“СУНЪИЙ ИНТЕЛЛЕКТ” ТЕХНОЛОГИЯЛАРИ ЁРДАМИДА ЭКИН МАЙДОНЛАРИНИНГ ҲОЛАТИ БАҲОЛАНАДИ

Ахборот технологиялари ва коммуникацияларини ривожлантириш вазирлигининг хабарига кўра, Андижон вилоятида лойиҳа доирасида 6 та майдон танлаб олиниб, «Монтерра» онлайн платформасига жойлаштирилди. Платформа орқали қишлоқ хўжалиги ерларини сунъий йўлдошлардан фойдаланган ҳолда, хариталарнинг турли хил мураккабликларини яратиш учун ернинг муайян ҳудудларини тасвирдан ўтказилади ва улар кейинчалик ҳосилдорликни таҳлил қилиш учун тизимда сақланади.

Лойиҳанинг асосий устунликлари:
🔸қишлоқ хўжалиги соҳасида тарихий тасвирларни йиллар кесимида тахлил қилиш;
🔸олинган тасвирларнинг маълумотларини солиштириш;
🔸топографик ва кадастр хариталарини яратиш;
🔸қишлоқ хўжалиги майдонлари рельефини таҳлил қилиш;
🔸пахта ва ғалла ўсиш жараёнларини (вегетация) даврида онлайн кузатиш имкониятига эга бўлади;
🔸ер майдонларида экилган экинларнинг тури ва ҳолати ҳақида маълумотларни тўплайди.

Каналга уланиш 👇🏻👇🏻👇🏻
https://t.iss.one/axborotnoma_jurnali

ПРЕЗИДЕНТ: БЕПАРВОЛИК ПАНДЕМИЯГА ҚАРШИ БАРЧА ИШЛАРИМИЗ НАТИЖАСИНИ ЙЎҚҚА ЧИҚАРИШИ МУМКИН

Давлатимиз раҳбари бугун инвестиция масалалари муҳокамасига доир видеоселектор йиғилиши аввалида мамлакатимизда коронавирус пандемиясига қарши кураш борасида амалга оширилаётган ишлар ҳақида алоҳида тўхталиб ўтди.

Жумладан, Президент:
“– Кейинги кунларда коронавирус билан касалланганлар сони республикамизда ҳам кўпайганлиги қайд этилмоқда.

Айтиш керакки, аксарият ҳудуд ва корхона раҳбарлари, фуқароларимиз карантин чораларининг юмшатилганини “касаллик тугади” деб, нотўғри қабул қилмоқдалар.

Фуқароларимиз қайтиб келаётган давлатлар ҳамда қўшни мамлакатлардаги вазиятнинг оғирлигини ҳисобга олиб, хотиржамликка берилиш мумкин эмас.” - деди.

Республика комиссиясига вилоят ҳокимлари билан бирга бир кун муддатда эпидемиологик вазият ёмонлашган ҳудудларнинг тоифасини қайта кўриб чиқиш ва карантин чораларини кучайтириш бўйича таклиф киритиш топшириғи берилди.

Каналга уланиш 👇🏻👇🏻👇🏻
https://t.iss.one/axborotnoma_jurnali

ИНВЕСТИЦИЯ ДАСТУРИНИНГ ИЖРОСИ ТАҲЛИЛ ҚИЛИНДИ

Давлатимиз раҳбари раислигида бугун инвестиция масалалари бўйича ўтказилган видеоселектор йиғилишида Инвестиция дастурининг жорий йил дастлабки тўрт ойидаги ижроси таҳлил қилиниб, прогноз кўрсаткичларини сўзсиз бажариш, жумладан, йирик ишлаб чиқариш қувватлари, ижтимоий ва инфратузилма объектларини фойдаланишга топшириш чора-тадбирлари муҳокама этилди.

– Ҳар бир лойиҳани амалга оширишдан олдин ушбу объект ҳудуд ривожига ҳамоҳангми, бундан аҳолига наф борми, қанча одам иш билан таъминланади, деган саволларга жавоб топиш шарт, – деди йиғилишда давлат раҳбари.

Инвестиция дастурида бу йил 206 та йирик лойиҳа ишга туширилиши керак. Улардан 39 тасида муддатдан кечикиш хавфи бор. Бу лойиҳаларнинг асосий қисми энергетика, тўқимачилик, электр техникаси, транспорт тармоқлари ҳамда Навоий, Наманган, Сирдарё ва Фарғона вилоятларига тўғри келади.

