеч ким бузолмайди.
Карантин авж олган пайтда маҳалла идорасидан ёрдам сўраб, ҳокимиятларда жанжал кўтарган тўқларни кўрдик. Ҳовлисида учта тўртта мошинаси бору писмиқланиб автобус йўлкирасиям қиммат бўп кетди-да, дея нолиганларга дуч келдик. Майдалашиб кетаётганларни кўрганда дил эзилади, инсонийлик рутбаси баланд асл одамлар билан учрашганда эса эзилган дил яна тиниқлашади.
Қорин ташвишидан бошқа ҳеч нарсаси йўқлар, сизларга раҳмим келади.
Оқибатни унутмаган, ўзи муштоқ бўла туриб, топган бир бурда нонни ҳам ўзгаларга илингиси келганлар сизларга таъзимдаман.
Маҳалламизнинг "Ўзим бўлай" деган тоифадан мутлақо йироқ раиси, сизга раҳмат. Сиздайлар кўп бўлса, халқ бой бўлади, ҳаётидан рози бўлади.
Буларни ёзишдан муддао шуки, ота-боболаримиз тутган оқибат йўлини тутсак, ўзимиздан кўра юрт равнақини, келажакни ўйласак, улардек бўлишни дилимизга тугайлик. Токи фарзандларимиз ҳам биздек бўлишга интилиши ҳаммамизга насиб этсин!

https://t.iss.one/jonixonov

Дилдаги гаплар.

1 МАРТ - ЗУЛФИЯХОНИМ ТАВАЛЛУД ТОПГАН КУН

БУ ОҚШОМ

Бу оқшом пориллар дил нурингизда,
Дийдор бахти насиб яна Сиз билан.
Турибман, азизлар, ҳузурингизда
Ҳамон ўтлиғ кўнгил, ёруғ юз билан.

Ҳамон мулкимдаги сийму зарим – шеър.
Сочимда, чеҳрамда йиллардан нишон,
Саждагоҳим танҳо Ватан, Она Ер,
Орзуларим карвон, сарбоним – ишонч.

Ҳамон ота-онам, икки жаҳоним
Азиз ёди аро шикаста, бутман
Ишқим – алангадир, қордир ҳижроним
Саксон йил ловуллаб сўнмаган ўтман.

Иккита кўзимга икки қорағич –
Мунисим Ҳулкарим, алпим омоним
Ширин набиралар ҳаётдан тортиғ
Ҳар бири жонига пайванддир жоним.

Номлари , ёдлари пайғамбар монанд
Ҳазрат устозларим – теран илдизлар,
Мен ундан жон олиб кўкарган дарахт,
Меваси – қалбимдан отилган сўзлар.

Ҳикматлар бағрида дур, марваридим
Аждодларим менга ифтихор, ғурур
Шу мавжлардан томган нуқра умидим
Шоира қизларим бахш этган сурур.

Бу назм боғига киролмас хазон,
Бизни маҳф этолмас завол лашкари,
Мен кетсам мунғаймас умрим ҳеч қачон,
Бу боғлар – бир боғлар бўлади ҳали…

Ҳамон эътиқодим – ҳақиқат, ҳақдир,
Сўзлайман, юзимни тутиб Каъбага,
Емира олмайди ўткинчи тақдир,
Осуда ўтади руҳим абадга.

Эъзозлар, ардоғлар учун ташаккур
Асли Сиз офтобим, мен зиёсиман.
Тонгларингиз кулсин дориломон, ҳур,
Бахтим шул – ўзбекнинг Зулфиясиман.

Зулфия.

👉@azamatkamal81👈

"Фасли навбахор.." Таваккал Кодиров

👉@azamatkamal81👈