Viloyat hokimi Ulug‘bek Qosimov vohamizga tashrif buyurgan Vengriya elchisining xalqaro iqtisodiy aloqalar bo‘yicha maslahatchisi Yanosh Vanik hamda “HUNBAS” kompaniyasi direktori Jozef Kovachni qabul qildi.

Surxondaryo viloyati bilan Vengriyaning Chongrad-Chanad viloyati bilan hududlararo o‘zaro hamkorlikni yo‘lga qo‘yish, Vengriyaning baliq yetishtirishdagi ilg‘or tajribasini jalb qilgan holda loyihalarni amalga oshirish bo‘yicha kelishuvlarga erishildi.

Batafsil: surxondaryo.uz/blog/1797

#Surxondaryo #Vengriya #HUNBAS #Chongrad #hamkorlik

Telegram | Facebook | Instagram | YouTube | Web-site | Twitter

Bugun Surxondaryo viloyati hokimi Ulug‘bek Qosimov Vengriyaning “Agrometal” kompaniyasining O‘zbekistondagi vakolatxonasi rahbari Oleg Volovikni qabul qildi. Shuningdek, uchrashuvda “Agro Processing Group” MChJ ta’sischisi Ramazon Po‘latov ham ishtirok etdi.

Uchrashuvda Vengriya kompaniyasi tomonidan Surxondaryoda qator loyihalarni amalga oshirish takliflari bildirildi. Xususan, Arundo (Gigant qamish) o‘simligini yetishtirish, undan yoqilg‘i, chorva mollariga ozuqa hamda cho‘llanishlarni oldini olish maqsadlarida foydalanish, echki junini qayta ishlash, granulalar ishlab chiqarish, qishloq xo‘jaligida foydalaniladigan suvlarni tozalash hamda cho‘l o‘simliklarini ekish loyihalari ko‘rib chiqildi.

Bundan tashqari, Muzrabot tumanida kompaniya bilan hamkorlikda “Pomir agro klaster” MChJ tomonidan qurilayotgan sut mahsulotlarini qayta ishlash loyihasini amalga oshirish bo‘yicha olib borilayotgan ishlar ham muhokama qilindi.

Viloyat rahbari muhokama yakunida bildirilgan takliflarni qo‘llab-quvvatlab, mas’ullarga kompaniya bilan hamkorlikda ishlarni boshlash bo‘yicha ko‘rsatma berdi.

#Surxondaryo #Vengriya #muzokara

Telegram | Facebook | Instagram | YouTube | Web-site | X

Bugun Surxondaryo viloyati hokimi Ulug‘bek Qosimov Vengriya tashqi ishlar va savdo vazirligining vakili Soboslai Zoltan boshchiligidagi delegatsiyani qabul qildi. Uchrashuvda keyingi yillarda O‘zbekiston va Vengriya davlatlarining o‘zaro hamkorlik aloqalari yangi bosqichda davom etayotganligi ta’kidlandi.

Shuningdek, Vengriya kompaniyalari bilan Surxondaryoda amalga oshiriladigan loyihalar, kelgusidagi hamkorlik istiqbollari muhokama qilindi. Mehmonlarga vohamizning investision salohiyati, ishga solinmagan imkoniyatlari haqida ma’lumot berildi. Muzokaralar yakunida o‘zaro hamkorlik aloqalarini rivojlantirish, yangi loyihalarni ishlab chiqish, xususan, 5 ming boshli chorvachilik kompleksi, go‘sht va sut mahsulotlarini qayta ishlash hamda bolalar ozuqasi ishlab chiqarish loyihalarini amalga oshirish bo‘yicha kelishuvlarga erishildi.

Ikki kunlik tashrif bilan kelgan delegatsiya vohamizning diqqatga sazovor joylariga tashrif buyurishi hamda Xalqaro erkin savdo markazi, chorvachilik va qurilish materiallari ishlab chiqarish korxonalari faoliyati tanishishi ko‘zda tutilgan.

#Surxondaryo #Vengriya #qabul #kelishuv

Telegram | Facebook | Instagram | YouTube | Web-site | X

Bugun Surxondaryo viloyati hokimi Ulug‘bek Qosimov Vengriya tashqi ishlar va savdo vazirligining vakili Soboslai Zoltan boshchiligidagi delegatsiyani qabul qildi. Uchrashuvda tomonlarning hamkorlikda loyihalarni amalga oshiruvchi kompaniyalari mutasaddilari ham ishtirok etishdi.

Muzokaralar davomida avvalgi uchrashuvlarda erishilgan kelishuvlarga asosan Vengriya kompaniyalarining “Surxon sanoat qurilish” kompaniyasi bilan 5 ming boshli chorvachilik kompleksini tashkil etish hamda “Agro proccessing group” MChJ bilan bolalar ozuqasi ishlab chiqarish korxonasi faoliyatini yo‘lga qo‘yish bo‘yicha boshlangan loyihalar muhokama qilindi.

Uchrashuv yakunida ushbu loyihalarni O‘zbekiston va Vengriya davlati qonunchiligiga asosan qo‘llab-quvvatlash bo‘yicha memorandum imzolandi.

#Surxondaryo #Vengriya #hamkorlik #muzokaralar #kelishuvlar

Telegram | Facebook | Instagram | YouTube | Web-site | X