#она_тилим_жон_тилим

Тошкент шаҳар Сергели туманидаги
300-мактабнинг 4-синф ўқувчилари 21 октябрь ўзбек тили байрамига бағишлаб ажойиб қўшиқ куйлашибди.
Уларнинг орасида жияним Озодбек Жамолов ҳам бор.
Болаларча беғуборлик, зўр иштиёқ билан жўровоз бўлиб куйлашганлари менга жуда ҳам ёқди.
Бугунги замоннинг талаби бўлган хорижий тилларни пухта ўрганишга интилиш, унга шароит яратиш албатта керак, лекин, энг аввало, ўз она-тилимизга болаликдан мана шундай меҳрни уйғотиш энг асосий вазифамиз бўлмоғи лозим.
Мактабдаги устозларга минг бор тасанно.👍

👉@azamatkamal81👈

#ona_tilim_faxrim

ЎЗБЕК ТИЛИМ

Кўп қадимман,
Карвон билан замонлар кечдим,
Нор туянинг норлиги ҳам афсона экан.
Бир кун туя айронини шифо деб ичдим,
Она туя номи эса арвона экан.

Давронимни сурганман ҳам оқ отга миниб,
Ҳай-ҳай, унинг қўлтиғида бор эди қанот.
Вақти келиб, шон-шуҳратдан хаёлим тиниб,
Билсам, ўша оқ отимни дерканлар — бўз от.

Юксак Ҳисор тоғларининг бағрида қат-қат
Тошни ёриб ўсиб ётган наъматак эди.
Устоз Ойбек шеърин эслаб шоир Холмамат,
— Бизнинг жойда унинг номи “Ҳулулу”, деди.

Сен туганмас чашмадирсан, оҳ, она тилим,
Етмиш икки томиримга мавжларинг борди.
Бир кун тиниб қолган эди боғда булбулим,
— Сандулочим! — деган эдим сайраб юборди.

Инсон деган қутлуғ сўзнинг тенги йўқ ҳеч бир,
У танҳодир, фалакларнинг қуёши мисол.
Лекин манов болакайдир, буниси ўсмир,
Бу йигитдир, бу зот эса бобо, оқсоқол.

Абдулла Орипов,
Ўзбекистон Қаҳрамони, халқ шоири

👉@azamatkamal81👈

#Tabriknoma

Qadrli yurtdoshlar, aziz ustoz va murabbiylar!

Barchangizni chinakam milliy tantanamiz, g‘urur va iftixorimiz bo‘lgan O‘zbek tili bayrami bilan samimiy muborakbod etaman.

Insoniyat o‘z milliy tilini “ona tili” deb sharaflashi bejiz emas.

Chunki bunday ulug‘ e’tirof bizga har lahzada o‘z tilimizni onamizdek e’zozlab, qadrlashimiz zarurligini anglatib turadi. Ona tilimiz bizning jahonda alohida xalq, millat sifatida mavjudligimizni belgilovchi muhim asoslardan biridir.

Inson tug‘ilajak Vatani va tilini tanlamaydi – bu unga Yaratgan ato etgan bebaho ne’matlardir. Ana shu ne’matlarni qadrlab, Vatanimiz taraqqiyoti, o‘zbek tili ravnaqi yo‘lida sidqidildan xizmat qilish va mehnatlarimiz samarasini ko‘rish saodati barchamizga nasib etsin!

Ona tilimiz ruhiyatimizga nur, tafakkurimizga yog‘du, qalbimizga g‘urur baxsh etib abadiy gullab yashnasin!

O‘zbek tili bayrami yana bir bor muborak bo‘lsin!

Hilola Umarova,
Maktabgacha va maktab ta’limi vaziri

To Be (bo‘lmoq)

Tayyorlovda yozilgan she'r

Doskaga formula yozadi.
Mening marhamatli "teacher"im.
"To Be"ni tobe deb o‘qiyman.
Tilim kelishmaydi, kechiring!

Keyin u tasavvur qil deydi,
Men ega, sen esa "To Be"san.
Tasavvur qilishim shart emas,
Men o‘zi shundog‘am tobeman.

Agar shu "To Be"ni bilmasam,
Inglizning tilini bilmayman.
Inglizning tilini bilmasam,
O‘qishga kirmayman.

Men agar o‘qishga kirmasam...
(Buyog‘in sirtimda demayman:
Inglizning tilini bilmasam,
To‘yib non yemayman!)

Men o‘zi shundog‘am tobeman.
Mendan ona tilim, ranjima.
Dunyoda nima gap bo‘lyapti -
Hammasi tarjima!

Navoiy shuncha so‘z ishlatgan,
Shekspir buncha so‘z. Safsata.
"To Be"ni o‘rganish darsiga
Yetti kun qatnayman haftada.

