✅RЕSPUBLIKA FAN OLIMPIADASI TUMAN BOSQICHIGA START BЕRILDI

Joriy yilning 11-oktabr kuni Zangiota tumani xalq ta’limi bo‘limi tasarrufidagi umumta’lim maktablarining 9-11-sinf o‘quvchilari o‘rtasida matematika fanidan olimpiada o‘tkazildi. Mazkur fan olimpiadasiga tumandagi umumiy o‘rta ta’lim maktablarining birinchi bosqich g‘oliblari, 9-sinf o‘quvchilaridan 47 nafar, 10-sinf o‘quvchilaridan 45 nafar, 11-sinf o‘quvchilaridan 44 nafar, jami 136 nafar o‘quvchi ishtirok etdilar. Fan olimpiadalari test sinovi shaklida o‘tkazildi. Test topshiriqlari maxfiyligi ta’minlangan, jarayonlarning shaffof, adolatli va barcha xavfsizlik choralarini ko‘rgan holda tashkil etildi. Olimpiada jarayonlari ijtimoiy tarmoqlarda, ya’ni Facebook orqali jonli namoyish qilindi.

O‘tkazilgan olimpiadada Xalq ta’limi vazirligi vakili S.Xurramov, Toshkent viloyati xalq ta’limi boshqarmasi vakili X.Ukibayevlar ishtirok etdilar.

Toshkent viloyati XTB matbuot xizmati

Президентликка номзод Шавкат Мирзиёев Бухорода сайловчилар билан учрашув давомида таълим соҳасига эътибор бериш лозимлиги ҳақида гапириб ўтди.

“Мен ҳам шу давлатнинг бир фуқароси, бир шифокорнинг фарзанди сифатида халқимнинг фаровонлигини ўйлайман. Ўзим қишлоқда ўсганман, ҳалигача ҳамма қариндошларим қишлоқда яшайди. Лекин қишлоқларимиздаги шароит биз хоҳлагандек ўзгармаган.

Таълимга эътибор бериб, заминни мустаҳкам қилган эл камбағал бўлмайди. Афсуски биз таълимга кўп йиллар эътиборсиз бўлдик. Тўқсонинчи йилларда биздан ҳеч ким Россияга кетмасди-ку. Нима учун халқимиз кетди – иш йўқ, бошпана йўқ, эртанги кунга ишонч йўқ эди. Охирги йилларда анчасини қайтаришга эришдик, чунки улар ҳам фарзандларимиз.

«6,5 — 7 млн пахта теримчини пахтадан кетишни эълон қилганимда атрофимдаги ҳамма қарши бўлди» — Шавкат Мирзиёев пахта терими ҳақида.