УМР

Кеча - ортингизда қолган яқин йўл,
Кеча - унутилган ташвиш, алам, дард,
Кеча - тарих эди сиёҳлари ҳўл,
Кеча - ҳаммасига қўл силтаган мард.

Бугун - умрингизда бошқа зарварақ,
Бугун - ҳаётингиз бошланар янги.
Бугун - қалбингизда ажиб бир фараҳ,
Бугун - дилингизда туйғулар жангги.

Эрта - уйғонолсак бошлангувчи кун,
Эрта - бу ранглари номаълум бир нур,
Эрта - дастрўмолга тугулган тугун,
Эрта - етганларнинг куни бошланур.

Индин - қўл етмаган шохдаги мева,
Индин - тақвимларда ёзилмаган кун.
Индин - таржимаси номаълум шева,
Индин -  узун дарё, кўприги бир кун.

Кеча - ҳаммасидан ризолик бахти,
Бугун - барчасидан умидвор кўнгил.
Эрта - яратганнинг туҳфаси, аҳди,
Индин - адирларга чўзилган ўнгир.


Ўлмасбек Самарқандий.

👉@azamatkamal81👈

DARSDAN SO‘NG

"...Uvvos fig‘on tutdi qishloqni tongda,
Zamin aza ochdi, zamon yig‘ladi.
Daftar topshirmagan yetti o‘quvchi
Hammadan ham yomon yig‘ladi."

Matnazar Abdulhakim

#Устозга_эҳтиром

#анонс

Бугун соат 19:00да Севимли канали “Эслаб, эслаб…” кўрсатувини кўринглар.
Ўзбекистон Қаҳрамони, Ўзбекистон халқ шоири Абдулла Ориповни хотирлаймиз.

👉@azamatkamal81👈

Президент Шавкат Мирзиёев Эрон халқига ҳамдардлик билдирди

Prezident.uz|Facebook|Instagram|YouTube|X

Эрталаб бир майдон пиёда юрдим,
Ёлғиз, жим ўлтирган аёлни кўрдим.

Ўзига яшириниб турар эди у,
Кўнгилдан олисда юрар эди у.

Ҳолин бир сўрмоққа етмас кучларим,
Тонгдан тошиб турар эди сочлари.

Паришон зулфига ҳасрат осилган,
Нигоҳига соғинч муҳри босилган.

Кеча юрагида бир тўфон турган,
Ва бизнинг соҳилга отиб юборган.

Эҳтимол, ҳеч нима бўлмаган содир,
Аммо нигоҳлар ҳам сўйлашга қодир.

Кўрдим — кўзларига исён қамалган,
Кўрдим этикчаси силллиқ ямалган.

Ёнидан сўз демай, жим юриб ўтдим,
Чап елкам, чап юзим ловуллаб кетди...

Уйга чиқиб келдим, дилгир, бесабр,
Ҳали уйғонмабди Сурайё, Собир.

Аёл ошхонада ғимирлаётир,
Кичкинамиз энди қимирлаётир.

Телефонни топиб рақамлар тердим,
Тонгнинг рўйхатида бормикан девдим.

Аммо жавоб йўқдир, ухлаётгандир,
Балки нонуштасин қилаётгандир.

Кўнглида кимлардир бордир эҳтимол,
Эй, дунё, шундай гул пойингда увол...

...Сўнг аёл юзига солдим-ку разм,
Қоши аросинда шубҳакор базм.

Кўзимни деворга, суратга олдим,
Бир тонгда шунча кўп уқубат қолди.

Эрта уйғонишда шундай сир бордир,
Ухлаб ётганларга не фарқи бордир.

Шодмонқул САЛОМ

👉@azamatkamal81👈

#мактаб_қадрияти

✔️ 2023-2024-oʻquv yilida mamlakatimizdagi 10 mingdan ortiq umumtaʼlim maktablarining 11-sinfini 400 minga yaqin oʻquvchilar bitirmoqda.

Bugun ularning har biri qalbida katta orzu va maqsadlari bor. Katta hayotga qadam qoʻyib, oʻz yoʻlini topish niyatida.

📌 Ammo 11 yil davomida jonajon maktabidan olgan mehri va qadrdon ustozlarining saboqlari bir umr ularga yoʻldosh.

Bitiruvchilar bu mehr va qadriyatni uka-singillari — kichik sinf oʻquvchilariga qoldirib ketishadi.

➖ Bu rishta qadriyat sifatida oʻquvchilar orasida doimo saqlanib qoladi.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

​​​​ЎҚУВЧИЛАРИМГА

Болалик дамлари бирам бокира,
Энди бу кунлар ҳам ширин хотира.
Дилни дилга беринг, келинг яқинроқ,
Жўшқинроқ чалинсин, сўнгги қўнғироқ!

Ҳаёт дафтарида очиб турфа ранг,
Ўн бир йиллик умр жилмаяр, қаранг,
Жаранглари етсин, солиб зўр титроқ,
Мавжлироқ чалинсин сўнгги қўнғироқ!

Устозлар илмидан рози бўлинг, сиз,
Ё арбоб, ё ҳоким, қози бўлинг сиз.
Илм қалбингизда сўнмас бир чироқ,
Ўтлироқ чалинсин сўнгги қўнғироқ!

Кимнидир севдингиз, яширманг майли,
Болаларча ишқ ҳам умрнинг зайли.
Ватанни севмоқдан йўқдир улуғроқ,
Кучлироқ чалинсин, сўнгги қўнғироқ!

Табригим - шеър бўлиб чиққан сўзимдай,
Бағримга босаман ўғлим, қизимдай.
Кўзларимда ёшу, қалбимда фироқ,
Ажиброқ чалинсин сўнгги қўнғироқ!

