Fransiya kompaniyasi bilan turizm loyihalarini amalga oshirish masalasi muhokama qilindi

Bugun Surxondaryo viloyati hokimi Ulug‘bek Qosimov Fransiyaning MND kompaniyasi Osiyo, Turkiya va Bolqon mintaqalari bo‘yicha koordinatori Orxan Shirinni qabul qildi. Kompaniya dor va kanat yo‘li, osma ko‘priklar qurish bilan shug‘ullanadi va dunyo bo‘ylab ko‘plab loyihalarni amalga oshirgan.

Uchrashuvda vohamizning ekoturizm salohiyati, ekstremal turizmdagi ishga solinmagan imkoniyatlar, yo‘lga qo‘yilishi rejalashtirilgan loyihalar yuzasidan ma’lumot berildi. Mehmonlar viloyatimizning tog‘li hududlari, jumladan, Sariosiyo va Boysunning tog‘li hududlarida dor va kanat yo‘li qurish loyihalarini amalga oshirish taklifini bildirishdi. Kompaniya tomonidan amalga oshirilgan loyihalar, qurilgan dor yo‘llari, osma ko‘priklar taqdimot qilindi.

Uchrashuv yakunida taklif etilgan loyihalarni tomonlarning mutaxassislari ishtirokida joyida ko‘rib chiqish, uning texnik va iqtisodiy tomonlarini puxta ishlab chiqishga kelishildi.

#Surxondaryo #Fransiya #MND #muzokara

Telegram | Facebook | Instagram | YouTube | Web-site | X