Каналга уланиш 👇🏻👇🏻👇🏻
https://t.iss.one/axborotnoma_jurnali

Бугун, 26 май куни Ўзбекистон Республикаси Президенти Шавкат Мирзиёев раислигида ўтказилган видеоселектор йиғилиши ҳақида «OʻZBEKISTON24» телеканали томонидан «AXBOROT24» кўрсатувида эфирга берилган тўлиқ лавҳа.

Каналга уланиш 👇🏻👇🏻👇🏻
https://t.iss.one/axborotnoma_jurnali

Тошкент вилоятида ерларнинг ноқонуний ўзлаштирилишини олди олиш бўйича «OʻZBEKISTON24» телеканали томонидан «AXBOROT24» кўрсатувида бугун эфирга берилган лавҳа.

Каналга уланиш 👇🏻👇🏻👇🏻
https://t.iss.one/axborotnoma_jurnali

Давлатимиз раҳбари бугун, 27 май куни туризм ва давлат активларини хусусийлаштириш соҳаларидаги лойиҳалар тақдимоти билан танишди.

Тақдимотда давлат активларини хусусийлаштириш, бўш турган объектлар ва ер майдонларини аниқлаш ҳамда улардан самарали фойдаланиш, давлат иштирокидаги корхоналарда корпоратив бошқарувни жорий этишга доир режалар ҳақида маълумот берилди.

Президентимиз соҳадаги ишларни давом эттириб, яна 1400 га яқин давлат активларини хусусий инвесторларга беришни тезлаштириш зарурлигини таъкидлади. Вазирлар Маҳкамасига хусусийлаштириш дастурини тасдиқлаш вазифаси қўйилди.

Давлат активларини бошқариш агентлигига тармоқ раҳбарлари билан бирга самарасиз ишлаётган 711 та корхонани тугатиш, 262 та корхонани қайта ташкил этиш, шунингдек, 500 дан зиёд бозорларни хусусийлаштириш бўйича топшириқ берилди. Давлат ихтиёрида сақлаб қолинадиган корхоналарни бошқариш ва ислоҳ қилиш бўйича янги тизим жорий этиш муҳимлиги қайд этилди.

Каналга уланиш 👇🏻👇🏻👇🏻
https://t.iss.one/axborotnoma_jurnali

Ўзбекистон Республикаси Президенти Шавкат Мирзиёев бугун, 28 май куни иқтисодиётда рақобат муҳитини таъминлаш ва истеъмолчилар ҳуқуқини ҳимоя қилиш борасидаги устувор вазифалар муҳокамасига бағишланган йиғилиш ўтказди.

Давлатимиз раҳбари Ўзбекистон бозор иқтисодиётига қатъий ўтиши жараёнида рақобат масаласи принципиал аҳамиятга эга эканини таъкидлади.

"– Қачон рақобатга тайёр бўламиз? Соҳа ва тармоқларимиз тайёр бўлса. Соҳалар қачон тайёр бўлади? Мутахассислар бўлса. Энг заиф жойимиз: малакали мутахассислар етишмайди, технология йўқ, стандартлар йўқ. Шунинг учун бу соҳани деярли бошидан бошлашимиз керак", – деди Президент.

Каналга уланиш 👇🏻👇🏻👇🏻
https://t.iss.one/axborotnoma_jurnali

Бугун соат 23:00 ҳолатига Ўзбекистонда коронавирус инфекцияси қайд этилганлар сони 3444 нафарни ташкил этмоқда. Шундан:

✴️ Даволанаётганлар: 736 нафар (21,4%)

✅ Соғайганлар: 2694 нафар (78,2%)

*️⃣ Вафот этганлар: 14 нафар (0,4%)

Каналга уланиш 👇🏻👇🏻👇🏻
https://t.iss.one/axborotnoma_jurnali

“ИННОВАЦИОН ТЕХНОПАРК” ВА КОНСУЛЬТАТИВ МАРКАЗ (EXTENSION CENTER) ТАШКИЛ ҚИЛИШ ТАКЛИФ ЭТИЛМОҚДА

Давергеодезкадастр қўмитаси томонидан “Ер ресурсларидан самарали фойдаланиш, тупроқ унумдорлигини сақлаш, қайта тиклаш ва ошириш юзасидан қўшимча чора-тадбирлар тўғрисида” Ўзбекистон Республикаси Президентининг қарори лойиҳаси (ID-18232) муҳокамага қўйилди.