Унутманг, ҳамдарду, ҳамрозларингиз
Сизларни севгувчи устозларингиз.
Соғинсам, бир йўқланг, кетманг кўп йироқ,
Бизни айирмасин сўнгги қўнғироқ!

Болалик дамлари бирам бокира,
Энди бу кунлар ҳам ширин хотира.

Ўлмасбек Самарқандий.

👉@azamatkamal81👈

#сўнгги_қўнғироқ
#юмор

Эртага мактабларимизда жорий ўқув йили якуни бўйича чалинадиган "сўнгги қўнғироқ" тадбирлари минглаб ёшларимизнинг қалбларида ўзгача бир хис-ҳаяжон билан ўтиши шубҳасиз.
Боиси, 11 йил давомида ўз жигарларингдек қадрдон бўлиб қолган синфдош дўстлар билан мустақил ҳаётда, турмушнинг турли йўлларидан кетиш асносидаги қандайдир бир айрилиқни хис қилишмикан ёки бирга қилган шўхлик ва эркаликларнинг поёнига етиб, бахтли, беғубор болалик дамларинг ортда қолаётганлигидан ачинишми, хуллас катта бўлиш, "ўз аравангни ўзинг тортишинг" кераклигини хис қилиш билан боғлиқ кечинмалар ҳам ўтиши бор гап.
Энг асосийси ҳар бир битирувчи келгуси ҳаётда ўз муносиб йўлини топиб, барча орзу-мақсадларига етишларини тилаймиз.
Биз мактабни тамомлаганимизга ҳам 27 йил бўлибди, ҳаммаси худди кечагидек...😌

👉@azamatkamal81👈

Har safar may oyida Jizzaxdagi litseyda o‘qigan yillarim, u yerdagi so‘nggi qo‘ng‘iroq esimga tushadi. Guruh rahbarimiz Zuhra Ziyatovna Yaxshiyevani ko‘rgim kelaveradi. Bu yil niyatimga yetdim – jonajon litseyimga bordim, ustozim bilan ko‘rishdim.

Rosa sog‘ingan ekanman, maza qilib gaplashdik, litseyda o‘qigan yillarimni xotirladik, eski rasmlarni tomosha qildik. Litseyimiz hozir maktabga aylantirilibdi. Qadrdon dargohga kirib, sinfxonalarni aylanib, yana talabalik yillarimga – oltin davrimga qaytib qolganday bo‘ldim. Eng shirin xotiralarim uyg‘ondi.

Hayotda o‘z o‘rnimizni topishga yordam bergan insonlar bilan, ustozlar bilan tez-tez ko‘rishib turish, unutilmas voqealarni eslashib turish kerak ekan. Bu yilgi uchrashuvda shu narsa rosa sezildi.

-

Конец мая всегда на меня навевает воспоминания о лицее в родном Джизаке, о «Последнем звонке», и хочется снова увидеть моего любимого куратора Зухру Зиятовну Яхшиеву. И в этом году мне это удалось.

Мы встретились и тепло пообщались, вспомнили наши лицейские годы, посмотрели архивные фотографии и даже сходили в бывший лицей, который теперь стал школой. Было приятно вернуться в эти стены, полные воспоминаний.

Эта встреча напомнила мне, как важно поддерживать общение с людьми, которые сыграли значимую роль в нашей жизни, и как ценно делиться с ними радостными моментами и переживаниями.

Мамлакатимиз мактабларини битирувчи ўғил-қизларимизга табрик
—
Поздравление выпускникам школ нашей страны

Prezident.uz|Facebook|Instagram|YouTube|X

#хушхабар

✅Давлат раҳбарининг умумий ўрта таълим мактаби битирувчиларига йўллаган табриги, минглаб битирувчи ёшлар сафида бўлган қизим Жамолова Зарнигорнинг отаси сифатида мени ҳам бениҳоя қувонтирди.
⚠️Илоҳим, ҳар бир ўғил-қизларимиз ҳаётда ўз ўрнини топиб, ўйлаган эзгу орзу-мақсадларига етишсин. Юртимизнинг янада тараққий этиши, гуллаб-яшнаши учун муносиб ҳисса қўшадиган инсонлар бўлиб етишишсин.
✍️Бугунги кун ёшлари ҳақиқатдан ҳам энг бахтиёр ёшлар, уларга ҳавасим келади.

👉@azamatkamal81👈

#сўнгги_қўнғироқ

25 май. Мактаб даврингда гўеки яна бир ешга улғайганингни билдирадиган (кейинги синфга ўтиш ҳам негадир қувончли бўлган), ўзгача бир хаяжон билан кутадиган кун бўлган бўлса, мактабни тамомлаганингда чалинадиган “сўнгги қўнғироқ” эса мустақил ҳаетга, катта имтиҳонларга қадам қўйишингни билдирадиган бошқача бир хис-туйғу, энди қадрдон синфдошларинг билан ҳар куни бирга бўла олмаслигинг, катталар энди ҳамма шўхликларингни ҳам кўтара олмасликлари, кечирмасликларини билдирадиган эзгин бир хисларни ҳам, шу дамнинг ўзида кечаги кунлар, мактаб даврининг ўзига хос дамлари, шўхликларини қўмсаш, соғиниш, ундан узоқлашишни ҳоҳламаслик каби ўкинч, афсусларни ҳам бирваракайига билдирадиган кун менинг назаримда…
Қолган хотира ва хис-туйғулар қўшиқни тинглаб яна бир бор уйғониши, жонажон мактабни, синфдошларни, ўша сен севиб, севмаслигингни билмайдиган, лекин кўрганда узоқлашиб, кўрмаганда кўргинг келадиган қизни эслатса не ажаб….
Хайр мактабим, хайр шўхлигим…😔

👉@azamatkamal81👈