Men o‘zi shundog‘am tobeman.
O‘zimning tilimga moneman.
Dunyoning iqlimi ularga bog‘liq.
Men esa shunchaki someman.

Sizda zarracha ham gunoh yo‘q.
Mening marhamatli "teacher"im.
"To Be"ni tobe deb o‘qiyman.
Tilim kelishmaydi, kechiring!

Kumush Abdusalomova

👉@azamatkamal81👈

​Бир сандиқ сўз

Ўз сепимга ҳаяжонда кўз солдим:
Бирдан қамашиб кетди кўз олдим.
Энг сара, энг гўзал, энг дилбар –
Онам сепимга бир сандиқ Сўз солди.

Бу сўзларни сўзлаганда эл дадил!
Бу сўзларни сўзлаганда эр дадил!
Бу сўзларни сўзлаганда мен – дадил!
Улар мени бахт томонга элтади,
Бир сандиқ Сўз бир умрга етади!

“Алла, болам, алла” десам боламга.
“Ассалому алайкум” деб оламга.
“Хуш келдингиз, хуш кўрдик” деб бот-бот
Бир сандиқ сепимга кўнган Одамга!

Атлас сўзлар, адрас сўзлар, бўз сўзлар,
Шойи-ипак сўзлар, банорас сўзлар,
Бахмал сўзлар, мовут сўзлар, хос сўзлар,
Хоксор сўзлар, баландпарвоз сўзлар!

Онам яна солибди бир найқамиш.
Момоларнинг ўгитини пайқамиш:
Уйда она тили жаранглаб турса,
Ёв бостириб киргани ҳам ҳайиқа(р)миш!

Яна такрор сандиқчага кўз солдим.
Ўз қизимга қолдиргани қарз олдим.
Энг ширин, энг аччиқ ва мукаммал –
Онам сепимга бир сандиқ сўз солди!

Кумуш Абдусаломова,
Қуйи Чирчиқ тумани.

Yoshlar kundaligi

#ona_tilim_faxrim

“Ўзбекистон халқаро анжуманлар саройида айни дамда бўлиб ўтаетган байрам тадбиридан лавҳа.

👉@azamatkamal81👈

​#Мулоҳаза

ҚАДРИНГ УЧУН ЙИҒЛАЙМАН, ТИЛИМ...

Тил байрами фақат мактаб ва расмий идораларда эмас, кўчаларда байрам қилинса яхши бўларди, шахсий фикрим...

Секин туман марказидан пиёда кетдим. Ғирт ўзбеклар яшайдиган туманда йўл-йўлакай ранг-баранг ёзувлар тизими бошланди: Само Мойка, Сантехника, Салон Кросаты, Оргтехника, Ремонт телефонов, Знайка, Умничка, Круглосуточная Аптека, Развал Шины, Вулканизация для авто, Техосморт, Мы открылысь...

Йиғлаб юбормаслик учун пешеходдан э узр, пиёдалар йўлагидан ўтсанг, инглизча ёзилган Barbershopлар ёрқин нур сочади, яна бир нималарни ёзишганки, тилинг қийшаяди. Шуми тилга бўлган ҳурмат?! Дўконлар эшигида OPEN, Открыто ёзувли пешлавҳа, шуми тилга ҳурмат?!

Оддий туманчамдан чиқиб шаҳар томонга ўтсам, йўлнинг икки томони рус ва инглизча номланган минг хил ёзувли пешлавҳалар билан тўла, шуми тилга бўлган ҳурмат?! Йиғлаб юборадиган жойи русча сўзни лотин ёзувида ёзиб қўйишлари. Имло хатолари ғиж ғиж. Ким ёзиб беради, ким? Фирмалар, дўконлар номини ким ўйлаб топади, корхонасига қўяётган номни таржимасини биладими, нима деб номланишини, маъноси нима эканлигини?

Бир сартарошхонага Barber Satana (САРТАРОШ ШАЙТОН), яна бирига Diablo (ИБЛИС) деб катта қилиб ёзиб қўйибди, бунисига нима дейсиз? Кимдир борми, буни текшириб, э бунақа бўлмайди дейдиган, йўқ, фақат мактабда, боғчада, кутубхонада, маданият саройида бир кун байрами бўлади, мумтоз қўшиқлар куйланади, 30 йилдан бери ўзгармайдиган сценарий такрорланади ва байрам тамом. Фақат бир кун Тил байрами ва тамом...

ОЧИҒИ, на олий маълумотлиман, на тил бўйича мутахассисман, лекин кўчадаёқ ўз ўрнига эга бўлмаган Тилим учун йиғлагим келади. Анави ҳар бир шаҳарнинг марказига ўрнатилган I ❤ фалончи CITY деган ёзувларни болта билан майда-майда қилгим келади, рости...

