Prezidentimizning Rossiya Federatsiyasi Tatariston Respublikasiga davlat tashrifi davomida ko‘plab yo‘nalishlar qatori ta’lim sohasida ham hamkorlik kelishuvlariga erishildi. Shuningdek, Surxondaryo viloyati hokimi boshchiligidagi delegatsiyaning Tataristonga hamda Tatariston delegatsiyasining viloyatimizga tashrifida ham maktabgacha va maktab ta’limi sohasida loyihalarni amalga oshirishga kelishib olingan edi.

Ushbu kelishuvlar doirasida o‘tgan hafta viloyatimizning ta’lim sohasi mutasaddilari, direktorlar hamda malakali o‘qituvchilardan iborat delegatsiya Tatariston Respublikasida bo‘lib qaytdi.

Delegatsiya a’zolari Yelabuga shahridagi “Alabuga” maxsus iqtisodiy zonasida bo‘lib, bu yerda yaratilgan imkoniyatlar, taqdim etilayotgan imtiyozlar bilan tanishishdi.

“Alabuga Politex” o‘quv markazining ilg‘or tajribalarini o‘rganish chog‘ida ta’lim sifati va mashg‘ulotlar samaradorligi, yoshlarning bilim va ko‘nikmalarini rivojlantirish, kasbga yo‘naltirish va bandligini ta’minlash masalalarida fikr almashilib, o‘zaro manfaatli kelishuvlarga erishildi.

#Surxondaryo #Tatariston #talim #alabuga

Telegram | Facebook | Instagram | YouTube | Web-site | Twitter