Daniya va Eron investorlari bilan uchrashuv o‘tkazildi

Bugun Surxondaryo viloyati hokimi Ulug‘bek Qosimov Daniya qirolligining “Depa Commerce and Consult” Ltd kompaniyasi direktori Nik Kianzad hamda Eron Islom Respublikasining “Ashkina Bino Group” kompaniyasi direktori Madina Kianzadni qabul qildi. Shuningdek, uchrashuvda O‘zbekiston-Xitoy biznes assotsiatsiyasi rahbari Baxtiyor Muhammadiyev ham ishtirok etdi.

Muzokaralarda vohamizda “Depa Commerce and Consult” Ltd kompaniyasi bilan quyosh elektrostanitsiyasi qurish, chiqindini qayta ishlash orqali 25 turdagi mahsulotlar, havodan ichimlik suvi va sug‘orish suvi olish texnologiyalari ishlab chiqarish, avtobuslar keltirish hamda gaz va neft qazib olish, shuningdek, “Ashkina Bino Group” kompaniyasi bilan organik mineral o‘g‘itlar ishlab chiqarishni tashkil etish loyihasini amalga oshirish masalalari muhokama qilindi.

Viloyat rahbari investorlar bilan istiqbolli loyihalarni amalga oshirishdan ikki tomon ham manfaatdor bo‘lishini ta’kidlab, loyihalarni amalga oshirishning texnik va iqtisodiy tomonlarini kompaniyalarning mutaxassislari bilan ishlab chiqish bo‘yicha mutasaddilarga ko‘rsatmalar berdi.

#Surxondaryo #Daniya #Eron #muzokara

Telegram | Facebook | Instagram | YouTube | Web-site | X