Ўзбек тилини ўзимиз ҳурмат қилмас эканмиз, бошқа миллат келиб бизга ўргатиб кетмайди. Абдулла Орипов айтганидек, тўтиқуш бўлиб қолишдан Худо асрасин...

Мансур Хўжаев.

Yoshlar kundaligi

ЁМҒИР

✍Ботиржон ЭРГАШЕВ

🎤Озодбек НАЗАРБЕКОВ

@azamatkamal81

Олтинга тенг сўзлар

➀ Кексаларни узоқ умр кўрганлиги учунгина эмас, ҳаёт синовларига узоқ бардош бергани учун ҳам ҳурмат қилмоқ керак.

➁ Яхшигаям, ёмонгаям бирдек яхши кўринишга уринадиган одам энг хавфли одамдир.

➂ Сартарошни сувоқчи қилиб қўйсангиз, деворга совун кўпиги суртади. Этикдўзни сартарош қилсангиз, одамни бошига мих қоқади...

➃ Эрталаб турганингда, кундузи юрганингда, кечаси ухлаганингда ҳеч қаеринг оғримаса шунинг ўзи бахт!

➄ Дунёда меҳрдан арзон нарса йўқ. Бир оғиз ширин сўз, бир чимдим меҳр кимни ўлдирибди! Биз эса шуни ҳам бир-биримиздан аяймиз..

➅ Мушук ўзи итдан қочиб дарахтга чиқади-ю, яна дарахтдаги қушларга дағ-даға қилади...

➆ Инсоннинг баҳоси бу дунёда ўзи олгани билан эмас, ўзидан қолгани билан белгиланади.

➇ Дарахт бир жойда кўкаради, дейишади. Тўппа-тўғри, бу гап дарахтларга жуда мос тушади. Одамларга эмас!

Ўткир Ҳошимов


👉 @azamatkamal81👈

Рустам Ғоипов бизнинг болалик давримизда роса "юлдуз" бўлган. Унинг қўшиқларини ҳамма эшитар эди, биз яшаётган қишлоққа ёки яқин атрофдаги қишлоқларга тўйга келганини эшитса, 5-6 та қишлоқ наридаги қишлоқ, маҳалалардаги эшитган одам борки, шу тўйга уни кўриш, қўшиқларини эшитишга бораверарди. (бу тўйга таклиф қилинганманми, йўқми деган савол умуман бўлмасди у даврлар.)
Қўшнимиз Алибой аканинг уйига 90 йилларда ўғилларининг суннат тўйига олиб келганда худди шундай ҳолат кузатилган, тўйга келган одамлар пичанхона, ғўзапоя ғарамлари устига чиқиб томоша қилишган.
"Чимкентда бир гўзлар, пайдо бўлибди.
Гўзал қизлар ичинда танҳо экан у..."- дея бошланадиган қўшиғини эшитиб, Чимкентлик қизни бир кўришни хаёл қилиб юрганларимиз ҳам рост.😄
Кейин маълум вақт у саҳналарда, телевидения ва радиоларда умуман кўринмай кетди.
Ҳозир оз-моз кўриниб туради, кўп йиллик танаффусдан кейин адашмасам, 10 йиллар аввал "Халқлар дўстлиги" саройида концерт ҳам берди. Концертига тушиб, унинг қўшиқларини жуда соғинган мухлис сифатида саҳна олдига чиқиб, ўртоғим Улуғбек билан роса рақсга тушгандик.😁
Тан олиш керак, Рустам Ғоипов катта унвонлар, мукофотлар олмаган бўлсада, лекин катта санъаткор, ҳақиқий уста, жонли ижрода куйлайдиган бетакрор истеъдод эгаси сифатида халқимизнинг қалбидан жой эгаллаган. Шунинг учун ҳам унинг санъати, қўшиқларини халқимиз, тўғрироғи ўрта ва катта авлод вакиллари яхши кўришади.
Мана бу қўшиқни ҳам тингланг, ижро, куй, оҳанг тўлиқ ўзига ром этиши шубҳасиз.

👉@azamatkamal👈

Куз, ёмғирли, салқин ҳаво. Осмон тунд, лекин қалблар уйғоқ. Ёмғирпўшсиз сайр. 🌧💦☂️🍁🍁🍁

👉@azamatkamal81👈

Президент Шавкат Мирзиёев ҳудудлар ривожи, аҳоли турмуши билан танишиш мақсадида Қашқадарё вилоятига жўнаб кетди.
—
Президент Шавкат Мирзиёев для ознакомления с ходом развития регионов и жизнью населения отбыл в Кашкадарью.

#Mirziyoyev #safar #Qashqadaryo

Prezident.uz|Facebook|Instagram|YouTube|Twitter