Prezidentimiz huzurida kuni-kecha o‘tkazilgan yig‘ilishda berilgan topshiriqlar ijrosini ta’minlash, mahallalarda aholi daromadini oshirish va kambag‘allikni qisqartirish chora-tadbirlarini belgilash maqsadida Surxondaryo viloyati hokimi Ulug‘bek Qosimov Jarqo‘rg‘on tumani “Qorayontoq” mahallasida bo‘ldi.

Mutasaddilar bilan mavjud muammolar muhokama qilinib, tegishli chora-tadbirlar belgilandi. Xonadonlarda bo‘linib, aholi bilan muloqot qilindi va aniqlangan muammolarni bartaraf etish, yangi imkoniyatlarni ishga solish, aholining tomorqadan samarali foydalanish tajribasini oshirish, bozorbop, daromadli oziq-ovqat ekinlari ekish, oilaviy tadbirkorlikni qo‘llab-quvvatlash vazifalari topshirildi.

Viloyat rahbari Termiz tumani “Bunyodkor” mahallasida ham bo‘lib, 4,5 gektar maydonda tashkil etilgan issiqxona kompleksi bilan tanishdi. “Yoshlar kelajagimiz” jamg‘armasidan olingan imtiyozli kredit asosida tashkil etilgan issiqxona va “Yoshlar mehnat guzari” imkoniyatlarini to‘liq ishga solish hamda yoshlar bandligini ta’minlash bo‘yicha ko‘rsatmalar berildi.

Batafsil: https://surxondaryo.uz/blog/1919

#Surxondaryo #aholibandligi #kamabagallikniqisqartirish #ishorinlari #aholidaromadlari

Telegram | Facebook | Instagram | YouTube | Web-site | Twitter