Ҳужжат лойиҳасига кўра,

🔸“Ўзбекистон Республикасида 2030 йилгача давр мобайнида суғориладиган ва лалмикор ерлар ҳамда яйлов ҳудудлари тупроқларининг унумдорлигини сақлаш, қайта тиклаш ва ошириш концепцияси”ни;

🔸Мазкур концепциясида белгиланган вазифаларни амалга ошириш бўйича “Мақсадли дастур”ни тасдиқлаш кўзда тутилган.

Тупроқшунослик ва агрокимё илмий-тадқиқот институтини Ўзбекистон тупроқ қопламларининг хилма-хиллиги ва трансформациясини ўрганиш, тупроқларнинг физикавий, кимёвий, агрокимёвий ва мелиоратив-экологик ҳолати аниқлаш ҳамда унумдорлик даражасини баҳолаш, турли масштабли тупроқ карталари ва картограммаларини тузиш, тупроқ мониторингини юритиш, тупроқ эрозияси ва деградациясининг олдини олиш, турли тупроқ-иқлим шароитларига мос ҳолда қишлоқ хўжалик экинларига органик, минерал ва ноанъанавий ўғитлар қўллашнинг мақбул меъёр ва муддатларини ишлаб чиқиш бўйича масъул давлат илмий муассасаси сифатида белгиланмоқда.

Ҳужжатда шунингдек, Институт фаолиятини тубдан такомиллаштириш чора-тадбирлар режаси, унинг янгиланган тузилмаси, Қорақалпоғистон Республикаси ва вилоятларда ташкил этиладиган бўлинмалари тасдиқланиши кўзда тутилган.

Давергеодезкадастр қўмитаси томонидан:

🔸жорий йил якунига қадар мавжуд хариталардан фойдаланган ҳолда барча ерларни, шу жумладан, қишлоқ хўжалиги ерларининг дала-контурлари, чегараси, майдони ва ер тури тўғрисидаги электрон маълумотлар базаси яратилади ва уни 2021 йил якунига қадар тўлиқ янгиланади;

🔸икки ой муддатда Экология ва атроф-муҳитни муҳофаза қилиш давлат қўмитаси, Фанлар Академияси билан биргаликда жаҳон тажрибаларини ўрганган ҳолда тупроқларни экологик баҳолаш бўйича йўриқнома ишлаб чиқилади.

Шунингдек, Давергеодезкадастр қўмитаси Инновацион ривожланиш вазирлиги билан биргаликда ҳужжат лойиҳасига кўра, ер ресурсларидан самарали фойдаланишга қаратилган замонавий технологияларни ишлаб чиқиш учун Тупроқшунослик ва агрокимё илмий-тадқиқот институтида “Инновацион технопарк” ва консультатив марказ (Extension center) ташкил қилиши кўзда тутилган.

Муҳокамаси 11 июнга қадар давом этадиган мазкур ҳужжат лойиҳаси билан ушбу ҳавола орқали танишишингиз мумкин.

Каналга уланиш 👇🏻👇🏻👇🏻
https://t.iss.one/axborotnoma_jurnali

Қорақалпоғистон Республикаси Ер ресурслари ва давлат кадастри бошқармаси бошлиғи ЯКУБОВ АЛИШЕР ДЖАЛГАСОВИЧ Қорақалпоғистон Республикаси Қишлоқ хўжалиги вазири этиб тайинланди.

Каналга уланиш 👇🏻👇🏻👇🏻
https://t.iss.one/axborotnoma_jurnali

ЭНДИЛИКДА СОҲАДА КОМПЬЮТЕР ВА ОРГТЕХНИКАЛАР ҲАРИД ҚИЛИНИШИДА УЛАРНИНГ ТЕХНИК КЎРСАТГИЧЛАРИ “ГЕОИНФОКОМ” ДУК БИЛАН МАЖБУРИЙ КЕЛИШИЛАДИ

Давергеодезкадастр қўмитаси томонидан кеча “Қўмита тизими корхона ва ташкилотларининг бақарорлигини таъмилаш ва харажатларини мақбуллаштириш ҳақида"ги (28.05.2020й., 241-01-сон) буйруғи қабул қилинди. Унга кўра:

Давергеодезкадастр қўмитасининг ҳудудий бошқармалари, Ермулккадастр корхоналари, шунингдек, қўмита тизимига кирувчи корхона ва ташкилотларга:

🔸Ўзбекистон Республикаси Президентининг 2020 йил 15 апрелдаги ПҚ-4679-сон қарор талабларига мувофиқ корхона ва ташкилотларнинг маблағлари ҳисобидан асосий воситаларни харид қилиш, капитал қурилиш, реконструкция ва жорий таъмирлаш ишларини жорий йил охиригача тўхтатиб туриш, лекин ушбу йўналишдаги харажатлар жуда зарур бўлганда фақат қўмитанинг ёзма розилиги асосида амалга ошириш;

🔸асосий воситаларни харид қилишда “Давлат харидлари тўғрисида”ги Ўзбекистон Республикаси Қонуни талабларига катъий риоя қилиш;

🔸компьютер ва оргтехникаларни ҳарид қилишда уларнинг техник кўрсатгичларини қўмита орқали тизимдаги “Геоинфоком” ДУК билан мажбурий келишиш вазифалари юклатилди.

Иқтисодий таҳлил ва бухгалтерия ҳисоби бошқармасига Ишлар бошқармаси билан биргаликда мазкур буйруқ талаблари бажарилишини доимий мониторингини олиб бориш ва амал қилмаслик ҳолатлари аникланган такдирда, масъул раҳбарларга нисбатан уларни эгаллаб турган лавозимидан озод этишга қадар бўлган жавобгарлик таъсир чораларини кўриш юзасидан таклифларни киритиб борилишини таъминлаш топширилди.

Каналга уланиш 👇🏻👇🏻👇🏻
https://t.iss.one/axborotnoma_jurnali

ҚОЗОҒИСТОННИНГ АҚТЎБЕ ХОКИМИ ВАҚТИНЧА “НОГИРОНЛИК”НИ ХИС ҚИЛДИ

Rikatv.kz хабарига кўра, 27 май куни Қозоғистоннинг Ақтўбе шаҳри ҳокими Асхат Шахаров ногиронлар аравачасига миниб, шаҳардаги йўллар ва йўлакларни шахсан текшириб кўрди. Маълум бўлишича, ногиронларнинг ҳаракати учун йўллар ва йўлакларнинг аксарияти мослаштирилмаган. Бир неча метрдан кейин маълум жойга этиб бориш учун ногиронларнинг кўп кучи ва кўп вақти сарфланиши, ҳаттоки ташқи ёрдамсиз буни уддалаш қийинлиги аниқ бўлди.

Бугунги кунда Ақтўбе шаҳрида 13 мингга яқин ногиронлар яшайди, уларнинг 2 мингдан ортиғи 16 ёшгача бўлган болалардир. Бундай текширувлардан сўнг, ҳоким ногиронлар аравачасидаги инсонларнинг ҳаётини ҳақиқатан ҳам, ҳеч бўлмаганда шаҳар бўйлаб эркин ҳаракатланишда осонлашишига ишонч билдирди.

Манба: Rikatv.kz

Каналга уланиш 👇🏻👇🏻👇🏻
https://t.iss.one/axborotnoma_jurnali

SpaceX – парвозга иккинчи уриниш

Тошкент вақти билан ҳозир соат 00:22 да "SpaceX" компанияси космосга икки фазогирни учиришга яна бир бор уриниб кўради. Хабардор бўлган бўлсангиз, жорий йил 27 май куни об-ҳаво ноқулай келгани учун парвоз бугунги шу вақтга қолдирилган эди.

Парвозни онлайн трансляция орқали ушбу ҳавола орқали кузатишингиз мумкин. Айни дамда трансляцияни интернет орқали 3 миллиондан зиёд кузатувчилар кузатмоқда.

Агар парвоз мувофақиятли ўтса, бу тарихий воқеа бўлади. Негаки, инсоният илк бор космосга одамзотнинг хусусий - "SpaceX" компанияси томонидан учирилишига гувоҳ бўлади. Тарихда бунақаси бўлмаган.

Каналга уланиш 👇🏻👇🏻👇🏻
https://t.iss.one/axborotnoma_jurnali

SpaceX компаниясининг “Crew Dragon” космик кемаси фазога мувоффақиятли кўтарилди

Тошкент вақти билан соат 00:22 да "SpaceX" компанияси фазога "Crew Dragon" кемасида икки фазогирни учирди. Мўлжал - Халқаро космик станция билан тўқнашиб, унга фазогирларни етказиш. Бунинг учун хали бир неча соат парвоз вақти бор.

Каналга уланиш 👇🏻👇🏻👇🏻
https://t.iss.one/axborotnoma_jurnali